Category: 航空新聞 其他文章

國泰於香港機場有兩個First Class Lounge，今次介紹呢個係位於63號閘口嘅The Pier玉衡堂。而呢個The Pier嘅First Class Lounge同個Business Lounge好相近，但兩者並不相通而個入口(電梯口)都係兩個唔同嘅位置，呢個Lounge有A La Carte menu即點即制食物同埋有個酒吧可以點cocktail/香檳/紅白酒飲。

我覺得The Pier First叫得上係國泰係香港機場最好嘅Lounge。人唔多亦都係國泰Lounge裡面我覺得最舒適果一個。入到去第一時間就記得約咗個15分鐘按摩先，因為一般都要等1-3小時不等先至有位可以按摩。

食方面要有招牌擔擔麵同Signature burger，好食定唔好食就等你入去試下喇。

國泰 The Pier 玉衡堂 點入？

要入呢個國泰Lounge都唔容易，簡單嚟講搭CX or oneworld First Class, Cathay Diamond or oneworld Emerald，一係就有渣打國泰黑卡，每年有兩張使用券。我今次就用Hyatt Globalist match返嚟嘅OWE有幾個月玩下

國泰 The Pier 玉衡堂 位置

The Pier Lounge衰在太遠，如果你個登機閘口唔係六十幾附近嘅話就真係要行幾遠走過去。由security 落去搭列車再要行一段路先到。最難搞唔係去個Lounge而係行返出嚟去security方向嘅閘口的話就無列車搭，要行返出嚟。趕時間的話可能近近地用返而係1-4號閘口嘅The Wing 寰宇堂或者The Deck 玲瓏堂就算喇。

台北國泰貴賓室嘅風格同香港嘅The Pier 玉衡堂或者The Deck 玲瓏堂好一致，都係以木材裝潢營造溫暖感覺。同The Wing 寰宇堂及The Bridge 逸連堂又有啲分別。… >>於新分頁打開全文 “【The Pier 玉衡堂】CX First Class Lounge 國泰頭等貴賓室 Video and Map”

台灣消費金︱2024年多一次抽獎機會！有抽獎實測！派5,000台幣！抽獎登記／領取條件／詳情！台灣自由行必睇！

已開始登記！台灣自由行必睇啊✈️！宜家去台灣有機會可以免費拎到5,000台幣（即大約HK$1,276）俾你洗🎁！參加抽獎方法好簡單，只要出發前去返指定網址登記，抵台後再做少少程序就可以完成抽獎同即時知道結果！而2024年10月1日至12月31日期間，再次去台灣自由行嘅旅客都可獲得多一次抽獎機會！

而個5,000台幣有兩種發放方式，一種就係住宿折抵券，另一種就係電子票證（可選悠遊卡或一卡通），簡單啲講就似香港八達通咁有張卡俾你嘟～而悠遊卡同一卡通嘅分別就係適用嘅店鋪唔一樣，下文會有清單同詳情提供，大家可以睇完就考慮簡邊樣🤩～

台灣消費金 詳情列表

台灣消費金︱詳情

台灣消費金︱網上登記

• 推廣期：2023年5月1日中午12時至2025年6月30日為止
• 2024年10月1日至12月31日期間，再次去台灣自由行嘅旅客都可獲得多一次抽獎機會！
• 網上登記網址：https://5000.taiwan.net.tw/
• 抽獎程序如下：
  • 大家可以喺抵台前1至7日，前往以上網址登記抽獎活動，登記完就會收到抽獎QR Code，到左台灣再去機場入境大廳活動專區scan返QR Code就可以抽獎！
  • 如果scan完QR Code抽獎畫面顯示中獎，就可以帶埋護照同相關證明文件（包含入境章、登機證、電子來回機票）去兌獎區簽名領取消費金
• 消費金有兩個發放方式，分別為電子票證同住宿折抵優惠券，兩種都有唔同用法，下面會講返～

