Asia Miles改機票：退票/改時間/更改航點及重新訂票手續費及方法(包括退稅及燃油附加費)
(2022年發出的機票，2023年仲可以免費改一次！) 突如其來嘅轉變預計唔到，當行程受阻時無辦法之下都要改機票，又或者退票。Asia Miles都有相關嘅安排。留意返可以改票嘅期限都係以出票日起計的一年內計算。如非CX機位，就要跟返該航空公司既政策。
國泰Asia Miles改機票方法：
- 即時對話出票→要先登入 CX官網(需login) search機票，係右下角有個交談icon，click落去就有對話框彈出嚟，建議用Desktop先好用呢個方法
- Cathay WhatsApp 2747 2747 聯絡國泰：https://wa.me/85227472747
- 睇booking online改: login國泰網去返「行程管理」到改 (只能改時間，不能改出發地或艙等) 連結
- 打客服電話：2747 3333
快速連結：按入向下彈
- Asia Miles改機票：手續費及分類(rebooking/reissue/refund)
- Asia Miles改機票：實際操作
- Asia Miles改機票：2022限時免1次的安排
- Asia Miles改機票，可以退稅及燃油附加費嗎？
Asia Miles改機票：手續費及分類
國泰Asia Miles 2023起將改機票嘅收費改做劃一收費US$50 或 7,500里，要理解新收費有樣好重要嘅概念要知道：
新收費會以「每機票」per ticket計費，不再以每航段 per sector計費。新收費劃一費用: US$50/ 7,500 Asia Miles
*航段指每一程機，如HKG-TPE轉機TPE-NGO，咁可以理解作兩航段
Asia Miles改機票可以分為3種類別：
- Re-booking : 可以理解為改時間 (same itinerary, same airline)，曾經飛過用過嘅票可以，可以，可以，做re-booking (費用: US$50/ 7,500 Asia Miles)
- Re-issue : 簡單啲睇，re-booking改唔到嘅就要用到re-issue改，留意曾經飛過用過嘅票不可以re-issue (費用: US$50/ 7,500 Asia Miles)
- Refund : 成張票退返里數及稅金，留意曾經飛過用過嘅票不可以refund (費用: US$120/ 17,000 Asia Miles)
同時(1) Re-booking又分為2種更改方法：
- 網上更改，login完按入賬戶管理搵返「你的航班(Your flights)」
- 致電熱線2747 3333 或 透過WhatsApp聯絡國泰
- 如果可以每次平啲用網上更改當然好，但係網上更改都只能更改1個航段的單程機票或來回
而 (2) Re-issue 及 (3) Refund 不能於online更改，只能以：
- 致電熱線2747 3333 或 透過WhatsApp聯絡國泰
- Re-issue收費: US$50 or 7,500 Asia Miles
- Refund 收費: US$120 or 17,000 Asia Miles
以下係Asia Miles收費條款上所寫嘅情況及收費：
留意以下都係受限於出票日起計一年內的兌換機票
官網: https://www.cathaypacific.com/cx/zh_HK/optional-services-and-fees.html
2023年起 Asia Miles改機票 新收費
例子1. 如果換咗程要轉機嘅來回機票，譬如係
- 香港-東京-函館
- 函館-東京-香港
如果要改遲一個星期飛，因為以上涉及4個航段，所以跟返之前嘅計法係要收4次US$25 or 4,000里rebooking fee先可以改到成張機票；新收費下同一個機票號碼下就算涉及多個航段都只係✅收一次錢，換言之只需要收1次US$50 or 7,500里就可以改到成張機票，平咗都唔少！
例子2: 如果要改曬成張機票嘅目的地同埋出發時間，譬如
- 原行程為香港-東京來回
- 新行程改香港-大阪來回
之前係要重新簽發張票咁去改，舊收費要收US$100 or 14,000里；新收費下就只係需要✅收1次US$50 or 7,500里，真係抵好多！
