易賞錢Asia Miles互換!去百佳去買嘢賺MoneyBack都儲里數,綁定HSBC easy信用卡可以賺到6x MoneyBack (易賞錢),要現金回贈的話加埋有4.8%!要里數的話可以低至HK$2.08=1里!
百佳積分易賞錢Moneyback App轉Asia Miles用到喇!之前易賞錢MoneyBack更新咗個app,無咗換Asia Miles嘅選項,其他轉換選項好似HSBC RC咁就仍然換到。仲以為佢哋取消咗合作,估唔到最近入返易賞錢app又見返換Asia Miles嘅制啦!而家你update咗個app之後綁定Asia Miles亞洲萬里通戶口就可以選擇電子兌換(下面有圖)!雖然個比率唔算特別抵,但反正日用品都係要買,有得賺里數嘅梗係要賺埋佢啦!同埋買百佳現金券都可以賺到MoneyBack㗎!
其實易賞錢換AM嘅兌換率同HSBC RC換AM嘅係一樣的,但係佢同信用卡積分換里數係屬於唔同類別,所以玩國泰會員樂賞派對就可以輕鬆完成2個類別交易嘅任務,唔使諗方法夾硬賺/用啲里數去做任務。或者無信用卡積分份嘅額外里數Bonus活動,好似國泰里賞佳節咁都可以用呢招嚟幫手chok里數!
Asia Miles都可以用嚟換返做易賞錢,不過掉返轉嚟換個比率就好唔抵了。以前就話Asia Miles里數會過期要用呢招嚟續命,而家Asia Miles有效期改咗制做每18個月賺取或兌換里數一次就可以延長所有里數嘅有效期,我認為就無需要再調轉用里數換返易賞錢啦。
另外國泰成日搞啲額外Asia Miles Bonus活動,用Moneyback轉入Asia Miles符合基本條件就最簡單!仲有就係透過MoneyBack同HSBC RC兌換率一樣同埋可以互換嘅機制,如果有效利用呢個機制其實用Moneyback就可以令到HSBC信用卡獎賞錢RC變相不過期!
「易賞錢」積分兌換Asia Miles
用實體「易賞錢」卡消費,或在收銀處掃描Money APP內的電子會員卡 ,即可賺取「易賞錢」積分。如果唔記得帶會員卡,你試下同佢講個手機號碼(MoneyBack個網話得)。
- 「易賞錢」積分有效期: 2年
- 「易賞錢」積分會於消費日後5天內顯示
*百佳旗下超市包括百佳超級市場、FUSION、TASTE、INTERNATIONAL、GOURMET、GREAT FOOD HALL、SU-PA-DE-PA超市部
#以下情況沒有積分:購買初生嬰兒奶粉、香煙、任何換購推廣 (如需加錢換購貨品,該附加金額將獲基本積分獎賞)、八達通増值服務、塑膠購物袋環保徵費、使用禮券、電話咭、繳付電話費、使用折扣優惠券、於SU-PA-DE-Pa之百貨部修改服裝費用、搬運費用、搬運樓梯費用及安裝費用亦不獲積分獎賞。
「易賞錢」積分兌換Asia Miles比率
- (MB>AM) 1,500易賞錢 = 300 Asia Miles
- (RC>AM) 30獎賞錢 = 300 Asia Miles
- 每次最少兌換1,500易賞錢 = 300 Asia Miles;每月兌換上限30,000 易賞錢 = 6,000 Asia Miles
Asia Miles兌換「易賞錢」積分/獎賞錢比率
- (AM>MB) 2,000 Asia Miles =4,250易賞錢
- (MB>RC) 500易賞錢 = 10獎賞錢
- (AM>RC) 2,000 Asia Miles =85獎賞錢
- 每次最少兌換2,000 Asia Miles =4,250易賞錢;每日兌換上限30,000 Asia Miles =63,750易賞錢
- 結論:掉返轉用里數換易賞錢/RC係好唔抵
「易賞錢」積分兌換獎賞錢比率
- (RC>MB) 10獎賞錢 = 500易賞錢
- (MB>RC) 500易賞錢 = 10獎賞錢
- 每次最少兌換10獎賞錢,最多兌換1,000獎賞錢
「易賞錢」積分及「亞洲萬里通」里數兌換方法/途徑
- MoneyBack App (Instant入落AM戶口)
- 設於百佳/Taste等等百佳旗下超市「易賞錢」機
- 「亞洲萬里通」網站
下載易賞錢MoneyBack App
- 自行到App Store/ Google Play下載
易賞錢App換Asia Miles實測
易賞錢App換獎賞錢RC實測
獎賞錢RC換易賞錢Moneyback實測
易賞錢「解鎖夢想大抽獎」活動 2026
易賞錢「解鎖夢想大抽獎」活動詳情
用Visa卡於百佳、屈臣氏、豐澤、屈臣氏酒窖門市或網店簽賬滿$100即可抽獎,有機會贏取電動車+400萬Asia Miles!663份獎品總值逾$230萬!
