Category: Asia Miles 換機票教學

【Asia Miles換機票重大更新】 無得再玩假單程！4月1日中途停留(stopover)改為24小時內

里數攻略 知識教學, Asia Miles 亞洲萬里通, Asia Miles 換機票教學, 里數換機票情報

asia miles換機票教學 stopover 24小時

【Asia Miles換機票重大更新】 無得再玩假單程！4月1日中途停留(stopover)改為24小時內

Asia Miles換機票有重大更新啊！於2020年4月1日Asia Miles會限制中途停留(stopover)為24小時內，簡單嚟講2018年改制後的假單程/單程機票玩兩個地方(或者叫free one-way)嘅玩法唔再適用。本身30,000里可以出到大阪+曼谷嘅經濟客位，4月1日起同樣行程就要40,000里先出到。

事實已在眼前，唯有希望少咗單程機票兩航段玩法後可以見到多返啲兌換機票位出現。4月1日打後的兌換機票嘅成本高咗，主要因為同樣里數能夠換的航段少咗，理論上能兌換位置會多返。如果仲係希望用到多航段嘅玩法而可以慳里數，直接選用oneworld兌換表格嚟換吧，以下再同大家重溫一下。

除咗停止簽發超過24小時之兩航段單程票，4月1日起每位會員的waitlist候補機票名額會限制於上限10個，比起現時係無上限可以做waitlist係多咗重限制。分配上可以叫做公平咗，因為本身無成本無上限waitlist好有可能會導致瘋狂waitlist情況出現，新政可以算係杜絕咗濫用waitlist的情況。

新規列及收費：https://www.asiamiles.com/zh/support/latest-news/detail.html/new-flight-award-rules-and-fees#

改動一：停止簽發超過24小時中途停留(stopover)之兩航段單程票

  • 生效日期：2020年4月1日
  • 現時的單程飛行獎勵條款：單程飛行獎勵（「寰宇一家」聯盟成員獎勵及香港快運除外）同一旅程可包含最多2個航段，並僅限1次中途停留或1次轉機。
  • 於2020年4月1日起：以上1次中途停留的定義會時限將調低至最長24小時

改動前後之例子解說：

於現有條款下，我們想用30,000里出兩個經濟客位來回行程(大阪+曼谷)，日期時間安排上可以咁樣做：

  • 5月1日：HKG-KIX (10,000里)
  • 5月7日：KIX-HKG
  • 12月8日：HKG-BKK (連同以上KIX-HKG的行程共需10,000里)
  • 12月12日：BKK-HKG (10,000里)

於2020年4月1日起，因為再無單程機票超過24小時中途停留(stopover)，如果想玩兩個地方只能夠以兩張來回Econ機票，共40,000里先可以出到以上行程。如果係出business class，更加需要用到100,000里先出到以上行程。

如果想以同樣30,000里出到，我能夠諗到有可以嘅係5月7日返到香港後就接著係24小時內，啫係5月8日再飛到泰國曼谷。但有個問題仲未知可唔可以解決到嘅：我唔肯定地勤人員可以安排到你嘅寄倉行李係香港領取…

Alternative：以oneworld表格出多行程票

今次嘅改動，還幸oneworld兌換表格並無受到影響，如果一年內的旅行需求有3次或以上，可以考慮直接以oneworld兌換表格出多航段之行程。如果以返以上日本+泰國的例子，我可以想像到以下的行程。

就以下行程，仲可以保持到大阪+曼谷，再加多一轉東京的話，一年內共3個來回trips可以用65,000 Asia Miles換economy class或者100,000 Asia Miles換到business class。但限制於必須要利用到除CX或KA以外2間的oneworld航空公司。如果想睇返當中的玩法，可以參考返→Asia Miles oneworld表格換機票教學

  • 5月1日：HKG-KIX (CX)
  • 5月7日：KIX-HKG (CX)
  • 12月8日：HKG-BKK (CX)
  • 12月12日：BKK-HKG (RJ)
  • 3月20日：HKG-HND (CX)
  • 3月27日：HND-HKG (JL)

asia miles oneworld 日本 泰國 行程

以上只係oneworld表格兌換機票中其中一個例子，當中可以有更多的變化。建議行程我會稍後諗諗再update。2020年4月1日起無咗stopover玩法已成事實，多行程玩法都仲可以有oneworld表格玩法補到位，但假單程混合艙就無法了，oneworld表格會以行程中的最高艙位嚟定需要里數，唔會按單程混艙咁可以以距離拉低需要里數。

改動二：限制waitlist候補機票為10個

  • 生效日期：2020年4月1日
  • 現行waitlist候補機票政策：無上限候補機位
  • 2020年4月1日起候補機票政策：每人waitlist候補機票上限只可有10個

