【轉數快FPS】16間銀行優惠比較合集+微信WeChat Pay/支付寶Alipay HK/OePay轉賬教學

FPS轉數快優惠 比較 教學

【轉數快FPS】銀行優惠比較合集+微信WeChat Pay/支付寶Alipay HK/OePay轉數快轉賬教學

轉數快9月30日正式可以用到,英文名Faster Payment System,簡稱FPS。本身轉數快唔同PayMe/微信WeChat Pay/支付寶Alipay HK/八達通OePay嘅電子錢包,FPS並唔係一個App嚟而係一個金管局所帶領嘅一個支付系統,現時各大銀行包括HSBC/中銀/恒生/Citibank/DBS/東亞/大新等等都有參與而又有提供登記優惠。測試完兩日,感覺上幾好用而且穩定,相信日後除咗朋友之間嘅過數/自己interbank嘅過數仲有好多機會係日用生活中應用到,確實為香港重要金融基建之一。第日我個人覺得會發展到直接用FPS找卡數,係嘅話真係PPS繳費靈都可以收皮。當然,新系統去被廣泛應用首先要解決到市民日常生活中嘅「痛點」,而FPS可解決到嘅「痛點」如下:

  • 整合跨行轉賬,有對方電話號碼或電郵就得,如HSBC用戶可以即時過錢去自己(或朋友)個BOC戶口
  • 有參與嘅銀行都可以互通到,達到實時免費跨行轉賬(暫時未見到有個人銀行要收費)
  • 整合錢包,支付寶HK可以馬上轉賬去自己或人地個戶口,對於玩錢包方便咗
  • O!ePay都可以馬上轉賬去自己或人地個戶口,又係好方便
  • (10月20更新) WeChat Pay微信支付都可以用轉數快直接轉錢去戶口
  • PayMe未參與FPS

每間銀行個用法都唔同,其實你去返間銀行網頁好多都有教學你點樣登記同埋點樣收款/轉賬,有機會我再加入解釋,總括而言,用之前有幾個general rules你要知先:

  • Update你個銀行App/WeChat Pay/支付寶HK/O!ePay個App先,你唔update有機會睇唔到新加入既轉數快功能
  • 你想用FPS最好係你部電話裝返你間銀行App先,雖然desktop版都用到,但本身個系統主要俾手提電話用先發揮到佢既主要功能(隨時隨地P2P)
  • 你會成日見到銀行app/錢包問你要唔要登記XX銀行/XXPay為「預設收款賬戶」,通常會pre-set咗你會用該銀行,你唔想轉嚟轉去嘅話記得綁定時要tick走
  • 假設你選了HSBC為預設,之後想改返BOC做預設都可以,唔係一舖定生死,放心試用
  • 無需要登記成為「預設收款賬戶」照樣可以用該銀行嘅FPS服務
  • 電話號碼電郵(與銀行登記的相乎)可以分開出2個預設收款賬戶,換句說話正路你應該食到兩間銀行嘅FPS 「預設收款賬戶」welcome offer
  • FPS個制係邊到按?通常係「轉賬」列,呢加會加咗電話/電郵轉賬,見到啫係果個就係用緊FPS

金管局轉數快FPS介紹短片


FPS轉數快教學及優惠索引(按入向下彈)


WeChat Pay/支付寶HK/OePay轉數快FPS點用

  • 首先Update你個WeChat Pay/支付寶HK/八達通O!ePay個App先去最新Version先
  • 支付寶HK: 只能以錢包餘額轉賬,選「首頁」>「轉賬」>「轉賬至銀行賬戶/電子錢包」>「轉賬方式改做 電郵/電話號碼」。收款銀行選或唔選都得,唔選會自動出收款人個預設收款賬戶。實測過可即時到賬。 (雖然方便咗轉錢走但暫時建議用返提現功能去銀行,因為支付寶有轉賬年上限)
  • O!ePay: 「主頁」>「轉數快」>「P2P」>「入電話號碼」。收款銀行選或唔選都得,唔選會自動出收款人個預設收款賬戶 (轉錢走方便咗但仍受限用上限$5,000以上0.5%手續費)。實測過可即時到賬。
  • (10月20日更新) WeChat Pay: 只能以錢包餘額轉賬,選「我的設定」>「錢包」>「轉數快」>可選「銀行賬戶轉賬」或「通訊錄轉賬(電郵/電話號碼)」。 留意必須身份認證咗先可以用,初級認證每月限額$50,000,高級認證每月限額$100,000。實測過可即時到賬。
  • PayMe: 未加入FPS

fps 轉數快 wechat pay 微信支付


FPS轉數快優惠合集

HSBC轉數快優惠:HK$30+HK$20現金回贈

  • 活動日期:2018年9月30日至10月31日
  • 維持預設收款戶口日期:條款寫現金回贈作業之時(2018 年 12 月 31 日或之前)
  • 名額:首 60,000 名符合指定要求的合資格客戶,先到先得,額滿即止。