- 活動日期:2026年11月6日至12月31日
- 參加資格:易賞錢會員
- 參加方法:先於易賞錢App內登記活動
- 基本抽獎機會:於指定商戶以香港發行Visa卡單一消費滿HK$100,即可獲1次基本抽獎機會(門市消費需要使用Visa實體卡付款,先符合活動要求。)
- 合資格信用卡:滙豐easy信用卡(最推薦使用)、滙豐Visa Signature、安信WeWa Visa信用卡、或其他Visa卡
- 抽獎日期:2027年1月20日
- 抽獎結果公布日期:2027年1月29日
- 活動受條款及細則約束,更多活動詳情及獎品資訊,請瀏覽易賞錢app活動頁面。
除咗每筆合資格簽賬本身可以賺抽獎機會,活動期間去唔同指定商戶完成合資格消費,可以再解鎖額外抽獎機會:
| 合資格消費之指定商戶數目 | 額外抽獎機會 |
| 2個 | 1次 |
| 3個 | 2次 |
| 4個 | 3次 |
即係本身都會去百佳、屈臣氏、豐澤或者屈臣氏酒窖消費嘅話,分散去不同指定商戶完成合資格交易,最多可以再賺多3次抽獎機會。
易賞錢「解鎖夢想大抽獎」活動獎品
今次最大亮點就係獎品真係幾多元化,由電動車、Asia Miles到購物禮券都有,總共有663份獎品。
| 獎品 | 名額 |
| GEELY EX2純電小型SUV電動車(價值HK$200,000) | 1名 |
| 500,000「亞洲萬里通」里數 | 2名 |
| 350,000「亞洲萬里通」里數 | 2名 |
| 200,000「亞洲萬里通」里數 | 4名 |
| 100,000「亞洲萬里通」里數 | 7名 |
| 80,000「亞洲萬里通」里數 | 10名 |
| HK$5,000豐澤禮券 | 180名 |
| HK$2,000百佳禮券 | 249名 |
| HK$1,500屈臣氏禮券 | 208名 |
易賞錢App換Asia Miles實測 (舊文)
加入里先生已驗證內容為 Google 首選來源,減低出錯率!


20 thoughts on “百佳易賞錢Moneyback Asia Miles里數優惠及兌換教學2026!綁定HSBC easy信用卡可賺6x可換飛行里數!變相extend HSBC獎賞錢”
請問有咩方法係asiamiles轉做易賞錢?網站同app都冇,連百佳部機都唔得,已經試過幾部唔同shop的機……
我都試過唔得…暫時我諗無法
我打電話問過佢,佢話網站做唔到,一定要去百佳超市的易賞錢機換,我去過幾間,都顯示無法轉換,又無人問
放棄把啦,Asia Miles網站已經見唔到AM可以換到Moneyback。只能MB換AM
請問用money back個app 轉易賞錢積分做Asia mile 有無手續費ga?
無
如果咁樣亙換, 積分有效期會從新計起嗎?
可以做到將啲分永久續期?
Asia miles 我搵唔到方法轉moneyback
而且就算有都係有discount
請問用money back個app 轉易賞錢積分做Asia miles系咪冇咗呢?谢谢
仲有
而家易賞錢Asia Miles互換仲有SO嗎?
同hsbc 獎賞錢就咁換AM比較的話有so
請問Asia miles 有分就到期,係咪可以將分數轉到MoneyBack先
呢加好似無得online搞
我都好耐無咁搞過
點可以將AM轉落MB先?謝謝
呢加要搞好似好麻煩,要睇睇百佳果啲易賞錢機有無得做
里先生, 知唔知 Money Back 帳戶內累積的分數有沒有上限? 還打算等到1月1日之後﹐才用 Reward Cash 兌換至 MB 再轉做 AM, 這樣換來的 AM 便沒有到期日, 宜家可能要在20號前轉晒做 MB 先, 1月1日後才轉做 AM, 所以想知 MB 分數有沒有上限, 謝謝 !
每月只可轉30000 AM
想問下, Asia miles 到期, 係唔係可以用互換既方法去延長返 asia miles ? Thanks
你首先要搵到方法由moneyback轉去asia miles
現時已經好似無咗。同埋留意返個折讓,有可能會蝕的
Comments are closed.