本身無成本無上限waitlist好有可能會導致瘋狂waitlist情況出現，新政可以算係杜絕咗濫用waitlist的情況。新政下可以waitlist 10條票其實應該都夠用，對大部份人應該影響都唔大。

 

 

 

以下為2020年4月1日前的玩法，要換就要做了…

【Asia Miles換機票教學】盡用 stopover 30,000里變出2個trips去日本+泰國

不得了不得了，越睇新制Asia Miles條款越好玩，啱啱推出時一直諗住Asia Miles換機票30,000里無得再玩兩地，但經過一輪研究發覺原來唔係架！呢加識拆條票仲可以30,000里全用Asia Miles換到日本大阪+曼谷… >>於新分頁打開全文 “【Asia Miles換機票重大更新】 無得再玩假單程！4月1日中途停留(stopover)改為24小時內”

» Read more
803 comments ,

Asia Miles改機票：退票/改時間/更改航點及重新訂票手續費及方法(包括退稅及燃油附加費)

Asia Miles 亞洲萬里通, Asia Miles 換機票教學

asia miles改機票 取消 退里數

Asia Miles改機票：為受影響航班退票/重新訂位的特別安排

(2020年9月4日更新: Asia Miles改機票最新特別安排，12月31日前出發可免費退票) 

「亞洲萬里通」即時起豁免下列有關飛行獎勵機票的服務費用。此項特别豁免適用所有於2020年3月23日或以前兌換及簽發，並原定於2020年12月31日或以前出發之已確認機票（包括「亞洲萬里通」航空夥伴之機票）。

1. 取消行程及退票

  • 豁免取消行程或退票之服務費用。(里先生註：原定於2020年12月31日前出發可免費退)

2. 重新訂位／更改航點

免費更改 ，而服務費用在以下情況可獲豁免:

  • 會員需於原定機票出發前提出有關要求。
  • 更改後的日期必須為2021年12月31日或以前，並須受艙位供應限制，而機票有效期亦將作相應調整。

若更改後的出發日期已超過機票有效期內，重新簽發機票的服務費用可獲豁免。

可更改往返任何國泰航空／國泰港龍航空的航點，須受艙位供應限制並支付里數及税務之差價。

重新訂位的機票須受「亞洲萬里通」之條款及細則約束。

https://www.asiamiles.com/zh/support/latest-news/detail.html/special-ticketing-guidelines-for-worldwide-travel

Asia Miles改機票/退票方法(特別安排下)

Asia Miles兌換之機票未能退票之可能情況：

雖然出咗個可免費退票公告，但以下情況可能無法安排退票

  • 為Asia Miles兩航段票 或 假單程票，已經飛了一段
  • oneworld機票，已飛任何一段
  • 來回機票，已飛去程 (個人不太肯定這情況，但事實上都算用過張機票按一般理解算用過退唔到，但因為里數仲可以清楚計到有個回程sector未用，所以可能都退到，但要問返Asia Miles)

如果2019年4月30日有里數就到期所以出票於2020年4月時飛，現在退票會點？

  • 按我的理解，今天4月9日，如現在退票里數會於下一個到期日過期，啫係2020年4月30日，所以基本上可以叫立即expire，最壞既情況係收唔返里數，只能收返稅及燃油附加費。

如果2019年7月31日有里數就到期所以出票於2020年5月時飛，現在退票會點？

  • 按我的理解，如現在退票里數會於下一個到期日過期，啫係2020年7月31日(每個會員到期日都係某月某日的，所以條問題講咗2019年7月31日就知會係呢日)
  • 你現時退回的里數會於2020年7月31日到期，並能收返稅及燃油附加費。

常見問題：特別安排下的機票已過期/第二次改是否免費

參看3月5日，於里先生facebook的post

🅰️常見問題1 ：我兌換張機票如果改完之後，個出發日期超過咗有效日期的話，改唔改到？

🅰️答案1 ：里先生啱啱實測完係可以。按Asia Miles條款，本身張機票有效期只為1年，啫係我上年2019年4月15日出票的話，更改後的出發日期不可以遲於2020年4月15日。但因為肺炎關係，就著現時「特別票務安排」，張票放寬到可以更改至12月10日前。而我啱啱改完係可以免費更改。但留意❗️改咗一次之後，因為張票本身已經過咗期，所以Asia Miles CS都有提我改完之後唔可以再有任何更改 (2020年3月24日update: 如果機位被取消會有特別安排，但要打去hotline問用online chat處理唔到，我有答案再話俾大家知)。

