去北海道札幌唔知住邊好？里先生覺得第一次去札幌，酒店最好要夠方便，特別係冬天，試過要拖行李喺雪地行真係好麻煩，所以位置就腳，近車站、甚至車站直通就最方便！札幌住宿主要集中喺三個區域：JR 札幌站、大通 / 狸小路，以及 薄野。以下整理 22 間熱門住宿嘅實測重點，除咗分區拆解優缺點，亦涵蓋札幌親子酒店設施、札幌新開幕酒店，另外仲整理埋冬天必睇嘅北海道滑雪酒店，新手都啱睇！
札幌酒店推介 2026｜快速索引
- 札幌住宿區域分析連價錢比較
- 札幌精選 Top 10 酒店比較表
- 北海道札幌酒店：JR 札幌站周邊首選
- 北海道札幌酒店：購物必住狸小路/大通公園
- 北海道札幌酒店：特色大浴場/溫泉旅館
- 北海道札幌酒店：高性價比/設計之選
- 北海道酒店推介合集
- 札幌酒店推介常見問題
最抵預訂酒店信用卡－現金／里數回贈
| 回贈類別 | 酒店信用卡 | 回贈 |
|---|---|---|
| ✈️ 里數回贈 | 滙豐Everymile信用卡 Agoda全年85折優惠 | $2 / 里 |
| 美國運通Explorer信用卡* | AE優惠5倍積分($3.6/里) | |
| 渣打國泰 Mastercard* | $6 / 里 | |
| 💰 現金回贈 | 恒生MMPOWER卡* | 該月簽賬滿HK$5,000，享5%回贈 |
| HSBC Visa Signature* | 最紅自主獎賞 － 選擇「賞品味 」，回贈高達 2.4%「獎賞錢」 | |
| Mox 信用卡 Trip.com全年92折優惠 | 無上限2％回贈 | |
| 💳 通用回贈 | 滙豐Red信用卡* | 4%獎賞錢回贈（4%現金回贈或HK$2.5/ 里回贈） |
| 中銀Bliss信用卡 永安旅遊指定機票酒店85折 | 10倍積分（$1.5/里或4%現金回贈） |
札幌酒店住宿區域分析：住邊區最方便？
JR 札幌站｜交通樞紐・機場直達（適合：新手、親子遊、往返小樽/旭川）
札幌嘅核心地帶，交通最方便，里先生第一次去北海道都係揀入住札幌站附近。加上JR 札幌站集結咗多個大型購物中心，例如大丸百貨、Stellar Place 同埋地下街 APIA 等，購物、餐廳都多選擇。如果你重視交通便利，特別係要往返千歲機場或者搭 JR 去其他城市玩，住呢度基本上係無得輸，冬天拖喼行地下街完全唔使驚。
大通/狸小路｜購物狂天堂・美食集中（適合：喜歡 Shopping、藥妝掃貨、睇雪祭）
大通/狸小路係札幌另一個核心地帶，以購物、美食同埋地標大通公園聞名。如果你係藥妝控或者文青，住大通/狸小路就最啱。呢度有最出名嘅狸小路商店街同埋多間百貨公司（如 Parco、三越），買完嘢可以直接返酒店放低戰利品再戰。雪祭期間，呢度更加係熱門地段，行幾步就睇到雪雕。想shopping，記得拎埋 札幌藥妝優惠券，有7％優惠，買藥妝啱晒！
其他（薄野/中島公園）｜屋台宵夜・高 CP 值（適合：喜愛夜生活、食肉獸、預算有限）
除咗車站同大通，薄野同埋中島公園區都各有特色！薄野係著名嘅紅燈區同美食天堂，以「成吉思汗烤羊肉」同拉麵橫丁聞名，最適合夜晚想食宵夜飲杯嘢嘅朋友；而中島公園區就比較安靜，房價通常較平，適合想遠離煩囂或者追求高性價比、空間感嘅旅客。
各區參考房價比較
里先生幫大家搜羅咗呢三區嘅平均房價（二人房計）。留意返，雪祭期間房價隨時貴一倍！
| 住宿區域 | 淡季/平日參考價 | 旺季/雪祭參考價 |
|---|---|---|
| JR 札幌站 | HK$1,000 – $1,800 | HK$1,800 – $3,500+ |
| 大通 / 狸小路 | HK$800 – $1,300 | HK$1,400 – $2,500+ |
| 薄野 (Susukino) | HK$600 – $1,000 | HK$1,200 – $2,000+ |
里先生精選 Top 10 札幌酒店推介 2026
| 酒店名稱 | 位置 | 特色 | 最低價格 | 訂房網址 |
| 札幌JR Tower日航酒店 | 札幌站 | 頂級景觀 | 約 HK$2,200 | Agoda / Trip.com / Expedia |
| 札幌諾特酒店 | 大通站 | 神級位置 | 約 HK$900 | Agoda/ Trip.com / Expedia |
| 由緣札幌溫泉旅館 | 大通公園 | 露天溫泉 | 約 HK$1,300 | Agoda / Trip.com / Expedia |
| 札幌 Emion 酒店 | 札幌站北口 | 天橋直達 | 約 HK$1,000 | Agoda / Trip.com / Expedia |
| 船舶花園薄野酒店 | 薄野區 | 海鮮任食早餐 | 約 HK$900 | Agoda / Trip.com / Expedia |
| 札幌東急stay酒店 | 大通站 | 房內有洗衣機 | 約 HK$900 | Agoda / Trip.com / Expedia |
| 札幌站 Forza 酒店 | 札幌站 | 按摩椅設施 | 約 HK$950 | Agoda / Trip.com / Expedia |
| 札幌大通公園美爵酒店 | 大通公園 | 房型大 | 約 HK$1,100 | Agoda / Trip.com / Expedia |
