【GCmap教學】計算大圓距離工具(飛行里數換機票好有用！)

香港天文台真係好過癮，啱啱出咗段片教育大眾咩為之大圓距離(Great-Circle Distance)。有玩開飛行里數嘅應該都唔會陌生。以下落嚟放返天文台條好有趣嘅短片之後再同大家分享下市面上計算大圓距離嘅工具gcmap.com，等你都可以學識點樣換機票就最著數喇。

天文台大圓距離教學短片

GCmap應用 計算大圓飛行距離教學

大圓距離（英語：Great-circle distance）指的是從球面的一點A出發到達球面上另一點B，所經過的最短路徑的長度。 一般說來，球面上任意兩點A和B都可以與球心確定唯一的大圓，這個大圓被稱為黎曼圓，而在大圓上連接這兩點的較短的一條弧的長度就是大圓距離。

你睇唔明以上定義唔緊要，最緊要都係識點計從而可以係里數換機票上無往而不利。其實直玩緊嘅Asia Miles/Avios等等嘅飛行里數，我地換緊嘅係「大圓距離」，比如說類別2，12,500 Asia Miles標準賞就可以換到2,750英里大圓距離嘅飛機。以去大阪計，距離為1,539英哩而在類別2所以用12,500 Asia Miles就可以換到。我

GCmap計算兩城市之距離

好簡單，將兩城市的機場代號輸入，如下圖你要計大阪返香港，香港去曼谷，就咁去gcmap.com到輸入kix-hkg, hkg-bkk 或者kix-hkg-bkk都可以。按以下圖示打完再按「Map」/「Distance」就搵到個大圓距離數比你。

GCmap計算多城市之間距離

當要用Asia Miles出環球機票(oneworld chart)，可能需要用到多個城市，去gcmap.com一樣可以計到(如下圖示)。

GCmap找出可行距離下之城市

都好簡單，你想睇你選擇的機場的周邊可以係Ranges到打XXXnm@機場代號。咁就可以，如下圖:

如果都係唔太明，可以用里先生Asia Miles計算器，輸入兩地機場後可直接出距離(但需要里數唔Update的)

如果懶得自己計，可參考以下熱門航點，里先生已經計算咗個距離出嚟。詳情可以返→里數換機票Asia Miles Avios比較

Asia Miles vs Avios里數兌換表比較

環聯信貸報告-付費版報告睇真啲！【實測】付費版TU報告內容

大家有玩開信用卡嘅，都應該對環聯唔會陌生。作為香港最大嘅個人信貸評級機構，我哋申請信用卡/有無遲交貸款或信用卡卡數，大部份係環聯都有紀錄。銀行決定批唔批你申請果張信用卡時，亦都有機會參考你係TU入面嘅評分。今次特登買咗環聯個付費版報告，實測同大家一齊睇下入面有咩可以睇到。

**購買Full Report→官方購買網址

後續仲有：

• 申請信用卡對信貸評級TU有何影響？
• 申請私人貸款對信貸評級TU有何影響？查TU扣幾多分
•  環聯Dark Web暗網監測服務

環聯信貸報告-評級同分數

最基本同最重要嘅係睇到你嘅信貸評級，由A-J，A為最好，當中會俾埋個百分比你，可以睇到你嘅分數係高過幾多%嘅香港人。購買付費版後更會開始紀錄低你每個月個分數方便你做返自己信貸狀況嘅分析。(有無見我個chart係6月突然暴跌? 以下再解釋)

另外環聯會有一少段文字去分析你嘅評分，里先生果段係咁:

「根據您的信貸資料，您的信貸評分受以下的評分因素影響。評分因素對您的信貸評分之影響程度各異

• 相對可用信用額，您的循環信用或信用卡賬戶結欠偏高。循環貸款賬戶的使用率，是信貸評分的其一元素。貸款人或傾向借貸予有較低債務信貸比率的客戶。 (參考編號:031U)
• 在過往一年中，您的信用卡消費模式出現顯著的變動。這些變動或讓信貸提供機構難以預測您未來的消費模式，而視之為較大的（信貸）風險。 (參考編號:192A)」

環聯信貸報告-付費版詳盡報告

除咗個英文字母A-J外，仲可以睇到以下資料

• 現有信貸賬戶
• 已結束信貸賬戶
• 信貸申請查詢資料

所有信貸申請紀錄，不論成功與否都會睇到(Tips: 如果係短期內有太多申請紀錄，係會有可能降低你個信貸評分)

