信用卡交稅優惠2022-2023 HSBC/Citi/中銀/DBS/八達通交稅優惠合集+薪俸稅延遲交稅你要識
想交少D稅？慳稅呢樣野就係成個tax planning process…真係要早好多準備先搞得掂，現時可以做嘅只係利用信用卡交稅優惠或有限度延遲交稅減輕痛楚。2022出嘅薪俸稅稅單salaries tax都有2個deadlines，一般嚟講都係2023年1月同2023年4月。
同信用卡繳費交水電煤唔同，無論里數信用卡定現金回贈信用卡，每間銀行信用卡條款都寫到明交稅係無積分回贈或里數。但現時用八達通App錢包餘額嚟交的話可以變相有回贈。而每年每到交稅季節各家銀行都會相繼出唔同交稅優惠，暫時就HSBC、Citibank出咗。(參考以往年，中銀，DBS星展，恒生、大新、交通、東亞、中信、建行都有出，但今年有無就唔知喇)。
另外AlipayHK交稅都有回贈！而家推出咗個Ant Bank PayLater可以有3個月免息分期同埋高達2%回贈！AlipayHK而家玩個叫 A. Point嘅回饋機制，而付款方法用Ant Bank PayLater更加係有2x A. Point。但留意A. Point直接扣金額係1000=$1啫係得0.1%唔太抵，但可留意下Alipay都幾多券可換，比率低至100=$1，如果用呢條數計啫係用Ant Bank PayLater交稅會有2%回贈咁就幾好，最緊要仲有得免費3個月分期留啲錢當賺息都好。
以下會由優惠/回贈/里數優惠等你一次睇晒用咩信用卡交稅優惠，你嘅策略應該係能夠用八達通App嚟交的話就用咗先，怕麻煩或者要交太多稅先考慮用其他。另外，里先生有少少稅務知識，以下可以同大家分享下如果你符合特定條件下其實可以延遲暫繳稅(2022/2023預估果part)，係最後部份解釋。
2022/2023信用卡交稅優惠(按鍵向下彈索引)
- 八達通錢包交稅(全民有份)
- HSBC信用卡交稅 (限特選客戶)
- Citibank交稅(全民有份)
- 恒生信用卡交稅(全民有份)
- 中銀信用卡交稅(全民有份)
- 大新信用卡交稅(全民有份)
- 星展信用卡交稅優惠(全民有份)
- ICBC信用卡交稅(全民有份)
- 上銀信用卡交稅(全民有份)
- Alipay或WeChat Pay可以交稅？
- 暫繳薪俸稅條件及申請方法
八達通App錢包交稅優惠 用餘額交稅可賺信用卡回贈(所有人適用)
- 現時 iPhone可以啪錢入八達通錢包，如果變通一下，「已設置自動增值嘅八達通→每日啪錢入八達通錢包(前稱O!ePay)→由八達通錢包(前稱O!ePay)轉賬至銀行或者用餘額嚟交稅」，變相交稅都可以賺到信用卡回贈！
- 不過代價係要一日一日咁慢慢啪入八達通錢包(前稱O!ePay)再用嚟交稅
- 每月可以拍$30,000入去八達通App錢包Pro(已認證)，咁有$3,000可免費用FPS轉返去自己銀行戶口，餘下的$27,000就可以掃稅單上的QR code用作交稅，變相有回贈
八達通錢包到掃完稅單既QR code後可選返錢包餘額嚟FPS交稅
中銀信用卡交稅優惠(所有人適用)
- 中銀信用卡交稅+分期高達HK$1,500現金回贈
- 優惠期：即日起至2023年3月31日
- 優惠一：交稅現金回贈
- 以中銀信用卡繳交稅款滿以下指定金額可享高達HK$500現金回贈
- 官網：www.bochk.com/s/a/tax
| 合資格繳稅交易之繳稅金額 | 現金回贈 |
| HK$10,000 – HK$49,999 | HK$50 |
| HK$50,000 – HK$99,999 |