| 札幌薄野Quintessa酒店 | 薄野區 | 房大好開喼 | 約 HK$750 | Agoda / Trip.com / Expedia |
| 札幌大通公園皇家花園康萊德酒店 | 大通站 | 有氣氛極 Chill | 約 HK$1,200 | Agoda / Trip.com / Expedia |
札幌酒店推介 2026︱JR 札幌站住宿首選
1. 札幌JR Tower日航酒店 (JR Tower Hotel Nikko Sapporo)
札幌JR Tower日航酒店係正 JR 札幌站上蓋，行 2 分鐘就已經可以去到 Lobby Check-in。作為全札幌最高嘅建築物，所有客房都設於 22 樓至 36 樓，房內全部配備落地玻璃，完全無建築物遮擋，可以俯瞰整個札幌市區同遠處山景。缺點係房價比周邊同級酒店貴 30% 至 40%。不過呢個價錢可以享受免於喺雪地拖喼、唔使凍住搵路嘅實體體驗。
- 📍 交通：JR 札幌站東改札口直達，全程有扶手電梯同升降機，無障礙友善
- 💰 參考房價：約 HK$2,200 起
- 🏆 里先生短評：如果你預算夠，呢間係首選中嘅首選。尤其係冬天，唔使喺雪地拖喼就知地點有幾值錢。雖然設施唔係走摩登設計風，但典型日系五星嘅細節做得好足。
- ⭐ 綜合評分：Google 4.5/5｜Agoda 9.1/10｜Trip.com 9.6/10
Google 評論：「地點方便到癲，同車站連住，完全唔驚落雪行唔到路。」
Agoda 評論：「雖然貴，但個景真係值回票價，服務係典型日本五星級水準。」
Trip.com 評論：「酒店雖然有啲年代感，但保養得好好，入到房望到個夜景就覺得錢花得值。」
| ✅ 優點 | ❎ 缺點 |
|
|
即睇札幌JR Tower日航酒店優惠！→
Agoda / Trip.com / Expedia
2. 札幌格蘭貝爾酒店 (SAPPORO HOTEL by GRANBELL)
SAPPORO HOTEL by GRANBELL 於 2024 年全新開幕，位於JR札幌站同地鐵大通站之間，位置相當便利。酒店客房特別提供咗札幌較少見嘅三人／四人房型，解決咗多人成行要分房嘅問題。不過落雪要由 JR 札幌站拖喼行過去大約要 7 至 8 分鐘，部分要幾地面，實際行一轉都幾攰。另外13 樓頂層設有大浴場同半露天風呂，住客可以免費使用，邊浸邊俯瞰市區夜景。
- 📍 交通：JR 札幌站步行約 7 分鐘 / 地鐵大通站步行約 5 分鐘。
- 💰 參考房價：約 HK$1,100 起
- 🏆 里先生短評：呢間係近期喺札幌住過最有驚喜嘅酒店。特別係頂樓個露天風呂，夜晚去浸真係好有 Feel。但要行去車站或大通要幾分鐘路程。
- ⭐ 綜合評分：Google 4.4/5｜Agoda 9.0/10｜Trip.com 4.6/5
Google 評論：「新酒店即係新酒店，設計好時尚，大浴場好舒服，完全唔想走。」
Agoda 評論：「頂樓溫泉好驚艷，房間雖然唔算極大但好精緻，設施好齊全。」
Trip.com 評論：「酒店位置好方便，樓下就有便利店，整體感覺好高級，下次一定會再住。」
| ✅ 優點 | ❎ 缺點 |
|
|
即睇 札幌格蘭貝爾酒店 優惠！→
Agoda / Trip.com / Expedia
3. 札幌京王廣場酒店 (Keio Plaza Hotel Sapporo)
Keio Plaza Hotel Sapporo（札幌京王廣場飯店） 係札幌市中心少有主打大空間嘅老牌五星酒店。基本標準房已有 24 至 28 平方米，空間感非常足夠。酒店近年陸續將部分客房翻新成現代日系木系風格，高層房型景觀相當開揚。要留意嘅係酒店位於 JR 札幌站西口外圍，出站後需要步行約 5 至 6 分鐘，里先生試過喺冬天遇到風雪行路面，拖住大行李箱行呢段路會好狼狽。
- 📍 交通：JR 札幌站 西改札口 出站，經西口地面步行約 5–6 分鐘（若遇到惡劣天氣，可先行地下街至 12 號出口附近再上地面，縮短室外步行距離）。
- 💰 參考房價：約 HK$1,300 起
- 🏆 里先生短評：呢間係穩陣之選。房大服務好，好啱一家大細或者行李比較多嘅朋友。如果你想住得寬敞啲，又想有五星級酒店嘅 Reception 同行李代收服務，京王係性價比好高嘅選擇。雖然行去 JR 站要過一小段馬路，但比起大通嗰邊已經算好近。
- ⭐ 綜合評分：Google 4.3/5｜Agoda 8.8/10｜Trip.com 9.3/10
Google 評論：「房入面好寬敞，喺日本市中心真係好難得，床墊亦好舒服。」
Agoda 評論：「雖然離車站行幾分鐘，但附近有幾間好正嘅拉麵店同便利店，好方便。」
Trip.com 評論：「典型日系五星酒店，雖然唔新但好乾淨，員工英語水平唔錯。」
| ✅ 優點 | ❎ 缺點 |
|
|
即睇札幌京王廣場酒店優惠！→
Agoda/ Trip.com / Expedia
4. 札幌站Forza酒店 (Hotel Forza Sapporo Station)
