【Asia Miles 里數加現金】點先抵?分享兌換Tips 國泰航空官網直接預訂機票 活用里數選擇心儀航班同時賺取里數!

Asia Miles 里數加現金 兌換機票

【Asia Miles 里數加現金】點先抵?分享兌換Tips 國泰航空官網直接預訂機票 活用里數選擇心儀航班同時賺取里數!

3月中果時有同大家分享過Asia Miles將會推出里數加現金新玩法,話咁快又到咗3月30日正式推出。我就去國泰官網到即刻試下係點玩法,試咗幾個唔同組合得出嚟既結果都好唔同,下文再同大家分享下。

新加呢個Miles Plus Cash有幾點想提返先
  1. 現時係多咗Miles Plus Cash呢個抵銷機票價格既方式,但仍然保留以全Asia Miles兌換機票的標準賞,只係本身相對較貴既靈活賞同隨心賞無咗,啫係話如果有機位的話,仍然可以20,000里數兌換來回東京經濟客位
  2. 先唔講Miles Plus Cash貴定平,呢加係多咗途徑使用Asia Miles,有里數就到期又或者餘下里數唔夠換一張標準賞的話,只要有5,000 Asia Miles都可以用里數加現金呢個方法嚟用咗佢
  3. 里數加現金既性質上係以國泰官網機票價錢,再用Asia Miles用作抵銷票價所需款項,正因如此即使係用里數加現金都仲可以儲到張機票所得既里數,同埋Marco Polo Club會籍積分,同用全Asia Miles兌換機票的標準賞嚟講係兩樣嘢嚟
  4. 我試玩咗里數加現金既兌換係隨住唔同日子,唔同Class或人數,里數加現金抵銷票價的兌換比率都會唔同
  5. 如果標準賞有足夠位兌換而又有你心水時間,相信一般嚟講都係用返Asia Miles標準賞換會抵啲,如果里數就到期而標準賞又搵唔到心水時間,用里數加現金都不失為方法之一

總括嚟講以後揸住里數要換機票就簡單又靈活方便得多啦,係旺季或者一家人出發唔洗再擔心兌換機位唔夠換唔到機票,你仲可以選擇用里數加現金嚟用兌換!用呢個方式訂機票的話同仲可以賺到里數同埋Marco Polo Club會員可以儲到Club points添啊!同你用錢買張機票一模一樣,只係你可以用里數嚟抵銷機票價錢,里數更多出路!

過去一年啲里數儲儲埋埋又無得飛,相信大家成手里數等住用,呢加配合埋個新「里數加現金」玩法就啱晒喇!

國泰Miles Plus Cash換機票詳情

  • 開始日期:2021年3月30日起
  • 國泰航空網站預訂機票時,透過全新的「里數加現金」付款方式購買機票
  • 預訂機票可同時賺取里數和會籍積分
  • 每次預訂最少使用5,000里數,並無使用上限
  • 無最低現金付款要求
  • ***「亞洲萬里通」將於同日取消「靈活賞」「隨心賞」飛行獎勵。
  • 官網詳情:https://bit.ly/38HThoy

國泰Miles Plus Cash兌換方法及Tips

要用Miles Plus Cash呢個方法買機票好簡單,只要好似平時你去國泰官網search機票咁,去返 cathaypacific.com 到登入再去search你想要既航班到,入好乘客資料後到付款頁面到就會有得選擇用里數加現金。

miles plus cash 用法

係選擇付款方式下面有粒制可以選擇用返「里數加現金」

我試玩咗里數加現金唔同組合,暫時睇到有以下tips:

  • 人數:購買二人或以上機票,如果全部用里數付款,計返每個人所需要嘅里數係會比一個人平
  • 使用的Miles:當你選擇以愈多里數抵銷票價款項,兌換比率就越好
  • 以下用HKG-NRT的來回機票為例子