3. 再極端啲嘅例子，如果你換咗張Asia Miles oneworld機票裡面有10個航段，你要改曬成張機票内嘅時間做rebooking會每航段同你計！啫係收你10次計先可改晒；新收費下你只需要✅俾1次US$50 or 7,500里就可以改到成張機票喇！
(Reference) 2022年或之前的舊有收費:
| 網上收費 | 熱線收費 | |||
| 更改已預訂之獎勵機票
適用於行程、航空公司及機票到期日相同之機票。更改項目只限於已確認之航班編號及時間。收費將根據每個航段及每位乘客計算。 |
25美元 (網上) | 4,000里(網上) | 40美元 | 6,000里 |
| 重新簽發獎勵機票
此項服務只適用於更改航線、客艙級別或飛行獎勵類別。再簽發機票之到期日及所乘搭之航空公司將維持不變。（不適用於部份已使用的機票） |
– | – | 100美元 | 14,000里 |
| 獎勵機票退款
必須於機票有效期之前進行退款。（不適用於部份已使用的機票） |
– | – | 120美元 | 17,000里 |
https://www.asiamiles.com/zh/terms-and-conditions/service/service-fees.html#
Asia Miles改機票：實際操作
國泰Asia Miles改機票方法：
- 即時對話出票→要先登入 CX官網(需login) search機票，係右下角有個交談icon，click落去就有對話框彈出嚟，建議用Desktop先好用呢個方法
- Cathay WhatsApp 2747 2747 聯絡國泰：https://wa.me/85227472747
- 睇booking online改: login國泰網去返「行程管理」到改 (只能改時間，不能改出發地或艙等) 連結
- 打客服電話：2747 3333
1. Rebooking機票(只改時間不改出發地)
Rebooking呢加可以Online做，只要有位就可以Online去撳
- Booking online改: login返Asia Miles戶口去Manage booking （管理行程）到搵返你要改的booking嚟改，最好用desktop改 (只能改時間，不能改出發地或艙等) 連結
只要有位，可以Online揀返要換既航班後再俾US$50或7,500里數改，2022年發出的機票2023年可免費改一次(先收1里數改之後再退)
2. Reissue機票(改出發地/ 轉class等)
電話或網上對申請咗改，佢會咁覆你。申請改之後要等電話付款而且有付款期限，都幾驚會Miss call…(以下例子為re-issue情況，改出發地/到達地/轉Class都會係咁)
在確認重新簽發獎勵機票之前，下列資料需要再次與您確認：
- 乘客姓名是：xxx
- 機票號碼: 160-xxx
- 訂位編號: xxx
- 原航班: CX ___ 10DEC2022 HKG ___
- 重新簽發為: CX ___ 14DEC2022 HKG ___
- 離開時間 0825 抵達時間1500 商務艙
- 確認機位 重新簽發費用: 豁免(2022出的機別特別限時安排，2023出的機票要收US$50或7500里)
- 機票重簽後有效期不變，仍為2023年__月___日。
在機票有效期內，如果更改行程的時間或日子將會有額外的費用，而且機票將會受到亞洲萬里通相關條款及細則所規限。
重新簽發機票需重新支付稅金HKD___，而原稅金會於4-6週退還至原扣款信用卡中。 稍後我們的票務主任會聯絡您訂位內的電話+852- ____，並透過電郵發送付款鏈結給你去支付稅項及附加費，請您留意來電。
付款：電話/online完成咗要求後，舊有booking會取消，而新Booking建立咗但要等電話(唔好miss, payment link佢話得2小時有效) 同埋email去做payment先至成功出到票 (收到以下email)
Asia Miles改機票：限時安排
(2022出機票的限時改票安排)而係2022年12月31日之前國泰官網出的機票，2023俾你免費改多1次機票 (呢個無條款你睇，國泰2023唔再offer呢個優惠成個頁面已整走咗)。今次無論係用真金白銀買嘅機票、定係用Asia Miles換嘅機票都可以無限次任改，只要係2023年12月31日之前出發就ok。