FORZA Hotel Sapporo Station（札幌站福爾扎酒店）最大特色係全館客房均配備按摩設備（基本房型配有頸腳按摩墊或按摩槍，高級房型則設有小型按摩椅），對每日行到腳軟嘅旅客嚟講非常實用。地點方面，里先生見酒店緊鄰大丸百貨同六花亭札幌本店，買完手信随时可以放返房再出街。此外，基本雙人房面積約 18 平方米，如果帶兩個 29 吋大行李箱，打開後空間會略顯狹窄。
- 📍 交通：JR 札幌站 南口 出站步行約 3–4 分鐘（可經札幌地下步行通道 22 號出口，搭乘升降機直達地面，步行約 1 分鐘即達）。
- 💰 參考房價：約 HK$950 起
- 🏆 里先生短評：呢間好啱年輕人或者情侶。地點好近大丸百貨，買完嘢放返酒店再行過都得。房入面部按摩椅真係核心賣點，行完 Outlet 返嚟用佢真係會上癮。雖然大堂喺高層要轉電梯，但整體新淨程度同設計感係站前區數一數二。
- ⭐ 綜合評分：Google 4.4/5｜Agoda 8.9/10｜Trip.com 9.1/10
Google 評論：「新酒店即係新酒店，電視可以睇 Netflix，按摩椅每日都幫到我。」
Agoda 評論：「位置超好，過條馬路就係 JR 站同地下鐵，附近超多嘢食。」
Trip.com 評論：「設計好新穎，浴室係三分離設計，兩個人住唔使爭廁所用。」
| ✅ 優點 | ❎ 缺點 |
|
|
即睇札幌站Forza酒店優惠！→
Agoda / Trip.com / Expedia
5. 札幌 Emion 酒店 (Hotel Emion Sapporo)
HOTEL EMION SAPPORO 於 2023 年底開幕，客房硬件設計偏向實用，床頭配備足夠嘅Type-A/Type-C/USB 孔，客房面積由約21平方米起，比一般商務酒店寬敞。二樓大堂提供免費咖啡，另設有住客專用大浴場（內設室內大池、冷水池與桑拿設施）。早餐亦係主要賣點之一，採用自助餐形式，提供鮭魚卵、帆立貝、甜蝦等自製海鮮丼，質素都唔錯。缺點方面，北口周邊主要係辦公大樓與住宅區，去狸小路商店街或者大通公園，步行需要 15–20 分鐘（或搭一站地鐵南北線）。
- 📍 交通：JR 札幌站 北口 出站，經由 北口直通室內天橋 步行約 4–5 分鐘（全程有升降機，無障礙友善）。
- 💰 參考房價：約 HK$1,000 起
- 🏆 里先生短評：新酒店即係有優勢，插頭多、燈光足、冷氣夠靜。如果你想搵一間有大浴場浸、又要新、又唔想太貴嘅站前酒店，呢間係目前首選。唯一要考慮係如果你好鍾意行狸小路，北口位置就要行多 10 分鐘以上，或者坐一站地鐵。
- ⭐ 綜合評分：Google 4.6/5｜Agoda 9.2/10｜Trip.com 4.7/5
Google 評論：「2024 年住過最新嘅酒店，由車站行天橋過去好方便，大浴場好乾淨。」
Agoda 評論：「早餐嘅海鮮丼真係好驚喜，質素唔輸俾外面市場。」
Trip.com 評論：「地點一流，北口呢邊雖然無南口咁熱鬧，但勝在安靜而且路好行。」
| ✅ 優點 | ❎ 缺點 |
|
|
即睇札幌 Emion 酒店優惠！→
Agoda / Trip.com / Expedia
6. 札幌全日空皇冠廣場酒店 (ANA Crowne Plaza Sapporo)
札幌全日空皇冠假日酒店屬於 IHG 洲際酒店集團旗下，客房設品牌獨有嘅 「Sleep Advantage」睡眠輔助服務，房內免費提供蒸氣眼罩、夜間舒緩茶包及入浴劑，亦可以挑選唔同硬度嘅枕頭，對認床或易失眠嘅旅客嚟講相當實用。但酒店開業年代較久，裝修同傢俬帶有年代感，插座數量亦比新酒店少。加上從 JR 站地面步行過嚟需要過 2 個路口，落雪期間行地面會較唔方便。
- 📍 交通：南口出站步行約 6–7 分鐘；或經地下街 Chi-Ka-Ho 21 號出口（設有升降機）直通酒店 B1 樓。/酒店門口設有 新千歲機場巴士站，單程約 80 分鐘直達機場。
- 💰 參考房價：約 HK$1,100 起
- 🏆 里先生短評：住呢度勝在穩陣，唔會有驚嚇。雖然佢唔係正站上蓋，但因為佢有返咁上下規模，門口叫的士或者等機場巴士都好方便。對於 IHG 常客嚟講，可以用分換或者賺里數，性價比會更高。
- ⭐ 綜合評分：Google 4.1/5｜Agoda 8.6/10｜Trip.com 4.3/5
Google 評論：「早餐選擇好多，日式同西式都有，水準唔錯。」
Agoda 評論：「床鋪真係好舒服，對於我呢啲出差人士嚟講，睡得好最重要。」
Trip.com 評論：「雖然係老牌酒店，但服務細節做得好好，入住體驗好滿意。」
| ✅ 優點 | ❎ 缺點 |
|
|
即睇札幌全日空皇冠廣場酒店優惠！→
Agoda / Trip.com / Expedia
札幌酒店推介 2026︱購物狂專屬：狸小路/大通公園
7. 札幌諾特酒店 (The Knot Sapporo)
THE KNOT SAPPORO 地下 1 樓直通 Pole Town 地下街，雪天或雨天去狸小路購物、食飯完全唔使上地面吹風。酒店 Lobby 設於 2 樓，辦理 Check-in 時每位住客每日會獲贈專屬代幣（KNOT Coins），可用嚟喺 2 樓附設嘅 Les Bois 餐廳兌換限定甜品、餐前小食或調酒。基本雙人房面積只有約 16 至 18 平方米，空間相對較細，開兩個 28 吋大行李箱後幾乎冇咩位走動。
