Category: Asia Miles 換機票教學

Asia Miles改機票：退票/改時間/更改航點及重新訂票手續費及方法(包括退稅及燃油附加費)

Asia Miles 換機票教學, Asia Miles 亞洲萬里通

asia miles改機票 國泰 收費

突如其來嘅轉變預計唔到，當行程受阻時無辦法之下都要改機票，又或者退票。Asia Miles換機票都有相關嘅安排。留意返可以改票嘅期限都係以出票日起計的一年內計算。如非CX機位，就要跟返該航空公司既政策。

國泰Asia Miles改機票方法：

  1. 睇booking online改: login國泰網去返「行程管理」到改 (只能改時間，不能改出發地或艙等) 連結
  2. 即時對話出票→要先登入 CX官網(需login) search機票，係右下角有個交談icon，click落去就有對話框彈出嚟，建議用Desktop先好用呢個方法
  3. Cathay WhatsApp 2747 2747 聯絡國泰：https://wa.me/85227472747
  4. 打客服電話：2747 3333

快速連結：按入向下彈

Asia Miles改機票：手續費及分類

國泰Asia Miles 2023起將改機票嘅收費改做劃一收費US$50 或 7,500里，要理解新收費有樣好重要嘅概念要知道：

新收費會以「每機票」per ticket計費，不再以每航段 per sector計費。新收費劃一費用: US$50/ 7,500 Asia Miles

*航段指每一程機，如HKG-TPE轉機TPE-NGO，咁可以理解作兩航段

Asia Miles改機票可以分為3種類別：

  1. Re-booking : 可以理解為改時間 (same itinerary, same airline)，曾經飛過用過嘅票可以，可以，可以，做re-booking (費用: US$50/ 7,500 Asia Miles)
  2. Re-issue : 簡單啲睇，re-booking改唔到嘅就要用到re-issue改，留意曾經飛過用過嘅票不可以re-issue (費用: US$50/ 7,500 Asia Miles)
  3. Refund : 成張票退返里數及稅金，留意曾經飛過用過嘅票不可以refund (費用:
… >>於新分頁打開全文 “Asia Miles改機票：退票/改時間/更改航點及重新訂票手續費及方法(包括退稅及燃油附加費)” » Read more

【Asia Miles 轉移里數攻略】小朋友免費！轉移未成年子女里數！亞洲萬里通轉移里數方法！

Asia Miles 換機票教學

【Asia Miles 轉移里數攻略】小朋友免費！轉移未成年子女里數！亞洲萬里通轉移里數方法！

【Asia Miles 轉移里數攻略】免費轉移未成年子女里數！亞洲萬里通轉移里數方法！

好消息！由即日起，你可以將Asia Miles兌換名單入面未成年人士嘅里數轉移到你嘅里數戶口，每年可以免費轉移高達120,000里數，唔洗俾任何轉移服務費或手續費！之前想將其他人嘅里數轉移俾自己係要收費嘅，而且收費都幾貴下，所以一路無教大家咁做。而家開始就可以將小朋友嘅里數轉移到自己嘅戶口，一家人去旅行就可以儲里數儲得快啲，換機票就更加容易啦！

但未成年人士必須成為Asia Miles會員超過1年先可以轉移里數，而且每個未成年會員只可以綁定一位監護人賬戶，並只可變更綁定賬戶1次。

更多里數教學：Asia Miles 換機票教學攻略、夥伴航空公司與國泰航班需要里數比較分析、Asia Miles環球票教學

Asia Miles 轉移里數攻略 (按入直彈去果part)

Asia Miles 免費轉移未成年子女里數要求

要將未成年人士嘅里數免費轉移到監護人賬戶，需要滿足以下幾個條件：

  • 未成年人士必須成為Asia Miles會員超過1年
  • 未成年會員賬戶已綁定至監護人賬戶
  • 雙方賬戶中都已提名對方爲Asia Miles兌換名單成員

任何年滿2歲的人士都可以登記成為國泰會員，Asia Miles註册網站：MrMiles.hk/new-am

要留意每個未成年會員只可以綁定一位監護人賬戶，並只可變更綁定賬戶1次。未成年會員成為Asia Miles會員屆滿一年後，就可以轉移里數至監護人賬戶，直至未成年會員年滿18歲。當未成年會員年滿18歲，監護人資料將自動從其國泰會員賬戶移除，屆時監護人將再無資格透過未成年會員賬戶免費轉移里數。

