【Plaza Premium First】 Hong Kong Flagship lounge 環亞香港旗艦頭等級別貴賓室優逸庭體驗報告及HKG入lounge方法

我地香港人好熟識嘅1-4號閘口Plaza Premium Lounge係7月6日開返喇！今次華麗轉身加入更多吸引嘅元素，同時開出另一條brand line叫Plaza Premium First，好幸運佢地間Flagship Lounge就係香港1-4號閘口果間！今次就率先同大家睇睇呢個新lounge優逸庭正唔正，值唔值得入同埋點樣可以入到去！如果你唔想俾錢都一樣可以照舊行前少少有間免加$200只用入Lounge信用卡 (e.g. CX AE Elite) 就入到既Plaza Premium Lounge (照舊玩法)，可睇返呢篇文→AE CX Elite附屬卡都入得環亞lounge。但我就用咗AE白金卡加$200入去Plaza Premium First試一試佢。

Plaza Premium First 影片

Plaza Premium First優逸庭服務及硬件主要包括

• 全新餐飲品牌Primo提供A La Carte menu 即制食物
• 免費10分鐘肩頸按摩，要玩嘅就入去時好去reception到book定時間，每個timeslot得2個位
• 酒吧cocktail/香檳/紅酒/白酒/威士紀任你點
• 提供即泡茶，用TWG茶葉
• 特色Tea cocktail (無酒精)
• 30分鐘shower(得2間shower room)
• 超過200個休息坐位(比裝潢前少)
• 有叉電線可以借
• 有會議室，但未知要點BOOK

Plaza Premium First 食品選擇

• 首先提提你A La Carte menu個入場費只包一份，所以都真係試咗你想要嘅先
• (Signature) Beyond Meat Burger 未來素肉漢堡包 – 我個人覺得好食過CX The Pier First Class Lounge 果個Angus Beef Burger (2018年6月份食), 呢個更juicy, 包更鬆軟, 絕對值得一試
• (Signature) Maine Lobster and Capellini 波士頓龍蝦天使面 – 都係誠意之作，龍蝦汁有龍蝦味(可能你覺得廢話但我成日覺得坊間d龍蝦汁感覺好fake)
• 韓式牛肉拌飯 – 我見人地食呢個係石窩咁上枱，都真係似模似樣，下次入去要試呢個
• All Day Breakfast
• 滷水鵝併滷水蛋+白飯
• 泰式青咖哩雞+白飯
• (小道消息) 先前CX The Pier First Class Lounge係subcontract俾Plaza Premium做，而現時因為CX Lounge已轉咗subcontractor。先前係CX First Class Lounge果班舊人都去返呢個Plaza Premium First到做，認真覺得佢地Well-trained，人唔太多時會好貼心過嚟問你意見同你傾下計，有靚仔，service用英文(我個覺得貼地返D用廣東話會仲好)，整體感覺舒服係似fine dining嘅 (利申: 我真金白銀入去，唔係被邀請入去，我呢D二打綠嚟人地都唔知我係乜水)

除咗以上係A La Carte menu，仲有buffet line/沙律吧/芝士任食任拎，招牌魚旦河升咗level多咗塊魚皮，呢加仲加咗中式老火湯同埋雞粥可以食。

Plaza Premium First 飲品選擇

• 好多野飲，drink menu有分收費同埋complimentary
• 收費的飲品主要為Single Malt年份威士紀，愛酒之人可以飛前hea下試下
• 免費飲品選擇都好多，包括Whisky cocktail (佢地叫Barrel Aged Cocktail) 非常有誠意，唔好以為係你唱K落Pub果D綠茶+Black Label就叫cocktail，係到沖嘅杯杯都made upon request。推薦Old Fashion，不太甜不太辣，整果時好講究會同你雪凍咗隻杯再做，平時覺得Single Malt Whisky太勁嘅試返呢D都啱
• 除咗Whisky cocktail之外，on menu仲有Irish Coffee Cocktail，其他not on menu既服務員哥哥都話可以照樣幫我試下叫bartender沖 (tailored service，加分！)
• 唔飲酒精類既都可以點即泡茶，全部用TWG茶葉 (好似CX The Pier Business果個咁成壺嚟絕對唔慳皮)
• 有香檳/紅酒/白酒/Sparking water/coffee etc.

如何入Plaza Premium First Lounge？

• 首先你要有張boarding pass過到security去到1號閘
• 現時有Opening Offer HK$200+1個入Plaza Premium Lounge信用卡Quota/Priority Pass Quota可以入到
• 唔想俾HK$200都有方法，可以用1,500 Arrture積分+1個信用卡Quota入 (Arrture積分有入過去Plaza Premium應該會知，啫係佢每入一次Plaza Premium可以儲到100分果個program)
• 香港常用入Plaza Premium Lounge方法包括: CX AE Elite/ AE Platinum charge card/ Citi PremierMiles/ Priority Pass/ 一抽銀聯信用卡(銀聯需預約，都幾難約到…)
• 以上卡/Priority Pass有d係無限次有d係有Quota，自己留意返，Lounge的職員其實無責任去提你銀行點樣收費
• (Opening offer 1) 現時入去會多送一個保温水壺，D職員仲鼓勵你走前可以take away佢D老火湯/熱朱古力/咖啡/茶既飲品，都幾貼心
• (Opening offer 2) 特別多送一份黑毛豬嘅Ham，我自己覺得都好食，但一份Ham都搞到好矜貴咁就有D少家，其實即使做Always on嘅Regular Course應該都唔會要好多成本啫(個人意見，可能真係好貴但我唔識)…
• (My comment) 我個人覺得只要入環亞Lounge信用卡加$200蚊係好值得入去玩下…你求其去食個fine dining飲杯野都唔止二百蚊啦…呢加仲要有個保温水壺送，要入就快喇，我敢話到時一係好多人，一係加價…

想帶guests可唔可以用加HK$200呢個PPF opening offer？

• 不可以。舊時Plaza Premium Lounge好多時都可以俾你唔需要持卡人對boarding pass名(但需要持卡人在場)，拎住CX AE Elite + Priority Pass都俾你2個人一齊入，但我問咗現時Plaza Premium First呢個opening offer+$200嚴格執行唔俾你咁做，必須要持卡人對boarding pass名先可以俾你+HK$200用呢個opening offer入
• 如果要2個人一齊入，有咩計？有用慣用熟果張CX AE Elite就OK，你有CX AE Elite主卡+你同行者有CX AE Elite附屬卡就可以一齊每人加$200入到去Plaza Premium First
• (坐邊間Business Class可入?) 我問咗現時只有Finnair有合作，啫係坐芬蘭航空Business Class就可以入到呢間lounge。暫時未有其他合作伙伴。