Asia Miles改機票，可以退稅及燃油附加費嗎？
關於Asia Miles改機票/退票，有個FAQ都幾多人問，可以分享下我嘅經驗：
首先你理解你兌換機票時大致有三個代價作為組成部份:
- 需要的里數
- 政府稅項
- 航空公司燃油附加費
對於rebooking，以上都有講因為只係「改時間」，無轉到任何航空公司或出發地，所以乜都無變，任何野都唔洗退，都無得退。
至於Re-issuance，中文係重新出票，簡單嚟講「多除少補」。你可能會改地方所以有可能會需要補返稅或里數，又或者航空公司係出票日至更改日之間燃油附加費有調整，貴咗要補，平咗可退。
最後Refund，就係1,2,3都退返俾你，代價係要俾US$120或17,000里。
如果兩航段票飛咗一段，另一段飛唔到咁點算？
你飛唔到第二航段，例如大阪-香港-曼谷呢條票你只能飛到大阪-香港，後半段香港-曼谷飛唔到，技術上嚟講，呢種情況並唔係「Refund」，因為上面都寫到明Refund係唔可以用過張票，啫係一段都唔可以飛過，而呢部份討論嘅係已經飛咗一段。我會叫呢種情況做取消(cancel)，你飛唔到就通知返Asia Miles，打電話又好online chat都好，知道飛唔到通知返佢地cancel咗後半段放返啲位出嚟，幫到人又益到自己。
按現行機制，Cancel呢個動作並無手續費或罰款，但你不可以退回里數(以上1)，但你可以退回政府稅項(以上2)。當時你用邊張credit card俾錢就會幾個星期後退返去你嘅信用卡上面。點解稅可以退？因為航空公司只係代收，當你飛唔到嘅情況下佢地理應退返俾你的。至於可以唔以退埋航空公司燃油附加費(以上3)？Sorry, 我唔太肯定，AM CS同我講退唔到但有讀者實測過退到，你試一試吧。其實你飛唔到要cancel張票而無代價，某程度上我覺得算係賺咗航空公司，呢部份就算吧…識玩嘅朋友你懂的，凡事唔好去得太盡。
Asia Miles改機票：常見問題FAQs
Asia Miles改機票/退票，要唔要手續費？
- 新收費會以「每機票」per ticket計費，不再以每航段 per sector計費。新收費劃一費用: US$50/ 7,500 Asia Miles。如果無法改需要 Refund : 成張票退返里數及稅金，留意曾經飛過用過嘅票不可以refund (費用: US$120/ 16,000 Asia Miles)
如果兩航段票飛咗一段，另一段飛唔到咁點算？
- 你飛唔到第二航段，例如大阪-香港-曼谷呢條票你只能飛到大阪-香港，後半段香港-曼谷飛唔到，技術上嚟講，呢種情況並唔係「Refund」，因為上面都寫到明Refund係唔可以用過張票，啫係一段都唔可以飛過，而呢部份討論嘅係已經飛咗一段。我會叫呢種情況做取消(cancel)，你飛唔到就通知返Asia Miles，打電話又好online chat都好，知道飛唔到通知返佢地cancel咗後半段放返啲位出嚟，幫到人又益到自己。按現行機制，Cancel呢個動作並無手續費或罰款，但你不可以退回里數，但你可以退回政府稅項。
快速連結：按入向上彈
- Asia Miles改機票：手續費及分類(rebooking/reissue/refund)
- Asia Miles改機票：2022限時免1次的安排
- Asia Miles改機票，可以退稅及燃油附加費嗎？
相關文章:
【HSBC 戲院優惠】憑HSBC Red卡於MCL戲院簽賬每滿$50儲印花，換高達$360獎賞錢，合計即可獲高達24%獎賞錢
AE白金信用卡(大頭credit card) 額外$300現金券 迎新夠cover年費AE食肆高達半價優惠/睇戲買一送一
【滙豐滙財金卡】新/舊客迎新高達$800獎賞錢（相等於8,000里）！免首2年年費
【AE信用卡比較】美國運通批卡實測卡先申請AE Explorer！1日批卡 5日收卡 隨時打上hotline追進度！
大阪康萊德酒店Conrad Osaka【多圖住宿報告】房間/早餐/Lounge/交通一覽
周杰倫香港演唱會2023｜ 5月中環海濱舉行《嘉年華演唱會 》| Citi信用卡優先發售｜可用里數換領｜公開發售詳情/時間/門票價格/座位表
你好, 我去年用里數BOOK左 Osaka — HKG —– Rome , 咁而家想改明年但話機票CS話有效期都係一年.
我見個細則係咁寫, 非常奇怪. CS 也沒有正面回覆.
