BEA信用卡食肆/海外額外6,250里 共9倍獎分冬日額外獎賞

bea 節日 festival dec extra

BEA信用卡 冬日額外獎賞 食肆/海外 共9倍獎分

東亞還擊啦!HSBC(4/8%)大新(2%)都出咗冬日額外簽賬獎賞,今次就到東亞出招。不過留意東亞成日都玩語言藝術,明明額外得7.4X但廣告就大大隻字寫9X(佢無呃你但唔係個個識睇囉),里先生以下再慢慢拆解條款。呢個優惠要係12月22日至1月1日期間,單一簽賬滿$500蚊食肆/海外簽賬先有9倍(連基本)獎分。里先生計過條數如果用BEA Flyer World Master食夠/海外簽夠$6,757,就拎到額外6,250 Asia Miles!都仲未計埋基本1.6X嘅1,350里添啊!以下再解釋返幾錢幾里同埋個簽賬策略!

東亞信用卡食肆/海外9倍獎分詳情

  • 登記期: 2017年12月15-2018年1月1日
  • 簽賬期: 2017年12月22-2018年1月1日
  • (蝦人唔睇優惠)經東亞指定連結登記→官網活動連結
  • 需要單一簽賬滿$500先有額外,少過呢個數就唔洗特別簽東亞喇!
  • 計返啫係每單簽夠$500食肆/海外就做到$0.89=1里
  • 上限50,000東亞積分(相等於6,250里或$200現金回贈)
  • 注意!唔包括網上簽賬架,需要食肆/海外實地簽
  • 注意!登記期同簽賬期唔同架!

東亞Flyer World Master食肆/海外簽夠$6,757例子所得積分/里數

  • 東亞基本所得里數: $5=1里,$6,757 = 1,351里 ($1 = 1.6分,共$10,811獎分)
  • 東亞9X所得里數: 50,000額外積分 = 6,250里 (BEA積分兌換率 – 8分=1里)
  • 加總會有7,601里,計返啫係$0.89=1里!(如果鐘意現金劵,50,000積分可換2張百佳$100現金劵)

*上限計法(唔想計數可以唔洗理,跟上面做就OK): 正確嚟講9X分係包咗1X基本,0.6X BEA Flyer World。啫係額外其實只係得7.4X。而7.4X bonus上限為50,000積分,啫係簽$6,757就爆(50,000/7.4)

東亞Asia Miles信用卡→ BEA Flyer World申請條件/優缺分析

東亞節日9倍獎分需注意條款

  • 節日獎分將於2018年2月12至15日存入主卡賬戶
  • 合資格海外交易包括:(i)以港元以外貨幣誌賬之香港境外零售簽賬(ii)以「即時外幣兌換」方式結算之港元交易
  • 不合資格海外交易包括現金透支、網上簽賬、籌碼兌換及電話/郵寄購物。

Source … >>於新分頁打開全文 “BEA信用卡食肆/海外額外6,250里 共9倍獎分冬日額外獎賞”

» 按入查看更多...

Asia Miles換酒店 5折里數快閃優惠 | Expedia比較一下抵唔抵

asia miles換酒店 5折

Asia Miles換酒店 5折半價里數快閃優惠 | Expedia比較一下抵唔抵

每到年底Asia Miles總係出好多優惠等我地嗱嗱聲換晒D里數又或是洗多D錢賺里數,啱啱仲做緊Expedia Asia Miles 5倍里數,又有一簽兩賺Miles more ways to earn。 講返今次個優惠,由現時起至24號,6折里數(如有CX AE/SCAM卡5折)可以換到唔同國家嘅酒店or行程。iredeem平時D兌換率都係麻麻,今次叫做唔錯,如果有行程或者里數就快過期可以睇睇用唔用得著。今次會用Expedia(酒店折扣代碼後)嘅價錢去比較一下。

Asia Miles換酒店 5折里數或行程

旅遊日期: 至2018年3月31日

預訂日期: 各個國家不同(看下列)

  • 13/12(三) 澳門
  • 14/12(四) 溫哥華
  • 15/12(五) 首爾
  • 16/12(六) 倫敦
  • 17/12(日) 悉尼
  • 18/12(一) 赫爾辛基
  • 19/12(二) 東京
  • 20/12(三) 紐約
  • 21/12(四) 上海
  • 22/12(五) 大阪
  • 23/12(六) 柏林
  • 24/12(日) 曼谷

優惠詳情→官方網址

Asia Miles換酒店Expedia比較

下筆之日,Asia Miles就做緊換首爾酒店有折,里先生就拎咗Expedia用AE discount code嚟比較一下,重點如下:

>>於新分頁打開全文 “Asia Miles換酒店 5折里數快閃優惠 | Expedia比較一下抵唔抵” » 按入查看更多...

