渣打Asia Miles信用卡 特選簽賬推廣計劃 外幣$1=1里(包括網上外幣)

渣打特選 外幣 海外簽賬

渣打Asia Miles信用卡 特選簽賬推廣計劃 外幣$1=1里

喂喂,check下email啊!渣打Asia Miles又有特選玩,可能你已經收到email 7-9月中特選外幣(包括網上外幣),外幣簽賬$1=1里!

目標金額人人唔同,結論係「目標簽賬金額+$20,000」就爆。如果想check中唔中可以打返2886 4111(普通客)/ 2886 8866 (優先理財客)問返自己中唔中選。如果你次次特選都得個睇字可能係你申請卡時選擇咗唔收任何promotion materials,順便可以問埋有無opt out到,改返做收取宣傳。

信用卡分析→ 渣打Asia Miles信用卡

渣打特選$1=1里詳情

  1. 先中特選選客戶
  2. 登記(sc.com/hk/am07)
  3. 2018年7/8/9月份外幣簽賬達目標金額(按每月計)後$1=1里
  4. 上限額外每月賺15,000里,三個月共45,000里
  5. 額外獎賞於2018年12月31日前存入

官網詳情: 連結

TnC: 官網條款

(七至九月份)渣打特選$1=1里上限簽賬計算

每月賺取額外里數為15,000里,而按照渣打promotion materials既例子,目標簽賬以上就$1=1里,計算:

  • (先睇結論)目標簽賬+$20,000就會用爆
  • 里先生目標簽賬為$1,000,咁每月簽夠$21,000就爆
  • 簽$20,000原所得里數為5,000里($4=1),$1=1里比率所得為20,000里,啫係額外拎咗15,000里,咁啫係就爆咗喇!
  • 所以中咗選都唔好太興奮,計返簽幾多可以拎爆啊!爆咗可以選擇用其他卡

7-9月份官網條款→連結(pdf)

(六月份)渣打特選$1.5/$1=1里上限簽賬計算

額外賺取里數為15,000里,而按照渣打promotion materials既例子,第一階段(Tier 1)為目標簽賬以上的$10,000有$1.5=1里,再上第二階(Tier 2)段就$1=1里,計算:

  • (先睇結論)目標簽賬+$24,444就會用爆
  • 里先生目標簽賬為$1,001,咁簽夠$25,444就爆
  • Tier 1,$10,000,簽$10,000原所得里數為2,500里($4=1),$1.5=1比率所得為6,667里,啫係額外拎咗4,167里
  • Tier 2,簽$14,444原所得里數為3,611里($4=1),$1.1=1比率所得為14,444里,啫係額外拎咗10,833里(加埋Tier 1 bonus,合共賺額外15,000里)
  • 所以中咗選都唔好太興奮,計返簽幾多可以拎爆啊!爆咗可以選擇用其他卡

六月份官網條款→連結(pdf)

» 按入查看更多...

渣打萬事達卡年費「買」里數計劃$1,800年費換20,000里($0.09買1 Asia Miles)

渣打asia miles信用卡年費

渣打萬事達卡年費「買」里數計劃$1,800年費換20,000里

我諗唔少讀者先前都有收到渣打email話有個渣打Asia Miles信用卡年費獎賞計劃。你肯俾$1,800年費可以俾返20,000里你。俗氣啲講句啫係俾錢買里數(計返$0.09=1里,係買唔係簽)。其實我自己幾欣賞渣打推出呢個option俾持卡人有得選擇。雖然我諗好多精明消費者應該知道市面上除咗American Express (以CX AE為例)同東亞信用卡(以BEA Flyer World為例),大部份信用卡(包括渣打Asia Miles)過完首年免年費,到第二年唔理你簽唔簽得夠數好只要你打電話上hotline就會幫你免到年費(唔需要惡,a gentle request is fine),但都唔能夠排除會有部份人年費照俾(如果係既話呢個promotion好適合你)。其實今次渣打做呢個promotion都唔係咩新野,先前里先生都有分享過上年簽唔夠數被收咗年費,之後打返hotline都有被問要唔要俾年費$1,800 in exchange for 18,000 Asia Miles。我無俾到錢但最後客服小姐都幫我waive咗個年費,以下再次貼圖同你重溫返。

重溫里先生→渣打Asia Miles信用卡分析

渣打萬事達卡年費獎賞計劃詳情

  • 於2018年4月30日前去→呢個網址登記
  • 交年費$1,800會有20,000里
  • 2,000里會於6月30日前存入
  • 18,000里會於交取年費後3個月內存入
  • 適用年度: 2018-2019年度,以發卡日起計算
  • (留意)一經登記今年誌賬之年費就不會獲轄免,無得食後悔葯

條款: 官網連結(pdf)

渣打萬事達卡年費獎賞計劃 抵定唔抵?如何評訂價值

如果要認真計算以$0.09=1里買里數到抵係咩值真係計到/討論到2046都討論唔完(或啫最簡單但粗疏既方法計算里數價值: 目標機票市價/需要的里數,個數比$0.09大就so call買得過),反之,如果你真係有興趣參加呢個programme不如我舉幾個例子出嚟睇下你中唔中而決定買唔買/join唔join

  • 平時一向都有俾渣打Asia Miles卡年費(懶得打電話上去waive)
  • 已經計劃2人坐經濟客位到澳洲旅行,但預計未來一年只儲到7萬里(去澳洲玩會用45,000里一人,而Asia Miles正在包來回機票,2停留,1轉機,對於去澳洲旅行走幾個Cities嚟講好啱用)
  • 已經計劃2人坐經濟客位到歐洲旅行,但預計未來一年只儲到10萬里(同以上同理,Asia Miles去歐洲需要6萬一人)
  • 要一試坐business但又從來儲唔夠里數(本身去日本經濟位30,000里一個,商務位50,000里一個,咁樣俾多$1,800可以坐到business,以金錢價值計非常抵)
  • 詳細各航點需要里數可參考→里數兌換表,當然,以上講咁多都係需要你有明確目標而又覺得有信心可以換到心水機票我先建議你用錢買里數
  • 事實上我自己唔會參加呢個計劃,對我來說如果用錢買里數不如俾心機D玩電子錢包chok里數? PayMe/WeChat Pay/支付寶HK。里先生深信…只有懶人而無儲唔到里數嘅人…

渣打亞洲萬里通萬事達卡年薪,冷河期及免年費詳情

  • 年薪$240,000 (每月平均月入$20,000)
  • 冷河期6個月,過去6個月內都無渣打卡就賺到迎新
  • 寫到明豁免首年年費
  • 全年簽滿$150,000免下年度年費
  • 簽唔夠其後每年$1,800 (唔好玩啦,豁免唔到邊個keep卡啊! – 電話:2886 4111) (我自己習慣耐唔耐睇下卡面個Vaild Thru 月份,夠期就打去)
>>於新分頁打開全文 “渣打萬事達卡年費「買」里數計劃$1,800年費換20,000里($0.09買1 Asia Miles)” » 按入查看更多...
1 2