Asia Miles 免費轉移未成年子女里數步驟

首先你需要將監護人賬戶資料新增至未成年會員賬戶：

  1. 登入未成年會員賬戶，進入「更新資料」。
  2. 進入「新增監護人資料」，填寫監護人的姓名、手提電話號碼、電郵地址及國泰會員號碼，確保填寫的資料與監護人賬戶內容一致。
  3. 將監護人新增至未成年會員賬戶的「兌換名單」。
  4. 進入監護人賬戶，將未成年會員新增至「兌換名單」。

注意：每個監護人賬戶最多可登記5個未成年會員賬戶。

滿足曬上面提到嘅條件，就可以按照以下步驟免費轉移未成年會員的里數：

  1. 進入未成年會員賬戶，進入「更新資料」，點擊「管理你的里數」。
  2. 點擊「免費轉移」。
  3. 選擇擬轉移的里數。每個會籍年度最多可免費轉移120,000里數，每次最少需轉移2,000里數。

注意：如果超過每年120,000里數嘅限額，或者無符合到上面提到嘅任何一個條件，就需要繳付轉移服務費。所轉移之「亞洲萬里通」里數必須由未成年會員賬戶轉至監護人賬戶。

你都可以按照以下步驟新增或編輯監護人賬戶資料：

  1. 登入未成年會員賬戶，進入「我的賬戶」，再進入「個人資料」，然後下拉至「監護人資料」。
  2. 提供新監護人賬戶的姓名、手提電話號碼、電郵地址及國泰會員號碼，確保所填資料與賬戶內容一致。

注意：於未成年會員終生的會籍期間，僅可編輯監護人資料一次。如果你已於網上對監護人資料進行過一次編輯，則無法再次修改。

Asia Miles 轉移里數收費

平時轉移里數俾兌換名單嘅其他人，或者唔符合上面任何一個條件，國泰會收取相應嘅轉贈服務費：

  • 第一組 (10,000
… >>於新分頁打開全文 “【Asia Miles 轉移里數攻略】小朋友免費！轉移未成年子女里數！亞洲萬里通轉移里數方法！” » Read more

【Asia Miles換HK Express機票教學】國泰里數換香港快運UO機票

Asia Miles 亞洲萬里通, Asia Miles 換機票教學

【Asia Miles換HK Express機票教學】國泰里數換香港快運UO機票

Asia Miles正式可以用里數兌換HK Express機票。由即日起，你可以選擇用定額里數嘅形式全數咁換香港快運機票、或者以里數加現金組合嘅形式兌換UO機票及其他服務（額外託運行李、機上餐飲、座位選項、U-First 優先服務，但留意返最新HK Express行李限制）等。兌換方式非常簡單，可以喺HK Express官網到直接兌換，詳細教學可以睇返下文。如果想換返國泰或者oneworld members就去睇返Asia Miles換機票教學攻略。

HK Express會不定時推出唔同航點俾大家兌換，最新一期嘅兌換航點如下：

航點(單程所需里數) 經濟飛 隨心飛 無憂飛
寧波、北京(大興)、三亞、馬尼拉、克拉克 低至1,000里數 低至2,000里數 低至3,000里數
台北、高雄、台中、曼谷 (廊曼/蘇凡納布米)、布吉、清邁、峴港、河內 低至2,000里數 低至4,000里數 低至6,000里數
東京 (成田/羽田)、大阪(關西)、福岡、名古屋、高松、沖繩 低至4,000里數 低至6,000里數 低至8,000里數

三個里數可以換到唔同嘅fare class，分別係經濟飛(包座位下方小型隨身行李+登機行李 Overhead luggage)、隨心飛(包座位下方小型隨身行李+20kg寄艙行李 Checkin luggage)、無憂飛(包座位下方小型隨身行李+登機行李 Overhead luggage+32kg寄艙行李 Checkin luggage)，詳情可參考：HK Express 行李費用新規定

用里數全數咁換HK Express機票係用劃一兌換率嚟換嘅，抵唔抵換真係睇大家需要。多咗個選擇總係好事，之後你見到想飛嘅時間國泰無放位，都可以嚟HK Express呢邊睇下有無放位。