就住呢個問題，不少於一位讀者同我講打電話去改，CS話唔改得因為機票唔可以改到超過到期日呢個講法係錯嘅。因為AM官網特別票務安排內都有寫到「若更改後的出發日期已超過機票有效期內，重新簽發機票的服務費用可獲豁免。」

🅱️常見問題2 ：張機票按特別安排情況下已免費改咗一次去4月，如果4月都唔飛，仲可唔可以免費改多次？

🅱️答案2 ：現時特別安排公告下無寫明可以免費改幾多次，而我都未遇到所以實測唔到，但有讀者同我講已經實測咗係「特別票務安排」下可作二次免費更改，留意成功免費改到第二次的讀者，出發日期都係相當接近出發日期的。**好多人講唔同回應版本，而條款無寫係咪可以免費改多次，CS真係唔俾的話試下問第個CS，個人覺得官方有解釋權，真係無得免費改第二次其實又無咩可以反駁到…總之俾啲品同耐性，答你果個都係等上頭指示，忍下唔好發爛渣😅

常見問題3 ：我張機票係兩航段，已經用過飛咗頭半段，現時5月飛的後半段被取消，咁仲有無得退里數？… >>於新分頁打開全文 “Asia Miles改機票：退票/改時間/更改航點及重新訂票手續費及方法(包括退稅及燃油附加費)”

» Read more
44 comments

【oneworld換機票教學】盡用Asia Miles 5個stopovers 2個open jaw換出4個全商務位trips

里數攻略 知識教學, Asia Miles 亞洲萬里通, Asia Miles 換機票教學

oneworld換機票 Asia Miles改表

【oneworld換機票教學】盡用Asia Miles 5個stopovers 2個open jaw換出4個全商務位trips攻略

oneworld Multi-Carrier 「寰宇一家」聯盟成員獎勵換算表有5個stopovers停留，2個open jaw中斷行程，2個transit轉機，現時Asia Miles新制變咗單程制，2020年4月1日開始Asia Miles標準兌換表格的stopover只能停留不超過24小時後，要玩多點行程你就要學識玩oneworld chart。

你飛得越長距離折換里數價值越高。玩oneworld兌換機票最難嘅地方係邊？順序排列(1)有假放(2)搵機位(3)儲里數，香港地邊個做野唔忙但oneworld出機票都有個好處就係一樣可以用香港做stopover (我相信新制都仲可以)，所以可以分開幾個trips，安排多D出發日子黐住紅假請最少假而希望假期可以長啲(唯有係咁)。搵機位: 基本技巧其實都係識去Asia Miles + Avios網上系統到check，我嘅心得係越難換嘅位越早去落waitlist，MAY the SEATS be with you, 以下再分享。儲里數: 點解放第三？ 老實講香港人已經好幸福有得俾你玩電子錢包PayMe/WeChat Pay/Alipay/八達通O!ePay無成本儲里數，又夠多銀行同Asia Miles合作，講真識玩又勤力嘅開卡cut卡過冷河食迎新，耐唔耐又有$1=1里promotion，要儲10萬20萬里數其實已經唔再係天方夜談，勤力小小+(廣告)里先生facebook分享銀行嘅精選優惠，你一樣可以換到oneworld全business機票。

廢話講完，以下文章舖排先睇一下里先生個出票例子諗諗你覺得抵唔抵玩/請唔請到假玩，先再學oneworld換機票係乜野一回事，到實淺要換時就睇一睇里先生有咩策略/tips俾到你，唔識分stopover open jaw，「梯形大法」一樣啱用。係最底部份加入幾好用嘅plan行程工具「Flightsfrom.com」，可以快速睇返你用嘅oneworld成員hubs有咩航點可以換到，同埋里先生對各hubs的短評。

Oneworld換機票教學索引(按入向下彈)

何謂oneworld

… >>於新分頁打開全文 “【oneworld換機票教學】盡用Asia Miles 5個stopovers 2個open jaw換出4個全商務位trips” » Read more
226 comments

【Asia Miles候補機位Waitlist及兌換票途徑】4月1日起加入Waitlist上限+候補機位成功率

里數攻略 知識教學, Asia Miles 亞洲萬里通, Asia Miles 換機票教學

asia miles候補機位 waitlist 成功機會 限額

【Asia Miles候補機位Waitlist及兌換票途徑】4月1日起加入Waitlist上限+候補機位成功率

昨日出咗消息Asia Miles換機票有重大改動，其中包括假單程無得再玩。而Asia Miles waitlist候補機位上都限制咗為10個，一向候補機位嘅死線及機率都多朋友會問到，留意只有國泰CX及國泰港龍KA的Asia Miles兌換機票先有得waitlist，其他航空公司即使可網上兌換但都係不可以候補機位的。