重新訂位／更改航點
免費更改 ，而服務費用在以下情況可獲豁免:
會員需於原定機票出發前提出有關要求。
更改後的日期必須為2021年12月31日或以前，並須受艙位供應限制，而機票有效期亦將作相應調整。
若更改後的出發日期已超過機票有效期內，重新簽發機票的服務費用可獲豁免。
我想請教, 如果退票再出, 相同里數是否不能再飛多過一個地方. (不準停24小時) ?
重新出票係不可停留一個地方起過24小時了
你好，請問知不知道若申請退回miles及稅金，大約過幾耐d miles會入番asia miles account? 謝謝
Miles就好快, 約2-3天到賬, 稅金我無計, 你可以問返asia miles
我用左asia miles 換左去程機票(假單程), 另外回程機票用左AVOIS 換..想問下知唔知道AVOIS 有無好似AM出退票的policy? 如何可聯終AVOIS 客戶服務員? 謝謝
打電話去英航hotline
2019年9月份book咗去2位澳洲商務來回共18萬里，因為有1.3萬里4月2020年已到期，如Refund會無咗！想問下如果Re-issuance改下年去台灣坐經濟2位，用3萬里， 這情況下是否會退返15萬里同部份稅項比我，謝謝。
特別安排下，你唔出台灣都會退
請問退票相關稅金會退到哪裡? 原信用卡嗎? 我的原信用卡以經剪卡該如何?
退返去還訂票的信用卡
你可以打返去hotline問會點做
請問我已經改左張機票，要等4-6星期退返稅落信用卡，但我而家趕住cut信用卡（因收年費），咁應該問asia miles定問信用卡公司點退稅？
我覺得應該問發行信用卡的銀行
里先生, 你好, 有些關於 AM 里數問題想請教。
在今年二月, 換了一張假單程 HKG-YVR-NRT 於六月出發, 現在的情況當然不能成行喇。
1. 雖然 AM 可以免費更改機票出發日期到明年六月底, 而我亦打算延遲旅程到明年六月﹐但本身機票至明年二月到期﹐即係我唔可以更改原有的機票﹐而是要重新出票﹐對不對?
2. 但如果這樣﹐我還可以用原有里數出返原來的假單程 (HKG-YVR-NRT) 嗎?
3. 因為要在六月出發前更改或取消﹐如果未能出返明年六月之機票﹐即係要取消原先的機票﹐退回里數。但問題是有部分的里數將會在七月到期﹐有什麼好的方法可以延長這些退回的里數的到期日多一年? 例如是否可以更改本來的機票出發日期到八月或之後﹐然後到時才取消﹐這樣會收取費用嗎?
P.S. 唔好意思﹐問題篇幅較長﹐謝謝回答!
3. 再補充，如果你改到8月的話
到時可以飛到你就無得免費退了
所以最好係定到下一個出發日期，退完票馬上重新出票吧
里先生, 你好, 有些關於 更改或取消機票的問題想請教。
在今年二月, 換了一張假單程 HKG-YVR-NRT 於六月出發, 現在的情況當然不能成行喇。
1. 雖然 AM 可以免費更改機票出發日期到明年六月底, 而我亦打算延遲旅程到明年六月﹐但本身機票至明年二月到期﹐即係我唔可以更改原有的機票﹐而是要重新出票﹐對不對?
2. 但如果這樣﹐我還可以用原有里數出返原來的假單程 (HKG-YVR-NRT) 嗎?
3. 因為要在六月出發前更改或取消﹐如果未能出返明年六月之機票﹐即係要取消原先的機票﹐退回里數。但問題是有部分的里數將會在今年七月到期﹐有什麼好的方法可以延長這些退回的里數的到期日多一年? 例如是否可以更改本來的機票出發日期到八月或之後﹐然後到時才取消﹐這樣會收取費用嗎?
P.S. 唔好意思﹐以上篇幅比較長。謝謝!!
1. 未必，但重點係已經出唔到假單程票，你呢條現時不成行就出唔返同樣行程了
2. 不可以，已改例停留不可過24小時
3. 沒有了，你必須於6月出發前退就硬食7月里數到期
里先生，你好。
想請問下如果用asia miles換咗機票，去程由香港去曼谷就坐國泰，回程喺曼谷返香港就坐皇家蘇丹，咁皇家蘇丹嗰程係唔係就冇得免費轉機票？
謝謝。
要問返Asia Miles
特別安排中只包國泰及港龍
請問我用19年11月到期的Asia miles 換左4月去日本的機票，而家豁免取消行程或退票之服務費用，咁退返d miles的有效期係點計嫁? thanks.
