PayMe KFC優惠︱買滿HK$50即送HK$10優惠券俾你下次用！睇世界盃／過聖誕都用到！

PayMe又有食雞新優惠！喺KFC買滿HK$50就即送HK$10優惠券俾你下次用！計返都成8折！而優惠券只要下次再去KFC買滿HK$50就會自動用㗎啦，超級方便！推廣期為即日至2022年12月31日！食住雞睇世界盃／過聖誕就啱哂啦！

呢排仲有好多吃喝玩樂嘅PayMe優惠，記得唔好錯過！

PayMe KFC優惠︱詳情

• • 推廣期：即日至2022年12月31日
  • 用 PayMe 於香港 KFC 分店、網站或 app 惠顧滿港幣 50 元或以上，即獲港幣 10 元折扣優惠券於下次惠顧時使用
  • 優惠券使用方法：下次於香港 KFC 分店、網站或 app 惠顧滿港幣 50 元或以上，並以 PayMe 付款，即自動扣減港幣 10 元
  • 優惠券於2023年1月31日23:59到期
  • 推廣期內每位用戶最多可獲取優惠券兩張

優惠詳情：https://bit.ly/3P7KpwC

PayMe KFC優惠︱常見問題FAQs

PayMe KFC 優惠做到幾時？

• 答：PayMe KFC優惠只限2022年12月31日！

PayMe KFC優惠係即時扣減優惠？

• 答：PayMe KFC優惠係買滿HK$50就拎到一張HK$10優惠券俾你下次用，唔係即時扣減。

PayMe KFC優惠券幾時到期？

• 答：PayMe KFC優惠券會於2023年1月31日23:59到期。

PayMe KFC優惠︱條款及細則

PayMe x KFC 優惠條款及細則：

享受優惠的時間

1. 除另有指明外，PayMe x KFC 十二月優惠的推廣期適用於 2022 年 12 月 5 日至 12 月 31 日（包括首尾兩日）（「推廣期」）。 優惠目標對象

2. 本推廣適用於合資格用戶；合資格用戶須於推廣期內以 PayMe 於香港 KFC … >>於新分頁打開全文 “PayMe KFC優惠︱買滿HK$50即送HK$10優惠券俾你下次用！睇世界盃／過聖誕都用到！”

曼谷 Waldorf Astoria 華爾道夫︱泰國酒店 Hilton旗下最豪華 用盡AE白金卡FHR著數！房價有75折有餐飲credit！

上回提到用咗AE白金卡嘅FHR嚟訂曼谷華爾道夫 ( Waldorf Astoria Bangkok, 下稱WA Bangkok），呢間酒店香港無，但玩開酒店會籍嘅朋友應該唔會陌生，佢係Hilton Group 旗下最luxury嘅酒店嚟，同 St Regis, The Ritz-Carlton或Park Hyatt可算同等級別。

今次一入呢間酒店就已經覺得啲設計好熟悉，一問之下原來真係同香港某某奢華酒店嘅設計師係同一人嚟，你又認唔認到邊間酒店？

用AE白金卡的FHR預訂，主要benefits包括

• 有US$100 credit食下飲下
• 2人早餐
• 4點checkout (同埋12點checkin 但非保證）
• 房型upgrade (非保證)
• 呢排呢間酒店同Amex傾咗合作，所以呢排做緊75折

折完11月我見仲有9,000泰幣/晚，唔算平但拎返啲credit嚟食，今次同班朋友去一嘢book咗3間房（FHR max.可每次book 3間房會有3份credit），book內有1個diamond，2個gold，幸運地有upgrade：

• 1間升Deluxe Suite （IG會upload返video有room tour睇，follow返 IG: mrmileshk 支持下啊！）
• 2間升Deluxe Room （要提返呢加酒店附近有工程做緊，如果要Park view room的話朝早會有嘈音，文內相片有得睇）

今次可以一次過睇晒兩隻房型啊！曼谷同級仲住過Rosewood同St. Regis，暫時覺得Waldorf Astoria係首選

曼谷 Waldorf Astoria 華爾道夫住宿報告索引(快捷鍵)

• 第一部分: 曼谷 Waldorf Astoria 華爾道夫 房間
• 第二部份: 曼谷 Waldorf Astoria 華爾道夫 餐飲

東京 Park Hyatt Tokyo︱日本酒店 最新圖文入住報告 用分再加套房升級券 住成千呎豪華Suite！

東京Park Hyatt Tokyo︱Park Suite King

呢間就係我東京之旅程住過最正嘅房，成千呎，真係阿叔都忍唔住拍咗段IG Reel同大家分享吓有幾正！記住去睇吓啦～ ( IG: mrmileshk )