以里數加現金組合嘅形式兌換HK Express機票及其他服務里先生就覺得里數加現金嘅兌換率唔太抵啦，因為呢種形式只能夠抵扣機票票價，換言之所需里數係隨住票價而浮動嘅，而且計返條數買里數價值比HK$0.039 （$195/5,000里數）/$0.051 （$1,522/3,000里數），兌換率好差，所以用啲網購回贈高嘅信用卡買好過。

更多里數教學：Asia Miles 換機票教學、夥伴航空公司與國泰航班需要里數比較分析、Asia Miles環球票教學

更多HK … >>於新分頁打開全文 “【Asia Miles換HK Express機票教學】國泰里數換香港快運UO機票”

» Read more

【Asia Miles換機票攻略】2024新教學由0開始教你儲飛行里數換機票！亞洲萬里通兌換免費機票攻略

里數攻略 知識教學, Asia Miles 亞洲萬里通, Asia Miles 換機票教學, 里數換機票情報

【Asia Miles換機票攻略】2024新教學由0開始教你儲飛行里數換機票！亞洲萬里通兌換免費機票攻略

【Asia Miles 換機票教學】飛行里數換機票 亞洲萬里通兌換免費機票攻略

儲里數儲里數，相信你都聽過唔少朋友話「今次旅行唔洗錢，機票係用里數換返嚟！」想快速學里數點玩睇呢篇文都啱喇！相信絕大部份香港人最先接觸嘅飛行里數計劃都係國泰嘅Asia Miles亞洲萬里通，就算平時無玩開里數嘅朋友都會聽過呢個計劃嘅名。好多朋友都想用里數換免費機票，但又唔知點樣做。所以2024年就寫咗呢篇教學，等大家一文就識得點玩里數，換到自己心水嘅機票！

以前都寫過好多篇教學講唔同既「高階玩法」又Stopover又Open jaw果啲，不過現時玩里數我覺得係回歸基本步，單程或者來回咁換就好了，再無咁多嘢諗，基本嘢運用得好換到機票去旅行你就係winner！

其他里數計劃換機票教學/有用文章：英航Avios換機票教學、Qatar Avios換機票教學、飛行里數信用卡比較

Asia Miles 換機票攻略教學索引(按入向下彈)

航班需要里數清單：里數兌換表

如何儲Asia Miles換機票？

係你換到機票之前第一件事就係要有里數，咁你點樣快速儲里數？現時的儲里數方法有好多，最多人用既就係用飛行里數信用卡嚟將消費變做里數，至於「邊張飛行里數信用卡最抵？」呢條問題都成日答，但可以話俾你知係無絕對正確的答案的，因為銀行都唔係傻，如果有銀行夠膽出張任何消費類別都係「最好」的信用卡而無上限咁俾你賺，咁間銀行要倒閉都似，不過我都可以推薦2張入門新手好卡俾你：

1. 渣打國泰卡

渣打同國泰既聯營卡，連張卡logo都係國泰你就知呢張卡儲里數又點可以唔擁有。最大優點係方便，當月簽賬完下個月就會有Asia Miles入落戶口。食飯及外幣簽賬都有HK$4=1里數又免首年年費，算係咁。

學生信用卡 銀聯信用卡 食肆信用卡 交保險信用卡 繳費信用卡 永久免年費 超市信用卡 開戶派錢攻略
… >>於新分頁打開全文 “【Asia Miles換機票攻略】2024新教學由0開始教你儲飛行里數換機票！亞洲萬里通兌換免費機票攻略” » Read more
,

【Asia Miles環球票oneworld換機票教學】盡用5個stopovers 2個open jaw換出4個全商務位trips

里數攻略 知識教學, Asia Miles 亞洲萬里通, Asia Miles 換機票教學

oneworld換機票 Asia Miles改表

(2023/10/10開始改動，以下玩法無得再停留同一城市多次)

【Asia Miles環球票換機票教學】oneworld攻略盡用5個stopovers 2個open jaw換出4個全商務位trips

oneworld Multi-Carrier 「寰宇一家」聯盟成員獎勵換算表有5個stopovers停留，2個open jaw中斷行程，2個transit轉機，學識點玩oneworld chart就可以將你Asia Miles嘅價值發揮得最高。

