燃油附加費又減返!2020年3月1日起國泰收取每單程長途$516/短途$116 里數兌換會平咗!

燃油附加費 最新

燃油附加費又減返!2020年3月1日起國泰收取每單程長途$516/短途$116 里數兌換會平咗!

(1 Mar 2020更新3月份起新收費)自民航處於於2018年9月21日公布咗會重新收燃油附加費新安排及航空公司於售票時須顯示機票的最終票價,對里數換機票嘅朋友嚟講個影響都唔細。因為平時換機票嚟講只係免到個「機票價格」,但係你仍然要俾錢係因為「政府費用及稅」同埋「航空公司燃油附加費」你都仍然要俾。唔知燃油附加費係咩嚟同埋知到佢升/跌有咩可以做?睇埋以下文章啦!

2020年3月1日起國泰航空收取之燃油附加費

國泰官網→連結

  • 國泰個網有的難睇,總體燃油附加費如下:
  • 短途(如日本,台灣,泰國): 每航段$116 (來回$232)
  • 長途(如歐洲,澳洲,美國): 每航段$516 (來回$1,032)
  • 以上由香港出發,若由日本出發到美國長途,7,300 Yen,日本到香港2,000 Yen

其他國泰航空收取之燃油附加費

燃油附加費 其他航空公司

3月1日起燃油附加費(此圖片經由MeetHK.com授權)

各航空公司收取之費用→ 香港旅遊業議會公佈(3月份pdf)

國泰航空 燃油附加費升跌統計

國泰航空作為香港嘅主場航空,好多時其他航空公司都係跟國泰升跌,所以睇國泰個燃油附加費走勢基本上都可得知其他航空公司大概會係幾多。下表為香港出發以每航段(sector)計算的燃油附加費。另外,若以日本出發到香港,燃油附加費為2,000 Yen,日本出發到美國長途7,300 Yen。

日期短途長途
2020年3月1日$116$516
2020年2月1日$131$584
2020年1月1日$116$516
2019年4月1日$131$584
2019年2月1日$100$448
2019年1月1日$131$584
2018年11月1日$146$652
2016年2月1日不可收不可收

燃油附加費係咩嚟

燃油附加費,簡稱“YQ” ,你買機票時打開個價錢breakdown可以係tax/surcharge裡面睇到。美其名為航空公司可以用YQ嚟反映油價變動而對經營成本嘅影響,由YQ反映嘅價格變動係行政處理上會方便咗,但留意YQ對消費者,特別係里數換機票嘅朋友嘅換機票成本有直接影響。香港出發航班由2016年2月起唔俾收,民航處公布2018年11月起放寬可以再收返。

燃油附加費 短途

上圖為來回東京收取之燃油附加費(短途)

燃油附加費係點樣收取?長途及短途之分別?

各航空公司會就著所有航班及票種,分為短途及長途航線向乘客徵收客運燃油附加費。價錢係以每程計算,包括小童及嬰兒票。Econ同Business收取嘅價錢會一樣,長途就會比短途貴。

  • 短途航班指指由香港出發往來香港 (HKG) 及亞洲地區之航班,包括日本,韓國,台灣,越南,中國,馬尼拉,金邊,泰國,檳城,吉隆坡,新加坡等地, 或者印尼峇厘,都會係當作短途
  • 長途航班指由香港出發往來香港 (HKG) 及西南太平洋地區、美洲、歐洲、中東、印度、非洲的航班,包括看似近啲但都當作長途嘅馬爾代夫,印度,斯里蘭卡,加德滿都
  • 如果以GCmap英哩距離計算,印尼峇厘會比加德滿都更遠,但因為燃油附加費係以區域計算所以峇厘當作短途會更加平。

於香港買機票顯示出嚟嘅價錢已經包括咗呢個燃油附加費,收幾多係由航空公司決定的。

燃油附加費 長途 馬爾代夫

上圖為馬爾代夫之燃油附加費(長途)

燃油附加費變動對於買機票嘅人有咩影響?

如果機票價格不變,而燃油附加費直接有增加或減少,消費者當然會直接受損(當YQ要加時)或者受惠(當YQ要減時)。如果你已經睇到下月會減的話,唔急嘅話可以等下月先買機票。

但長期嚟講,因為即使有燃油附加費的升跌但消費者做買機票的決定嘅時候都係會睇total price,同時各航空公司之間面對競爭,需要割價搶客時都係成個total price嚟減,所以又未必會對買機票好大影響。最實際都係睇返航空公司有無做特價機票優惠。

燃油附加費對於用里數換機票有咩影響?

對於里數換機票嘅人嚟講,燃油附加費當有增加或減少,個影響會比較直接,因為個Fuel Surcharge會直接加落個換機票成本到。好簡單嘅道理如於2月份20,000里+$262+稅費 可以換到由香港出發到日本大阪來回機票,但係3月份知道會減價,咁20,000里+$232+稅費 就可以換得到。

再留意多一點,燃油附加費係以每航段計算,先前有睇Asia Miles換機票教學篇文嘅朋友應該都知呢加可以用單程票出賺個free stopover,30,000里可以玩到2個trips。如果你用呢隻玩法出多程機的話,你條單程票有2段咁都好自然要俾咗2次嘅燃油附加費,所以對玩里數嘅朋友嚟講,燃油附加費嘅影響都幾大架。

燃油附加費於更改出發時間/重新出票/退票時會點?

  1. Re-booking : 可以理解為改時間 (same itinerary, same airline),曾經飛過用過嘅票可以做re-booking,燃油附加費不會重新計算
  2. Re-issuance : 簡單啲睇,re-booking改唔到既就要用到re-issuance改,留意曾經飛過用過嘅票不可以re-issuance,燃油附加費會重新計算,所以出票時同重新出票時有變動會加/減,貴咗就補,平咗就退
  3. Refund : 成張票退返里數及稅金,留意曾經飛過用過嘅票不可以refund,所有航空公司燃油附加費都會退返

改票退票詳情可睇返→Asia Miles改機票/退票

結論: 知道燃油附加費會加/減應點做?

因為航空公司每月中左右都會更新燃油附加費,而收幾多燃油附加費係會以出票日起計

  • 如果知道下月會減而你又唔係好趕要出票的話咪下個月先至出票
  • 反之,如果知道下月會升,咁就嗱嗱聲好出咗張機票喇

你可能有興趣的文章...

2 comments

Leave a Reply

Your email address will not be published. Required fields are marked *