唔知
你問下hotline好啲
你好，
想問下可以点：
我係舊年五月一號出咗一張假單程
第一程：FUK>HKG (28/5/19)
第二程：HKG>DAD (21/3/20)
問題：
1. 依家三月唔飛 DAD，想改六月中或31/9前飛 KHH 或 ICN，可以免費改？
2. 如果唔得，要取消嘅話，呢一段嘅費用係咪可以全數退回？
希望疫情快D受控！
謝謝
1. 最新update有讀者實測係唔得，原因係己飛咗部份既票不可做reissue
2. 唔係，只能退回稅
我有一張機票係SGN-HKG-HND ，如果我唔改，唔用SGN-HKG，仲可唔可以飛HKG-HND？
唔可以
里先生，我哩數換左4張15/2東京回香港的機票，現在用唔到，請問可以點做？是否要打電話去取消行程先呢？
國泰的可以選擇免費改時間
退票就要費用
請問如果我用里數訂左2月21日機票香港飛洛杉機，我想改下年2021才出發，應該改票？還是退票？
同一地點可改時間
但受限於出票日起話1年內
你好，請問如果我們用asia miles 換了三月去台灣4天的機票，但是現在香港去台灣要居家檢疫14天，我們打算取消行程。
我們可以如何做？請問能退回所有里數及稅、燃油費嗎？請問需要多少手續費才能夠做到退款？謝謝
你退票或改行程都免費
How about Avios from HK to London in Feb? Thanks,
Call BA you could have free change or refund
之前用asia miles預訂9/2 至14/2去成田的機票, 現在想更改9/2 早些時間出發, 改到但網頁顯示要收手續費
係啊你去online chat到改吧
里先生 想請問我本身出左寰宇一家
2月國泰台灣
3月卡塔爾歐洲
我可唔可以用上以免費優惠更改台灣果段去歐洲之後？
本身條款係唔得，只能改到出發卡塔爾前
但現時特別安排情況下 你可以試下打去問下
請問退票係退咪里數及稅金？包唔包個航空公司附加費？
我本來2月中帶小朋友香港發東京-10000里，回程東京經香港轉機去台灣-10000（但轉去台灣個程六月尾先出發），E家決定唔帶小朋友了，想問下退左兩張小朋友來回票會無咁大捐失，定係更改張小朋友飛做香港6月出發去台灣抵D呢？因為想盡量降低個捐失。。。。。謝謝
1. 退票係退晒里數及稅金，但留意退票有收費us$120，每張票計
2. 如果你退2個小朋友2張票啫係要us$120*2人*2條票
用Avios訂的香港出發的國泰班機獎勵機票有沒有特別安排?
沒有，但本身退票都係HK$127，相對便宜
HK$127? 不會這麼便宜吧? 是不是Asiamiles的手續費?
Avios應該最多收US$55. 我的航程HKG-TPE的單程2張, 我出票的時候交的稅/手續費等約HK$7百多當作退票手續費.
我明天試下打電話Exective Club, 問問有沒有特別安排. 希望能夠順利打通電話.
查返，要HK$427
Cancellation/ Avios redeposit² HKD427
https://www.britishairways.com/en-gb/executive-club/spending-avios/booking-and-service-fees
我今天一早打給Exective Club日本熱線, 因為日本9點(香港的8點)開始, 比香港早1個鐘頭.
好像有些航線有特別安排, 所以熱線先生幫我查, 但是香港的獎勵機票暫時不包括, 還是要扣手續費.
我再等等, 如果沒有甚麼變動, 還是要付手續費取消. 沒有辦法.
但是, 我第一次打給Exective Club發現, Exective Club日本容易打通, 一打就打通.
我昨天為了取消TPE-KIX-HKG打給MalcoPolo Club的時候, 很難打通, 打通之後都要等2個鐘.
Avios 每天都會有國泰的退票資訊，以國泰的資訊為準，他們是中間人，所以我原本2月24日出發往台灣（透過Avios換的票），可以退里數及所以費用，而不收手續費。