Park Hyatt Tokyo – Park Suite King

Park Hyatt Tokyo – 裝修擺設簡潔優雅

Park Hyatt Tokyo –

(Update: 11月21日或之後抵港，只需於Day 0及Day 2做核酸檢測)

有追開里先生Facebook同IG嘅讀者應該都知道里先生早排去咗日本為大家做開關後第一手實地直擊！唔知？即刻like同Follow返里先生嘅Facebook page同IG啦！里先生Facebook、里先生Instagram ，同大家一齊睇0+3入境回港安排 旅行返港醫學監測

返香港之後，0+3入境回港安排 旅行返港醫學監測里先生就要做返「0+3」嘅醫學監察。呢家醫學監察完咗，就同大家講下有關「0+3」下回港需注意事項啦！

0+3醫學監測旅行回港簡易攻略

步驟一需知日數：10月14日晚落機，10月17日早上拎藍碼（本身我以為要第二日先有）

按指引到港人士（非中國到港）需於Day 0, Day 2, Day 4, Day 6做核酸檢測（共4次，11月21日或之後抵港只需於Day 0及Day 2做）及 於外地上機前以及落地後的 Day1,2,3,4,5,6,7 （共8次）都要做快速測試的。政府指引可以睇返：https://www.coronavirus.gov.hk/pdf/concise_guide_inbound_CHI.pdf

步驟二：外地上機前有份健康申報表要填，健康申報表連結：https://www.chp.gov.hk/hdf/

上機返嚟前得閒就填咗佢先。做完會有個鮮綠色嘅QR code，cap圖cap低佢先。

撳藍色「遞交健康申報表」

揀返你入境嘅口岸，如果你係搭飛機返嚟嘅，就揀返「香港國際機場」

揀完入境口岸之後會有份私隱聲明，拉落最底撳下一步就會叫你填返個人資料，你照住嚟填返你嘅個人資料、航班資料等嘅資料就OK

填完資料撳完成，就會有個鮮綠色嘅QR code，記得記得cap圖cap低佢先！

步驟三：按指引落地果日叫Day 0，一落機就要排隊做核酸，呢家飛機唔多過程都快。安心出行變黃碼，唔俾入餐廳/gym ，酒店早餐都去唔到食。

步驟四：做完有個綠色頸帶，話要要保留到出機場，而上面2所講嘅鮮綠色QR code嘅尾4位數字要用作online拎返份醫學監察通知書。

領取醫學監察通知書：https://www.chp.gov.hk/qoms/

喺到輸入返鮮綠色QR code嘅尾4位數字同身分證號碼就可以拎到份醫學監察通知書

步驟五：

電子醫學監察系統申報：https://nhqsdata.hqss.ogcio.gov.hk/ibt/#/login (按指引每天都要做)

醫學監察通知書第一頁右下角有個QR code及reference number，呢個編號又要拎去「電子醫學監察系統」到做申報

電子醫學監察系統版面，照填返資料就ok

步驟六：申報內容包括上載返Day 1嘅快測結果照片同申報Day 2預約咗做社區核酸檢測。Day 2時就要去返預約咗嘅地方做核酸（好似平時中咗強檢要去做果啲），半日左右就收到陰性嘅短訊。

預約社區核酸檢測：https://booking.communitytest.gov.hk/form/index_tc.jsp

步驟七：Day 3早上安心出行變咗藍碼，Day 4、Day 6仲要去做核酸…而且每天都要upload快速測試結果(共7次)

雖然無需強制酒店隔離，但咁搞法都幾趕客，餐廳入唔到又多程序，QR code/聲明書都有好幾個，很難想像遊客點去適應

要出門嘅朋友注意返啊～～返到嚟攞唔到藍碼錯過重要約會/工作都幾麻煩

去旅行，點換外幣最抵？即睇里先生最新分析文章：外幣兌換攻略… >>於新分頁打開全文 “實測！0+3入境回港安排 旅行返港醫學監測 簡易攻略及圖解教學”

日本終於開放返自由行啦！相信大家都準備緊嚟日本。而現行入境日本一定要用嘅「MySOS」app將於2022年11月14日起由「Visit Japan Web」網頁所取代，入境日本唔再需要透過「MySOS」嚟完成檢疫手續。而從2022年11月1日起旅客已經可以經「Visit Japan Web」嚟進行檢疫手續、入境檢查、海關申報等的事項。到底用呢個網頁嘅時候有啲乜嘢需要留意呢？等里先生逐一同你講解返啦！