申請Asia Miles最好方法教學 利用推薦人計劃被推薦就有8,000里贏在起跑線上

asia miles 申請入會

申請Asia Miles成為亞洲萬里通被推薦人 一入會就有8,000里教學

如果你咁幸運未申請Asia Miles成為亞洲萬里通會員既話而又睇到呢個Post咁你就真係有福喇!因為Asia Miles岩岩推出左個活動俾你贏在起跑線上未入坑玩Asia Miles就已經送你8,000里,只要你搵個人推薦你成為Asia Miles會員而果個人又咁叻前係2017年10月17日前搵到多4個同你一樣都未係Asia Miles會員既話咁你作為被推薦人就會有8,000里喇!咁當然啦,你果個推薦人咁叻叻梗係都有8,000里獎賞啦!8,000里係咩慨念?啫係半張國泰來回台灣機票啊!再求其申請多兩張信用卡賺迎新真係北海道來回機票都話咁易就儲到啊(北海道需要30,000里)!即使你唔想要飛行里數或者你推薦既親友無儲開Asia Miles,你都可以選擇轉換D Asia Miles為百佳易賞錢Money Back再換做現金卷用架!所以今次Asia Miles都真係叫得上係派錢。

(活動已提早完結,現時所知最好嘅方法係經百佳易賞錢專有連結申請有入會送300里(於第一次轉百佳易賞錢至Asia Miles後送,雖然好少但總好過無啦…)唔洗失望,用返PayMe chok里數,一樣可以無成本儲得好快!

Asia Miles亞洲萬里通推薦人計劃詳情

被推薦人需要做的步驟及注意事項

  1. 經呢條連結LINK成為「亞洲萬里通」Asia Miles會員
  2. 輸入推薦者的個人推薦碼,可以找找你身邊有玩Asia Miles既親友
  3. 成功入會後賺一次里數,推介你去睇里先生個post:trip advisor寫評論
  4. 請注意你要搵到個係10月17日限期前搵到多4個被佢推薦既人,否則你拎唔到8,000里 – 提早於9月28日完 
  5. 如果佢已經推薦左5個人你係第6個你會完全無bonus里數(潛台詞:搵個信得過既人)

申請Asia Miles入會被推薦

推薦人需要做的步驟及注意事項

  1. 睇Email獲取推薦碼,唔記得或者無既去Asia Miles呢條Link到攞返
  2. 教下被推薦人點賺佢第一次里數,最簡單推介佢去睇里先生個post:trip advisor寫評論
  3. 誠實,你真係夠人(or無爆5人)先好叫人入你code啊!

首次申請Asia Miles推薦人計劃需注意條款及細則

  • 額外「亞洲萬里通」里數將於活動結束後6至8星期內存入會員賬戶
  • 參與本推廣之受薦人(”受薦人”)必須為非會員,並於登記入會前的過去6個月內未曾取消或持有任何「亞洲萬里通」會籍
  • 所推薦之受薦人亦於推廣期內完成首次與「亞洲萬里通」夥伴機構之認可交易並賺取里數,認可交易涵蓋9個類別:航空、金融及保險、酒店、電訊、汽車及運輸、零售、餐膳及宴會、旅遊及消閒、專業服務
  • 推廣期間於1) 夥伴機構賺取的額外里數及獎賞里數;2)以美國運通國泰航空公司卡賺取里數; 3)透過銀行迎新禮遇及推廣優惠賺取里數,包括積分兌換推廣; 4) 透過其他銀行產品賺取里數; 5)於「亞洲萬里通」iShop消費賺取里數
  • 每位推薦人及受薦人只可登記並賺取推薦獎賞一次
  • 四個額外里數獎賞級別均沒有關連,每位合資格推薦人及受薦人只可獲享其中一個級別的推薦獎賞。推薦獎賞根據最多首5項成功推薦計算,每位合資格推薦人或受薦人只可享最高額外 8,000 里數
  • 如推薦人及受薦人獲享推薦獎賞涉及任何舞弊及/或欺詐成分(由「亞洲萬里通」全權酌情決定),「亞洲萬里通」有權取消推薦人及受薦人享有推薦獎賞的資格及/或取消推薦人及受薦人「亞洲萬里通」會員資格

官方網址連結: http://m.e.asiamiles.com/webApp/mgm2017_tc

» 按入查看更多...