- 📍 交通：地鐵大通站/薄野站步行約 3-5 分鐘（地下街直達出口旁）。
- 💰 參考房價：約 HK$900 起
- 🏆 里先生短評：每次去札幌行街嘅首選。地點真係無敵，對面就係驚安殿堂（Donki），行街行到半夜都唔怕。房內裝修好有現代感，雖然係「麻雀雖小」，但勝在好用。唯一要留意係 Lobby 同 Lobby 之間要轉升降機，繁忙時間可能要等少少位。
- ⭐ 綜合評分：Google 4.3/5｜Agoda 8.9/10｜Trip.com 4.5/5
Google 評論：「位置好到無話可說，對面就係 Donki，樓下就係地下街出口。」
Agoda 評論：「酒店設計好靚，每日送嘅 Coin 好有趣，可以換到好精緻嘅小食。」
Trip.com 評論：「雖然房間空間有限，但地理位置補償咗一切，適合主打行街嘅朋友。」
| ✅ 優點 | ❎ 缺點 |
|
|
即睇札幌諾特酒店優惠！→
Agoda/ Trip.com / Expedia
8. 札幌大通里士滿酒店 (Richmond Hotel Sapporo Odori)
札幌大通里士滿酒店位於狸小路 4 丁目商店街內，酒店正門設於拱廊街範圍，出入完全有蓋遮頭，大雨大雪都唔怕。Check-in 時櫃枱會免費提供女性保養品、面膜同浴鹽等備品；客房內亦配備多頭充電線。基本雙人房約 18 至 21 平方米，比一般平價酒店略大少少，實試兩個 28 吋行李箱可以勉強半開或疊放。缺點方面，酒店開業有一段時間，裝修屬於傳統商務風格，傢俬略有歲月痕跡。
- 📍 交通：南北線/東西線 大通站 經地下街 Pole Town 狸小路 4 丁目出口（設有升降機）上地面，步行約 2 分鐘。
- 💰 參考房價：約 HK$850 起
- 🏆 里先生短評：推薦俾第一次帶屋企人去札幌嘅人。正對狸小路真係好方便，長輩行攰咗隨時可以返去休息。Richmond 嘅早餐一向有保證，雖然唔係最豪，但好有誠意。房內空間感亦比一般商務酒店好少少，係高性價比之選。
- ⭐ 綜合評分：Google 4.2/5｜Agoda 8.8/10｜Trip.com 4.4/5
Google 評論：「住喺狸小路裡面真係太方便，買完藥妝直接拎返房，唔使拎住行。」
Agoda 評論：「員工好有禮貌，雖然酒店有少少歷史感，但保養得非常好。」
Trip.com 評論：「自助 Check-in 好快，仲有好多備品可以拎，服務好貼心。」
| ✅ 優點 | ❎ 缺點 |
|
|
即睇札幌大通里士滿酒店優惠！→
Agoda / Trip.com / Expedia
9. 札幌西三井花園酒店 (Mitsui Garden Hotel Sapporo West)
三井花園飯店札幌西客房採用現代日式設計，基本雙人房約 21 至 24 平方米，部分房型設有乾濕分離浴室（獨立洗手台、馬桶與浴室）。二樓設有住客專用大浴場，開放時間至深夜 01:00，適合出外行街一日後放鬆。早餐係呢間酒店嘅特色之一，採用半自助式配合日式海鮮與北海道本地食材，提供現烤燒牛肉、炸蝦、法式吐司以及甜品，不過住咗幾日都發現早餐時段人多，有時需要排隊等位。
- 📍 交通：JR 札幌站 西改札口 出站，經地面步行約 4–5 分鐘（遇雨雪天氣可先行至地下街 12 號出口 升降機上地面，再步行約 2 分鐘）。
- 💰 參考房價：約 HK$1,050 起
- 🏆 里先生短評：如果你追求食好啲、住好啲，但又未到五星級嗰種貴，揀呢間就啱。設計好新，房入面有三分離浴室，非常實用。早餐真心建議要加，水準係我住過咁多間入面數一數二嘅。雖然佢唔係正正連住地下街，但行去車站同大通百貨區都好快。
- ⭐ 綜合評分：Google 4.4/5｜Agoda 9.0/10｜Trip.com 4.6/5
Google 評論：「大浴場好舒服，早餐真係超乎想像咁正，好多選擇。」
Agoda 評論：「2020 年新開好新淨，床褥超級舒服，啱晒對睡眠有要求嘅人。」
Trip.com 評論：「房內空間唔錯，設計好摩登，員工服務非常有禮貌。」
| ✅ 優點 | ❎ 缺點 |
|
|
即睇札幌西三井花園酒店優惠！→
Agoda / Trip.com / Expedia
10. 札幌東急Stay酒店 (Tokyu Stay Sapporo)
札幌大通東急 STAY 酒店位於地鐵大通站旁邊，最大賣點係大部分客房內置洗衣乾衣一體式洗衣機、微波爐、小型沙發區，連入住基本雙人房都有，非常適合長期留宿、唔想帶太多衫或者有洗衫需要嘅家庭客。但係房價普遍比同級連鎖商務酒店貴 15% 至 20%，相對較高。
- 📍 交通：地鐵南北線/東西線/東豐線 大通站 34 號出口 步行約 1 分鐘（若攜帶大件行李，建議使用 37 號出口升降機 直達地面，步行約 2 分鐘）。
- 💰 參考房價：約 HK$900 起
- 🏆 里先生短評：無論會買好多新衫或者唔鍾意帶好多衫嘅朋友都啱。房入面有洗衣機之餘，仲免費送埋洗衣粉。地點極近大通百貨區，行街絕對方便。不過房價會比一般東急品牌貴少少，勝在配套真係好實用。
- ⭐ 綜合評分：Google 4.3/5｜Agoda 8.9/10｜Trip.com 4.5/5
Google 評論：「房內有洗衣機真係救星，完全可以少帶幾套衫，留位裝藥妝。」