經濟艙單人來回東京,今年12月1日出發,12月5日返,以全部里數兌換需要53,976里加稅

經濟艙單人來回東京,今年12月1日出發,12月5日返,以全部里數兌換需要53,976里加稅

經濟艙雙人來回東京,今年12月1日出發,12月5日返,以全部里數兌換只係需要90,000 里加稅,平均一個人就要45,000里,叫做慳返啲里數

miles cash hkg nrt double

經濟艙雙人來回東京,今年12月1日出發,12月5日返,以全部里數兌換只係需要90,000 里加稅,平均一個人就要45,000里,叫做慳返啲里數

如果標準賞有足夠位兌換而又有你心水時間,相信一般嚟講都係用返Asia Miles標準賞換會抵啲,如果里數就到期而標準賞又搵唔到心水時間,用里數加現金都不失為方法之一。

國泰Miles Plus Cash換機票常見問題FAQs

我什麼時候可以使用「里數加現金」的付款方式?

答:國泰航空網站會於2021年3月30日推出「里數加現金」的付款方式。

我可以用「里數加現金」買到什麼?

答:只要你在我們的網站預訂機位,便可選擇任何現有航班供應的機位,當中包括指定合作夥伴航空公司的航班。

誰可使用「里數加現金」付款?

答:所有「亞洲萬里通開啟新視窗」或馬可孛羅會會員(賬戶內至少有5,000里數)。

如使用「里數加現金」付款,有沒有最低里數要求?

答:有,選用「里數加現金」方式付款時,你需要使用最少 5,000里數(可使用的里數不設上限)

如使用「里數加現金」付款,有沒有最低現金付款金額要求?

答:沒有,你可以全部使用里數支付機票的費用。但提前預選座位、超額行李收費、燃油附加費、稅項、取消機票及其他費用均必須以現金支付。

里數換機票兌換率會否因應不同航班而有所不同?

答:會。兌換率會因應出發地點、目的地、機票價格、艙位級別、出發日期,或上述任何因素的組合而異。

我是否仍然可以只使用里數來兌換機票?

答:是。你仍可透過 「亞洲萬里通」兌換機票。如果你被列入候補名單或無法兌換機票,可選擇以「里數加現金」付款來預訂機票。

我透過「里數加現金」預訂的機票,也能賺取里數嗎?

答:可以。你透過「里數加現金」預訂的機票,會按照票價規則為你賺取里數。若你使用「亞洲萬里通」或國泰航空的聯營信用卡付款,你使用現金支付的部分同樣可賺取里數。

如使用「里數加現金」預訂機票,會被視作使用里數的活動嗎?

答:會。如果你使用「里數加現金」預訂機票,你的里數期限將獲延長。

我如何更改透過「里數加現金」預訂的機票?

答:你可以透過我們的網站更改預訂,或聯絡顧客服務尋求協助。

如何支付重新預訂機票的費用?

答:任何與更改機票的相關費用必須以現金支付。

若我需要取消以「里數加現金」預訂的機票,退款方面會怎樣處理?

答:有關機票的退款會按照機票的票價規則收取退票手續費。取消手續費、更改預訂費用及已使用的機票價值如在適用的情況下,將先從以現金支付的款項中扣除。任何未付的金額將會根據訂票時的原有兌換率從支付的里數中扣除。

我可以在機場或透過手機使用「里數加現金」預訂機票嗎?

答:不可以。「里數加現金」現時只限於在國泰的網站使用。

我可以為非「亞洲萬里通」兌換名單成員使用「里數加現金」預訂機票嗎?

答:可以。你可以使用「里數加現金」為任何人預訂機票。

💵現金信用卡比較及額外優惠MrMiles.hk/cash

🔥最新Staycation優惠合集MrMiles.hk/staycation

📧想攞特筍offer通知就要訂閱里先生免費電子報喇MrMiles.hk/edm

申請uSMART盈立證券戶口,享買賣美股一世免佣+港股免平台費+送藍籌股票+Bowtie門診醫療福利申請連結

你可能有興趣的文章...