里先生 Mr. Miles | 里數攻略 | 信用卡酒店旅遊優惠情報

限時Citi迎新優惠！經里先生申請指定Citibank信用卡 簽HK$2,000就送Apple最新AirPods Pro(第2代)，價值HK$1,849！簽賬要求可以用電子錢包完成，啫係0成本就賺到AirPods Pro 2！今次有6張免年費信用卡可以選擇。

今次開戶迎新超抵賺，直接送Apple新出用Type C充電嘅Apple AirPods Pro 第2代(價值HK$1,849)，呢個充電盒仲有MagSafe功能好方便！Citi信用卡新客只要喺2024年1月31日或之前經里先生成功申請7張指定Citi信用卡，並喺2024年2月29日或之前成功批卡，批卡後於30日内簽賬滿HK$2,000即可獲取獎賞。如果之前miss咗個deadline今次可以申請返，簽HK$2,000就可以直接賺到最新Apple AirPods Pro 2(第2代)，價值HK$1,849！

今次嘅HK$2,000簽賬要求可累計，不限於一次交易，電子錢包都得！呢HK$2,000簽賬要求可以用PayMe/AlipayHK搞掂，等於無成本賺到部AirPods Pro 2返去呀！

另外，長假期計劃出遊記得登記Citi冬日賞，每個月內累積5次指定類別單一簽賬滿HK$500或以上，用Citi信用卡簽外幣有額外8%回贈，而訂機票/酒店/旅遊套票、食飯/外賣、買衫買鞋、買電子產品、網上買餸都有額外6%回贈！拎到張卡後記得喺Citi Mobile App撳右下角「Get More」登記，名額有限，先到先得！（官網詳情：https://www1.citibank.com.hk/chinese/credit-cards/promotions/winter-spend）

確保申請能被追蹤注意事項

確保你的申請能被追蹤特別需注意：… >>於新分頁打開全文 “（優惠已完）Citi信用卡迎新優惠｜申請Citibank指定信用卡 無成本賺最新AirPods Pro第2代！”

【中銀Chill信用卡】Chill商戶10%回贈 或 海外及網上簽賬享5%回贈！迎新賺HK$500！永久免年費！

中銀都加入網購信用卡大戰！今次呢張卡玩法似HSBC EveryMile咁有一堆指定商戶但中銀俾到10%現金回贈！Overall張卡唔錯，只係每月回贈上限唔算好高，要睇住個上限就住嚟用。網購回贈5%多過HSBC Red信用卡 4%但係少過中信Motion 6%，而個回贈上限係3張之中最少果張。但係中銀2024年加咗狂賞派平日10X紅日20X，加埋的話會變全城最高回贈！

中銀Chill Card呢張卡最大賣點：

1. 海外及網上簽賬有5%現金回贈 (假設上限全部都用係5%海外及網上簽賬，咁每曆月簽賬HK$150/4.6%=HK$3,261就打爆個上限)
2. 而喺Chill商戶嘅簽賬就有高達10%回贈(假設全部都用係10%商戶，咁每曆月簽賬HK$150/9.6%=HK$1,563就打爆個上限)，當中都有唔少大家用得著嘅商戶，例如Netflix、Spotify、Uniqlo同麥當勞等等，另外仲有好多打機相關嘅商戶，例如Nintendo同Playstation。

但留意以上1+2額外回贈上限每歷月總共為HK$150 (包括5%海外及網上簽賬及10% Chill商戶回贈)﹐記住要睇清楚會唔會爆quota啊！

迎新方面﹐有高達HK$500現金回贈。有興趣就睇埋詳情啦！

中銀5月優惠：中銀信用卡優惠合集

更多中銀信用卡優惠：中銀Cheers Card、中銀Chill Card、中銀Sogo信用卡、中銀大灣區雙幣卡

中銀Chill Card 分析索引(按入向下彈）

• 第一部分：中銀Chill Card迎新/年薪/年費
• 第二部分：中銀Chill Card優點缺點及基本資料
• 第三部分：中銀Chill Card常見問題FAQs
• 第四部分：中銀Chill Card條款

中銀Chill Card迎新/年薪/年費(第一部分)