Agoda 評論：「位置極好，近大通公園，房間好乾淨，設施好齊全。」
Trip.com 評論：「有微波爐同洗衣機好方便，房入面仲有個細沙發位，好舒服。」
| ✅ 優點 | ❎ 缺點 |
|
|
即睇札幌東急 STAY 酒店優惠！→
Agoda / Trip.com / Expedia
11. 札幌燈光圖書酒店 (Lamp Light Books Hotel Sapporo)
札幌燈光圖書酒店主打「可以住嘅書店」概念。一樓地面層設有 24 小時營業嘅 LAMP LIGHT BOOKS CAFE，住客可以免費借閱 2 本書籍帶返客房閱讀，里先生見選書以旅人、生活同推理小說為主。早餐提供現做特製漢堡（如黑豆和牛堡、海鮮堡）搭配研磨咖啡，簡簡單單，但味道都唔錯。只係基本房型僅約 13 至 15 平方米，空間非常緊湊。此外，客房僅設有獨立乾濕分離淋浴間，全館均無配備浴缸。
- 📍 交通：南北線 薄野站 2 號出口步行約 7 分鐘 / 大通站 1 號出口步行約 8 分鐘。
- 💰 參考房價：約 HK$700 起
- 🏆 里先生短評：呢間嘅價錢好吸引，啱晒小資一族。雖然位置喺狸小路尾段，但勝在可以行埋啲特色小店同埋下町feel 嘅餐廳。書店 Cafe 氛圍極好，早餐係食特色漢堡配咖啡，係另一種悠閒嘅札幌體驗。不過行李太多嘅朋友就要考慮下，房真係幾「精緻」。
- ⭐ 綜合評分：Google 4.3/5｜Agoda 8.9/10｜Trip.com 4.5/5
Google 評論：「樓下咖啡店好正，24 小時都有書睇，氣氛真係無得頂。」
Agoda 評論：「雖然房細少少，但設計感好強，好乾淨，性價比極高。」
Trip.com 評論：「早餐雖然簡單但好好食，好近狸小路，行街好方便。」
| ✅ 優點 | ❎ 缺點 |
|
|
即睇札幌燈光圖書酒店優惠！→
Agoda / Trip.com / Expedia
12. 札幌大通公園美爵酒店 (Grand Mercure Sapporo Odori)
札幌大通公園美爵酒店前身為 Royton Sapporo，於 2024 年加盟 Accor 集團，入住前記得登記埋 Accor雅高會員/積分。酒店位於大通公園西，札幌雪祭期間步行 1 分鐘就可以行到西側會場，但距離核心購物區或 Parco 百貨就遠少少（步行需要 12 至 15 分鐘）。最大優點係客房空間感十足，標準雙人房面積由 30 平方米起，足夠攤開三個大行李箱，適合多行李或家庭客。
- 📍 交通：東西線 西 11 丁目站 1 號出口 步行約 3 分鐘（攜帶大行李建議使用 2 號出口升降機，過馬路步行約 4 分鐘）。
- 💰 參考房價：約 HK$1,100 起
- 🏆 里先生短評：Grand Mercure 接手後，餐飲同整體管理都更國際化，係大通區內穩陣嘅大酒店選擇。最主要推介呢間酒店係因為房型夠大，大部分都係30平方米。雖然行去狸小路要少少時間，但佢近西 11 丁目站，都算係方便。
- ⭐ 綜合評分：Google 4.1/5｜Agoda 8.5/10｜Trip.com 4.3/5
Google 評論：「房真係好大，喺札幌市中心好罕見，對正大通公園景觀好靚。」
Agoda 評論：「品牌更換後設施有翻新，服務變得更好，性價比唔錯。」
Trip.com 評論：「雖然離主要購物區要行一段路，但空間感贏晒，住得好舒服。」
| ✅ 優點 | ❎ 缺點 |
|
|
即睇札幌大通公園美爵酒店優惠！→
Agoda / Trip.com / Expedia
13. 札幌 Resol Trinity 酒店 (Hotel Resol Trinity Sapporo)
札幌 Resol Trinity 酒店 14 樓頂層設有景觀大浴場，可以一邊浸浴一邊透過大玻璃窗俯瞰大通公園與札幌電視塔夜景，但實際入住空間唔算特別大，夜晚 21:00 至 23:00 熱門時段人流會比較多。客房採用日式木系簡約設計，地面連通 7-Eleven 便利店，買宵夜或飲品非常方便。基本雙人房面積僅約 15 至 17 平方米，開兩個 28 吋大行李箱後走動空間有限。
- 📍 交通：南北線/東西線 大通站 2 號出口 步行約 1 分鐘（設有升降機，雨雪天方便攜帶大行李）。
- 💰 參考房價：約 HK$850 起
- 🏆 里先生短評：景觀大浴場真心正，如果你鍾意浸浴但又唔想去專門嘅溫泉旅館，呢度係好平衡嘅選擇。地點無敵近地鐵站，慳返好多體力。房間雖然唔算好大，但布局合理，適合情侶或一人旅。
- ⭐ 綜合評分：Google 4.2/5｜Agoda 8.7/10｜Trip.com 4.4/5
Google 評論：「大浴場望住大通公園好正，由地鐵站行上嚟真係好快。」
Agoda 評論：「位置好好，行街食飯都好近，酒店內外都好乾淨。」
Trip.com 評論：「性價比好高，服務員好親切，頂樓大浴場一定要去試。」
| ✅ 優點 | ❎ 缺點 |
|
|
即睇札幌Resol Trinity酒店優惠！→
Agoda / Trip.com / Expedia
札幌酒店推介 2026︱Chill 住浸：特色大浴場/溫泉旅館
14. 札幌由緣温泉日式旅館 (Onsen Ryokan Yuen Sapporo)