台灣消費金︱參加條件

1. 持非中華民國（臺灣）之護照入境臺灣
2. 會於臺灣停留3日至90日
3. 非屬參加旅行團或由旅行業向本局申請其他團體獎助者

台灣消費金︱消費金－住宿折抵優惠券

• 適用住宿清單：https://5000.taiwan.net.tw/a_list.html
• 使用期限：領用日起90天
• 發放1,000元5張，限得獎者本人使用，每張優惠券折抵一次使用
• 用法有兩種：
  • A) 旅客預先透過第三方訂房（含訂房網站或旅行社），須於抵達飯店後，在飯店櫃台結清「全額」費用，才可使用住宿折抵優惠券。
  • B) 必須使用飯店官方管道（如官網／Email／電話／line／Facebook）訂房，才可使用住宿折抵優惠券。（在訂房網站預訂房間，即無法使用）。

官方詳情：https://5000.taiwan.net.tw/discount.html

台灣消費金︱消費金－電子票證

• 電子票證有分兩種：悠遊卡、一卡通
• 悠遊卡適用店家清單：https://www.easycard.com.tw/use-range
• 一卡通適用店家清單：https://www.i-pass.com.tw/Range/Index/1
• 可使用於電子票證供應商在臺灣境內提供小額支付之特約商店，單次使用上限為新臺幣1,500元，每日使用上限為3,000元
• 本卡使用期限為90天。首波限量版卡片可使用至2023.12.31止
• 本卡不得另行加值、退卡、退費，本卡使用期限屆至未使用完之補助儲值金，將全數退還予交通部觀光局

行埋去其實都有工作人員教你點做主要都係喺iPad到撳個「START」制，然後就有好多天燈飛嚟飛去，是但撳個天燈就會幫你抽獎，見到Sorry就代表sorry你今次無中獎（是次實測無中到）

成個流程都好快，基本上掃到QR code之後幾秒就做完，如果抽中嘅可以即刻喺隔離領獎。本身諗住同大家睇下中獎會出咩版面，但等咗陣見好多人都係出sorry工作人員都係咁提醒大家「出sorry就代表沒有中獎唷~」(台灣腔)Anyway，祝大家好運啦

國泰航空香港機場lounge「The Deck 玲瓏堂」

The Deck 玲瓏堂近6號閘口，於2018年3月22日開幕，地方雖然玲瓏，但五臟俱全。有即點食物，有休閒區，有開放式露台，地方相對細但都有淋浴間！呢個lounge最好既地方係勝在夠近，如果時間太趕又想入一入lounge既話呢個lounge係好選擇。寫既野就唔寫咁多喇，睇片啦！以下再加啲開放時間/入lounge資格等等既基本資料方便你參考下。

台北國泰貴賓室嘅風格同香港嘅The Pier 玉衡堂或者The Deck 玲瓏堂好一致，都係以木材裝潢營造溫暖感覺。同The Wing 寰宇堂及The Bridge 逸連堂又有啲分別。

https://www.cathaypacific.com/cx/zh_HK/destinations/lounges/hong-kong-international-airport-lounges/the-deck.html

國泰玲瓏堂The Deck

 

View this post on Instagram

 

A post shared by 里先生 MrMiles.hk ｜信用卡 里數 理財攻略 (@mrmileshk)

玲瓏堂基本資料

• 位置: 鄰近6號登機閘口(after security)
• 面積: 823平方米(8858呎)
• 開放時間: 5:30am – 0:30am
• 淋浴間7個+1無障礙

入lounge資格

• ((留意))未出渣打國泰信用卡前無任何香港發行嘅信用卡可以入到國泰Business Lounge！不過新出呢張卡後就有送lounge券可以俾你入(只限藍色及黑色果張渣打國泰卡，綠色果張無)！
• 買或換國泰航班的First Class或Business Class (想玩lounge最簡單梗係換張台灣business啦！睇返需要幾多里→里數換機票)
• 國泰會員 銀卡或以上級別會員
• Oneworld 綠寶石及藍寶石會藉級別會員

