【解讀EveryMile免費旅遊保險】滙豐EveryMile信用卡預定酒店或機票送Travel Insurance
除咗免費入機場Lounge，滙豐Everymile信用卡其中一個大賣點係送免費旅遊保險Travel Insurance，點當然夾得係呢張免年費信用卡到，咁梗係有啲條件啦，不過都算貼地，中以下其中一個條件就有free travel insurance：
旅程必須符合以下(a)或(b)中列出的條件下，最長180日內出發:
//(a) 以香港發行的「滙豐EveryMile信用卡」為受保旅程支付或結算全部費用後,包括:
- 出境或入境香港之海、陸、空交通費用;和/或
- 整個受保旅程的海外酒店費用;和/或
- 海外旅程的團費。
(b) 如未能符合上述 (a) 之要求,而以上 1)、2) 或 3) 其中一項或多於一項的部分費用以EveryMile信用卡所賺取的「獎賞錢」兌換,而有關之額外費用(包括稅項及燃油附加費及任何其他根據當地規定而需支付的費用(如適用))必須由持卡人以EveryMile信用卡支付。
此旅程必須以香港作為原出發地點及最終目的地,直至受保人返回及重新進入香港境內或每次旅程滿90天為止(以較早者為準)。由香港出發的單程旅程不受保障。//
以上(a)都易明，(b)就好似講咗里數換機票俾稅都適用，但睇條款前題係要用HSBC EveryMile信用卡>Asia Miles>再兌換航班先算數，啫係你點都要用過HSBC EveryMile信用卡嚟換過Miles先有everymile travel insurance受保。
個保障範圍包咗手機遺失或損壞(上限HK$2,000) 同行程取消等等，保障都幾全面！而且仲涵蓋埋同行家人嘅有關保障，一家人去旅行嘅話可以買少幾份旅遊保險，計落真係可以慳返唔少！個優惠唔使登記咁麻煩，只要達成以上條件就得。
而我都知大家對於滙豐EveryMile信用卡嘅旅遊保險有好多問題，我都收集咗唔少讀者問嘅問題，我就嘗試下係下文答返大家常見嘅問題。
更多HSBC優惠：滙豐信用卡優惠合集、HSBC信用卡比較、HSBC最紅飲食簽賬優惠、HSBC最紅網購優惠、HSBC最紅海外外幣簽賬2023
滙豐EveryMile信用卡旅遊保險
點樣先可以有EveryMile信用卡嘅free travel insurance？
簡單嚟講everymile旅遊保險唔使登記，只要用Everymile信用卡全數支付訂酒店、機票或者報旅行團嘅費用，甚至乎用里數換機票用張卡嚟俾稅都可以免費有個旅遊保險(但都仲有條件)。
可以自行解讀下呢句(b) 如未能符合上述 (a) 之要求,而以上 1)、2) 或 3) 其中一項或多於一項的部分費用以EveryMile信用卡所賺取的「獎賞錢」兌換,而有關之額外費用(包括稅項及燃油附加費及任何其他根據當地規定而需支付的費用(如適用))必須由持卡人以EveryMile信用卡支付。
Everymile travel insurance包埋同行家人嗎？
持卡人、同行配偶同埋24歲或以下未婚子女(21歲以上就一定要係全日制學生)都可以受到EveryMile信用卡旅遊保險嘅保障，但係記得持卡人一定要一齊去而且費用係用EveryMile卡支付先可以免費享有個保障。
Everymile旅遊保險有咩保障？
保險涵蓋個人意外、醫療、行李延誤、財物、證件及手機保障及旅程取消保障等等。詳情可以睇返保單：
旅遊保險有無限定要係邊到出發？可以保障幾耐？
個旅程一定要係由香港出發嘅來回旅程；旅遊保險會保障你成個旅程，最多90日。