現時我係咁多間銀行/財務機構嘅賬戶，都可以係環聯個付費版報告入面睇到。每張信用卡為1個賬戶，按入去就可以睇返你個信貸賬戶有無被銀行呈報過遲還錢或者有幾多credit limit同幾時開呢個賬戶等等嘅資料。

以下就係我其中一個賬戶…睇返5月份時因為過數cut-off問題，遲咗1日還錢…所以我係6月份個評級分數就跌咗。雖然事後有打返電話去銀行waive咗late charge，但record就仍然留咗係到，影響咗個評分…但係到7月個評分就升返喇。不過我都唔係太擔心呢一日嘅record會影響到日後申請信用卡/mortgage嘅審批，因為我覺得批貸款嘅都唔係傻嘅…我遲咗1日啫應該唔會咁判我死刑掛？

當你可以睇返你每個信貸賬戶入面有無遲還紀錄/遲咗幾多而俾銀行做咗filing其實都幾有趣，同時可以照住自己個record睇返係咪成日自己大頭蝦遲還錢，搞到無啦啦被扣咗分就唔抵。

信貸提示

當你用咗付費版，肯俾月費，環聯會包埋個信貸提示服務比你。你申請信用卡/銀行查閱你的報告等等，大部份會郁到你個人信貸資料嘅活動時，都會有SMS通知，對於防止盜用你資料去申請貸款係十分有用。如果你有買樓按揭/借大錢等等嘅重大事件準備要做，就要睇實啲你自己個信貸評級喇。(或者驚你啲舊男友舊女友偷你資料去借錢都要睇實 😛 )

信貸評分計算機

呢個係新function嚟，可以用嚟project如果你唔還錢/申請信用卡/申請貸款會點影響到你個信貸評級。但要留意呢個係一個簡單計算器，可以選擇嘅variables唔多，上限只係睇到10萬貸款或者3個新賬戶。我試玩過下，睇嚟都係遲還錢/拖欠貸款先會對個評級影響大。我試按申請信用卡反而對評級有利，我諗應該係因為咁做會擴大咗我個信用額，令到個credit utilization rate(信貸使用率)下跌嘅關係。

如何提升環聯信貸評分(純粹個人意見)

• 準時還錢，從不拖欠(借定唔借?還得到先好借!←我buy架)
• 唔好只還Minimum pay(雖然未必會直接當遲還錢)
• 唔好只得一張信用卡，或者叫做應該擴大你嘅個人信貸額(因為見到環聯有寫出嚟話信貸評分會考慮埋信貸使用率。所以當你嘅信貸額越大，使用金額不變時，使用率就會下降，咁個信貸評分理論上會上升) (數學題: 分母上升分子不變，比率下跌)
• (給初哥/學生)及早建立信貸評級，信貸評級嘅建立係由你第一張信用卡/貸款開始。如果你從來未建立過信貸評級，就無機會建立正面信貸評級(準時還錢) ，咁環聯都無basis去評估你嘅信貸評級。
• 可以嘅話就俾錢買份付費版詳細報告睇一睇。一次過睇晒自己過住嘅習慣同當前賬戶有無問題/經常性遲還紀錄等等。再去諗一諗點樣可以提升返個評級…唔好到真係要申請貸款/買樓按揭時先嚟臨急抱佛腳。

信貸使用率增加對TU分影響

有睇開嘅讀者知我鐘意實測再同大家分享，啱啱終於實測咗我想做好耐嘅試驗。上個月我咪話外地碌咗勞力士，除咗試到俾大家睇外幣信用卡匯率點決定，我都借呢個機會睇下TU嘅變化。因為本身我個信貸額都幾高，要有大額簽賬先反映到個增幅。

最近成日收到個問題：「玩渣打信用卡FPS射錢$60,000，對TU有影響嗎？」

而我嘅答案係：所有信貸活動都會對TU有影響但唔使太擔心。我咁答嘅原因係所有碌卡使用信貸額都會對於「信貸使用率」增加而影響到TU分嘅升跌。

而今次實測可以見到：

1. 4月30日時我的TU分為3546，A grade，信貸使用率為14%
2. 5月12日時我的TU分為3513，B grade，信貸使用率為28%

使用率升咗14%，個TU分減咗33分。期內我無其他信貸活動所以可以叫做個影響完全由使用率增加而來。TU個官方建議係唔超過30%信貸使用率就無乜問題。我自己嘅意見係TU分升升跌跌經常都有，申請信貸或使用信用卡都好，無需太擔心個短期升跌，有借有還就好了。如果想長遠改善TU分就更加應該加大個人信貸額（分母），咁先食得住個分子加大。