HSBC Reward+ App 率先登記HSBC Apple store 購買iPhone優惠額外400獎賞錢

hsbc reward app apple iphone

HSBC Reward+ App 率先登記HSBC Apple store 購買iPhone優惠額外400獎賞錢

匯豐信用卡又推新野!今次整咗個新App叫做HSBC Reward+,里先生啱啱測試過都幾好用,以下俾返條link你download同埋介紹一下特點!除此之外,HSBC Apple再度強強聯手整咗個HSBC信用卡以於Apple Store或Apple store app 以Apple Pay付款就有額外400獎賞錢(相等4,000 Asia Miles/6,000 Avios)!留意返今次個promotion唔可以最紅冬日賞8%一齊用!

HSBC Reward+ App下載及特點

  • Reward+ iPhone App→下載網址
  • Reward+ Android App→下載網址
  • 可一覽及登記現有HSBC優惠
  • 用Reward cash找數(我諗你唔會咁做掛? 換里數好似抵D喎…)
  • 睇到D獎賞錢幾時到期同埋由咩獎賞類別(基本/自主/VS reward etc..)
  • 睇返所有信用卡交易
  • (美中不足)點解唔可以計埋每一條交易有幾多基本,幾多自主獎賞錢…

重溫→HSBC信用卡分析/HSBC Premier卡資格及里數分析

HSBC Apple 購買iPhone優惠額外400獎賞錢

  • 2017年12月11日至2018年1月10日(Reward+ App優先發怖,HSBC網頁未更新)
  • 網上登記/Reward+ App登記或致電8228 1088
  • 需用HSBC信用卡以Apple Pay簽賬繳付所有有關費
  • 購買任何 Apple 產品單一簽賬淨額滿$5,500可獲享額外400獎賞錢(一部iPhone X點都夠啦?)
  • 於Apple Store實體店或香港 Apple Store app (Apple Online Store唔包括)
  • 不會計算在 「最紅冬日賞 – 本地簽賬優惠8%
  • 額外RC將於 2018年6月30日或之前自動誌入
>>於新分頁打開全文 “HSBC Reward+ App 率先登記HSBC Apple store 購買iPhone優惠額外400獎賞錢” » 按入查看更多...

HSBC最紅熱捧限定HKTVmall 買現金券$200送$200 買一送一

hsbc 最紅熱捧限定 hktvmall

HSBC最紅熱捧限定HKTVmall 買現金券$200送$200 買一送一

今個月HSBC個最紅熱捧限定限定出咗喇!玩HKTVmall買現金券買一送一 $200送$200。唔錯唔錯。雖然幾抵但都睇一睇有咩要注意先(唔好盲搶),以下有幾樣野提返你先,睇咗再決定買唔買,覺得啱你先睇埋步驟點買(里先生嘅文章寫咁長唔係想架…但唔寫咁長又怕誤導咗你喎…)。

HSBC最紅熱捧限定HKTVmall 買現金券需注意事項

  • 優惠數量有限,先到先得,售完即止。(至12月14日,無寫幾多quota)
  • 只有Visa同MasterCard有份,銀聯無份
  • 每次於HKTVmall交易只可使用一張購物禮券
  • HKTVmall需要滿$400折扣後淨額先免運費(或自取免運費)
  • HKTVmall就是次活動有exemption,買夠$400折扣後淨額就可以免運費
  • 購物券不可以支付運費啫係要免運費你要買夠$400(扣完$200埋單$200)→常見問題#16
  • 買完會有2張現金券,啫係你要買兩次先用得完
  • HKTVmall分店地址
  • 可以開始使用日期為2017年12月15日中午12時正
  • 有效日期至2018年12月31日晚上11時59分
  • 使用此購物禮券時,必須以指定滙豐信用卡繳付餘額(用前唔好cut card)
  • 現金券不適用於購買以下商品(必嚐美食電子優惠券、HKTVmall 電子購物禮券、初生嬰兒配方(一號嬰兒奶粉)、汽車燃油現金券、Xbox會員訂閱卡、PlayStation Plus會藉、遊戲點數或代碼)