於推廣期內,每名合資格客戶可通過執行以下步驟以獲得總價值港幣 50 元的現金回贈:

i. 符合以下條件的合資客戶將獲港幣 30 元的現金回贈:

  • (A)將其合資格戶口登記為「轉數快」預設收款銀行;
  • (B)透過「轉數快」*從其他銀行賬戶或儲值支付工具累積達三項收款(每項金額為港幣 10 元 /人民幣 10 元或以上)至合資格戶口;及

ii. 符合以下條件的合資客戶將獲額外港幣 20 元的現金回贈:

  • 成功透過香港滙豐流動理財應用程式使用「轉數快」*進行兩項付款至其他銀行賬戶或儲值支付工具。
    注:

*現金回贈只限於首 60,000 名符合指定要求的合資格客戶,先到先得,額滿即止。

官網: 連結

條款: 連結


中國銀行香港轉數快FPS優惠:HK$30+HK$20現金賞+抽獎60萬積分/$500現金賞

  • 活動日期:2018年10月1日至10月31日
  • 維持預設收款戶口日期:2019年1月31日
  • $50現金賞名額:首 35,000 名符合指定要求的合資格客戶,先到先得,額滿即止。
  • 抽獎名額: 60萬積分(30名)//$500現金賞(70名)

i. 首 35,000 名合資格客戶於推廣期內綁定中銀香港賬戶為「轉數快」預設賬戶,同時由 2018 年 10 月 1 日至2018 年 10 月 31 日期間(包括首尾兩天),透過其於中銀香港的「轉數快」預設賬戶成功收取由其他銀行/機構轉賬一筆達港幣100元或以上(或其等值金額)的「轉數快」轉賬「( 合資格收款交易」),可享港幣 20 元現金獎賞(「獎賞一」)

ii. 獎賞一客戶於合資格收款交易期內累積合資格收款交易達 5 次或以上額外可享港幣 30 元現金獎賞

iii. 獎賞一客戶同時符合以下條件,即可自動參加「飛」快收款大抽獎(「獎賞三」)。

  • 維持綁定中銀香港賬戶為「轉數快」預設賬戶至 2018 年 12 月 31 日;
  • 2018 年 12 月 31 日的港幣活期存款增長須達到港幣 2 萬元或以上(對比 2018 年 8 月 31 日)。港幣活期存款賬戶只包括合資格客戶的單名儲蓄存款賬戶及單名支票往來賬戶。
  • 除此以外,成功綁定後,無須使用「轉數快」,只要港幣活期存款於2018年12月31日的存款較2018年8月31日多HK$20,000,即可參加大抽獎,有機會贏取雙人來回日本機票,以60萬積分代替 (30名) 或HK$500現金獎賞 (70名)!

官網: 連結

條款: 連結


渣打轉數快FPS優惠:$20現金回贈+每天抽30,000里數

  • 活動日期:2018年9月30日至12月31日
  • 維持預設收款戶口日期:2018年12月31日
  • $20現金回贈名額:首 100,000 名符合所有優惠要求的客戶,先到先得,額滿即止。
  • 30,000 Asia Miles抽獎名額:每天抽出一名得獎者

合資格要求包括︰

  • a. 成功在 2018 年 9 月 17 日至 2018 年 12 月 31 日(包括首尾兩天) (「登記期」),以手提電話號碼或電郵地址(「識別代碼」)登記 SC Pay 並登記渣打銀行(香港)有限公司(「本行」)的戶口為識別代碼的轉數快預設收款戶口; 及
  • b. 於推廣期內, 維持本行的戶口為已登記識別代碼的轉數快預設收款戶口; 及
  • c. 成功於推廣期內以已登記識別代碼經由 SC Pay 進行第三者轉賬(「合資格轉賬」)。