Visit Japan Web 註冊登記教學(按入向下彈)

• 第一部分：Visit Japan Web 所需資料
• 第二部分：Visit Japan Web 註冊流程
• 第三部分：無法完成註冊Visit Japan Web

Visit Japan Web 所需資料

首先用手機或電腦進入Visit Japan Web的網頁來完成登記，12歲以下兒童可由同行者代填。建議大家係入境前14日內，預計到達日本前6小時前完成註冊。

Visit Japan Web 網址：https://www.vjw.digital.go.jp/main/#/vjwplo001

事前登錄需要準備以下資料：

1.護照
2.72小時內新冠病毒檢測陰性證明（打少過3 針）或疫苗接種記錄（打咗3針）
3.電郵地址及聯絡電話
4.往來航班資料
5.在日本的居住地址

Visit Japan Web 註冊流程

Visit Japan Web 網址：https://www.vjw.digital.go.jp/main/#/vjwplo001

1.建立帳戶

進入Visit Japan Web 網頁後按建立新帳號，如果已經申請過Visit Japan Web 帳號可以直接登入

使用電郵地址建立一個帳戶

2.登記個人資料

登入後會見到這個頁面，點選本人資料以登記你的個人資料；如果想為同行家人登記個人資料，需要在你完成登記自己的個人資料後，回到這個頁面按「同行家人資料」再進行登記

點選本人資料後網頁會問你2個問題，一般遊客可以都選擇「否」，然後按「下一步」。如你持有日本的工作簽證或學生簽證，第2條問題請選擇「是」

之後填寫你的個人資料、出入境日本的預定時間、在日本的聯絡地址等的資料，就會進入以上的確認版面。確認資料填妥之後，按「登錄」

3.添加行程

完成登記個人資料後，按新增登錄添加行程

按指示填寫預計抵達日本的日期、航空公司名稱、航班編號（只需填寫數字）

如乘搭國泰航空CX542班機， 在「航空公司名稱」選擇CX，然後在航班號填寫542。填妥後按下一步

填寫在日本的聯絡地址，如知道酒店地址的郵遞區號，可嘗試使用郵遞區號自動填寫，填妥後按確認輸入內容

核對資料填寫正確後，按「返回入境、回國手續」繼續登記

4.填寫檢疫手續

成功添加行程後，進入行程會見到3個要填寫的項目：「檢疫的準備」、「入境審查準備」和「海關申報準備」。我們首先點選「檢疫的準備」之下的「檢疫手續(快速通關)」

然後透過「Visit Japan Web」遞交包括護照、72小時內新冠病毒檢測陰性證明（接種少於3 針疫苗）或疫苗接種記錄（已接種3針疫苗）。護照、72小時內新冠病毒檢測陰性證明（接種少於3 針疫苗）或疫苗接種記錄（已接種3針疫苗）可以用電話拍照直接上載、或於電腦上載相關文件。於上圖相應位置揀選你想上載的文件，之後就會去到相應的版面… >>於新分頁打開全文 “【日本入境準備】入境日本指定 Visit Japan Web 註冊登記懶人包！代替 MySOS！”

東京 Andaz Tokyo︱日本酒店 Hyatt旗下 型格奢華頂級酒店 全東京最高！世界級靚景！

到東京除咗住萬豪系列嘅mesm Tokyo, autograph collection，我仲有去到Hyatt旗下品牌Andaz Tokyo同Park Hyatt Tokyo。今日先同你睇睇Andaz Tokyo。

相信同好大部份讀者一樣都係過去3年困咗係香港先跑咗個Globalist返嚟，很慚愧大鄉里出城第一次住Hyatt旗下相對luxury嘅品牌Andaz同Park Hyatt，香港住嚟住去都係Grand Hyatt/ Hyatt Regency，係近年多咗間Hyatt Centirc。咁過去3年儲落啲分都終於有用武之地，可以用係啲奢華酒店到（使用積分性價比唔算好高，不過我原則係用得返HK$0.12價值的話就唔好等用咗啲分佢享受咗先）咁呢間Andaz Tokyo每晚連加一要88,000 Yen，咁我啲分就用咗先算架喇。

首先一提，呢間Andaz係無得用套房券的（我未查到係咪全部Andaz都唔俾用）所以事前無得guarantee 升套房，而我今次幸運地升到間Deluxe room (其實啫係corner room嚟) 都已經相當唔錯一路有𥄫住個app，我checkin時間係4點左右，都係3點鐘先見到升咗房，感恩硬係感覺遲checkin升房機會會大啲