1. Asia Miles換機票waitlist侯補出到票嘅機會大唔大？

  • 其實每次我嘅答覆都係「放位嘅野好難講，答唔到你」
  • 我相信CX會有system計算每班機放幾多位，幾時放位，但並沒有確實嘅pattern
  • 而都係到提返句你問Asia Miles hotline都答你唔到，可以慳返啖氣唔洗問

事實上我見過等半日business就話有位，亦都有試過econ出發前2日有位，當然都有試過等唔到位…張first class 實例就出發前11日先通知我有位。其實我本身已經reserve 咗個位，呢張係時間理想啲嘅機，只係個換票策略嚟，先前於國泰頭等oneworld機票我都有分享過如果我呢加要改就俾US$40/4,000 Asia Miles。

2. 咩情況下用waitlist候補？死線是何時呢？

  • 首先waitlist只係開放予國泰或國泰港龍嘅航班，其他partners無得wait或hold，只能即時confirm機位
  • 無位但某一日想出發就waitlist咗先，唔洗俾錢都唔會扣你里數
  • 當有位時國泰會有人打俾你同埋會有SMS俾你，怕miss咗或者你自己一頭半個月就睇下有無轉到status做confirm，有就可打去出票

3. Waitlist是否有上限？

  • 如未確認任何機位，2020年4月1日起最多只能waitlist 10班機
  • 每個會員賬戶只能同時預訂最多10個候補機位。如已達此限，會員須取消最少一個預訂，方可預訂新的候補機位。

4. Asia Miles Waitlist會馬上扣里數及稅金嗎？

  • 不會，里數及稅金只會於confirm機位時先收取，由waitlist轉做有位就同CS連絡俾信用卡資料同埋乘搭人資料開票，成功開票後會有個email send返俾你

5. 我的來回機票去程已確認，回程未有位，可以Waitlist嗎？是否有出票期限？

  • Waitlist候補機位會俾個時間你，話你知可以wait到幾時，如果來回票有一程已confirm，但另一程未confirm的話個waitlist時間會好短，因為我覺得CX都唔想俾人Hold晒啲位又唔出票，咁好浪費資源(如果你係呢個情況可試下叫CS hold多幾日，睇下有無廉航可補到單程平平地咁完成一個trip)
  • 如果你已有一程confirm，Asia Miles只可waitlist一班機，但Marco Polo會員就有特別優惠可以waitlist 3班機。呢個都係marco polo會員其中一個算幾有用嘅benefits，AE CX Elite信用卡就有送MPC綠卡會籍，所以都唔係太難

6. Asia Miles候補機位實例分享

先前係facebook有分享過出發前11日收到國泰send來SMS同我講用作後備改時間果張頭等機票個位confirm咗可以出到。

Asia Miles 網上系統可查票及兌換之航空公司

  • 國泰航空 (標準賞最多353日前預訂，靈活賞與隨心賞最多360日前預訂)
  • 國泰港龍航空
  • 日本航空 (可查360日後的票但只能兌換至353日後的票)
  • 英國航空
  • 芬蘭航空 (Business Class只能換到60日內航班)
  • 伊比利亞航空
  • 澳洲航空
… >>於新分頁打開全文 “【Asia Miles候補機位Waitlist及兌換票途徑】4月1日起加入Waitlist上限+候補機位成功率” » Read more
106 comments

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

Asia Miles 亞洲萬里通, Asia Miles 換機票教學

asia miles電話 以外兌換機票途徑

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

Asia Miles電話：2747 3838。我相信你同我都唔會陌生。最出名係咩？成日打唔通或者要等到天昏地暗囉。現時可以online chat「即時對話」出票或改票。每週7日，每日24小時可以透過線上即時對話服務，查詢兌換獎勵或個人賬戶事宜。

我有特登有問到即時對話功能係可以出到Asia Miles混合艙的票，如果應用得好可以補足到一直以嚟Asia Miles網上兌換多地行程但出唔到混合艙票嘅不足，又可以避免到唔知要等到幾時嘅hotline。以下首先總結返Asia Miles兌換機票途徑，查位方法之後再睇睇點樣用「即時對話」兌換機票。

Asia Miles電話/網上/真人對話兌換機票方法及途徑

  1. 即時對話出票→要先登入 AM官網(需login) 係右下角有個交談icon，click落去就有對話框彈出嚟 (文章下半部份有圖)
  2. Asia Miles 網上系統兌換(直入兌換頁)→AM官網(需login)(現在已經可以網上兌換多目的地票)
  3. Cathay Pacific 網上系統兌換(直入兌換頁)→CX官網(需login)
  4. Asia Miles電話： 2747 3838 (綠卡/銀卡/金卡會員: 2747 5500 | 鑽石卡會員: 2747 3888)(如果廣東話真係等到頂唔順，可以選英文一般會快啲)
  5. 填網上表格→AM官網(需login)(等返3/5/7日先覆)