每位合資格客戶只可於每日內,獲得最多㇐次的抽獎機會。本抽獎於每日進行㇐次,於整個推廣期會進行合共九十三次抽獎。

官網: 連結

條款: 連結


Citibank轉數快FPS優惠:$100現金券

  • 活動日期:2018年10月2日至11月30日
  • 維持預設收款戶口日期:條款寫寄出換領信之時(預計2019年2月28日或之前)
  • $100現金券名額:首 8,000 名符合指定要求的合資格客戶,先到先得,額滿即止。

符合以下條件之客戶(「合資格客戶」)可享港幣100元之現金券獎賞(「獎賞」):

  • i. 首8,000名登記「轉數快」並以流動電話號碼綁定花旗銀行(香港)有限公司(「本行」)賬戶為「轉數快」預設收款賬戶之客戶,及
  • ii. 於推廣期內經「轉數快」以流動電話號碼於本行預設賬戶成功收取由其他銀行/機構轉入一筆達港幣100元或以上(或其等值金額)的款項一次,及
  • iii. 於推廣期內透過Citi Mobile®流動理財手機程式以「轉數快」轉賬一筆港幣100元或以上(或其等值金額)至其他人的流動電話號碼一次

獎賞將於推廣期後3個月內寄往合資格客戶登記於本行的通信地址。合資格客戶於本行送出奬賞時仍是有效之本行客戶、維持賬戶綁定服務及設定本行為預設收款銀行,否則,有關獎賞將會被取消及不會以任何其他方式提供予合資格客戶。

官網: 連結

條款: 連結


DBS轉數快FPS優惠:高達HK$400現金獎賞

  • 活動日期:至2018年12月31日
  • 維持預設收款戶口日期:條款寫直至現金獎賞存入期完結(2019年2月28日或之前)
  • $100現金券名額:首 8,000 名符合指定要求的合資格客戶,先到先得,額滿即止。

登記獎賞: 客戶須符合以下所有條件方可獲港幣 100 元現金獎賞

  • (a) 於推廣期内透過 DBS iWealth®、星展 digibank 或星展 iBanking 網上理財成功登記快速支付系
    統;及
  • (b) 於推廣期內把星展銀行戶口設定為快速支付系統預設收款賬戶;及
  • (c) 維持該星展銀行戶口作爲快速支付系統之預設收款賬戶直至現金獎賞存入期完結。

轉賬獎賞: 最多300元現金獎賞

  • 客戶於推廣期内每完成 10 次合資格交易,即轉賬至不同的流動電話號碼/電郵地址或使用二維碼支付功能於商戶消費,可獲港幣 100 元現金獎賞。
  • 每位客戶最高可享港幣 300 元快速支付系統交易獎賞。

官網: 連結

條款: 連結


大新轉數快FPS優惠:抽獎6.5吋大屏幕旗艦智能手機(512GB)

  • 活動日期:2018年10月18日至12月31日
  • 維持預設收款戶口日期:2019年2月8日
  • 抽獎名額:手機1部,平版電腦1部,智能手錶1隻,HK$100 Sogo券20份

玩法︰

  • 每筆合資格收款交易或合資格付款交易可獲抽獎機會 1 次。
  • 每名合資格客戶於推廣期內最多可獲 75 次抽獎機會,並有機會於抽獎中最多可中獎 1 次。
  • 大新銀行將於 2019 年 2 月 16 日或之前以電腦隨機抽籤方式進行抽獎。抽獎結果將於 2019 年 2 月 28日或之前在大新銀行網頁 www.dahsing.com 公佈。

官網: 連結

條款: 連結


恒生銀行轉數快優惠:$10 Cash dollar+HK$100,000最多次數+高達HK$500,000抽獎

  • 登記活動日期 ($10 Cash Dollar):至2018年10月31日
  • 維持預設收款戶口日期:2019年1月31日
  • $10 Cash Dollar名額:無寫限額,應該登記及維持就有份
  • 最多合資格交易次數得獎者(至1月31日):$10萬(1名)
  • 終極抽獎得將者(至1月31日): $50萬(1名)//$30萬(1名)//$20萬(1名)