札幌由縁主打將現代簡約設計融入傳統日式溫泉旅館，全館採用木質與榻榻米元素，玄關位置需要換鞋入場。設有市中心少見嘅半露天風呂，由登別/定山溪源泉直送至大浴場，浸完休息區仲有免費雪條供應。早餐則提供以北海道在地食材製作嘅日式箱膳套餐（包含刺身、季節蒸物與釜飯）。JR 札幌站南口步行過嚟需要約 12 至 14 分鐘，如果喺冬天落雪拖住大行李箱行辛苦啲，建議多利用大通站出入。
- 📍 交通：南北線/東西線大通站 1 號出口 步行約 8–9 分鐘；JR 札幌站 南口 步行約 12–14 分鐘（雨雪天建議由札幌站經地下通道 Chi-Ka-Ho 行至 1 號出口 附近上地面，可縮短室外步行距離）。
- 💰 參考房價：約 HK$1,300 起
- 🏆 里先生短評：呢間係我心目中「最啱二人世界」嘅酒店。設計極之精緻，由入屋要換拖鞋到房內嘅日式茶點，成個儀式感做足。雖然位置唔算最核心，但勝在夠靜。浸住露天溫泉望雪，真係會令人唔想走。不過房入面無私家浴室（只有淋浴間），呢點要留意。
- ⭐ 綜合評分：Google 4.5/5｜Agoda 9.1/10｜Trip.com 4.7/5
Google 評論：「喺市中心可以浸到咁高質嘅露天溫泉，仲有免費雪條食，真係好滿足。」
Agoda 評論：「成間酒店好似一件藝術品，設計得好優雅，早餐好食到驚艷。」
Trip.com 評論：「雖然行去車站要啲時間，但為咗個溫泉同設計，絕對值得回訪。」
| ✅ 優點 | ❎ 缺點 |
|
|
即睇札幌由緣温泉日式旅館優惠！→
Agoda / Trip.com / Expedia
15. 船舶花園薄野酒店 (Vessel Hotel Campana Susukino)
船舶花園薄野酒店主打高性價比與親子友善政策。酒店最大特色係 18 歲以下兒童在不加床情況下可免費入住，對帶住小朋友出行嘅家庭嚟講慳返唔少錢。二樓設有住客專用木質風格大浴場與乾式桑拿，雖然非天然溫泉，但維護良好且空間寬敞。早餐採用自助餐形式，提供鮭魚卵、燒帆立貝、甜蝦等自由組合嘅自製海鮮丼，以及北海道產蔬菜與鮮奶。
- 📍 交通：南北線薄野站 4 號出口（設有升降機）步行約 4 分鐘。
- 💰 參考房價：約 HK$900 起
- 🏆 里先生短評：我會推薦俾「帶住小朋友」或者「大胃王」嘅首選。早餐真係必加，質素非常之高。大浴場好乾淨，設施亦好新。地點雖然喺薄野，但位置剛好避開咗最嘈雜嘅區域，夜晚瞓覺好安靜。以呢個價錢有咁嘅設施，真心抵到爛。
- ⭐ 綜合評分：Google 4.4/5｜Agoda 9.0/10｜Trip.com 4.6/5
Google 評論：「早餐嘅海鮮丼真係無敵，大浴場好舒服，員工服務極好。」
Agoda 評論：「18 歲以下免費入住呢點真係無得輸，慳返唔少，房仲好新淨。」
Trip.com 評論：「浴室設計好窩心，大浴場有埋桑拿，行完街返嚟鬆一鬆真係正。」
| ✅ 優點 | ❎ 缺點 |
|
|
即睇船舶花園薄野酒店優惠！→
Agoda / Trip.com / Expedia
16. 札幌十字酒店 (Cross Hotel Sapporo)
札幌十字酒店位於JR 札幌站與地鐵大通站之間，主打當代藝術風格與設計感，大堂與客房隨處可見在地藝術家嘅作品。酒店最大特色係位於 18 樓頂層嘅景觀大浴場，採用大面積落地玻璃設計，浸湯之餘可以俯瞰札幌市區景觀同遠眺札幌電視塔。基本雙人房面積約 18 至 23 平方米，部分高層房型更設有獨立景觀浴缸。不過酒店未有室內天橋或地下通道直通 JR 站，遇到積雪路面會較辛苦啲。
- 📍 交通：JR 札幌站南口出站步行約 5–6 分鐘（雨雪天可先經地下街 Chi-Ka-Ho 行至 7 號或 9 號出口 附近上地面，縮短室外步行距離）。地鐵大通站 7 號出口步行約 5–6 分鐘。
- 💰 參考房價：約 HK$1,050 起
- 🏆 里先生短評：頂樓大浴場景觀真係好正，特別係夜晚睇景一流。酒店設計好啱情侶或者鍾意影相嘅朋友，房內有好多細緻嘅設計感。地點極好，行去大丸百貨或者大通公園都係 5 分鐘左右，真正做到左右逢源。
- ⭐ 綜合評分：Google 4.2/5｜Agoda 8.8/10｜Trip.com 4.4/5
Google 評論：「頂樓浴場望出去個景好正，酒店設計好特別，完全唔似一般悶悶地嘅商務酒店。」
Agoda 評論：「位置好好，房入面好大好舒服，大浴場好乾淨，員工英語好好。」
Trip.com 評論：「設計好新穎，早餐係半自助形式，水準唔錯，整體入住感好高級。」
| ✅ 優點 | ❎ 缺點 |
|
|
即睇札幌十字酒店優惠！→
Agoda / Trip.com / Expedia
17. 札幌大通拉珍特住宿酒店 (La'gent Stay Sapporo Odori)
札幌大通La'gent Stay Sapporo Odori酒店二樓設有 住客專用大浴場「ポンの湯」，採用仿古木質建築結構配搭傳統木桶裝飾，分為「明治之湯」與「大正之湯」（男女湯每日交替使用）。二樓同層附設 Northern Steamer BAR，提供北海道在地精釀啤酒與調酒。客房規模方面，標準雙人房面積約 18 至 21 平方米，採用現代和風設計，另外亦設有親子主題房與三人/四人房型。