*Asia Miles假單程/Asia Miles混合艙的票並不能用1或2的方法網上兌換。

Asia Miles電話兌換機票前建議準備功夫

當仲有香港機場Aisle B出票counter嘅職員訴過苦，最需要時間處理嘅客人係唔知自己想要乜而又無做research。如果需要搵真人對話出票前有做功課，有花啲時間搵有位嘅航班的話我都相信Asia Miles hotline唔會長期要等咁耐。

都係到呼籲一下，要打電話出票前可以先到Asia Miles 網上系統都試下查一下位，搵到有位後再打電話去出多城市的票。當然我都知唔係每一間夥伴航空公司都可以Asia Miles網上系統內查位，但Asia Miles網上系統可查位其實為數也不少可以先自行睇一睇再打去，節省大家的時間。網上系統的放位情況同Asia Miles hotline查到嘅位係一樣嘅。

Asia Miles可於網上查位/兌換機票的11家航空夥伴

  1. 國泰航空
  2. 國泰港龍航空
  3. 日本航空
  4. 英國航空
  5. 芬蘭航空
  6. 澳洲航空
  7. 卡塔爾航空
  8. 西班牙國家航空
… >>於新分頁打開全文 “【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集” » Read more
8 comments

Asia Miles換HK Express機票新式！額外託運行李、機上餐飲、座位選項、U-First 優先服務都可以

Asia Miles 亞洲萬里通, Asia Miles 換機票教學

Asia Miles換HK Express機票！額外託運行李、機上餐飲、座位選項、U-First 優先服務都一樣ok

Asia Miles正式可以用里數兌換HK Express機票，由3月2日起，你可以選擇用里數加現金組合，或只用里數直接兌換HK Express機票及其他服務（額外託運行李、機上餐飲、座位選項、U-First 優先服務等。兌換方式非常簡單，只需要係HK Express官網預訂機票或其他服務時，係付款頁面選擇「里數兌換」，再登入返「亞洲萬里通」賬戶並選擇需兌換之里數後再用信用卡繳付埋所需費用就攪掂，同平時用Asia Miles換機票差唔多。

里先生就覺得個兌換率唔太抵啦，計返條數買里數價值比HK$0.039 （$195/5,000里數）/$0.051 （$1,522/3,0000里數）。除非你手頭上有太多里數用唔完又或者真係換唔到想要既航點而HK express又有飛先再考慮下啦。

Asia Miles HK Express兌換教學

  • 其實簡單嚟講係「買」HK Express機票不過以里數嚟找數咁解
  • 先到 https://www.hkexpress.com/zh-hk/ 選好航班，你可以加錢選位等等
  • 係付款頁面選擇「里數兌換」，再登入返「亞洲萬里通」賬戶並選擇需兌換之里數
  • 留意，需要對名，確保機票上的名字與其「亞洲萬里通」帳戶所登記名字相符，Asia Miles名單上的5位親友都可以用里數抵扣出票俾佢哋

Asia Miles兌換HK Express可兌換選項

  • 因為係「買」HK Express機票不過以里數嚟找數，有得加嘅項目其實都可以以里數作相抵，但睇落稅項及燃油附加費就唔可以用里數相抵了
  • 額外託運行李
  • 機上餐飲
  • 座位選項
  • U-First 優先服務等