中銀Chill Card迎新

• 推廣期：即日至2024年12月31日
• 憑卡於發卡月首兩個曆月內累積簽賬滿港幣 5,000 元或以上，可享HK$500現金回贈。

中銀Chill Card迎新條件、年薪及年費詳情

• 過去十二個月內未持有或取消過中銀信用卡(附屬卡、商務卡、Intown 網上信用卡、美金卡、澳門地區發行的中銀信用卡及私人客戶卡除外
• 永久年費豁免

中銀Chill Card迎新非認可簽賬

• 以「積 FUN 錢」兌換的簽賬折扣/金額
• 網上繳費交易
• 網上繳費分期
• 網上支付系統繳費予指定商戶
• 繳稅
• 八達通增值

平時用里數換機票嚟講只係免到個「機票價格」，但係你仍然要俾錢係因為有「政府費用及稅」同埋「航空公司燃油附加費」。「政府費用及稅」好少會有變動，所以對里數換機票嘅朋友嚟講對價格最大影響嘅始終都係「航空公司燃油附加費」。呢兩樣收費對平時會搶平機票嘅朋友都有好大影響，因為你好多時明明見到航空公司話做緊$0、$1xx機票特價，但最後要俾幾百甚至成千蚊都係呢兩樣收費係到作怪。而國泰航空作為香港嘅主場航空，好多時其他航空公司都係跟國泰升跌，所以睇國泰個燃油附加費走勢基本上都可得知其他航空公司大概會係幾多。唔知燃油附加費係咩嚟同埋知道佢就嚟升/跌有咩可以做？睇埋以下文章啦！

2024年1月1日起國泰航空收取之燃油附加費

國泰官網→連結

• 國泰個網有的難睇，總體燃油附加費如下:
• 短途(如日本,台灣,泰國): HK$253(由2023年10月1日至12月31日為止)；HK$207(由2024年1月1日起)
• 長途(如歐洲,澳洲,美國): HK$1,127(由2023年10月1日至12月31日為止)；HK$923(由2024年1月1日起)
• 簡單嚟講即係短途平咗$46，長途平咗$204
• 以上價格皆為由香港始發的航線，即係你張機票係來回咁買，第一程出發地喺香港就係咁收費。如果你係喺其他地方始發、或者你係單程咁換機票，就可以click返官網條link，睇下你喺由邊到出發而定。

燃油附加費係咩嚟？

燃油附加費，簡稱“YQ” ，你買機票時打開個價錢breakdown可以係tax/surcharge裡面睇到。美其名為航空公司可以用YQ嚟反映油價變動而對經營成本嘅影響，由YQ反映嘅價格變動係行政處理上會方便咗，但留意YQ對消費者，特別係里數換機票嘅朋友嘅換機票成本有直接影響。香港出發航班由2016年2月起唔俾收，民航處公布2018年11月起放寬可以再收返。

上圖為來回東京收取之燃油附加費(短途)

燃油附加費係點樣收取？長途及短途之分別？

各航空公司會就著所有航班及票種，分為短途及長途航線向乘客徵收客運燃油附加費。價錢係以每程計算，包括小童及嬰兒票。Econ同Business收取嘅價錢會一樣，長途就會比短途貴。

• 短途航班指指由香港出發往來香港 (HKG) 及亞洲地區之航班，包括日本,韓國,台灣,越南,中國,馬尼拉,金邊,泰國,檳城,吉隆坡,新加坡等地, 或者印尼峇厘，都會係當作短途。
• 長途航班指由香港出發往來香港 (HKG) 及西南太平洋地區、美洲、歐洲、中東、印度、非洲的航班，包括看似近啲但都當作長途嘅馬爾代夫,印度,斯里蘭卡,加德滿都。
• 如果以GCmap英哩距離計算，印尼峇厘會比加德滿都更遠，但因為燃油附加費係以區域計算所以峇厘當作短途會更加平。
• 燃油附加費係以每航段計算，即係當你需要轉機嘅時候，就要俾2次或以上嘅附加費。

於香港買機票顯示出嚟嘅價錢已經包括咗呢個燃油附加費，收幾多係由航空公司決定的。

上圖為馬爾代夫之燃油附加費(長途)

燃油附加費變動對於買機票嘅人有咩影響？

如果機票價格不變，而燃油附加費直接有增加或減少，消費者當然會直接受損(當YQ要加時)或者受惠(當YQ要減時)。如果你已經睇到下月會減的話，唔急嘅話可以等下月先買機票。

但長期嚟講，因為即使有燃油附加費的升跌但消費者做買機票的決定嘅時候都係會睇total price，同時各航空公司之間面對競爭，需要割價搶客時都係成個total price嚟減，所以又未必會對買機票好大影響。最實際都係睇返航空公司有無做特價機票優惠。

燃油附加費對於用里數換機票有咩影響？

對於里數換機票嘅人嚟講，燃油附加費當有增加或減少，個影響會比較直接，因為個Fuel Surcharge會直接加落個換機票成本到。好簡單嘅道理好似如果你2月份20,000里+$207+稅費 可以換到由香港出發到日本大阪來回機票，但係你3月份知道會加價，咁20,000里+$253+稅費 就可以換得到。呢個情況你就要係2月分換咗張機票先。反之亦然，所以對玩里數嘅朋友嚟講，燃油附加費嘅影響都幾大架。