點餐食物

• 4款麵: 包括雲吞麵/魚旦河/擔擔麵/素菜麵

平時用里數換機票嚟講只係免到個「機票價格」，但係你仍然要俾錢係因為有「政府費用及稅」同埋「航空公司燃油附加費」。「政府費用及稅」好少會有變動，所以對里數換機票嘅朋友嚟講對價格最大影響嘅始終都係「航空公司燃油附加費」。呢兩樣收費對平時會搶平機票嘅朋友都有好大影響，因為你好多時明明見到航空公司話做緊$0、$1xx機票特價，但最後要俾幾百甚至成千蚊都係呢兩樣收費係到作怪。而國泰航空作為香港嘅主場航空，好多時其他航空公司都係跟國泰升跌，所以睇國泰個燃油附加費走勢基本上都可得知其他航空公司大概會係幾多。唔知燃油附加費係咩嚟同埋知道佢就嚟升/跌有咩可以做？睇埋以下文章啦！

2024年9月1日起國泰航空收取之燃油附加費

國泰個網有的難睇，總體燃油附加費如下:

• 短途(如日本,台灣,泰國): HK$207(由2024年8月1日至8月31日為止)；HK$161(由2024年9月1日起)
• 長途(如歐洲,澳洲,美國): HK$923(由2024年8月1日至8月31日為止)；HK$719(由2024年9月1日起)
• 簡單嚟講即係短途平咗$46，長途平咗$204
• 以上價格皆為由香港始發的航線，即係你張機票係來回咁買，第一程出發地喺香港就係咁收費。如果你係喺其他地方始發、或者你係單程咁換機票，就可以click返官網條link，睇下你喺由邊到出發而定。

國泰官網→https://www.cathaypacific.com/cx/zh_HK/prepare-trip/travel-advisories/fuel-surcharge-updates.html

燃油附加費係咩嚟？

燃油附加費，簡稱“YQ” ，你買機票時打開個價錢breakdown可以係tax/surcharge裡面睇到。美其名為航空公司可以用YQ嚟反映油價變動而對經營成本嘅影響，由YQ反映嘅價格變動係行政處理上會方便咗，但留意YQ對消費者，特別係里數換機票嘅朋友嘅換機票成本有直接影響。香港出發航班由2016年2月起唔俾收，民航處公布2018年11月起放寬可以再收返。

上圖為來回東京收取之燃油附加費(短途)

燃油附加費係點樣收取？長途及短途之分別？

各航空公司會就著所有航班及票種，分為短途及長途航線向乘客徵收客運燃油附加費。價錢係以每程計算，包括小童及嬰兒票。Econ同Business收取嘅價錢會一樣，長途就會比短途貴。

• 短途航班指指由香港出發往來香港 (HKG) 及亞洲地區之航班，包括日本,韓國,台灣,越南,中國,馬尼拉,金邊,泰國,檳城,吉隆坡,新加坡等地, 或者印尼峇厘，都會係當作短途。
• 長途航班指由香港出發往來香港 (HKG) 及西南太平洋地區、美洲、歐洲、中東、印度、非洲的航班，包括看似近啲但都當作長途嘅馬爾代夫,印度,斯里蘭卡,加德滿都。
• 如果以GCmap英哩距離計算，印尼峇厘會比加德滿都更遠，但因為燃油附加費係以區域計算所以峇厘當作短途會更加平。
• 燃油附加費係以每航段計算，即係當你需要轉機嘅時候，就要俾2次或以上嘅附加費。

於香港買機票顯示出嚟嘅價錢已經包括咗呢個燃油附加費，收幾多係由航空公司決定的。

上圖為馬爾代夫之燃油附加費(長途)

燃油附加費變動對於買機票嘅人有咩影響？

如果機票價格不變，而燃油附加費直接有增加或減少，消費者當然會直接受損(當YQ要加時)或者受惠(當YQ要減時)。如果你已經睇到下月會減的話，唔急嘅話可以等下月先買機票。