條款及細則

1兌換獎勵數量有限，換完即止。
2. 兌換獎勵只可由兌換的會員或其兌換名單成員使用。「亞洲萬里通」會員或其兌換名單成員兌換HK Express航班時需確保機票上的名字與其「亞洲萬里通」帳戶所登記名字相符，兌換獎勵方為有效。會員兌換機票前，有責任確保其「亞洲萬里通」所登記名字與旅遊證件上的名字相符。
3. 每位嬰兒旅客(2歲以下)如坐在成人的腿上，可以「亞洲萬里通」里數兌換嬰兒票價。
4. 會員憑於單一兌換訂單最多只可為其兌換名單成員 5位乘客預訂航班。
5. 兌換獎勵適用於所有在www.hkexpress.com網頁上的全新航班預訂。兌換獎勵並不適用於其他渠道的預訂或現有預訂。
6. 結算貨幣將會取決於去程航班的城市，例如當會員預訂由泰國飛往香港的航班，預設的結算貨幣為泰銖。會員在任何時間均不可更改預設的貨幣，否則兌換獎勵會被視為無效。
7. 兌換獎勵可兌換任何HK Express的機票費用及附加服務，包括行李託運及預先選位費用。但不適用於繳付旅遊保險、政府及機場稅項／費用、連同航空公司對乘客徵收之附加費。
8. 會員需使用信用卡（美國運通、Mastercard、Visa及JCB）結算剩餘的款項。Alipay、微信支付及銀聯則不適用。
9. 若兌換機票，會員必須首先選擇以「亞洲萬里通」里數兌換，然後以信用卡繳付剩餘款項。相反，由於系統所限，會員不能先選擇以信用卡結算。
10. 會員不能同時使用電子券及「亞洲萬里通」里數來兌換機票。
11. 兌換機票需要使用最少5,000及最多100,000「亞洲萬里通」里數。
12. 兌換機票需以每500里數為一個結算單位。
13. HK Express保留毋須事先通知的情況下更改價格，而兌換機票所需的里數可能會隨著HK Express價格改動。
14. 會員之「亞洲萬里通」賬戶資料不可以任何直接或間接形式發佈、並不可由任何非會員使用或儲存於資料系統。亞洲萬里通有限公司及香港快運航空有限公司毋需對錯誤使用之兌換獎勵承擔任何責任。
15. 兌換獎勵不能退款並不能轉換為現金。
16. … >>於新分頁打開全文 “Asia Miles換HK Express機票新式！額外託運行李、機上餐飲、座位選項、U-First 優先服務都可以”

» Read more
10 comments

Asia Miles永不過期！Asia Miles里數有效期新安排！變相永續Asia Miles！

Asia Miles 亞洲萬里通, Asia Miles 換機票教學

Asia Miles里數有效期

Asia Miles永不過期！Asia Miles里數有效期新安排！變相永續Asia Miles！

核彈級好消息啊！！！平時大家儲Asia Miles都好驚唔記得咗用過咗期，又或者未儲夠換心水機票就已經話要到期，就嚟expiry要用咗佢，從2020年開始新賺取嘅里數可以唔需要再擔心喇！因為下年度開始賺返嚟嘅Asia Miles將會改動為「活動為本」，只要於18個月內有賺取或兌換里數就會自動延長里數有效期啊！只要戶口內有加減就變相永續里數永不過期，好簡單用渣打亞洲萬里通萬事達卡碌一次又或者用OpenRice book枱去食飯於當月賺少少里數咁就可以幫到你手頭上嘅里數續期喇！真係對我地呢啲儲里數嘅人嚟講天大嘅好消息！未明白個玩法唔緊要，以下落嚟再慢慢同你解釋個改動同埋俾返啲小Tips你點樣可以令你嘅Asia Miles一直續落去而唔洗過期啦！

里數有效期的安排更新

  • (現時)2019年12月31日或之前賺取的里數：里數將會於入賬後的3年失效 (最長為4年)，賺取之里數有預設日期
  • (新)2020年1月1日或之後賺取的里數：會員只要每18個月賺取*或兌換里數(有效交易)，新安排下的所有里數將獲續期，所有里數都享有同一有效期

官方專頁→ https://www.asiamiles.com/zh/stayactive.html

*留意返一點，賺取日期係計里數入賬日期當天而非活動當天，如果計錯數搞到里數過期就大件事喇！例子: 2021年6月30日為新安排下的里數到期日，如果你係2021年6月29日先去OpenRice訂枱食飯咁就未必係6月30日入得切啲里數。記得留返一個星期buffer time去賺取啲里數啊！

延長里數有效期嘅「有效交易」

雖然絕大部份交易都可以幫到你延長里數有效期，但都要留意返有冇無效交易。

以上提到既有效交易包括：

  • 賺取里數
  • 兌換里數
  • 達成里賞 (Miles top-up)
  • 積分轉換 (Points conversion)
  • 里數轉贈 (Miles transfer)
  • 延續里數有效期 (Miles renewal)*
  • 額外里數 (Bonus Miles)
  • 餽贈里數(Gift Miles)

*「延續里數有效期」Miles Renewal只適用於現有制度下（2019年12月31日前）嘅賺取嘅里數。2020年1月1日後賺嘅里數將再無得Miles Renewal，都唔洗再Renewal

而無效交易包括：

  • 取消/ 退回里數
  • 里數過期
  • 候補中的獎勵兌換 (候補機位係未扣里數架，所以呢個都唔算)

永續Asia Miles！延長里數有效期小tips

同大家分享過嘅賺里數或者換機票嘅貼士都分享過好多，我諗各位資深玩家都唔洗我教都識點樣可以係新安排下延長到里數有效期。我就簡單同大家Recap下，有咩方法可以每月「賺少少」就永續到Asia Miles！