燃油附加費於更改出發時間/重新出票/退票時會點？

1. Re-booking : 可以理解為改時間 (same itinerary, same airline)，曾經飛過用過嘅票可以做re-booking，燃油附加費不會重新計算
2. Re-issuance : 簡單啲睇，re-booking改唔到既就要用到re-issuance改，留意曾經飛過用過嘅票不可以re-issuance，燃油附加費會重新計算，所以出票時同重新出票時有變動會加/減，貴咗就補，平咗就退
3. Refund : 成張票退返里數及稅金，留意曾經飛過用過嘅票

AE信用卡同豐澤推出簽賬優惠，AE信用卡於豐澤門市購買指定正價貨品滿HK$2,000或以上，可享HK$100折扣優惠！提提你，今次優惠只適用於門市簽賬，網店無架～呢排行開街又有電器要買就啱曬喇！

想知更多優惠，即刻睇埋電器信用卡優惠合集、AE信用卡優惠合集

AE豐澤優惠詳情

• 優惠期：即日起至2024年12月31日
• 憑AE信用卡於豐澤購買指定單一正價貨品滿HK$2,000或以上，可享HK$100折扣優惠
• 優惠不適用於豐澤網店
• 優惠不適用於所有手機、電腦用品、智慧穿戴裝置、攝影器材、蘋果產品、Dyson產品、遊戲電玩相關產品、任何優惠折扣產品、豐澤現金禮券電話卡/儲值卡的交易、預付卡、網上遊戲卡、塑膠購物袋環保徵費及其他服務項目(包括但不限於繳費賬項、送貨或安裝服務費)
• 官網詳情：https://www.americanexpress.com/zh-hk/benefits/offers/shopping/fortress/

永久免年費信用卡2024︱豁免年費方法！waive年費電話熱線快捷鍵！渣打/HSBC/恒生都有份！

信用卡年費問題經常被問，唔知邊張信用卡要俾年費，俾又唔知俾幾多，想waive又唔知可以點做。我自己都好明白，所以今次就整返個信用卡免費攻略，一表可以睇哂各大信用卡嘅年費同豁免年費優惠，仲會介紹返幾張永久免年費嘅信用卡(有寫到明)俾大家。

免年費信用卡列表

信用卡免年費攻略︱索引

• 第一部份：第二年持卡續年免年費攻略
• 第二部份：熱門信用卡年費列表
• 第三部份：豁免年費電話熱線列表

第二年持卡續年免年費攻略

至於市場上大部份信用卡除了AE白金卡(細頭)/AE白金信用卡(大頭)/Citi Prestige之外，到咗第二年續年要收年費時，打電話都可以waive到年費。有時要搵返個電話熱線出嚟都幾麻煩，所以今次仲整埋個各大銀行免年費電話熱線嘅整合表俾大家用！

至於點解銀行會waive到第二年年費俾你呢？其實因為月結單上年費係收取緊第13至24個月的年費（paid in advance），啫係收緊「來年」的年費。如果你選擇唔繼續用該信用卡的話，銀行係唔會收到你年費的，我敢講香港所有銀行都係咁玩法。下文就教你4個免俾信用卡年費嘅方法。

第二年持卡續年：豁免信用卡年費主要方法

1. 簽夠幾多就免(寫咗係條款度): 當年度簽賬滿指定金額可以免到，會自動waive。留意簽唔夠唔代表免唔到，一樣可以用返下面方法2打去問一問。
2. 打去hotline申請waive(最簡單都係市場上大部份銀行做法): 第十二個月見到Statement收咗年費打去銀行熱線，依家好多用電話錄音就免到。真人CS聽一樣都容易waive到，禮貌地問就得唔洗講粗口架。個人經驗，我自己有幾十張卡，除咗AE白金卡(細頭)/AE白金信用卡(大頭)/Citi Prestige，其他信用卡都無需要俾年費，每一年都成功申請waive到。
3. Cut Card: 如上文提到銀行係收緊「來年」的年費，我根本就未用未來呢12個月嘅服務，又何來要俾費用呢，是咪？(根據金管局個「監管政策手冊」，年費係每年年頭收，即係預繳未來12個月嘅服務費)，據我了解，多數銀行玩法都係咁：
   • 第12個月未見年費，打去唔繼續用該銀行服務，張statement都唔會收年費，成功取消到卡
   • 第13個月收咗年費先唔再用該銀行服務，個年費唔洗找，只需要清埋你碌咗果啲錢
   • 第14個月去交埋年費先取消，咁呢個情況要搞退
   • 如圖中讀者俾我的AE Blue Cash就係第13個月打去要求免，咁個年費就唔洗收繼續用到張卡。年費唔可怕，最怕你唔check statement被收咗都唔知（雖然我都有漏過，試過最長半年後打返去都免到）。
   • 金管局「監管政策手冊」：