Hong Kong Airline FWC 2025

咁多位儲開香港航空里數計劃FWC嘅朋友留意啦！香港航空宣佈所屬嘅金鵬俱樂部(Fortune Wings Club, FWC)飛行常客計劃將於2025年7月1日起進行改制！累積積分嘅標準將會由以往嘅「飛行距離」制全面改為「消費金額」制。個玩法同大家玩開嘅Asia Miles有啲唔同，簡單啲咁講即係以後儲FWC積分將會根據買到嘅機票價格去計算，而唔係根據你飛咗幾遠去計算。呢個update有啲似歐美嘅玩法，你俾幾多錢買張機票就可以儲到幾多里數積分，變相就算係同一張Econ機票，都鼓勵緊你買貴啲booking class嗰張機票嚟儲多啲里數。

不過睇開里先生嘅朋友相信更多人係平時碌里數信用卡嚟賺里數，而家喺香港可以儲香港航空里數FWC積分嘅信用卡有：信銀國際香港航空Mastercard®卡、中銀香港航空Visa卡。

今次改制除咗累積積分嘅標準唔同咗之外，兌換里數表都有所調整。比較返改制前後嘅兌換表，新制嘅兌換表兌換單程經濟艙所需嘅里數全部都比舊制嘅少；而兌換單程商務艙嘅所需嘅里數就大部份都增加咗，而且無咗兌換來回機票嘅優惠。但係香港航空間唔中都會做FWC半價兌換活動，最癲可以用9,000分換到單程經濟艙、或者20,000分換到單程商務艙飛日本、韓國、峇里島嘅航點，換到嘅話真係非常之抵，儲開香港航空積分計劃FWC嘅朋友記得要留意相關優惠啦！

香港航空里數計劃 FWC積分攻略教學索引(按入向下彈)

香港航空里數計劃 FWC 改制詳情

以前儲香港航空里數計劃FWC積分，用嘅係「飛行距離」制，即係根據你飛咗幾遠去計算賺到嘅里數。2025年7月1日起，香港航空FWC積分計劃累積積分嘅標準將會全面改為「消費金額」制，即係以後儲FWC積分將會根據買到嘅機票價格去計算！

  • 按機票價格賺取積分：新機制下，無論航程長短，只要是合資格的機票消費金額，都將直接轉化為積分回饋。這對於購買較高票價，但飛行距離不長的短途航班乘客來說，絕對是一大福音！
  • 貴賓會員額外獎勵：貴賓會員更可享有額外積分獎勵，等你更快累積積分及升級禮遇！

香港航空里數計劃「金鵬俱樂部 FWC」作為香港航空的飛行常客獎勵計劃，除了兌換機票，還為會員提供多元禮遇，包括優先辦理登機、優先處理行李、座位選擇、額外免費寄艙行李及享用全球機場貴賓室等服務。

香港航空里數計劃 FWC 兌換表

新制香港航空里數計劃 FWC 兌換表(2025年7月1日起出票)

航距 (公里) 航點 經濟艙單程 商務艙單程
1-900 海口、河內、三亞、台中、台北 10,000 22,000
901-2,000 曼谷、北京、成都、清邁、重慶、峴港、杭州、鹿兒島、麗江、南京、沖繩、上海、永珍、西安、西寧 13,000 32,000
2,001-4,000 峇里島、福岡、加德滿都、熊本、名古屋、大阪、布吉、札幌、仙台、首爾、東京(成田) 18,000 40,000
4,001-8,000 黃金海岸、馬累、墨爾本、悉尼 28,000 70,000
8,001-12,000 溫哥華 40,000 90,000

舊制香港航空里數計劃 FWC 兌換表(2025年7月1日前出票)

航距 (公里) 航點 經濟艙單程 經濟艙來回 商務艙單程 商務艙來回
1-900 海口、河內、三亞、台中、台北 15,000 22,000 25,000 38,000
901-2,000 曼谷、北京、成都、清邁、重慶、峴港、杭州、鹿兒島、麗江、南京、沖繩、上海、永珍、西安、西寧 20,000 26,000 30,000 48,000
2,001-4,000 峇里島、福岡、加德滿都、熊本、名古屋、大阪、布吉、札幌、仙台、首爾、東京(成田) 25,000 38,000 35,000 58,000
4,001-8,000 黃金海岸、馬累、墨爾本、悉尼 30,000 52,000 50,000 88,000
8,001-12,000 溫哥華 45,000 65,000 75,000 125,000

比較返改制前後嘅兌換表，新制嘅兌換表兌換單程經濟艙所需嘅里數全部都比舊制嘅少；而兌換單程商務艙嘅所需嘅里數就大部份都增加咗，而且無咗兌換來回機票嘅優惠。但係香港航空間唔中都會做FWC半價兌換活動，最癲可以用9,000分換到單程經濟艙、或者20,000分換到單程商務艙飛日本、韓國、峇里島嘅航點

官網兌換標準詳情：https://www.hongkongairlines.com/zh_HK/FFP/redeem/ticket_upgrade

想了解更多全新的積分兌換詳情，請按此參閱香港航空網站。

香港航空里數計劃 FWC 有效期

香港航空里數計劃 FWC積分只需每24個月賺取或兌換里數一次，就可以延長所有里數的有效期。變相里數可以永不過期。

香港航空里數計劃 FWC 家庭帳戶

香港航空里數計劃FWC好似英航avios咁設有家庭帳戶(Household Account)，所以可以好似英航avios咁將一家人嘅miles group埋一齊一次過用。每個FWC家庭帳戶最多可以包含10個家庭成員，而且只要家庭帳戶內2個或以上嘅成員一齊搭香港航空、海南航空或者大新華航空嘅航班，就可以獲得額外10%消費積分！

官網詳情：https://www.hongkongairlines.com/zh_HK/FFP/promotions/FamilyAccount2025

香港航空里數計劃 FWC 改制常見問題FAQ

香港航空里數計劃 FWC 改制修改咗邊啲內容？

由2025年7月1日起，香港航空將調整累積及兌換標準，相關調整內容如下：
1.航班積分累積標準，包括成人及兒童客票。
2.傳統獎勵機票兌換標準。
3.獎勵升等兌換標準。

香港航空里數計劃 FWC改制有無影響夥伴航空公司嘅累計/兌換標準？

香港航空里數計劃 FWC改制無影響夥伴航空公司嘅累計/兌換標準。夥伴航空公司如維珍澳洲航空等嘅兌換標準依然保持不變，仍按航距制累積。