Asia Miles App 訂枱新功能 搵餐廳 book枱 掃QR code 食飯賺里數一App搞掂！

相信有玩過食飯賺里數嘅朋友都知去OpenRice 訂座有得賺額外里數，又要喺Asia Miles App搵賺里餐廳，又要喺OpenRice App book枱，始終唔算最方便。大家唔需要再咁做啦!因為Asia Miles App已經推出左訂座功能，大家可以喺Asia Miles App到搵餐廳直接喺Asia Miles App訂座！變相啫喺由搵餐廳、訂座、掃QR code都可以用Asia Miles App搞掂晒，真係一條龍服務幫你儲里數啊！唔單止咁，大家仲可以查閱返自己嘅預訂紀錄，隨時取消都得，以下圖文解釋返你知！

另外提提大家，喺Openrice訂枱賺25里嘅優惠依然會有，同埋每逢星期一去「賺里餐廳」食飯仲會有HKD1=1里數，星期二至日 HKD2=1里數嘅賺里優惠！Asia Miles仲會定期推薦精選餐廳俾大家星期一賺取額外里數㗎！如果想賺到盡當然要用返張可以直接賺里數嘅信用卡，例如渣打Asia Miles同AE CX 信用卡，簽賬即時賺第二重里數，咁就可以喺同一張單一簽兩賺啦！

Asia Miles App 訂枱食飯新功能詳情

訂座功能

• 訂座功能喺Asia Miles App 「美食」版面，只要撳呢3個地方就可以book到枱！右上角仲有提示大家食完飯記住要掃QR code賺埋里數！

• • 以呢間餐廳作例子，平日食飯可以賺到HKD 2=1 里數。但同時留意可能有最低消費同上限，例如呢間餐廳至少洗夠HKD300，先可以賺到里數，而賺Asia Miles嘅消費上限喺HKD10,000

• 大家仲可以選擇日子、時段、訂座人數。版面就會show返預訂詳情，而每book一次枱並出席可以賺到25里數！

• 提提大家！如果第一次用table booking，要綁定Openrice帳戶，只係禁粒制，好簡單！

管理餐廳訂座功能

• 喺Asia Miles App入面亦都可以check返自己嘅訂枱紀錄，包括過去同將來嘅預訂都可以睇返

• 查閱預訂除左睇到book枱詳情，例如地址時間等等之外，仲可以隨時取消booking

• 而睇返過去嘅紀錄，如果你食過番尋味，又想再食嘅話，都可以喺度再book枱！

加咗咁多咁正既function都仲未夠！有埋貼心訂座提醒，預約前一日send返推送通知提醒你，咁就唔會唔記得或者記錯時間地點啦！

嚟緊5月28到7月31日, Asia Miles會舉行「里賞餐饗週」，精選咗超過50間「賺里餐廳」，HKD168起就可以試到大廚級水準既特選餐單！頭3,000個喺Asia Miles App成功訂座「里賞餐饗週」並出席享用推廣優惠菜單，每次都可以賺額外100里數，最多可賺取1,000里數！用AE CX Elite信用卡訂座時輸入優惠碼「AMEXAM500」，再喺「賺里餐廳」用AE CX Elite信用卡埋單，即可賺取額外500里數！快d download個App訂座，同朋友食餐飯，放鬆吓啦！