你飛得越長距離折換里數價值越高。玩oneworld兌換機票最難嘅地方係邊？順序排列(1)有假放(2)搵機位(3)儲里數，香港地邊個做野唔忙但oneworld出機票都有個好處就係一樣可以用香港做stopover，所以可以分開幾個trips，安排多D出發日子黐住紅假請最少假而希望假期可以長啲(唯有係咁)。搵機位: 基本技巧其實都係識去Asia Miles + Avios網上系統到check，俾心機同時間慢慢check，要搵曬咁多張飛嘅位唔容易，MAY the SEATS be with you，下面再分享。儲里數: 點解放第三？ 老實講香港人已經好幸福有咁多里數信用卡又有咁多信用卡迎新儲里數，又夠多銀行同Asia Miles合作，講真識玩又勤力嘅開卡cut卡過冷河食迎新，耐唔耐又有$1=1里promotion，要儲10萬20萬里數其實已經唔再係天方夜談，勤力小小+(廣告)里先生facebook分享銀行嘅精選優惠，你一樣可以換到oneworld全business機票。

廢話講完，以下文章舖排先睇一下里先生個出票例子諗諗你覺得抵唔抵玩/請唔請到假玩，先再學oneworld換機票係乜野一回事，到實淺要換時就睇一睇里先生有咩策略/tips俾到你，唔識分stopover open jaw，「梯形大法」一樣啱用。係最底部份加入幾好用嘅plan行程工具「Flightsfrom.com」，可以快速睇返你用嘅oneworld成員hubs有咩航點可以換到，同埋里先生對各hubs的短評。

Oneworld換機票教學索引(按入向下彈)

何謂oneworld Alliance?

寰宇一家oneworld係全球三大航空聯盟之一，聯盟內的航空公司(包括附屬航空公司)有多方面的緊密合作，特別於航班時間、票務、代碼共享、乘客轉機、飛行常客計劃、進入機場貴賓室資格。香港主場航空公司國泰都係oneworld成員之一，所以你係搭國泰時的機內廣播經常會聽到歡迎乘搭寰宇一家成員國泰…

至於係里數上嚟講，除了一般Asia Miles單程/來回的基本兌換表格，仲有一個叫oneworld表格，玩法上都幾唔同，以下會再介紹。… >>於新分頁打開全文 “【Asia Miles環球票oneworld換機票教學】盡用5個stopovers 2個open jaw換出4個全商務位trips”

» Read more

【HK Express 行李費用新規定】隨身行李vs登機行李！香港快運UO最平票 加購寄艙行李唔抵？超重費用及最新改機票費用

Asia Miles 換機票教學, 航空新聞 其他文章

【HK Express 行李費用新規定】隨身行李vs登機行李！香港快運UO最平票 加購寄艙行李唔抵？超重費用及最新改機票費用

【UO行李費用新規定及限制】香港快運最平票唔包免費7kg登機行李 加購寄艙行李改為按件數收費！超重費用及最新改機票費用

5月8日起HK Express會改行李政策，UO最平嘅fare class唔再包免費7kg hand carry登機行李(但仲可以拎袋)，寄艙行李越遲加購會越貴，手提行李超重/超件數上機被捉會罰HK$800。香港快運舊時寄艙行李都會由而家只計總重量唔計件數嘅玩法改為按件數收費。某程度上變相加價，啫係好似歐洲啲廉航玩法，呢個消息對於只拎背囊，唔拎喼嘅人嚟講可能係好消息。

但如果鍾意旅行買好多手信或者會帶喼嘅朋友，啲行李費加加埋埋可能仲貴過張機票(去過歐洲搭廉航嘅讀者就知我講緊乜)，咁搞法不如學下儲下里數換機票仲著數啦！新手入門：儲里數教學

更多里數教學：Asia Miles 換機票教學、夥伴航空公司與國泰航班需要里數比較分析、Asia Miles環球票教學

更多HK Express教學：Asia Miles換HK Express機票教學

HK Express 行李政策

2024年5月7日或之前出票不受影響，要加購行李嘅話會照用返原票價種類限額

HK Express 行李政策更新重點：(2024年5月8日起)

  • 最平嘅fare class唔再包免費7kg hand carry行李(但仲可以拎袋)
  • 暫時所見輕便飛(只有輕便行李) vs 經濟飛(有上機手提行李)每單程相差HK$50
  • 寄艙行李都會由舊時只計總重量唔計件數嘅玩法，改為按件數收費
  • 隨身物品嘅重量都計落手提行李7kg到
  • 每人最多可預訂添加2件寄艙行李
  • 係閘口俾人捉到超重行李以每件HK$800計算

