里先生會員推薦碼玩法：現有會員 (推薦人) 賺里賞金＋里程段、受薦人賺迎新及額外里賞金全攻略

里先生會員平台推出咗全新嘅推薦朋友機制 (Referral Program) ！只要受薦人喺申領獎賞時填咗推薦代碼 (Referral Code) ，現有會員 (推薦人) 就可以賺取額外嘅「里賞金 (MM Credits)」同「里程段 (Status Sectors) 」，而受薦人亦可以解鎖迎新福利或賺取額外里賞金。

今次就同大家詳細介紹返我哋呢個全新機制嘅玩法。要留意，會員成功申領獎賞本身就會獲得該獎賞相應嘅里程段，而填寫推薦碼主要係幫你嘅現有會員 (推薦人) 賺取額外里程段 (Status Sectors) 獎賞，以及幫自己賺取額外嘅里賞金！

現有會員 (推薦人) 玩法：推薦得越多 賺得越多 (次數無上限)

只要受薦人喺申領獎賞時，填寫你嘅有效推薦碼，你就可以賺以下豐富獎賞，推薦人數同次數都無設上限：

• 每位朋友嘅第 1 份成功申領獎賞：你可賺 38 里賞金 + 1 里程段 (Status Sector) ！
• 每位朋友嘅第 2 份或之後嘅成功申領獎賞：你再賺 28 里賞金 + 1 里程段 (Status Sector) ！

受薦人玩法：入會迎新 + 後續申領每份皆有獎賞

受薦人並唔單止限於全新開戶，無論你係啱啱註冊定係想申領更多獎賞，只要填 Code 都有得賺：

1. 新入會迎新獎賞

如果你係啱啱註冊嘅受薦人，福利會因應你屬於邊個情況而有所不同：

• 情況 1：如果你係普通會員 (直接喺平台註冊)
  • 成功登記註冊：你可賺 38 里賞金 (暫時鎖定) ，起步級別為 Green Plus (綠級個人) 。
  • 第1份成功申領獎賞：成功批核後，你可解鎖 38 里賞金 + 自動升級為 Silver Preferred (銀級優越) 會籍！ (提示：呢個時候填埋推薦碼，你本身應得嘅里程段一樣會照攞，同時仲可以幫埋你嘅推薦人 (現有會員) 賺取額外獎賞，一舉兩得！)
• 情況 2：如果你係創始會員 Founding Member (特選受邀、獲手動提升之會員)
  • 成功開通或獲提升會籍：即可賺 38 里賞金 (可免手續費提取) + 獲得 Gold Premier (金級卓越) 會籍！
  • 第 1 份成功申領獎賞 (需填推薦碼) ：你可賺 28 里賞金！

2. 所有會員後續申領獎賞

不論你起步係屬於邊個情況，只要成功批核咗第1份獎賞申領之後：

• 第 2 份或之後嘅成功申領獎賞 (需填推薦碼) ：你每份申領都可以再賺 28 里賞金！

攻略提示：點樣可以同朋友賺到最盡？記住呢幾點！

大家想同朋友一齊賺，記得睇清楚同Mark低以下幾點：

• 里程段 (Status Sectors) 自己申領都有：大家要分清楚，會員只要成功申領獎賞，本身就會獲得相應嘅里程段。而喺推薦機制入面，只有「現有會員 (推薦人) 」喺朋友成功填 Code 申領時，先會獲得額外 + 1 里程段嘅推薦獎賞。
• 第 1 次申領漏填 Code 推薦人會攞唔到推薦獎賞：普通會員喺第 1 次申領獎賞時就算漏填推薦碼，自己雖然一樣可以解鎖 38 里賞金兼升級做 Silver Preferred (銀級優越) ；但你嘅現有會員 (推薦人) 就會白白錯失咗第 1 份申領嘅 38 里賞金 + 1 里程段獎賞。
• 起步第 1 步最緊要叫朋友填 Code：為咗確保大家一齊雙贏攞足福利，新登記嘅朋友喺進行第 1 份成功申領獎賞時，一定要記得提醒佢填寫你嘅專屬推薦碼！

推薦人專屬產品頁(Landing Page)及成為推薦人的資格

每位里先生會員達到銀級、金級或鑽石級都會自動獲得推薦人資格，而於會員系統上可以複製你的推薦人連結，例子：https://member.mrmiles.hk/r/M3WWSW

你可以隨時分享給你的朋友用作介紹你認為值得推薦的產品，里先生會幫你搞後續嘅程序及派出里先生額外禮品！