但長期嚟講，因為即使有燃油附加費的升跌但消費者做買機票的決定嘅時候都係會睇total price，同時各航空公司之間面對競爭，需要割價搶客時都係成個total price嚟減，所以又未必會對買機票好大影響。最實際都係睇返航空公司有無做特價機票優惠。

燃油附加費對於用里數換機票有咩影響？

對於里數換機票嘅人嚟講，燃油附加費當有增加或減少，個影響會比較直接，因為個Fuel Surcharge會直接加落個換機票成本到。好簡單嘅道理好似如果你2月份25,000里+$207+稅費 可以換到由香港出發到日本大阪來回機票，但係你3月份知道會加價，咁25,000里+$253+稅費 就可以換得到。呢個情況你就要係2月分換咗張機票先。反之亦然，所以對玩里數嘅朋友嚟講，燃油附加費嘅影響都幾大架。

燃油附加費於更改出發時間/重新出票/退票時會點？

1. Re-booking : 可以理解為改時間 (same itinerary, same airline)，曾經飛過用過嘅票可以做re-booking，燃油附加費不會重新計算
2. Re-issuance : 簡單啲睇，re-booking改唔到既就要用到re-issuance改，留意曾經飛過用過嘅票不可以re-issuance，燃油附加費會重新計算，所以出票時同重新出票時有變動會加/減，貴咗就補，平咗就退
3. Refund : 成張票退返里數及稅金，留意曾經飛過用過嘅票

提防里先生呃人詐騙page！里先生 MrMiles.hk 只提供免費資訊/優惠連結/優惠碼/信用卡迎新額外優惠，從來不會賣嘢收錢/要求你FPS俾錢，任何叫你FPS俾錢買機票嘅都係假既！

我所有的額外禮品申領全部都會有email成功或失敗通知，唔會白白無咗件事，就算係唔記得咗限時內填表或無跟足程序既朋友我都一樣會幫手向銀行爭取claim返coupon，從來不會走數！我好明白額外coupon係講個信字，出事時好多嘢都係口同鼻拗所以我會極力幫大家claim，有時coupon team未必及時回覆到查詢但你可以直接email搵我 [email protected] 我直接幫手了解跟進，再講多次，我絕不走數！唔好信捏造事實的假page！

最近唔好彩俾啲詐騙集團用咗我名去行騙，提提大家有人叫你用FPS俾錢買嘢就要識fact check，唔好亂信，見到假page就做個好人幫幫手去舉報返！

里先生真Facebook Page有25萬followers(近26萬)，係咁的：

呃人里先生Page係咁的，詐騙犯嚟，記得去舉報返！

里先生呃人Page舉報方法

我用呢個假扮里先生呃人page同大家開個玩笑

里先生呃人page的前身

是咁的，最近可能里先生IG做得好當紅緊，好多冒認詐騙page出現。我最近都經常去search吓再report，盡力減低受害人數。啱啱就search到有位里先生係咁嘅樣。

除咗笑，我想藉此解釋佢哋啲詐騙套路：

• 買咗啲舊page返嚟再改名（因為有年資嘅page廣告易啲批），呢個黑人里先生page就係變身呃人page前嘅樣
• 抄晒我最近出嘅posts扮到似層層
• 買1萬-2萬followers扮有規模（其實我係有26萬，一check應要check到）
• 出啲機票/酒店優惠，不合常理地低於市價仲話限時限量等你心急，誘導人快啲俾錢
• 要你撳入WhatsApp，出張單俾你係知名旅行社名稱，要求收款方式係FPS但個收款人不是公司名，而姓名多數係大陸人拼音名
• 都已經report咗好多個fake里先生page，但最近又出現返，因為真係會有人受騙。
• 我重申，真。里先生只提供免費優惠/信用卡資訊/優惠碼等你自行用信用卡俾錢網上訂，重來唔會要求你用FPS俾錢買嘢的，叫得你用FPS俾錢嘅都係假的。