Source: HKTVmall官網條款/HKTVmall活動常見問題HSBC活動官網

HSBC最紅熱捧限定HKTVmall 買現金券步驟

  1. 直入買劵→連結
  2. 選加入購物車
  3. 按立即付款/右上角購物車icon
  4. 登記用戶/Email付款
  5. 用Visa/Master俾錢

想睇返里先生HSBC信用卡分析→HSBC Visa Signature 信用卡分析 (Asia Miles) →HSBC Premier 信用卡分析 (Avios)

HSBC最紅熱捧限定HKTVmall 買現金券條款

注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):

每名持有HKTVmall帳戶的滙豐信用卡主可享優惠購買「滙豐最紅限定買一送一 HKTVmall $200 購物禮券」乙次。香港電視購物網絡有限公司有權取消或拒絕接受重複訂購。
此購物禮券只適用於www.hktvmall.com或HKTVmall手機應用程式作網上購物(不適用於HKTVmall O2O 店內購物) 。
此購物禮券有效期為2017年12月15日中午12時正至2018年12月31日晚上11時59分,逾期作廢。
每次交易只可使用一張購物禮券。使用此購物禮券時,必須以指定滙豐信用卡繳付餘額。
此購物禮券不適用>>於新分頁打開全文 “HSBC最紅熱捧限定HKTVmall 買現金券$200送$200 買一送一”

» 按入查看更多...

HSBC匯豐獎賞錢計算

hsbc reward cash choices vote

HSBC信用卡獎賞錢計算基本慨念教學

HSBC信用卡正常無倍數情況下獎賞錢計算為$25 = 1里Asia Miles(呢個又稱之為1倍基本/1X),而HSBC每年搞個「最紅自主獎賞額外5X」,放入6個不同類別,咁啫係話中5X類別既話就會變成$4.17 = 1里 (基本1X+中類別5X=6X, 25除以6)選左之後無得改,另主卡及附屬卡可以自選啱用選別,持有人各人都有一年$100,000既上限可以玩。Visa Signature唔洗中自主類別(但中HSBC 6個類別)都會多3X(連基本果1X有4X),所以Visa Signature唔中任何自主類別但中6個選別中的其中一個都有$6.25 = 1里,中埋額外5X就$2.78=1里。如果想睇返匯豐卡計完5倍之後個比率可以睇返→HSBC信用卡分析。想玩Avios要配合埋→HSBC Premier卡資格及里數分析

I recap in points (lower is better):

  • HSBC白金卡唔中自主六類別: $25=1里
  • HSBC白金卡全中自主六類別: $4.17=1里 (全中指自主5X放入同一類別)
  • HSBC VS唔中自主六類別: $25=1里
  • HSBC VS全中自主六類別: $2.78=1里 (全中指自主5X放入同一類別 加上VS的3X)
  • HSBC VS中自主六類別但唔係全中: $6.25=1里 (啫係你無放任何自主類別 只中VS的3X)
  • 除了以上六個自主類別(5X),HSBC信用卡 HSBC仲有個最紅網上及海外,所有網上及海外簽賬仲有額外(5X),VS中埋(3X)再加基本(1X)就total有14X,$1.79=1里就係咁嚟

HSBC信用卡最紅自主獎賞選擇策略

講到分配策略,里先生主張將5倍既倍數放晒入去同一個類別到,考慮到以下幾點

  • 一年10萬黎講唔係話咁易就簽得爆
  • 唔想煩,全部放晒落同一類別會容易D計數,減低簽錯卡既風險
  • 今時今日已經唔存在一卡走天涯,既然都諗住用呢張食飯用果張超市又用那張網購,咁不如集中晒一個類別將張HSBC信用卡變成某一類別既must use card
  • 考慮你手上的里數組合卡,邊張可以做代替品
  • 獎賞錢計算完一輪後,對於里先生黎講其實得2個類別值得我放落去…哈哈…所以都無心大心細

重溫六類別→… >>於新分頁打開全文 “HSBC匯豐獎賞錢計算”

» 按入查看更多...