賺取里數/積分轉換

  • 習慣咗訂枱食飯經OpenRice，每次可以賺到25里數。唔好睇少呢25里數啊，遲下延長里數有效期可能就靠佢喇！
  • 渣打亞洲萬里通萬事達卡同埋AE CX Elite信用卡都係每月簽賬後自動轉里數去Asia Miles戶口，習慣用呢張卡的話就好自然無限為Asia Miles續期啦！
  • MoneyBack轉換Asia Miles，平時去百佳買完野儲落果啲易賞錢可以隨時轉去Asia
… >>於新分頁打開全文 “Asia Miles永不過期！Asia Miles里數有效期新安排！變相永續Asia Miles！” » Read more
8 comments

里數換機票 Asia Miles vs Avios 里數兌換表 比較飛行里數計劃 一表睇晒！

里數攻略 知識教學, Avios BA Executive Club, Asia Miles 亞洲萬里通, Asia Miles 換機票教學

里數換機票 Asia Miles vs Avios 里數兌換表

常用飛行里數計劃，常用機場代碼，常用目的地里程兌換表 一個Award Chart 一目了然！里數換機票無難度！國泰Asia Miles vs 英航Avios Miles

(30 May 2019 Update: Avios新表里數) 無論你係里數計劃新手老手，準備開始你的儲里數換機票或決定儲國泰Asia Miles 定係英航Avios Miles都應該清晰了解自己希望到達的目的地所需要的里數或哩程，再選擇一個最化算最抵最快可以去到你理想目的地嘅program！各個里數計劃其實各有特色，無一個program係有絕對優勢，所以更加要清楚每個地方嘅里數要求同每個program嘅特色特性，你有睇里先生PayMe 無成本chok里數攻略，再選啱program應該知道要儲里數換機票應該無你想像中咁難。以下準備左個綜合多個常到達目的地嘅機場代碼，Asia Miles vs Avios所需要miles嘅里數兌換表格(仲可以sorting and searching！)。以後plan行程或者搵返個airport code機場代碼，Asia Miles換機票盡用stopover用3萬里變出兩個日本+泰國trips，除左去官方要慢慢click嘅Asia Miles Award finder仲可以黎里先生呢到一表睇晒常用目的地既「Mr. Miles里數兌換表」，未識用英航官網搵返Asia Miles可以出到嘅機票同埋有幾多位？記得睇埋里先生嘅用英航系統搵Asia Miles機票圖解教學！想再深入D了解兩個計劃特性可以睇返→【懶人包】Asia Miles vs Avios好處壞處/特性/手續費/條款比較表。

使用里數兌換表注意事項

  • CX Asia Miles以來回票「標準賞」計算，另可以有額外送一個FREE 中途停留(stopover)或轉機(transit) – 呢個係Asia Miles好大嘅特性，下表未反映到呢個超級大大大優點 (進階: 有10萬Asia Miles或以上抵玩5個stopovers→Oneworld換機票教學)
  • 英航BA Avios 里數只可以出到點對點來回或open jaw，無額外stopover或transit，下表只顯示以直航到達需要里數，如超過1個airline partner需要里數會倍增(如要轉機可分開2程單程解決)
  • 禁表格頂的箭咀可以sorting到數字
  • 因為資料太多…用Desktop版睇會好好多(mobile版可以左右flip/移動)

Asia Miles vs Avios里數兌換表比較

  • 距離以英里(miles)表達，為單程由香港出發距離
  • 左2欄Y代表經濟位來回機票所需里數/右2欄J代表商務位來回機票所需里數
  • 以千位數表達 - AM=Asia Miles/ AV=Avios
… >>於新分頁打開全文 “里數換機票 Asia Miles vs Avios 里數兌換表 比較飛行里數計劃 一表睇晒！”

» Read more
177 comments ,

【JAL航線】日本航空國際航線列表 新航點更新及Zipair航線

Asia Miles 亞洲萬里通, Asia Miles 換機票教學

jal航線 日本航空國際航點

我諗大家都知東京有兩個國際機場(TYO)，如果要比較的話我諗多數朋友會鐘意飛羽田機場(HND)多過成田機場(NRT)。主要因為HND出入市區會較近而搭車又唔洗咁貴。一直以嚟由於羽田機場航班時間上限制比較嚴格而主力都係做日本國內線多，大部分國際長途航班都會經由成田機場。可能配合東京奧運，啱啱就見日本航空出咗個新聞稿「 Major International Network Expansion Plan
at Tokyo’s Metropolitan Airports 」。主要講述會增加HND嘅航班，或者可以叫做由NRT調咗啲航班去HND。