- 📍 交通：南北線/東西線/東豐線大通站 37 號出口（設升降機）步行約 3 分鐘。
- 💰 參考房價：約 HK$950 起
- 🏆 里先生短評：行出門口就係狸小路，但又唔係喺正最嘈嗰段。大浴場好有特色，唔係一般商務酒店嗰種死板浴池。房入面空間合理，設計帶點現代和風。對於想浸浴、又想瘋狂行街嘅朋友，呢間係完美平衡點。
- ⭐ 綜合評分：Google 4.3/5｜Agoda 8.9/10｜Trip.com 4.5/5
Google 評論：「浴場設計好特別，好似去咗古代日本咁，地點近狸小路好方便。」
Agoda 評論：「樓下就有超市同藥妝，房入面設施好齊，大浴場好舒服。」
Trip.com 評論：「性價比好高，服務員好熱心，整體環境好乾淨，非常滿意。」
| ✅ 優點 | ❎ 缺點 |
|
|
即睇札幌大通拉珍特住宿酒店優惠！→
Agoda / Trip.com / Expedia
18. 札幌大通公園皇家花園康萊德酒店 (The Royal Park Canvas Sapporo Odori Park)
札幌大通公園皇家花園 CANVAS 酒店於 2021 年開幕，以「北海道木材」為核心設計主題，由建築結構到客房家具均大量採用在地木材，整體風格偏向自然溫暖感。留意返酒店所有客房都冇裝電視，取而代之係每房配備 Record Player（黑膠唱片機） 同藍芽喇叭，大堂亦提供多款黑膠唱片俾住客免費借閱返房播放。頂樓設有 Roof Top Terrace 戶外露天平台，設有營火火爐區，可以俯瞰大通公園同電視塔夜景。
- 📍 交通：南北線/東西線/東豐線大通站 24 號出口（設有升降機）直通酒店地下 1 樓。
- 💰 參考房價：約 HK$1,200 起
- 🏆 里先生短評：酒店全木質設計真係好靚，影相打卡無敵。雖然無大浴場，但頂樓個火爐天台可以望住電視塔，飲杯咖啡真係好舒服。房入面部黑膠機係神來之筆，好啱想享受慢生活嘅朋友。地點直達地鐵站，方便到唔使多講。
- ⭐ 綜合評分：Google 4.4/5｜Agoda 9.0/10｜Trip.com 4.6/5
Google 評論：「全木裝修好有特色，頂樓火爐位氣氛好到無得頂，地點神級方便。」
Agoda 評論：「2021 年新酒店好新淨，設計好有品味，完全係另一種酒店體驗。」
Trip.com 評論：「黑膠唱片機好正，酒店設施好齊全，大通公園就喺旁邊，雪祭住呢度最正。」
| ✅ 優點 | ❎ 缺點 |
|
|
即睇札幌大通公園皇家花園康萊德酒店優惠！→
Agoda / Trip.com / Expedia
札幌酒店推介 2026︱高性價比/設計之選
19. 札幌薄野Quintessa酒店 (Quintessa Hotel Sapporo Susukino)
札幌昆特莎酒店最大賣點係空間感，相比薄野周邊同價位商務酒店普遍只有 15–18 平方米，Quintessa 嘅基本雙人房面積已有 23 至 28 平方米，房內走廊同床尾空間闊落，可以輕鬆平鋪展開兩個 29 吋大行李箱。酒店開業超過 10 年，雖然客房維護得宜，但部分家具與牆角略帶歲月痕跡。
- 📍 交通：南北線中島公園站 2 號出口 步行約 4 分鐘 / 薄野站 4 號出口（設升降機）步行約 6–7 分鐘。
- 💰 參考房價：約 HK$750 起
- 🏆 里先生短評：呢間嘅賣點係「空間感」。好多商務酒店連平放一個喼都難，但呢度可以輕鬆打開兩個大喼，行李多嘅朋友必選。雖然地點離核心區稍微行多兩步，但換嚟嘅係好靜、好舒服嘅睡眠環境。早餐質素亦都唔差，係好均衡嘅選擇。
- ⭐ 綜合評分：Google 4.2/5｜Agoda 8.8/10｜Trip.com 4.4/5
Google 評論：「房入面空間感好足，住得好舒服，完全無壓迫感。」
Agoda 評論：「雖然喺薄野，但位置好安靜，房入面好乾淨，性價比好高。」
Trip.com 評論：「床鋪好好瞓，服務員好熱心，整體入住感覺好滿意。」
| ✅ 優點 | ❎ 缺點 |
|
|
即睇札幌薄野Quintessa酒店優惠！→
Agoda / Trip.com / Expedia
20. 札幌大通威斯特酒店 (Hotel Vista Sapporo Odori)
Hotel Vista 札幌大通係採用衛浴三分離格局——將獨立洗手台、獨立馬桶與淋浴/浴缸浴室完全拆分為三個獨立空間，兩個人同房可以同步刷牙、去廁所同沖涼，大幅慳返唔少時間。基本雙人房面積約 18 至 21 平方米，空間相對較細。酒店樓下步行 1 分鐘內有 7-Eleven 與 Lawson，過馬路即達 狸小路 5 丁目 藥妝店與居酒屋街，深夜買宵夜非常方便。
- 📍 交通：地鐵大通站步行約 5 分鐘 / 狸小路商店街步行 2 分鐘。
- 💰 參考房價：約 HK$800 起
- 🏆 里先生短評：如果你同朋友一齊去，揀 Vista 就無錯。三分離廁所真係慳返好多排隊時間。酒店地點係「黃金地段」，行去狸小路掃藥妝真係落樓就到。雖然房唔算好大，但佢勝在每一吋空間都用得好盡，性價比極佳。
- ⭐ 綜合評分：Google 4.1/5｜Agoda 8.6/10｜Trip.com 4.3/5
Google 評論：「廁所分開三部分真係好方便，兩個人住唔使等嚟等去。」