【HK Express 行李費用新規定】隨身行李vs登機行李！香港快運UO最平票 加購寄艙行李唔抵？超重費用及最新改機票費用

HK Express新票種4分類

【HK Express 行李費用新規定】隨身行李vs登機行李！香港快運UO最平票 加購寄艙行李唔抵？超重費用及最新改機票費用

暫時所見，輕便飛 vs 經濟飛每單程相差HK$50

輕便飛(只包座位下方小型隨身行李)

  • 每位旅客可攜帶一件隨身物品登機 (例如小型手袋、手提電腦包、小型背包及相機袋)
  • 隨身物品必須放入前方座位下方及不超過
    • 40(長)x25(寬)x20(高)cm (15.7吋 x 10吋 x 8吋)
    • 不超過7kg
  • 寄艙行李需另行預訂
【HK Express 行李費用新規定】隨身行李vs登機行李！香港快運UO最平票 加購寄艙行李唔抵？超重費用及最新改機票費用

現時去UO買票已經見到提示隨身物品必須放入前方座位下方

隨身行李真係好細，我部Microsoft Surface Laptop3 15"某啲角度就咁放唔落

經濟飛(包座位下方小型隨身行李+登機行李 Overhead luggage)

  • 暫時所見輕便飛 vs 經濟飛每單程相差HK$50
  • 每位旅客可攜帶一件隨身物品+一件登機行李
  • 隨身物品必須放入前方座位下方及不超過
    • 40(長)x25(寬)x20(高)cm (15.7吋 x 10吋 x 8吋)
  • 登機行李必須能放入座位上共用置物櫃及不超過
    • 56(長)x36(寬)x23(高)cm (22吋 x 14吋 x
… >>於新分頁打開全文 “【HK Express 行李費用新規定】隨身行李vs登機行李！香港快運UO最平票 加購寄艙行李唔抵？超重費用及最新改機票費用” » Read more

里數換機票 Asia Miles vs Avios 里數兌換表 比較飛行里數計劃 一表睇晒！

里數攻略 知識教學, Asia Miles 亞洲萬里通, Asia Miles 換機票教學, Avios BA Executive Club

里數換機票 Asia Miles vs Avios 里數兌換表

常用飛行里數計劃，常用機場代碼，常用目的地里程兌換表 一個Award Chart 一目了然！里數換機票無難度！國泰Asia Miles vs 英航Avios Miles

無論你係里數計劃新手老手，準備開始你的儲里數換機票或決定儲國泰Asia Miles 定係英航Avios Miles都應該清晰了解自己希望到達的目的地所需要的里數或哩程，再選擇一個最化算最抵最快可以去到你理想目的地嘅program！各個里數計劃其實各有特色，無一個program係有絕對優勢，所以更加要清楚每個地方嘅里數要求同每個program嘅特色特性，你有睇里先生PayMe 無成本chok里數攻略，再選啱program應該知道要儲里數換機票應該無你想像中咁難。以下準備左個綜合多個常到達目的地嘅機場代碼，Asia Miles vs Avios所需要miles嘅里數兌換表格(仲可以sorting and searching！)。以後plan行程或者搵返個airport code機場代碼，除左去官方要慢慢click嘅Asia Miles Award finder仲可以黎里先生呢到一表睇晒常用目的地既「Mr. Miles里數兌換表」，未識用英航官網搵返Asia Miles可以出到嘅機票同埋有幾多位？記得睇埋里先生嘅用英航系統搵Asia Miles機票圖解教學！想再深入D了解兩個計劃特性可以睇返→【懶人包】Asia Miles vs Avios好處壞處/特性/手續費/條款比較表。

使用里數兌換表注意事項

  • CX Asia Miles以單程票「標準賞」計算，有一個FREE 轉機(transit) – (進階: 有10萬Asia Miles或以上抵玩5個stopovers→Oneworld換機票教學)
  • 英航BA Avios 里數只可以出到點對點來回或open jaw，無額外stopover或transit，下表只顯示以直航到達需要里數，如超過1個airline partner需要里數會倍增(如要轉機可分開2程單程解決)
  • 禁表格頂的箭咀可以sorting到數字
  • 因為資料太多…用Desktop版睇會好好多(mobile版可以左右flip/移動)

