我先前課金新買咗個國泰 crossover Samsonite 20吋喼，拎去機場「行個刑」試一試。好啦正經試完入唔到2024年7月19日1:23pm出咗呢個facebook post，點知小斯同日1:44pm就出咗個facebook post話自己果個係入得到既，我再出咗呢個facebook post正式向UO 提呈：請換一個行李量度架。我所知Siu C個國泰行李箱係一早已經擁有，早唔出post遲唔出post，就係我做完實測後出post話入唔到既相就出張相，我係有覺得被追擊的。咁既然我都被正面追擊，有咩咪直接講，我係正經自己課金買隻鐘意既喼返嚟再做實測的，事實就係我就咁放入唔到，而小斯張相係入到的，以下自行睇圖，而佢都有認到個喼係禮物嚟。
(2025年6月17日Update：連登有Post講疑似小斯搵人攪鳩里先生，我唔知邊個搞我但事實係俾個小紅書偷相Threads account人老屈我唔派coupon，大家可以分析下)
官方尺吋比較
睇返個官方尺吋，國泰喼的確係多咗2cm，我係post內都有提到最主要係果四粒「的」闊咗啲咁就卡住咗，而去返機管局果個Standard架到係入得到。我認主要因為機管局果係打橫入，UO係打直入無得走棧所致。
Cathay Samsonite喼尺寸: 55.0 x 38.0 x 22.0 cm
HK Express 登機行李要求: 不超過 56 (長) x 36 (寬) x 23 (高) 厘米
小斯於7月19日1:44pm出的Post
小斯話「好多人問」究竟個國泰喼入唔入到。對我來講個時點係有啲巧合，所以我覺得係被追擊的。我感覺係被間接指控做假呃人的。
https://www.facebook.com/share/p/bzdKMzMryKaDhGJR/ (flyformiles facebook，個Post已經delete咗)
小斯有承認個國泰喼係禮物
小斯話塞得落行刑架
小斯話塞得落，之後話更正返用字，我就見到張圖係有啲彎的。而我自己的實測的確係無用任何力去壓。
里先生入喼短片
小斯追擊事件小結
我俾小斯追擊我覺得都唔係第一日既事，做咗7年里先生我一直都有覺得被打壓但一直無發聲。現在好了，多謝大家支持我有力量作回應，這是第一次正式回應，我也不希望再有呢啲事發生。
作為半公眾人物我一向言行都比較謹慎，所做的事都係問心無愧按著事實去做。我都知這世上一定有haters，有想我消失的人，有因為我出現而利益受損的人。我自述多少都無用，真的要用你的眼晴看清楚事實，又或者里先生消失咗市場上少咗競爭及資訊又對你有乜好處？感謝各讀者們的多年支持！我都會努力再帶給你好內容及信用卡額外優惠及回贈！
UO換走行刑架 換返打撗行李架
到2024年12月，UO真係換返個打橫行李架出嚟，我都有拍片支持，做返啱既事係值得支持的。