Agoda 評論：「位置好好，好近狸小路，周圍好多好嘢食。」
Trip.com 評論：「酒店雖然唔算好新，但維護得好好，服務好親切。」
| ✅ 優點 | ❎ 缺點 |
|
|
即睇札幌大通威斯特酒店優惠！→
Agoda / Trip.com / Expedia
21. 札幌Bespoke酒店 (Bespoke Hotel Sapporo)
札幌Bespoke酒店簡稱 bspk，基本雙人房約 17 至 19 平方米起，雖然空間偏精簡，但採用咗無多餘大型傢俬嘅牆面收納設計，床下設有放行李箱嘅空間，平鋪一個 28 吋大行李箱後依然留有走動通道。早餐提供鮭魚卵、甜蝦等自選配料嘅自製海鮮丼，配埋研磨咖啡同麵包。不過酒店位於薄野與狸小路交界嘅熱鬧商圈，低樓層可能會聽到少許地面行人噪音。
- 📍 交通：南北線 薄野站 1 號出口 步行約 3 分鐘 / 東西線/南北線 大通站 35 號出口 步行約 5 分鐘。
- 💰 參考房價：約 HK$850 起
- 🏆 里先生短評：成個風格偏向 Lifestyle，唔會有一種好商業化嘅感覺。地點方便到無話可說，正正喺薄野心臟地帶，附近食肆林立。如果你厭倦咗東橫 Inn 嗰種標準房，嚟呢度會覺得好有驚喜。
- ⭐ 綜合評分：Google 4.3/5｜Agoda 8.9/10｜Trip.com 4.5/5
Google 評論：「設計真係好有品味，樓下間 Cafe 啲咖啡好好飲，地點無敵。」
Agoda 評論：「成間酒店好有藝術感，房入面好乾淨，員工都好潮好有禮貌。」
Trip.com 評論：「地點超方便，房入面有好多小細節做得好，住得好舒服。」
| ✅ 優點 | ❎ 缺點 |
|
|
即睇札幌Bespoke酒店優惠！→
Agoda / Trip.com / Expedia
22. 札幌線流酒店 (SAPPORO STREAM HOTEL)
SAPPORO STREAM HOTEL 於 2024 年開幕，位於薄野新地標複合式商場 COCONO SUSUKINO 嘅 7 樓至 18 樓，可以直通地鐵薄野站。客房採用現代簡約深色調設計，配備落地大玻璃窗。18 樓頂層設有住客專用嘅 Rooftop Terrace 戶外露台，可以俯瞰薄野 Nikka 威士忌招牌同十字路口夜景。但樓下為商場與轉乘樞紐，尖峰時段升降機等候時間較長，且房價普遍比薄野周邊同級酒店高出約 20% 至 30%。
- 📍 交通：南北線薄野站 5 號出口直結，經地下通道直達 COCONO SUSUKINO B2 樓 轉乘專用升降機，無障礙友善。
- 💰 參考房價：約 HK$1,300 起
- 🏆 里先生短評：位置方便到無得彈，落樓下就係商場食肆、超市同戲院。雖然價錢比一般薄野酒店貴少少，但嗰個高空露台景觀同埋新酒店嘅高級感，完全對得住個價位，非常啱情侶或者想豪住少少嘅朋友。
- ⭐ 綜合評分：Google 4.4/5｜Agoda 9.1/10｜Trip.com 4.7/5
Google 評論：「2024年開真係好新，地點方便到極點，樓下就係商場，去邊都快。」
Agoda 評論：「房間設計好型，18樓個露台景觀一流，夜晚坐喺度飲杯嘢好 Chill。」
Trip.com 評論：「雖然價錢貴少少，但地點神級方便，房入面設施好高級，係目前薄野最好住嘅酒店。」
| ✅ 優點 | ❎ 缺點 |
|
|
即睇札幌線流酒店優惠！→
Agoda / Trip.com / Expedia
北海道酒店推介合集2026
| 里先生北海道酒店推介 | |||
|---|---|---|---|
| 北海道札幌酒店 | 札幌新酒店2026 | 北海道滑雪酒店 | 北海道ski in ski out酒店 |
| 北海道親子酒店 | 北海道溫泉酒店 | 富良野/美瑛酒店比較 | 北海道二世古酒店 |
| 北海道函館酒店 | 北海道旭川酒店 | ||
札幌酒店推介 2026︱常見問題
札幌自由行住邊區最方便？
札幌自由行交通最方便首選「JR 札幌站」，往返機場或去周邊城市最快。想掃藥妝就住「大通/狸小路」。追求 CP 值食宵夜就住「薄野」。
冬天去札幌點樣避開雪地拖喼？
優先揀「車站直達」或「地下街連通」嘅酒店，例如 JR Tower 日航或 Hotel Emion。全程行地下步道空間就唔驚大雪。
有無推薦嘅札幌親子酒店？
札幌親子酒店推薦 Vessel Hotel Campana（18歲以下不佔床免費）或 Tokyu Stay（房內有洗衣機）。
札幌市中心有無邊間有天然溫泉？
札幌市中心有天然溫泉，最推介由緣札幌 (Yuen) 提供定山溪天然溫泉，另外新開嘅 Granbell 亦有高品質露天風呂。
札幌雪祭期間訂房要注意什麼？
札幌雪祭係全年最旺季，房價會貴 1-2 倍。建議提前 6 個月預訂，並多利用網購信用卡賺回贈。
札幌酒店推介 2026｜快速索引
- 札幌住宿區域分析連價錢比較
- 札幌精選 Top 10 酒店比較表
- 北海道札幌酒店：JR 札幌站周邊首選
- 北海道札幌酒店：購物必住狸小路/大通公園
- 北海道札幌酒店：特色大浴場/溫泉旅館
- 北海道札幌酒店：高性價比/設計之選
- 北海道酒店推介合集
- 札幌酒店推介常見問題
加入里先生已驗證內容為 Google 首選來源，減低出錯率！