Citibank信用卡積分換Avios有額外30% bonus!

citi avios bonus 201712-201808

Citi PremierMiles、Citi Prestige、Ultima Card信用卡及30%額外Avios

Citibank既PremierMiles信用卡, Citi Prestige同埋Ultima Card, 兌換Avios都有額外30%又再出現喇! 其實都估到Citibank會keep住做Avios bonus架喇,不過無諗過做得咁密,今年第三次啦!!!里先生年頭啱啱先換完,邊有咁快儲到咁多Citi積分啊…不過里先生感覺係Citibank想推自己係換Avios Banking,始終玩Asia Miles迎新都唔係好夠渣打黎,所以咪轉一轉個市場定位做Avios必備信用卡囉! 點都好,銀行鬥得你死我活既時候又係我地呢D小小消費者有著數既時候,先前錯過左30% bonus今次就唔好錯過喇!里先生特別寫咗篇計埋30% bonus後個迎新/基本兌換比率嘅文章,有興趣就睇埋啦!→Citi PremierMiles計及30%兌換Avios bonus分析

如果唔夠分食唔到呢個bonus唔洗灰心,Citi呢加開戶口有資本,轉SI都有Avios賺!→Citi出糧戶口/SI賺Avios攻略

30% Bonus Avios promotion需要注意條款及細則

  • 2017年12月1日至2018年1月31日成功登記換領
  • 透過桌上電腦/手提電腦登入Citi ThankYou Rewards (打電話/手機browser換無架,唔好中伏啊!)
  • 得Citi Ultima Card、Citi Prestige 或 Citi PremierMiles有份(Citi Rewards Card可能會有,要試)
  • 最遲於2018年2月10日入落Avios戶口

計算30% bonus後Citi PremierMiles的簽賬兌換Avios比率

  • 本地簽賬: HK$6.15 = 1里
  • 海外簽賬: HK$3.07 = 1里
  • PayMe: HK$6.15 = 1里
  • 八達通自動增值: HK$6.15 = 1里

詳細→Citi PremierMiles計及30%兌換Avios bonus分析

計算30% bonus後Citi Prestige的簽賬兌換Avios比率(未計Citigold年資bonus)

  • 本地簽賬: HK$4.61 = 1里
  • 海外簽賬: HK$3.07 = 1里
  • PayMe: HK$4.62 = 1里
>>於新分頁打開全文 “Citibank信用卡積分換Avios有額外30% bonus!” » 按入查看更多...

英國離境稅貴上貴!善用openjaw避貴稅方法分享

英國離境稅

英國離境稅貴上貴!善用 openjaw避貴稅方法

大家知唔知英國離境稅一向都比其他國家貴?好多時係英國走嘅話啲離境稅(“APD”)可能仲貴過你搶到果張平機票!啱啱英國又有新聞話下年2018年4月1日起出境稅再進一步提升。有睇里先生里數兌換表應該知道Avios換英國機票(BA) off-peak只需要39,000 Avios來回Econ…可惜你就用唔到Openjaw避英國離境稅,計抵唔抵換時記得考慮埋個離境稅。

目前英國離境稅

  • Short haul economy:13GBP
  • Short haul PE/business/first:26GBP
  • Long haul economy:75GBP (2017 Nov匯率: $780)
  • Long haul PE/business/first:150GBP

*Short haul指2000英里以下

2018年4月1日起英國離境稅

  • Short haul economy:13GBP
  • Short haul PE/business/first:26GBP
  • Long haul economy:78GBP (2017 Nov匯率: $812)
  • Long haul PE/business/first:156GBP

雖然唔係話加好多…但本身已經夠貴…呢加再加落去都係真係越來越重皮,大家可以避都盡量避咗佢啦!

善用openjaw避英國離境稅

英國離境稅

里先生做咗個測試,同樣於2018年1月21日,如果單程由倫敦返香港嘅經濟客位現時需要嘅tax+subcharge係$1,599,如果由巴黎返香港只需$806,差咗成$750!所以想藉此例子話俾大家知無論你係買機票換機票想去英國玩,如果時間就到嘅話出境都盡量唔好用英國機場,你更應該開openjaw機票(現時一般飛歐洲機票都可以)坐個火車玩埋Paris再係CDG走避貴稅!打算用Avios換英國機票都留意,雖然淡季坐英航需要Avios係少咗但係稅果到其實你都係會俾貴返(唔關BA事,政府話要收都無計)。以上圖片由Avios換票系統CAPTURE,教學請看→英航系統睇Asia Miles機票位教學

加稅新聞來源→ ATW

» 按入查看更多...