對香港人嚟講，特別係玩里數嘅朋友應該都知日本航空羽田機場/成田機場係玩超長程Asia Miles假單程嘅重要樞紐機場/oneworld航空公司之一，飛美國的話好好用，飛歐洲都唔錯。以下就襯住今次改動一次過寫返晒日本航空國際航線出嚟，方便搵返可以組合假單程嘅航點。抵唔抵就自己去返里先生Asia Miles計算機到入返啲目標航點再睇返計算機俾你個建議組合有無慳到里數。

是次改動對香港人嚟講影響唔大，因為來往香港嘅航班無改變。主要改變為日本東京同美國，芬蘭，俄羅斯，澳洲，印度及中國之間的航班。實施日期大部份由2020年3月29日起。

另外今次個announcement有提返日航嘅新廉航ZIPAIR都會確定咗2020年5月及2020年7月來往泰國曼谷及韓國首爾仁川嘅航線。

*我自己上年換過HKG-JFK-TYO First Class不過好遺憾啲相同片遺失咗無法同你分享。有機會再飛過再分享吧…

JAL由日本東京羽田機場(HND)出發國際線：

  1. Bangkok BKK
  2. Beijing PEK
  3. Guangzhou CAN
  4. Ho Chi Minh City SGN
  5. Hong Kong HKG
  6. London LHR
  7. Manila MNL
  8. New York JFK
  9. Paris CDG
  10. San Francisco SFO
  11. Seoul GMP
  12. Shanghai PVG
  13. Shanghai SHA
  14. Singapore SIN
  15. Taipei TSA
  16. Chicago ORD (New)
  17. Dallas Fort Worth DFW (New)
  18. Los Angeles LAX (New)
  19. Honolulu HNL (New)
  20. Helsinki
… >>於新分頁打開全文 “【JAL航線】日本航空國際航線列表 新航點更新及Zipair航線” » Read more
One comment

Asia Miles換機票【懶人包】2019年9月夥伴航空加價！芬蘭來回要54,000里！飛日本來回20000里！加玩泰國30000里！oneworld仲有得玩5個stopovers！

里數攻略 知識教學, Asia Miles 亞洲萬里通, Asia Miles 換機票教學

asia miles 換機票 加價

Asia Miles換機票【懶人包】2019年9月夥伴航空加價！芬蘭來回要54,000里！飛日本來回20000里！加玩泰國30000里！oneworld仲有得玩5個stopovers！

(2019年9月27日更新:Asia Miles換中程距離之夥伴航空公司加價)

Asia Miles靜雞雞加咗價啊！今次嘅改動受影響的為夥伴航空中距離(2,751-5,000英哩)嘅機位！

  • Econ由25,000 Asia Miles→ 27,000 Asia Miles (+2,000AM)
  • Premium Econ由35,000 Asia Miles→ 43,000 Asia Miles (+8,000AM)
  • Business由50,000 Asia Miles→ 61,000 Asia Miles (+11,000AM)
  • First Class由75,000 Asia Miles→ 87,000 Asia Miles (+12,000AM)

今次嘅改動大大削弱咗兌換香港出發中距離Asia Miles兌換夥伴航空嘅競爭力。好大程度係推你去換返國泰啊！香港出發計，主要影響包括：

  • 澳洲城市航班 (Qantas)
  • 芬蘭赫爾辛基航班(Finnar)
  • 卡塔爾多哈航班(Qatar)
  • 約旦安曼(Royal Jordanian)

面對今次嘅改動，如非必要就換返國泰去當地或就近城市，又或者再長啲距離不如組合多幾個trips用oneworld chart去換咁會相對抵啲。就咁睇其實影響未係好大，最令我擔心係制度上Asia Miles可以話加就加，隨心賞都話但現時夥伴航空嘅標準賞都咁加法令我有啲不安。

Partner Airlines夥伴航空公司 vs 國泰航班需要里數比較表

<750: 台北/台中/高雄/馬尼拉/越南等地
2,750: 日本/韓國/峇里/斯里蘭卡等地
5,000: 澳洲/馬爾代夫等地
7,500: 英國/歐洲等地
7,500*: 美洲西
7,500+: 美洲東/南美
***需要睇更多目的地距離睇返里數兌換表，點用盡free stopover就睇返→Asia Miles換機票教學

Distance(mi)PartnersCX/KADiff.(AM)Diff%
Economy
75010,0007,500
… >>於新分頁打開全文 “Asia Miles換機票【懶人包】2019年9月夥伴航空加價！芬蘭來回要54,000里！飛日本來回20000里！加玩泰國30000里！oneworld仲有得玩5個stopovers！” » Read more
107 comments
1 2