Asia Miles vs Avios 里數兌換表比較

  • 距離以英里(miles)表達，為單程由香港出發距離
  • 以千位數表達 - AM=Asia Miles/ AV=Avios
Destination
目的地		Code
代碼		Dist.
距離		AM
Y		AV
Y
… >>於新分頁打開全文 “里數換機票 Asia Miles vs Avios 里數兌換表 比較飛行里數計劃 一表睇晒！”

» Read more
,

Asia Miles有效期？過期/到期點算？Asia Miles積分里數延期/復活方法

Asia Miles 亞洲萬里通, Asia Miles 換機票教學

Asia Miles有效期？過期/到期點算？Asia Miles積分里數延期/復活方法

Asia Miles過期點算？里先生教你Asia Miles2023到期時如何延長里數有效期，即睇下文。

Asia Miles有效期？Asia Miles會過期嗎？

Asia Miles有效期分為兩個：

  1. 舊里數，於2019年12月31日前賺取的會有3年有效期
  2. 新里數，於2020年1月1日後賺取的沒有限期，你只需每18個月賺取或兌換里數一次，就可以延長所有里數的有效期

你打開返你的Asia Miles賬戶其實就睇到你係邊新里數還是舊里數嚟，如果係新里數的話你唔需要擔心里數係咪會過期因為你只需要18個月內賺少少里數就已經令到啲Asia Miles唔會過期。

仲有舊里數會過期就睇一睇下文喇！

Asia Miles 最新復活/延期大法

  • 2023年手頭上仲有過期里數點算？依家國泰推出咗個「里數復活挑戰」，去網站登記後，喺180日內經兩個或以上國泰合作顆伴儲10,000里數。只要達標就可以復活2020年1月1日前賺到嘅里數！(如果要用呢個方法復活里數既朋友，我強烈建議你去live chat/打去俾CS問咗仲有無呢個方法先，因為隨時會無的)
    國泰合作顆伴：https://www.cathaypacific.com/cx/zh_HK/our-partners.html
  • 至於點賺10,000里數？信用卡積分兌換里數 + 開新信用卡簽賬賺迎新已經好易達標。
  • 之後只需每18個月賺取或兌換里數一次，就可以繼續延長里數！最簡單就用Openrice link咗Asia Miles賬戶，用嚟嗌外賣每次可以賺到25里數，輕鬆永續里數！
  • ***留意***雖然國泰合作夥伴有包括渣打銀行，不過有讀者就搵Asia Miles嘅客服查詢過用渣打國泰Mastercard簽賬就唔適用於今次活動，所以結論係有其他銀行積分的話就唔好搏用渣打啦～

Asia Miles有效期？過期/到期點算？Asia Miles積分里數延期/復活方法

登記網站： https://cathaypacific.formstack.com/forms/reinstatement_challenge_2023_tc_hk

里數信用卡 (數字越低越好)

… >>於新分頁打開全文 “Asia Miles有效期？過期/到期點算？Asia Miles積分里數延期/復活方法” » Read more

【Asia Miles改表2023】國泰改表不改制！里數換機票加價減價都有 10月起調整！長途Econ減價 日本加價

里數攻略 知識教學, Asia Miles 亞洲萬里通, Asia Miles 換機票教學

asia miles改表 改制 新表格

國泰里數重大更新！今次國泰改表但不改制！要來的始終都要來，國泰啱啱公佈咗2大消息，里數換機票加價減價都有 10月起調整：

1. 會係9月份重新推出「國泰航空里賞航班」，仲話有超過45,000個座位可供兌換！

2023年7月13日12pm就可以開始預訂，大家快啲問咗身邊親朋好友9月去唔去到旅行喇！「國泰航空里賞航班」增加咗換到多人機票的機會。仲開咗超過20個熱門航點包括日本北海道札幌，東京、大阪、首爾、台北等指定地區目的地。

2. 將會於2023年10月1日更新「飛行獎勵換算表」(Flight Standard Award Chart)

Asia Miles Award Chart啫係我哋用Asia Miles換機票時需要用幾多里數。我見到個國泰個新Chart都幾surprised，唔係surprise佢上調 (需要里數有朝一日要調整其實都預咗，FYR對上一次調整係2018年)，而係中長途地區Econ居然仲有得下調。如果2023年10月1日前的兌換全部都會跟返舊里數。Overall嚟講今次國泰表格調整有人會得益都有人會受損，都真係視乎你要求啲乜嘢，先講個Fact：

