里先生呃人？Coupon走數？唔好信捏造事實的假消息！提防詐騙舉報呃人MrMiles專頁

提防里先生呃人詐騙page！里先生 MrMiles.hk 只提供免費資訊/優惠連結/優惠碼/信用卡迎新額外優惠，從來不會賣嘢收錢/要求你FPS俾錢，任何叫你FPS俾錢買機票嘅都係假既！

我所有的額外禮品申領全部都會有email成功或失敗通知，唔會白白無咗件事，就算係唔記得咗限時內填表或無跟足程序既朋友我都一樣會幫手向銀行爭取claim返coupon，從來不會走數！我好明白額外coupon係講個信字，出事時好多嘢都係口同鼻拗所以我會極力幫大家claim，有時coupon team未必及時回覆到查詢但你可以直接email搵我 [email protected] 我直接幫手了解跟進，再講多次，我絕不走數！唔好信捏造事實的假page！

里先生找數無呃人的實證

要自證里先生信得過好難，啱啱係2025年6月被老屈我唔找數，我就出咗兩個Posts，有超過100個留言Cap返啲成功申請收到coupon/回贈既圖出嚟支持我

Threads post: 里先生被老屈呃人，以下cap咗求其幾個可以睇返，仲有好多留言都係話有收到而啲0 follower新開account就繼續嚟老屈我

Facebook post: 里先生有找數唔係呃人既證據，post內有更多的人支持里先生無呃人，以下Cap幾個

里先生真Facebook Page有26萬followers(認住藍剔)，係咁的：

里先生真IG Page有10萬followers，係咁的(認住藍剔)：

里先生呃人？Coupon走數？唔好信捏造事實不負責任的假page！

由2017年成立里先生Page到現在都超過八年了，一直以來我都係堅持著按事實做事所以都仲有信任我的讀者，如果里先生呃人：

• 你不會看到Facebook page有27萬followers，IG page有10萬followers
• 你不會看到一直有人仍然經里先生申請銀行信用卡或開戶而全部攞到禮品
• 你不會看到8年來香港的主流銀行如滙豐，渣打，恒生，Citibank或DBS等等仍然同里先生合作做推廣，更係時有邀請我出席銀行Events
• 是的，可能申領coupon或額外禮品途中有小意外但里先生都會為你跟進向銀行溝通或者教你如何向銀行追討

如果你看到一些對里先生的指控，停一停，諗一諗

• 你看到的是否事實的全部還是捏造出來的事實，先前都公開晒，有做信用卡的優惠page追擊里先生，我有覺得係被針對的
• 現今要捏造十個八個comments再screen cap出來老屈人相當容易，但想一想是否事實，又或是你在看的是否事實的全部？
• 如果里先生呃人的話，個代價有多大，是否有必要呃人維生
• 問問身邊有用過里先生的親朋好友，里先生是否可信

作為半公眾人物我一向言行都比較謹慎，所做的事都係問心無愧按著事實去做。我都知這世上一定有haters，有想我消失的人，有因為我出現而利益受損的人。我自述幾多都無用，真的要用你的眼晴看清楚事實，又或者里先生消失咗市場上少咗競爭及資訊又對你有乜好處？感謝各讀者們的多年支持！我都會努力再帶給你好內容及信用卡額外優惠及回贈！

假冒里先生Mr Miles的專頁

是咁的，最近可能里先生IG做得好當紅緊，好多冒認詐騙page出現。我最近都經常去search吓再report，盡力減低受害人數。我想藉此解釋佢哋啲詐騙套路：

• 買咗啲舊page返嚟再改名（因為有年資嘅page廣告易啲批），呢個黑人里先生page就係變身呃人page前嘅樣
• 抄晒我最近出嘅posts扮到似層層
• 買1萬-2萬followers扮有規模（其實我係有26萬，一check應要check到）
• 出啲機票/酒店優惠，不合常理地低於市價仲話限時限量等你心急，誘導人快啲俾錢
• 要你撳入WhatsApp，出張單俾你係知名旅行社名稱，要求收款方式係FPS但個收款人不是公司名，而姓名多數係大陸人拼音名
• 都已經report咗好多個fake里先生page，但最近又出現返，因為真係會有人受騙。
• 我重申，真。里先生只提供免費優惠/信用卡資訊/優惠碼等你自行用信用卡俾錢網上訂，重來唔會要求你用FPS俾錢買嘢的，叫得你用FPS俾錢嘅都係假的。

真。里先生是土生土長的華裔面孔

• 真。里先生IG：MrMiles.hk/ig （2025年6月：10萬followers)
• 真。里先生FB：MrMiles.hk/fb (2025年6月：接近27萬followers)

呃人？舉報詐騙網站或專頁

路見不平，俠義相助。如果你見到啲不明網站或詐騙誤導網站或專頁，唔洗搵國安，你都可以撳幾個掣做舉報，唔好令更多人被害或被誤導！