（圖內的page係變身前的假冒page嚟，真。里先生是土生土長的華裔面孔）

• 真。里先生IG：MrMiles.hk/ig （2024年8月：5萬followers)
• 真。里先生FB：MrMiles.hk/fb (2024年8月：接近26萬followers)

里先生呃人？Coupon走數？唔好信捏造事實不負責任的假page！

由2017年成立里先生Page到現在都超過七年了，一直以來我都係堅持著按事實做事所以都仲有信頼我的人，如果里先生呃人：

• 你不會看到Facebook page有25萬followers
• 你不會看到一直有人仍然經里先生申請銀行信用卡或開戶而全部攞到禮品
• 你不會看到6年來香港的主流銀行如滙豐，渣打，恒生，Citibank或DBS等等仍然同里先生合作做推廣
• 是的，可能申領coupon或額外禮品途中有小意外但里先生都會為你跟進向銀行溝通或者教你如何向銀行追討

如果你看到一些對里先生的指控，停一停，想一想

• 你看到的是否事實的全部還是捏造出來的事實，先前都公開晒，小斯Siu C (flyformiles) 追擊我，我有覺得係被針對的
• 現今要捏造十個八個comments再screen cap出來老屈人相當容易，但想一想是否事實，又或是你在看的是否事實的全部？
• 如果里先生呃人的話，個代價有多大，是否有必要呃人維生
• 問問身邊有用過里先生的親朋好友，里先生是否可信

作為半公眾人物我一向言行都比較謹慎，所做的事都係問心無愧按著事實去做。我都知這世上一定有haters，有想我消失的人，有因為我出現而利益受損的人。我自述多少都無用，真的要用你的眼晴看清楚事實，又或者里先生消失咗市場上少咗競爭及資訊又對你有乜好處？感謝各讀者們的多年支持！我都會努力再帶給你好內容及信用卡額外優惠及回贈！

呃人？舉報詐騙網站或專頁

路見不平，俠義相助。如果你見到啲不明網站或詐騙誤導網站或專頁，唔洗搵國安，你都可以撳幾個掣做舉報，唔好令更多人被害或被誤導！

你係搜尋結果上都可以見到右手邊有3點，撳入去可以提供意見，Report Spam

如果你見到有詐騙facebook page，你都可按入Facebook專可以見到右手邊有3點，撳入去可以做舉報

2024年6月25日00:01起，國泰行李寄艙櫃檯及網上辦理登機手續時間會更新為航班出發前60分鐘準時停止服務！比現時cut off時間提早咗，準備飛嘅朋友仔要留意早啲到機場喇！

如果同先前香港出發比較，據我理解個checkin時間為：

• 有checkin行李最遲50 mins
• 無行李40 mins

我自己本身都無好留意個最後時間，因為習慣都會預早2-3小時到機場去下啲機場lounge/國泰貴賓室。而家可以入到禁區用恒生Travel+去Starbucks食$10餐。

國泰CX check-in時間

• 由2024年6月25日00:01起：
  • 延長網上辦理登機手續時間30分鐘，即同樣於航班出發前60分鐘停止服務
  • 於國泰航空應用程式及網上辦理登機選項讓顧客提前24小時辦理登機手續（國泰會員可提前 48 小時辦理登機手續）
  • 行李寄艙櫃檯也將在航班出發前60分鐘準時停止服務

少數例外情況：

• 中國內地
  • 根據當地機場當局規定，辦理登機手續櫃檯將在航班出發前60至40 分鐘之間停止服務
• 法國
  • 巴黎（CDG）：辦理登機手續櫃檯將繼續在航班出發前 75 分鐘停止服務
• 越南
  • 河內（HAN）及胡志明市（SGN）：辦理登機手續櫃檯將繼續在航班出發前 50 分鐘停止服務

對於從即日起至 6 月 25 日期間旅遊的顧客，請瀏覽我們的機場資訊專頁，以了解你出發機場目前的辦理登機手續時間。當上述變更生效後，此專頁將於 6 月 25 日更新。

國泰CX check-in時間FAQs

國泰CX航班要最遲幾時check-in?

