台灣消費金2023︱有抽獎實測!5月起派5,000台幣!抽獎登記/領取條件/詳情!台灣自由行必睇!

台灣-消費金-2023-自由利-酒店住宿-優惠

台灣消費金2023︱有抽獎實測!5月起派5,000台幣!抽獎登記/領取條件/詳情!台灣自由行必睇!

已開始登記!台灣自由行必睇啊✈️!宜家去台灣有機會可以免費拎到5,000台幣(即大約HK$1,276)俾你洗🎁!參加抽獎方法好簡單,只要出發前去返指定網址登記,抵台後再做少少程序就可以完成抽獎同即時知道結果!

而個5,000台幣有兩種發放方式,一種就係住宿折抵券,另一種就係電子票證(可選悠遊卡或一卡通),簡單啲講就似香港八達通咁有張卡俾你嘟~而悠遊卡同一卡通嘅分別就係適用嘅店鋪唔一樣,下文會有清單同詳情提供,大家可以睇完就考慮簡邊樣🤩~

台灣消費金2023詳情列表

活動期 2023年5月1日至2025年6月30日
登記時間 抵台前1至7日
登記網址 https://5000.taiwan.net.tw/
領取條件 自由行,會於臺灣停留3日至90日
消費金金額 TW$5,000(即大約HK$1,276)
消費金種類 住宿折抵優惠券/電子票證(一卡通或悠遊卡)

台灣消費金2023︱詳情

台灣消費金2023︱網上登記

  • 2023年4月28日開始登記!
  • 推廣期:2023年5月1日中午12時至2025年6月30日為止
  • 網上登記網址:https://5000.taiwan.net.tw/
  • 抽獎程序如下:
    • 大家可以喺抵台前1至7日,前往以上網址登記抽獎活動,登記完就會收到抽獎QR Code,到左台灣再去機場入境大廳活動專區scan返QR Code就可以抽獎!
    • 如果scan完QR Code抽獎畫面顯示中獎,就可以帶埋護照同相關證明文件(包含入境章、登機證、電子來回機票)去兌獎區簽名領取消費金
  • 消費金有兩個發放方式,分別為電子票證同住宿折抵優惠券,兩種都有唔同用法,下面會講返~

台灣消費金2023︱參加條件

  1. 持非中華民國(臺灣)之護照入境臺灣
  2. 會於臺灣停留3日至90日
  3. 非屬參加旅行團或由旅行業向本局申請其他團體獎助者

台灣消費金2023︱消費金-住宿折抵優惠券

  • 適用住宿清單:https://5000.taiwan.net.tw/a_list.html
  • 使用期限:領用日起90天
  • 發放1,000元5張,限得獎者本人使用,每張優惠券折抵一次使用
  • 用法有兩種:
    • A) 旅客預先透過第三方訂房(含訂房網站或旅行社),須於抵達飯店後,在飯店櫃台結清「全額」費用,才可使用住宿折抵優惠券。
    • B) 必須使用飯店官方管道(如官網/Email/電話/line/Facebook)訂房,才可使用住宿折抵優惠券。(在訂房網站預訂房間,即無法使用)

官方詳情:https://5000.taiwan.net.tw/discount.html

台灣消費金2023︱消費金-電子票證

  • 電子票證有分兩種:悠遊卡、一卡通
  • 悠遊卡適用店家清單:https://www.easycard.com.tw/use-range
  • 一卡通適用店家清單:https://www.i-pass.com.tw/Range/Index/1
  • 可使用於電子票證供應商在臺灣境內提供小額支付之特約商店,單次使用上限為新臺幣1,500元,每日使用上限為3,000元
  • 本卡使用期限為90天。首波限量版卡片可使用至2023.12.31止
  • 本卡不得另行加值、退卡、退費,本卡使用期限屆至未使用完之補助儲值金,將全數退還予交通部觀光局

台灣消費金2023︱抽獎實測!

出發之前1-7日記得要喺活動網站到登記,登記之後就會收到個QR code,可以先cap低佢,然後喺台灣嗰邊做曬過關同清關手續之後,一出嚟(今次去睇高雄機場)就會見到個橙色櫃檯寫住「遊台灣 金福氣」!
行埋去其實都有工作人員教你點做😂主要都係喺iPad到撳個「START」制,然後就有好多天燈飛嚟飛去🏮🏮,是但撳個天燈就會幫你抽獎,見到Sorry就代表sorry你今次無中獎😂(是次實測無中到)
成個流程都好快,基本上掃到QR code之後幾秒就做完,如果抽中嘅可以即刻喺隔離領獎。本身諗住同大家睇下中獎會出咩版面,但等咗陣見好多人都係出sorry😂工作人員都係咁提醒大家「出sorry就代表沒有中獎唷~」(台灣腔🇹🇼)Anyway,祝大家好運啦🙏🙏影到成功版面嘅歡迎大家喺comment到晒下話返俾我知啊!
台灣消費金

台灣消費金2023︱常見問題

台灣消費金抽獎活動推廣期去到幾時?

  • 台灣消費金抽獎活動推廣期為2023年5月1日至2025年6月30日。

點先參加到台灣消費金抽獎活動?

  • 大家只要去台灣前上網登記,抵台後再完成少少程序就可以即場知道抽獎結果。

台灣消費金抽獎活動會以咩方式發放TW$5,000?

  • 5,000台幣有兩種發放方式,一種就係住宿折抵券,另一種就係電子票證(可選悠遊卡或一卡通)。

Leave a Reply