一到埗checkin 就已經見到front desk manager係51樓checkin lobby到等待，佢相當親切，知我係香港嚟嘅立即就提起佢曾經係Grand Hyatt Hong Kong到交流過一排，咁我梗係攞GH Club Lounge AM ( Scxxt，相信住過GH去過Grand Club的話大家都識佢 )出嚟震一震住個場先一提起佢大家都相當歡喜 佢又有提到已經好耐無接持講英文嘅客人，困咗2年都係主力做本地客咁話，一時三刻都要適應返講英文。呢個checkin conversation相當愉快且窩心，感謝 Masaaki san

東京頂級奢華酒店我仲住過萬豪系嘅The Ritz-Carlton，我本身以為係東京最高酒店嚟，不過聽Masaaki San講原來Andaz Tokyo係再高少少。我就無去fact check了，反正2間酒店嘅景觀都係世界級嚟。而整體下，我感覺係更喜歡Andaz Tokyo的隨性與型格。

如果酒店唔係咁貴我都想住多啲住耐啲 或者大家同我一樣儲埋啲分未用嘅話，都去東京一試！

東京 Andaz Tokyo住宿報告索引(快捷鍵)

• 第一部分: 東京 Andaz Tokyo 房間
• 第二部份:

【國泰A321neo】Cathay Pacific A321neo 香港-上海浦東 8月4日投入服務！

新機～首航～真的很興奮～嘩，國泰航空新一代嘅A321neo客機將於8月4日首航啟程前往上海，並擬於月內調配運作往來廣州、杭州、南京、青島、高雄及台北嘅航班！

國泰航空至今已接收四架空中巴士A321neo客機，並於下半年接收另外兩架。於2023年年底，國泰機隊將擁有16架A321neo客機。國泰航空嘅A321neo客機共有202個座位，包括12個商務客位及190個經濟客位。單通道嘅A321neo客機亦引入一系列別具特色嘅設計及設備，為顧客帶來全球最愜意嘅短途旅程！

國泰航空為左鼓勵香港居民接種疫苗，仲舉辦大抽獎活動，只要係2021年8月16日至9月15日期間報名參加抽獎，你就有機會贏取專屬航班暢遊香港上空，等你同親朋好友可以一齊乘搭A321neo飛機，遨遊香港天際！另外，你仲有機會贏取高達100萬「亞洲萬里通」里數獎賞添㗎！

又係全新及最先進，又有大抽獎活動，係咪對呢架A321neo好有興趣呢？不妨拉落下面睇住介紹先啦～

空中巴士 A321neo (32Q) 特色及座位表

可載乘客人數：

• 商務客艙 Business：12人
• 經濟客艙 Economy：190人
• 乘客總計 Total Passengers：202人

客機設有三個艙段：

• 客機嘅前方為商務客艙，緊接兩個經濟客艙艙段
• 經濟客艙第二個艙段嘅後方，設有適合行動不便乘客使用的洗手間
• 緊急出口行位於第35行及第二個經濟客艙艙段嘅前方
• 加長空間座位亦位於第二個經濟客艙艙段嘅前方
• 係商務客艙，洗手間及備餐間設於前方
• 係經濟客艙，洗手間及備餐間設於客機嘅後方

極致舒適的客艙環境：

• 商務客艙
  • 流線型包裹式座椅附設嘅伸縮隔板可以提供最大私隱度
  • 提供減噪耳機，15.6吋4K超高清屏幕
• 經濟艙
  • 座椅可往後大角度調校，並配備舒適嘅枕墊和新嘅可調節頭枕
  • 提供11.6吋4K個人電視屏幕，綜合式USB-A和USB-C接口
• 係機艙加設了一個額外洗手間，減省乘客嘅輪候時間
• 提供全新LED燈光照明

國泰A321neo-客艙環境

頂級機上視聽之娛：

• 首家航空公司為旗下A321neo飛機內嘅所有客艙配備4K超高清屏幕
• 提供4K娛樂節目及藍牙功能連接乘客嘅個人音頻裝置
• 每月都會增添更多自選娛樂內容，當中包括庫存最為全面嘅中文及外語電影，以及全套人氣劇集和紀錄片
• 機上更設有最新遊戲系列及高速無線網絡