• 2024年6月25日00:01起，國泰行李寄艙櫃檯及網上辦理登機手續時間會更新為航班出發前60分鐘準時停止服務

oneworld connect 是什麼？斐濟航空Fiji Airways成為第一間oneworld connect，5年後成為Full Memeber

oneworld 寰宇一家成員包括

1. 美國航空
2. 英國航空
3. 國泰航空
4. 芬蘭航空
5. 西班牙國家航空
6. 日本航空
7. 馬來西亞航空
8. 澳洲航空
9. 卡塔爾航空
10. 皇家約旦航空
11. Royal Air Maroc 摩洛哥皇家航空
12. 斯里蘭卡航空
13. Alaska阿拉斯加航空
14. Oman Air
15. 斐濟航空Fiji Airways

寰宇一家宣布了 oneworld connect 計劃。加入的夥伴航空雖然不是正式成員，但係可以享受部分的oneworld權益。斐濟航空就成為第一家oneworld connect嘅成員。

上圖為oneworld connect俾(左) oneworld所有成員(右) 只俾oneworld嘅sponsor成員。簡單嚟講Fiji Airways親啲嘅「sponsors」可以享受到嘅benefits會多啲。

Fiji Airways嘅sponsors包括

• 美國航空
• 澳洲航空
• 英國航空
• 國泰航空

所以簡單嚟講Asia Miles/Avios或者oneworld環球票可以換到Fiji Airways嘅航班！

等咗咁耐，台灣base航空公司星宇航空 STARLUX終於飛香港啦！香港航線於7月16日正式開航！用星宇航空官網減HK$200優惠碼後，香港飛台北來回連稅只需$1,321起，仲包23kg寄艙行李！可早機去午機返！

星宇香港-台北航班時間

星宇去程(香港飛台北)：

• JX232 10:55-12:30 (A330neo，8月6日至8月15日,9月21,28日,10月19日A321neo)
• JX236 19:45-21:30 (一四六A350-900 二三五日A330neo)
• JX234 16:55-18:40 (9月29日限定)

星宇回程(台北飛香港)：

• JX231 08:00-09:40 (A330neo，8月6日至8月15日,9月21,28日,10月19日A321neo)
• JX235 16:50-18:30 (一四六A350-900；二三五日A330neo)
• JX233 13:55-15:40 (9月29日限定)

出發日期：

• 2024年8月18日至9月26日、9月30日至10月10日、10月13日至10月26日:來回連稅HK$1,321起
• 2024年7月16日至8月17日:來回連稅HK$1,661起

星宇航空減HK$200優惠碼

• 優惠期：由即日起至6月10日
• 星宇優惠碼：JXHKG200
• 星宇航空官網：https://www.starlux-airlines.com/zh-TW
• 輸入優惠代碼後search航班，回程時會見到減HK$200優惠

星宇航空於香港機場會用邊個貴賓室 Lounge？

我有聽說佢哋想用澳洲航空Qantas Lounge，但暫時未有定案，到時再睇睇吧！

啱啱去台北經過間7-Eleven見到有飛機咁過癮（門口仲寫Gate 11），應該係星宇同7-Eleven嘅Marketing campaign嚟。整得靚靚，相當有型，對fans嚟講應該都係一個打卡點。卡我就無打喇，不過都影咗張相同大家分享下。想講一間航空公司夠膽做呢啲咁有創意嘅marketing campaign某程度都顯示到佢哋嘅「無包袱」同埋夠膽做。先唔好講票價，多間有誠意嘅航空公司飛香港，大家都夠開心啦吓話?

至於星宇里數就暫時未有香港信用卡可以轉到，但係想用里數換星宇的話可以研究一下Alaska里數，可以用嚟換到星宇啊！