Asia Miles改表換票規則及換票方法上變動：

  • Asia Miles換機票的Transit及Stopover rules無變動，每單程仲係包1次24小時內的轉機
  • 仲可以每單程咁出票，你去程搭廉航UO，回程仲可以用里數換張Business Class返嚟
  • 換單程及來回票仲係主力用返online換票系統，夥伴航空公司仲可以換到
  • Asia Miles oneworld換環球機票兌換方法仍然保留，仲係有5個stopovers, 2個transit及2個open-jaw，但需要里數都有調整
【Asia Miles改表2023】國泰改表不改制！里數換機票加價減價都有 10月起調整！長途Econ減價 日本加價

Asia Miles 10月1日起新里數表格(及加價減價幅度)

asia miles需要里數 比較

Asia Miles新表及舊表

以下我哋先主力睇咗Asia Miles兌換國泰航班所需里數：

超短途(1-750哩距離)

  • 完全無變，例如台北、高雄、河內等Econ, Premium Econ及Business都完全不變，每單程7,500里仲飛到台北

短途(751-2,750哩距離)

  • 新表格分拆短途為兩個類別，類別1包括北京、吉隆坡、首爾、上海和新加坡等城市，類別2就包括日本、印尼、印度及尼泊爾等所有城市
  • 就短途類別1城市(如首爾，新加坡) Econ需要里數不變同為10,000里每單程，Premium Econ及Business就分別需要20,000里及28,000里
  • 就短途類別2城市(如東京，印尼峇里) Econ需要里數上調至12,500里每單程，Premium Econ及Business就分別需要23,000里及32,000里

中途(2,751-5,000哩距離)

  • 中途無拆分到咩類別1或2，本身呢個距離到達既城市常用啲既包括馬爾代夫馬累，澳洲悉尼、墨爾本或杜拜等
  • 新表格下飛中途如澳洲悉尼Econ需要里數為20,000里每單程，比起舊表下調咗
  • 飛中途Premium Econ及Business需要里數為38,000里及58,000里每單程，上調咗需要里數

長途(5,001-7,500哩)及超長途(7,501+哩)

  • 長途目的地多數為歐洲城市如倫敦，巴黎等，而美洲嘅長途有溫哥華、三藩市
  • 超長途目的地多數為美洲東岸如紐約、多倫多等
  • 如果你仲記得喺舊表有特別分拆出美加航線需要另外加里數，新表下簡化返夾返埋一齊嚟睇
  • 新表格下飛最大亮點就係長途及超長途Econ都下調，例如飛歐洲的話每單程需要27,000里，而飛美洲東岸需要38,000里，比起舊表都下調咗所需里數
  • 飛長途(歐洲倫敦為例)Premium Econ及Business需要里數為50,000里及84,000里每單程，上調咗需要里數
  • 飛超長途(美國紐約為例)Premium Econ及Business需要里數為75,000里及110,000里每單程，上調咗需要里數

整體嚟講，今次調整有加有減，專業玩家們嚟講就國泰無全面轉為Dynamic (浮動制，所需里數跟票價)就真係可以叫執返身彩。貼地啲嚟講我覺得是次調整fair enough，本身飛行距離長既地方(如札幌或峇里)或者求過於供既熱門艙位(如長途Business Class)上調咗12%-29%不等，但係中途，長途及超長途既Econ都有得下調需要里數，就以多倫多為例唔少朋友都成日要去探親都係搭Econ，現在每人每單程慳咗4,000里來回就慳返8,000里，有大有細4個人就慳咗8,000里*4=32,000里。

長途Business Class無錯係上調咗，但玩里數最梗要係有位換得到，先前一路都話難搵位換唔到既朋友，話唔定上調完之後仲會容易咗換到心水機票呢？是次調整唔算好誇張換Business Class升咗12%-29%相信仲有好多人負擔到，從另一角度可以視作為競爭方式改變咗，舊表下里數平但難搵位，新制下里數相對貴咗但可能易換咗，是好是壞真係未知數，我自己就幾可肯定國泰Asia Miles仲係我既主力里數計劃，因為係香港要儲Asia Miles真係多途徑容易儲到同埋我一直有留意住放位情況係感覺開關後放多咗位易換咗，承接返以上所講，今次既調整都真係視乎你要求啲乜嘢。