國泰A321neo-所有客艙配備4K超高清屏幕，可盡情欣賞數量傲視同儕嘅國泰機上娛樂節目

國泰A321neo-提供藍牙功能連接乘客嘅個人音頻裝置

寬敞的儲物空間：

• 超大嘅艙頂置物櫃可輕鬆容納八件隨身行李，容量比之前大增60%
• 商務及經濟客艙的座位均設有獨立飲品架和擺放水樽嘅間隔
• 提供底座讓你放置平板電腦及其他個人裝置

國泰A321neo-超大嘅艙頂置物櫃

實施嚴格的衛生措施：

• 採用高科技嘅高效微粒子空氣過濾系統（HEPA），確保機艙空氣質素維持在最佳水平
• 確保每次乘客開展旅程前機艙已經過全面消毒，並在提供服務時緊守指引

國泰A321neo-實施嚴格嘅衛生措施

更具環保效益：

• A321neo嘅每座位碳排放量減少了22%，氮氧化物排放量更大減55%
• A321neo飛機亦更為寧靜，產生嘅噪音水平比現有飛機少近15%

齊打疫苗，參加國泰大抽獎

• 推廣期：2021年8月16日（香港時間00:00）至2021年9月15日（香港時間23:59）
• 大抽獎活動獎品：
  • 大獎：國泰航空空中巴士A321neo專屬航班暢遊香港上空（約一小時三十分鐘）1份
  • 二獎：100萬「亞洲萬里通」里數獎賞，共10份名額
  • 三獎：10萬「亞洲萬里通」里數獎賞，共100份名額
• 參加者必須於推廣期內登入 https://www.cathaypacific.com/cx/zh_HK/offers/cathay-vaccination-lucky-draw.html 使用電子登記表格進行登記
• 於登記時提供其個人資料包括香港身份證號碼（英文字母及首4 個數字）及申報已於或將於2021年8月31日（香港時間）或之前完成接種兩劑*由香港政府推行的2019冠狀病毒病疫苗接種計劃下的新冠疫苗
• 你必須符合以下條件才可參加國泰大抽獎：
  • 已登記成為「亞洲萬里通」或馬可孛羅會會員
  • 年滿 18 歲或以上
  • 持有有效香港身份證的香港特別行政區居民
  • 在 2021年8月31日前，完成接種香港特別行政區政府2019冠狀病毒病疫苗接種計劃提供的兩劑*新冠疫苗
  • * 如任何人士之前染上2019冠狀病毒，他們在已完成接種一劑新冠疫苗後，在相同的條件下將符合資格。如參加者提供的個人資料不準確、不完整或不足夠，將被取消資格。

【黎明演唱會2021】東亞信用卡於 5月10至14日優先訂票！Leon Talk & Sing 2021

黎明2021年7月紅館開演唱會，Leon嘅歌迷記得買飛呀。今次東亞信用卡就獲得優先訂票權。持有東亞信用卡容戶於2021年5月10-14日早上10點開始可以優先訂飛。演出日期為2021年7月10-12日、7月16-18日（共6場）。優先訂票統一票價HK$880，其後亦會再作公開發售。適用信用卡→東亞Visa Signature卡(額外現金券！經里先生申請新舊客都有)、東亞i-Titanium卡(都有額外現金券！)、東亞FlyerWorld及其他東亞卡(東亞JCB除外)

Leon Talk & Sing 2021香港演唱會詳情

• 東亞卡優先發售：2021年5月10-14日
• 統一票價HK$880,  (優先推出場內50%精選座位門票發售)
• 演出場館：紅磡香港體育館
• 演出時間：晚上8:15pm

黎明演唱會2021演出日期7月(共6場)

1. 2021年7月10日（星期六）頭場
2. 2021年7月11日（星期日）
3. 2021年7月12日（星期一）
4. 2021年7月16日（星期五）
5. 2021年7月17日（星期六）
6. 2021年7月18日（星期日）尾場

黎明演唱會・東亞信用卡優先訂票詳情

• 東亞信用卡優先購票日期：2021年5月10-14日上午10時開始
• 優先訂票網址： https://hotdogtix.com/events/4510270613356544
• 訂票詳情：經HotdogTIX官網或 HotdogTIX手機App訂票
• 每次透過網上進行訂購上限為6張門票。HotdogTIX 保留分隔座位（包括以單數方式分配座位）之權利。
• HotdogTIX將收取每張門票HK$35之客戶服務費
• 速遞費用：每個訂單HK$30
• 適用信用卡：東亞Visa Signature卡、東亞i-Titanium卡、東亞FlyerWorld及其他東亞卡(東亞JCB除外)

💰現金回贈信用卡