國泰CX由2018年中開始 於所有廣體客機設置Wifi

CX國泰 wifi

國泰集團由2018年中開始 於所有廣體客機設置無線網絡

國泰CX宣布將於2018年年中開始,於波音777客機空中巴士A330客機上提供高速無線網絡,以迎合乘客對機艙網絡服務日益殷切的需求。國泰航空已於空中巴士A350-900客機成功引入機艙寬頻網絡。

國泰航空顧客及商務總裁盧家培表示:「我們一直細心聆聽顧客意見,深明在飛行途中能夠保持連繫對乘客十分重要。我們的顧客可在不久將來,在安全帶指示燈熄滅後,在三萬五千呎高空上不但能安然於客艙內走動,更可寫意漫遊網絡世界。」

「預計到2020年,我們所有廣體客機將會設置無線網絡,讓我們有更多空間為顧客提供更新穎的服務體驗。」

國泰航空及國泰港龍航空將成為亞洲率先採用Gogo 2Ku衛星通信技術連接機艙寬頻網絡的主要航空公司。有關技術將應用於波音777和空中巴士A330機隊。

盧家培補充:「我們旨在讓乘客能夠隨時隨地都能保持網絡聯繫,與Gogo的合作協議讓我們邁進關鍵一步。」

乘客可使用具備無線網絡功能的電子裝置,包括手提電腦、平板電腦和智能手機,透過高速服務在旅途中查閱電子郵件、瀏覽網頁及社交平台,以及網上購物。

里先生有say

我當然樂見CX提升服務水平,永遠都係”軟”服務(因為涉及人)最難改最難進步唔係一時三刻改得嚟,而機內裝wifi “硬”件為改善服務其中一步不失為一個聰明決定。當然,最緊要都係到底收唔收費,如果唔收費梗係like啦!Fair講句國泰本身個inflight entertainment真係唔錯,如果wifi收費嘅話都可以叫得上晒氣睇下戲下覺都唔會走去用佢,真收費嘅話除咗錢多嘅人同埋商務客,仲有邊個用得起?希望國泰真係聽到我地嘅聲音啦 😛

乜野係Gogo 2Ku?

里先生都唔係好識,只見到飛機頂裝咗舊野似拎嚟收wifi,想知睇片啦!

» 按入查看更多...

Avios 換日本機票 + Avios 限時買2送1加壘現金

avios 50 offer 2017 Nov

Avios 換日本機票 + Avios 限時買2送1

首先話俾大家知英航BA啱啱做緊賣Bonus Avios活動至23:59 BST Friday 17 November 2017 (香港時間星期六早上7:59),今次做50% bonus算係官方賣分最抵嘅offer (用US$,買得多做到$0.14=1 Avios,仲理想過先前搞一大輪先入到手嘅SPG,唔知SPG買分係咩唔洗理,要買就用今次個offer就ok)!有睇里數兌換表應該知道Avios 換日本機票 Econ只需20,000 Business 40,000,配合埋先前都有教過大家活用購買Avios同Cash+Avios特性,今次就唔再詳細解釋,呢次重點係俾里數換機票情報用Avios 換日本機票,一條龍服務(in exchange for like 🙂 ) 搵埋12月飛日本機票靚時間俾你唔洗$5,000(未連稅)有張CX business來回。(今次錯過咗嘅朋友唔洗灰心,BA賣Avios經常有,like實里先生Facebook就下次實唔會錯過!)

買Avios原理一樣,最抵嘅做法係直接購買最少嘅Avios,再用Cash+Avios offer補錢獲得最多里數[上篇所講嘅多用(b)少用(a)] 。用最低成本買到國泰嘅business機票(全現金支付或稱”Avios假換票“)。鐘意坐business嘅可以睇睇啱唔啱你。

Avios 買分步驟攻略

  • 登入英航官網後直接購買Avios的頁面,今次做買100 Avios送50 Avios,50% bonus(買得多就平,請自己試試再計下)
  • 2個人去日本大阪business來回Avios需要80,000 Avios (詳見里數兌換表)
  • Cash+Avios offer最低需要44,000 Avios,可以HK$3,040買36,000 Avios ($0.087=1 Avios!)
  • 所以要速食你今次要買嘅Avios係45,000,承惠US$850 (HK$6,700左右,見上圖)
  • 下圖有2位成人係2017年12月中坐CX Business來回日本大阪嘅search result同埋價錢
  • 加埋HK$9,843(連稅$10,913) 買到2張CX靚時間飛大阪,business嚟講算係平啦

*再提你,多用(b)Avios+cash offer,少用(a)買Avios有著數,因為(b)個購買比率係平好多啊!

Avios 12月中換CX日本大阪時間

  • 去程: 10 Dec 2017 (Sun)
>>於新分頁打開全文 “Avios 換日本機票 + Avios 限時買2送1加壘現金” » 按入查看更多...
1 57 58 59 60