購買信貸報告步驟

• 首先唔好睇少呢部份，因為你要答問題…
• 去環聯官網 https://www.transunion.hk/ 購買
• 入完你嘅information後就繼續
• 有幾條選擇題要答(以下有示意圖) ，肯定先好答，錯咗你就唔可以online買，要打電話/親身上環聯買！

• 付費版報告每月要HK$280

稅貸/私人貸款對TU的影響

有睇開里先生嘅朋友應該知我有課金買TU信貸報告睇。今次拎稅貸有幾個observations ：

申請完息口唔啱，如果唔拎個貸款對TU有無影響？

我有申請完見恒生查完我TU再check … >>於新分頁打開全文 “【實測】環聯信貸評級付費版報告睇真啲！付費版TU報告內容”

網傳國泰航空Cathay Pacific有新款頭等艙，同時間又搵到國泰註冊咗國泰新頭等艙「Halo Suites環薈」商標，個Feel真真地，不過最快都要喺2025年嘅波音777-9客機先推出，睇嚟大家都可以期待下！另外，Aria Suite 爾雅商務艙係國泰2024年第二季推出嘅Business Class，Aria Suite會喺新設計嘅B777-300ER客機商務艙，睇片見係有門嘅，有興趣記得睇埋下面條片。

有follow開里先生Facebook嘅都知我一見到Asia Miles有放位就會通知大家換飛，等大家可以用自己儲嘅里數換張機票出嚟開開心心去旅行。但好多時明明自己換/買咗張國泰Business Class商務艙機票，坐低先發現自己個位同平時見到人哋可以瞓低嘅位嘅時候，都咪話唔掃興。而里先生出嘅放位post入面，都有唔少讀者問起呢家嘅機係咪都係「假J」嚟㗎。答呢個問題需要有充足國泰分配各機型嘅資料，咁我又唔係機型expert，我答唔到係咪一定假J嚟，咁我就教咗位讀者點去自行識別係真J定假J，有意換/買Business Class嘅話大家都可以重溫下：

Aria Suite 爾雅商務艙(2024年第二季推出)

國泰2024年將推出新款Business Class：Aria Suite （於新設計的B777-300ER商務艙，睇片係有門的👇。

✈️詳情：https://bit.ly/3YoRnlk

熟識機型配置的話就睇個機型大概都估到用咩座位配置，如果唔熟都有方法。就里數換機票而言，換國泰Business Class嘅話係包咗優先揀位的，咁只要揀咗航班入晒資料後，於確認付款前係有得揀位，咁你就可以睇到你係咪換緊真J。個座位表通常係會咁show出嚟：

如果係為咗真J而飛，你都可以去國泰官網到「扮買」Business Class，咁你可以當日個target flight到底係咪飛緊真J呢～～

不過咁，就算你換果陣係真J但呢點都係唔保証，因為航空公司係可以隨時改機型的。

仲有個方法都可以係呢個網到參考下當日會坐咩機：https://www.seatguru.com

真J假J解釋係咁多，希望大家學到，明我講乜，最緊要大家玩得開心，能夠安排到嘅都希望大家可以有高質啲嘅旅遊體驗。

【Chargeback：信用卡退款保障】結業/貨不對辦/未授權交易/爭議交易之權益及申索程序及銀行熱線電話

航空旅遊業寒冬，啱啱見到網上旅行社Wefly被大股東申請清盤，諗起有讀者可能需要更清楚信用卡退款保障chargeback之權益。早年有gym room倒閉時就有相關的信用卡退款保障權益討論，現時旅遊業大受影響，作為消費者都應該學下當中個機制係點，用信用卡之餘可以點樣保障到自己。

同時，下文收錄部份銀行之爭議交易表格連結及滙豐、恒生、渣打、大新、東亞、星展、安信、Citibank、美國運通AE、信銀國際、中國銀行、AEON、永隆、工商、交通及上海商業銀行之熱線電話，如你需要chargeback的話可以方便你馬上致電查詢。

何謂chargeback？

• 信用卡退款保障(chargeback)是國際信用卡組織為消費者提供的保障機制。「碌卡」消費後，發現商戶突然結業，錢就俾咗但攞唔到商品或服務，可以嘗試透過信用卡退款保障機制申請退款
• 但留意退款並非只涉及消費者和發卡機構，以下再拆解信用卡退款機制背後的運作。
• 消費者以信用卡一筆過繳付款項，如果因為商戶倒閉未能提供所購買的服務，或貨不對辦等，消費者便可以要求發卡銀行協助申請退款。