飛行距離區域經濟客艙特經客艙商務客艙頭等客艙
超短途
… >>於新分頁打開全文 “【Asia Miles改表2023】國泰改表不改制！里數換機票加價減價都有 10月起調整！長途Econ減價 日本加價” » Read more

【國泰第五航權】Asia Miles換機票台灣轉機？

Asia Miles 換機票教學, Asia Miles 亞洲萬里通

【國泰第五航權】Asia Miles換機票台灣轉機？

好耐無寫換機票心得，要寫嘅先前都寫得7788，有睇我先前文章嘅朋友應該都有概念點樣玩Asia Miles混合艙。呢排出咗幾張票想分享啲心得，概念上會比較advance，但耐唔耐都會有讀者問到我。基礎上由Asia Miles換台灣機票而起，再從台北呢個神奇機場睇一睇點運用，或者叫點樣用到台北去慳里數/嘆頭等。

Asia Miles換機票我諗唔少朋友都知道要換去日本的話經常都只出現經台北「轉機」去日本/日本經台北「轉機」去香港。當中涉及國泰嘅第五航權(技術停留)既問題，以下可以解釋下。

經停台北轉機到日本 第五航權常見問題FAQs

第五航權航班/經停航班是否需要落機？

不一定的，但就著需經停TPE的國泰航班，幾年前我係有搭過而呢款台北經停航班係需要落機的，落完機會上返同一班機。我仲有搭過有款係經停BKK的就無需落機。

經停航班需要出入境嗎？

簡單嚟講係不需要的。不過又咁講你係成年人嚟而法治國家不會限制到你人生自由，你坐經停航班的話玩嘢要出境無人阻到你。但正常程序上，去到台北你需要落一落機再過一個簡單安檢去返departure 閘口再上同一架機飛去日本就可以。一般班號都沒有改動的。

於台北機場可以購物或入Lounge嗎？

可以的，最緊要你有足夠時間。台北TPE機場有吸煙區，環亞Lounge及國泰Lounge，仲有牛肉麵食添，有時間可順道到訪。

外地出發免稅店買咗液體超過100ml，過唔過到經停台北安檢？

大部分情況下國泰空姐會要求你拎晒所有手提行李下機的，因為台北機場要過安檢，建議就唔好拎超過100ml的液體。

經停航班有幾多餐飛機餐？

會有2餐的。我仲記得當年我第一次搭Business Class去名古屋就係搭經停台北航班，有2餐business class meal食都幾開心（當年國泰餐飲好食的）。如果第一次換business 想過下受飛機癮，坐下呢啲經停航班唔錯架。

何謂第五航權(5th Freedom flights)？國泰航空第五航權之航線

第五航權 (5th Freedom flights)就是指某國家作為樞紐的航空公司，可以載客並執飛兩個不同國家之間(並非本國)的航線的權利，又可稱作中停權。例如國泰航空作為香港樞紐航空公司，於台北(TPE)起飛至大阪(KIX)之航班，此為第五航權的一種體現。而可以見到此類航班會有「同一航班號」，國泰航空第五航權之航線如下：

  • TPE-KIX (台北-大阪)
  • TPE-NGO (台北-名古屋)
  • TPE-NRT (台北-東京成田)
  • TPE-ICN (台北-首爾)
  • YVR-JFK (溫哥華-紐約)
  • BKK-SIN (曼谷-新加坡)
  • CNS-BNE (開恩茲-布里斯班)
  • DXB-BAH(杜拜-巴林)

另外其他oneworld成員都有啲第五航權可能都多啲機會用到:

  • BKK-HKG (曼谷-香港, RJ)
  • SIN-SYD (新加坡-悉尼, BA)

第五航權好處

  • 航班選擇會多咗。譬如你喺台北都可以用Asia Miles換CX機嚟飛日本，比起換日航會慳咗少少里數
  • 理論上mile位會易換咗。因為比起香港直接飛日本，中停台北會用多咗時間，變相亦都會少咗人選擇咁玩
  • 時間夾得好嘅話飛日本都可以順便快閃玩下台北
  • 可以食兩餐飛機餐
里數回贈比率，越低越好
學生信用卡 銀聯信用卡 食肆信用卡 交保險信用卡 繳費信用卡 永久免年費 超市信用卡 開戶派錢攻略
… >>於新分頁打開全文 “【國泰第五航權】Asia Miles換機票台灣轉機？” » Read more
1 2 3