官網及條款: 連結


東亞銀行FPS優惠:HK$20+HK$20 OK便利店電子現金券

  • 活動日期:至2018年12月31日
  • 維持預設收款戶口日期:條款寫持續最少三個月,及於禮品發放時其預設收款銀行亦必須為東亞銀行(無寫幾時發放)
  • 登記$20 OK便利店電子現金券名額:首8,000名
  • 完成交易$20 OK便利店電子現金券名額:首5,000名

首5,000名客戶透過BEA App完成以下指定交易1次或以上,指定交易包括:繳付賬單、轉賬、外幣兌換、i-P2p或i-Wishes、兌換獎分、買賣黃金、買賣外匯/貴金屬/孖展、投資掛鈎存款。

官網: 連結

條款: 連結


建行FPS優惠:HK$50咖啡券+每月有抽獎

  • 登記活動日期:至2018年10月31日
  • 維持預設收款戶口日期:不確定,條款寫於發放咖啡券當日為止,會以SMS通知(2019年12月31日前)
  • 咖啡券名額:無寫,登記及維持就有

建行FPS月月賞您遊世界大抽獎

於2018年9月30日至2019年3月31日,包括首尾兩天(「交易期」),合資格客戶成功透過本行之「網上銀行」或「手機銀行」以手機號碼、電郵地址或二維碼進行100港幣或以上或100人民幣或以上的轉賬,每完成一次指定「轉數快」交易,便可享抽獎機會一次。有機會贏取雙人來回巴黎、台北或曼谷機票2張或LeMaurice & Co. Parisian 24吋旅行喼1個。

官網: 連結

條款: 連結


交通銀行FPS優惠:高達HK$70

  • 活動日期:至2018年12月31日
  • 維持預設收款戶口日期:條款寫發放獎賞日為止(2019年2月28日前)
  • 名額:2,000名
  • 登記及1次$100或以上交易:$20
  • 收款4次以上: $30
  • 綁定儲值支付工具: $20

官網及條款: 連結


ICBC工銀轉數快優惠:高達HK$70及iPhone抽獎

  • 活動日期:至2018年11月30日
  • 維持預設收款戶口日期:條款寫發放獎賞日為止(2019年3月31日前)
  • 名額:5,000名
  • 登記及收款1次:$50
  • 付款1次: $20
  • 抽獎: 如下

成功登記可自動參加抽獎1次,完成收付款交易分別獲得1次抽獎機會,每人最多可獲得10次抽獎機會。
大獎3名得獎者各獲iPhone XS Max 512GB一部。幸運獎5名得獎者各獲iPad一部。

官網及條款: 連結


創興銀行轉數快優惠:HK$30現金回贈及iPhone抽獎

  • 活動日期:分階段獎賞,10月31,11月30,12月31及1月31
  • 維持預設收款戶口日期:分階段,12月31,1月31,2月28及3月31日前
  • 名額:HK$30每階段500名,抽iPhone全期計3名
  • 登記及付款1次
  • 付款1次: $20

官網及條款: 連結


信銀國際FPS優惠:HK$50現金回贈 及 3.8%港元定存

  • 活動日期:至2019年1月31日
  • 維持預設收款戶口日期:2019年1月31日
  • 名額:有限,但無寫幾多
  • 玩法:於2019年1月31日或之前透過「轉數快」成功收取一筆最少達港幣100元或人民幣100元的轉賬至上述的「轉數快」預設賬戶

客戶可透過inMotion動感銀行開立3個月港幣定期存款,存款金額最少為港幣10,000元及最高為港幣100,000元。轉數快定期存款優惠年利率為2018年10月 2 日公佈的優惠年利率,並僅供參考。信銀國際保留權利更改或修訂年利率。於客戶開立定期存款時,信銀國際將會與客戶確認適用的年利率。

官網及條款: 連結


集友銀行FPS轉數快優惠:高達HK$150超市禮券

  • 活動日期:至2018年11月17日
  • 維持預設收款戶口日期:無寫
  • 名額:無寫
  • 玩法:網上銀行或手機銀行登記並綁定帳戶,即可獲贈 HK$50 超市禮券一張+開設投資賬戶,可獲額外 HK$50 超市禮券+完成=《投資取向問卷》,再獲額外 HK$50 超市禮券

官網及條款: 連結


招商永隆銀行:搶紅包高達HK$50

  • 先下載「招商永隆銀行一點通」
  • 綁定「轉數快」服務就可參與搶紅包活動
  • 紅包金額高達HK$50

FPS轉數快教學及優惠索引(按入向上彈)

21 comments