Citi Payall：信用卡交租賺積分/里數/現金回贈！信用卡交學費/管理費/停車場月租都得啊！

(2020 May Update: Citi PayAll PremierMiles信用卡額外現金回贈活動) Citibank有個功能叫Citi PayAll，標榜可以信用卡交租/學費/管理費/停車場月租，呢個功能都真係修補到一啲本身無法以信用卡繳費交費嘅必要支出。首先我唔想老點咗你睇落去，事先聲明呢個新功能係需要俾手續費。但係只要Citi信用卡回贈比率>手續費，即使你用嚟交租交費要手續費都好都仲係有水位可以係叫做賺到，好大程度取決於你點評定里數價值。

有位讀者問我可唔可以用嚟交學費俾老婆學煮飯…haha…我按個Cit PayAll付款頁面，理論上可以由你張卡交學費俾任何香港有戶口嘅人，不過呢就Citi有啲帶頭盔條款梗係有最終決定權，更可能向你索取單據更或是取消你的交易。至於可以點運用呢個功能你就自己諗諗，我可以做嘅只係話你知有呢個功能同埋同你睇睇需要注意嘅條款。

Citi PayAll PremierMiles信用卡額外現金回贈詳情

• 即日起至2020年6月14日
• 登記網址：https://www.citibank.com.hk/chinese/credit-cards/payall.html 登記指定信用卡一次。客戶須於登記時輸入指定信用卡之號碼
• 只適用於首3,500位於推廣期內成功登記之客戶。不接受同一主卡客戶名下其他Citi信用
  卡或附屬卡登記。
• 所有Citi PayAll交易必須於推廣期內進行(以付款到期日計算)
• 只適合持有Citi PremierMiles 信用卡

Citi PayAll交易金額及條件回贈

• 透過指定信用卡以Citi PayAll成功交易HK$20,000-HK$39,999或以上 HK$200
• 透過指定信用卡以Citi PayAll成功交易滿HK$40,000或以上 HK$500
• 於推廣期內，客戶最多可獲享HK$500回贈
• 有關回贈將於2020年9月15日或之前日或之前存入至指定信用卡賬戶

優惠條款：https://www.citibank.com.hk/global_docs/edm/0420/2020-pay-all-apr-ver1/images/tnc_c2.pdf

Citi PayAll是甚麼？

官方: Citi PayAll是一項全新的信用卡服務，讓您可透過信用卡繳付租金、屋苑管理費、停車場費及學費。如欲啟動Citi PayAll服務，請登入Citi Mobile® App，然後選擇繳費。

里先生: 我試過Citi online banking係無呢個Citi PayAll付款功能，如果要用到就必然download Citi mobile banking app。你去Citi App到登入再去返「繳款及轉賬(Payment)」果到就睇到。

官方網站→ 介紹連結

透過Citi PayAll繳款可賺取獎賞嗎？手續費是多少？

官方: 可以，因應您所選用之信用卡，於繳費時可賺取積分／現金回贈。會收取服務費用嗎，透過Citi PayAll進行每一次交易均會收取費用，有關費用將於輸入交易金額及收款人資料後顯示。

里先生: 現時所見每$10,000的繳款需要付出HK$100手續費，意指手續費比率為1%。如以以下之信用卡，所獲積分/現金回贈如下：

• Citi Prestige: 20,000積分，1,667里數，呢個數仲未計Citi Prestige有年資獎賞同埋Citigold bonus！
• Citi PremierMiles: 15,000積分，1,250里數，呢個數仲未計有可能可以食埋Citi特選miles bonus！
• Citi Cash Back: HK$100，1%現金回贈比率
• Citi Rewards: 10,000積分，667里數
• 如果你的Citi信用卡係Citi Clear (0.4%)/ Citi八達通(0.5%)回贈就cover唔到1%

(留意)一次性的服務費用均不可退還，所以你輸入銀行資料時務必對清楚名字及賬號等資料

Citi PayAll交租/交學費等交易金額及次數上限？

• 所有開支每月金額上限為HK$50,000
• 每月可進行的Citi PayAll交易最多為10次
• 請留意於同一個月內向同一名收款人進行Citi PayAll 交易最多只可2次

Citi PayAll繳款時限及更改或取消交易？

• 本身Citi PayAll需要下一次繳費到期日前最少7個工作天設定
• 繳費一經設定後可透過登入Citi Mobile® App取消交易。只需於「繳費」一欄選擇Citi PayAll，即可檢視及取消現有繳費指示。請留意您必須於指示方可取消交易。
• (留意)一次性的服務費用均不可退還，所以你輸入銀行資料時務必對清楚名字及賬號等資料

用Citi PayAll收款人何時會收到款項？

• 星期六、星期日或公眾假期繳付之款項可能會被延遲至下一個營業日，為避免任何逾期還款的情況，建議閣下設定較早的繳費到期日

💰現金回贈信用卡 (百份比越高越好)

---

✈️里數信用卡 (數字越低越好)

---

Citi PayAll重要使用條款

我知你諗緊乜，亦都答返讀者問我可唔可以交學費比老婆學煮飯嘅問題。理論上可以由你張卡交學費俾任何香港有戶口嘅人。我自己有特登睇晒所有條款有無ban到相關交易。只能提醒你以下三條比較相關嘅頭盔條款，你可以衡量下相對嘅風險再考慮下用唔用得著Citi PayAll嘅服務。

1. 不允許用作還款交易及有權向你索取交易資料

• 4.6 本行沒有責任進行任何付款，並可以按本行的酌情權拒絕閣下的卡的任何付款交易。在無損於上述一般性的原則下，閣下同意閣下不允許就以下方面進行付款：(i) 任何貸款/債務 付還，例如但不限於按揭付還、信用卡付款和貸款，(ii) 任何加密貨幣相關的交易或本行按本行的酌情權決定的其他此類交易。
• 由於本行可能要求證明付款不屬於任何上述交易，閣下承諾隨時提供資料、收據或其他文件證明

2. 如Citi認為你濫用服務，可向你追討損失

• 5.3 在無損於上述的一般性的原則下，本行不應對任何損失、損害、開支(包括閣下招致的任何逾期/財務手續費或罰款)負責，並且在適用的情況下，閣下應賠償本行因閣下使用本服務而招致的任何損失、損害和費用，包括但不限於以下任何情況:-
• 5.3(vi) 本行認為閣下不當地使用或濫用本服務;

3. Citi有權取消任何交易

• 5.4 本行可從風險管理角度、安全角度或按相關機構或任何適用法律的要求，在不通知閣下及無須給予任何理由的情況下，按本行的絕對酌情權暫停閣下有關本服務的權利和可終止本服務。除上述規定外，本行可以在合理通知的情況下隨時按本行的酌情權終止本服務。