【Asia Miles換HK Express機票教學】國泰里數換HK Express機票，7,000里單程去日本！
Asia Miles正式可以用里數兌換HK Express機票。由即日起，你可以選擇用定額里數嘅形式全數咁換HK Express機票、或者以里數加現金組合嘅形式兌換HK Express機票及其他服務（額外託運行李、機上餐飲、座位選項、U-First 優先服務）等。兌換方式非常簡單，可以喺HK Express官網到直接兌換。詳細教學可以睇返下文。
暫時以里數全數兌換機票嘅方法見到有放位嘅得5個航點，所需里數如下：
日本沖繩：7,000里
日本高松：7,000里
越南河內：3,000里
越南芽莊：5,000里
菲律賓馬尼拉：2,000里
暫時未見其他航點有位，估計係因為啱啱新出，之後HK Express應會逐步update。
第一種方式用里數全數咁換HK Express機票係用劃一兌換率嚟換嘅，抵唔抵換真係睇大家需要。如果唔洗行李嘅，來回14,000里飛轉日本都係唔錯嘅。多咗個選擇總係好事，之後你見到想飛嘅時間國泰無放位，都可以嚟HK Express呢邊睇下有無放位。
第二種方式以里數加現金組合嘅形式兌換HK Express機票及其他服務里先生就覺得里數加現金嘅兌換率唔太抵啦，因為呢種形式只能夠抵扣機票票價，換言之所需里數係隨住票價而浮動嘅，而且計返條數買里數價值比HK$0.039 （$195/5,000里數）/$0.051 （$1,522/3,0000里數），兌換率好差，所以用啲網購回贈高嘅信用卡買好過。
Asia Miles換HK Express機票教學 連結戶口
無論係邊種方法，你都需要將國泰會員戶口連結到HK Express到先可以進行兌換。你只要係HK Express網頁右上角按「賬戶」，選擇以國泰會員嘅方式登入，之後再按照頁面上嘅指示就可以完成連結程序。(如下圖)
Asia Miles換HK Express機票教學(以里數全數兌換)
要以Asia Miles里數全數兌換HK Express機票，暫時喺HK Express主頁係搵唔到兌換頁面嘅。你需要喺登入之後按右上角「賬戶」。「賬戶」會係你登入之後變咗做你自己嘅名，然後再係下面揀返「我的社交媒體帳戶及國泰會員」。
進入版面後碌到最底，如果你連結咗你嘅國泰會員戶口，你會見到以下版面，揀返右邊「全里數兌換機票」。如果你見唔到呢個版面，請連結咗你嘅國泰會員戶口到HK Express先。
之後你會進入以下版面，揀返你嘅出發地、目的地、出發日期、人數。下圖以香港至高松為例。之後揀「搜尋航班」。
進入版面後就會即刻見到班機有無放位。有放位就會顯示里數要求；顯示「已客滿」就係無放位；顯示「沒有航班」即係嗰日無去嗰個目的地嘅航班。
同買HK Express機票時一樣可以用日曆功能睇返邊幾日係有放位嘅。
你揀好日子、航班之後就可以好似平時買HK Express機票咁輸入個人資料、買寄艙行李、飛機餐、俾錢揀位等等。呢到就唔詳細講了。但要留意嘅係個人資料系統應該預設咁幫你輸入咗戶口持有人嘅資料，而且係無得俾你改嘅。咁Asia Miles本來就係俾你自己換機票嘅，呢個位都正常嘅。
如果想幫人換機票，同Asia Miles一樣，你要將佢加落你嘅兌換名單到，跟住喺「搜尋航班」到揀返2個人。咁喺輸入個人資料嗰版就會俾你選擇同行旅客(如下圖)。換言之，當你用Asia Miles幫人換HK Express機票，你係要同嗰個人一齊出發搭同一班機。呢個位就比起換國泰自己機嘅靈活度細咗了。
Asia Miles換HK Express機票教學(里數加現金)
- 其實簡單嚟講係「買」HK Express機票不過以里數嚟找數咁解
- 先到 https://www.hkexpress.com/zh-hk/ 選好航班，你可以加錢選位等等
- 係付款頁面選擇「里數兌換」，再登入返「亞洲萬里通」賬戶並選擇需兌換之里數
- 留意，需要對名，確保機票上的名字與其「亞洲萬里通」帳戶所登記名字相符，Asia Miles名單上的5位親友都可以用里數抵扣出票俾佢哋
Asia Miles換HK Express機票 可兌換選項(里數加現金)
- 因為係「買」HK Express機票不過以里數嚟找數，有得加嘅項目其實都可以以里數作相抵，但睇落稅項及燃油附加費就唔可以用里數相抵了
- 額外託運行李
- 機上餐飲
- 座位選項
- U-First 優先服務等
第一步：選擇較大額簽賬可賺里數… 
