渣打信用卡2019月3月30日起更改條款| 電子錢包影響分析及Simply Cash Visa會收取跨境港幣交易

渣打信用卡更改條款

渣打信用卡2019月3月30日起更改條款| Simply Cash Visa會收取跨境港幣交易(Cross border Fee)

先前有讀者同我講收到渣打信用卡嘅條款更改通知,我唔知點解一直都無收到。我睇過新更改的條款實質影響唔係咁大,講電子錢包部份嘅都係新瓶舊酒。當中的主要改動如下:

  1. 渣打信用卡轉賬/增值到電子付款賬戶獎賞之修訂
  2. 以港幣支付外幣(即除港元之外的任何貨幣)簽賬/在海外以港幣簽賬的有關費用之修訂
  3. 渣打指定信用卡年費增加
  4. 渣打保費簽賬之獎賞將會終止
  5. 購物簽賬實際年利率/拖欠實際年利率更改

詳細條款改動→ 渣打新條款改動(pdf)

1.任何由信用卡轉賬/增值到電子付款賬戶獎賞之修訂

先睇下新條款點寫,紅色部份為會更改/加入的條款

(渣打Asia Miles新條款) 合資格簽賬包括以信用卡所作之零售簽賬(包括免息分期付款計劃)及八達通自動增值,不包括:a)保費簽賬、透過「渣打網上理財」、「渣打電話理財」或銀通櫃員機之「繳費易」服務所作的繳費賬項、電話購物、郵購、任何由信用卡轉賬/增值到任何由本行不時指定之賬戶包括但不限於八達通O!ePay及支付寶賬戶或本行不時新增之電子付款賬戶之金額、根據Mastercard Asia/Pacific (Hong Kong)Limited不時界定之商戶編號為賭博交易/經紀人和交易商之債券/於非金融機構購買包括但不限於外匯、匯票及旅行支票 /於金融機構購買包括但不限於產品、服務、存款、貸款及信貸/金融機構之銀行櫃檯服務/電匯和匯票、資金劃轉/寶石和金屬、手錶和珠寶批發之簽賬交易、現金透支、結餘轉賬、「兌現分期」金額、「兌現年息優惠」金額、繳稅、財務收費及費用。

(渣打Simply Cash新條款) 合資格簽賬為以信用卡所作之零售簽賬(包括網上簽賬及免息分期付款計劃)及八達通自動增值,但不包括以下:任何由信用卡戶口轉賬/增值到任何由本行不時指定之賬戶包括但不限於八達通O!ePay及支付寶賬戶或本行不時新增之電子付款賬戶之金額、保費簽賬……..

渣打信用卡改條款四大錢包之影響

  • O!ePay: 呢個比較複雜先寫,要理解到底玩O!ePay仲有無分先要知道O!ePay個操作係由啪八達通入O!ePay App之後張八仔負錢trigger八達通自動增值,係呢個動作上「八達通自動增值」係有積分。而渣打仲有個功能可以直接由信用卡轉錢去O!ePay,咁樣係無分。實際操作層面一直都係咁,其實無變,啫係渣打「玩O!ePay」仲係有分。跟返先前教嘅玩法→O!ePay教學
  • 支付寶HK: 係支付寶HK信用卡文章上都有講過渣打玩Alipay轉賬係時有時無分,而一向係渣打支付寶HK介紹的條款(official page)都係話轉賬交易係無但實際上係時有時無。所以實際操作上都係無變,我估到時仍會係時有時無。→支付寶HK教學,留意返條款上所講嘅不合資格交易都係講緊「轉賬/增值」而付款係從來無講過為不合資格,所以你用開支付寶交費/俾錢嘅話可以唔洗擔心繼續用。因為渣打Alipay轉賬時有時無,玩Alipay的話最好用→DBS Black World啦!肯定有$6=1里
  • WeChat Pay: 一向渣打玩WeChat Pay轉賬都係無分,新舊如是。玩WeChat Pay的話最好用→DBS Black World啦!或者去返→WeChat Pay信用卡到睇返。
  • PayMe: 渣打玩PayMe我上月試仲有分,新舊條款都無寫明係無,至於係3月30日後仲有無就到時再試,我自己覺得仲係會有分嘅。

2.以港幣支付外幣(即除港元之外的任何貨幣)簽賬/在海外以港幣簽賬的有關費用之修訂

你要明白呢個講緊乜前最好搞清楚乜野係Dynamic Currency Conversion (DCC)乜野係Cross border fee(CBF)。係→海外簽賬信用卡比較文章上已經強調多次DCC唔代表海外商戶港元支付的手續費。學錯term無所謂,但唔好學錯concept最怕你搞亂晒簽錯卡。

今次嘅改動係就住Simply Cash Visa以前做海外商戶港元支付(如Mileslife/Airbnb)的交易係無需要收1%手續費,但係3月30日後就要開始收取。啫係話你做網購時如果係→海外註册商戶就要注意喇,最好用返其他免收CBF信用卡做(如HSBC或Citi信用卡或所有銀聯卡)。至於DCC交易係新舊條款都一樣係要收,同改條款無關係。

真●DCC只會於「海外實地簽賬」出現,如下圖,先前係Facebook分享過。如果我用咗Option 1 HK$俾錢的話就會中咗DCC,被收取3% markup之餘再+1% Cross Border Fee。

3. 指定信用卡年費增加

新條款上渣打Asia Miles信用卡渣打Simply Cash嘅年費都由HK$1,800加至HK$2,000。但玩咗咁多年信用卡大家都知渣打年費你打返電話去CS到要求就可以免到。係新條款實施後我相信都係一樣。另外一提,之前都有寫過→渣打處理年費上可能會俾你交年費換里數咁去做。

4. 渣打信用卡保費簽賬之獎賞將會終止

一向兩張熱門卡渣打Asia Miles信用卡渣打Simply Cash交保費都係無分,我都一直叫人唔好用渣打交,保費有分係張戶口信用卡先有。而新條款統一返所有都無對我嚟講唔洗煩。如果可以當面交保險我建議用→AE Blue Cash/AE CX Elite/東亞Flyer World,有1.2%現金回贈或都有里數的。

5. 購物簽賬實際年利率/拖欠實際年利率更改

遲交/拖欠年年費會貴咗,如果你自問無自制力真係打算拖欠我唔建議你用/申請任何信用卡。真係無法人有三急要拖就搵張低利率拖→AE Blue Cash唔洗10%年利率。

Leave a Reply