HSBC信用卡獎賞錢兌換新功能！可轉換至百佳MoneyBack易賞錢再換Asia Miles | 於8月30日前兌換多50%！

10 June 2019 里先生 Asia Miles 亞洲萬里通, Asia Miles HSBC 信用卡

HSBC獎賞錢兌換新功能！可轉換至百佳MoneyBack易賞錢再換Asia Miles | 於8月30日前兌換多50%！

HSBC信用卡獎賞錢又有新搞作！本來HSBC獎賞錢已經用途夠晒多又可以換Asia Miles又可以當錢洗又可以分享獎賞錢俾朋友。呢加又有新野玩，可以轉換至百佳MoneyBack易賞錢再換Asia Miles可換多咗25% Asia Miles之餘仲可以節省到手續費，現時至8月30日前仲有promotion轉換至MoneyBack會再多50% (條款有伏，睇埋落去)！未明白唔緊要，以下再慢慢同你解釋下！

里先生親身試咗RC>MB係即時到賬添啊！MoneyBack新加入除咗同HSBC獎賞錢兌換，連Citi積分都加入埋！遲下再同你睇埋點玩著數，今次睇住HSBC先！

未有HSBC信用卡就快啲申請返張喇！現時經里先生申請有多額外50獎賞錢！詳情→ HSBC信用卡

下載易賞錢MoneyBack App

自行到App Store/ Google Play下載

獎賞錢？易賞錢？搞清楚啲terms先！

獎賞錢 = Reward Cash (RC) = HSBC信用卡積分
易賞錢 = MoneyBack points (MB) = 百佳/豐澤/屈臣等等嘅積分計劃 (誠哥果個集團啊！)
Asia Miles (AM)，我諗呢個唔洗解釋，而RC同MB都可以換到去Asia Miles，各有比率不同
RC換去Asia Miles每年要俾$300手續費，無限次兌換
MB換去Asia Miles無需要手續費

「易賞錢」積分/獎賞錢兌換Asia Miles比率

(MB>AM) 400易賞錢 =100 Asia Miles
(RC>AM) 10獎賞錢 =100 Asia Miles
(RC>MB>AM) 10獎賞錢 = 500易賞錢 = 125 Asia Miles (25% more！)
(新改動亮點***)現時10獎賞錢可換500易賞錢，計返比率啫係換到125 Asia Miles而且可節省到HSBC要收嘅手續費！所以現時起要用RC換AM，記得先換去經一經MoneyBack再換去Asia Miles咁會多25%！
兌換AM方法→易賞錢MoneyBack換Asia Miles

HSBC獎賞錢兌換百佳MoneyBack易賞錢額外50%推廣

優惠推廣期為2019年6月10日至8月31日
於一般情況下，每$1「獎賞錢」可兌換50「易賞錢」積分
於額外50%「易賞錢」積分優惠情況下，每$1「獎賞錢」可兌換75「易賞錢」積分，即每兌換$1「獎賞錢」可同時獲享額外25「易賞錢」積分
重要！額外「易賞錢」積分只會就首個有兌換紀錄的「易賞錢」手機應用程式賬戶之兌換交易而釐定
於額外50%「易賞錢」積分優惠下，您最多只可獲享額外2,500「易賞錢」積分(啫係換100RC就爆，100RC=基本5,000 MB+額外2,500 MB

活動官網→連結

HSBC獎賞錢兌換百佳MoneyBack易賞錢存入時間

基本「易賞錢」積分會於兌換後即時存入相關的「易賞錢」手機應用程式賬戶；
而額外「易賞錢」積分則會於2019年11月30日或之前存入您首個有兌換紀錄的「易賞錢」手機應用程式賬戶。
您需自行登入「易賞錢」手機應用程式賬戶查閱「易賞錢」積分餘額。如您於2019年12月31日尚未獲享額外「易賞錢」積分，您需自行通知商戶。
當「獎賞錢」兌換成「易賞錢」積分後，即受商戶的條款及細則所約束。已兌換的交易不可再轉回

官網→條款

HSBC獎賞錢兌換百佳MoneyBack易賞錢方法

首你要有HSBC Reward+ APP同埋MoneyBack App
我睇落兩者要用相同電話號碼及登記人名稱登記
打開Reward+，入資料連結至MoneyBack
開啟滙豐Reward+，於「使用RC」頁面登入並選取「兌換獎賞錢」