國泰新一代Aria Suite爾雅商務艙推出之後一直都好受大家歡迎，唔少人都想試下呢款國泰最新嘅商務艙。今次Aria Suite嘅升級除咗繼承咗繼承咗上一代國泰商務艙嘅優點，最大亮點係加多咗道私密趟門(Suite with Door)，令乘客可以閂埋門增加私人空間。另外Aria Suite嘅螢幕系統都好Amazing，唔係講緊個24吋4K超高清Mon，而係個Mon可以貫穿曬成個航空體驗，無論係座位、燈光、甚至連廁所使用狀況都睇到，互動性極高！
想試搭Aria Suite爾雅商務艙？以前想知邊班機係Aria Suite真係要靠經驗，撳開Seating Plan逐班機check。最近國泰出咗個新功能，只要喺官網到search機票，航班頁面到新加咗個Label「Aria Suite」，唔需要再用舊方法去撳開睇係咪Aria Suite啦！對於想試搭Aria Suite爾雅商務艙嘅朋友要搵相關機型又容易咗好多啦！詳細教學可以留意下文！
如果今個冬天會去北海道睇雪祭、滑雪，又想試下Aria Suite嘅朋友要特別留意2班機！去程編號為CX580；回程編號為CX581，呢2班機由即日起去到2026年3月都係由Aria Suite執飛㗎！除咗札幌，以里先生所知國泰目前有10架Aria Suite飛緊唔同航點，分別係倫敦、溫哥華、悉尼、墨爾本、法蘭克福、東京羽田、曼谷，有興趣想試下Aria Suite嘅朋友都可以善用官網新功能或里數換領平台，鎖定有「Aria Suite」標籤嘅航班啦！
呢篇「國泰新商務艙aria suite優惠」文章，除咗重溫里先生嘅首航實測，更重要係教你點樣 喺官網到search機票就可以輕鬆鎖定搭載Aria Suite嘅77J機型，以及最新一輪Aria Suite嘅航線安排！想用里數或優惠價錢升級體驗？記得睇埋落去啦！
Aria Suite 升級亮點
國泰官網介紹：https://bit.ly/4nYD8Px
我自己一直都好滿意上一代Business Class嘅反魚骨設計，每個位都係走道位，180度可以躺平嘅flat bed、空間配置合理，最優勝嘅係腳部空間感覺闊落，就算瞓覺都有足夠嘅舒展空間。新一代Aria Suite除咗繼承咗上一代嘅優點，最大亮點係加多咗道私密趟門(Suite with Door)，令乘客可以閂埋門增加私人空間，環顧新一代Business Class嚟講呢個配置真係好必要，呢一點真係比起其他航空公司出色。另外Aria Suite嘅螢幕系統都好Amazing，唔係講緊個24吋4K超高清Mon，而係個Mon可以貫穿曬成個航空體驗，無論係座位、燈光、甚至連廁所使用狀況都睇到，互動性極高！個Mon仲設有5個Mode，一按即轉燈光同坐姿，無縫使用感一流。而且可以前後上下移動嘅多功能扶手位、機外超高清鏡頭、枱面隱藏櫃、個人化柔和燈光，所有細節都非常體貼！其他航空公司嘅product我都係從未有過呢個感受，呢一點真係比起其他航空公司出色。
座位設計
- 加設私密趟門(Suite with Door)： 最大亮點！保留上一代1-2-1反魚骨設計之餘，加多咗道趟門，私隱度大增，瞓覺休息真正做到「爾雅」寧靜！
- 更舒適平躺空間： 180度Flat Bed設計更優化，地櫃無縫配合床位，連伸腳的角位都預留埋，舒適度比上一代更高。
螢幕及硬件大躍進
- 貫穿式IFE系統： 唔單止係24吋4K超高清Mon！而係成個螢幕都可以貫穿曬成個航空體驗，無論係座位、燈光、甚至連廁所使用狀況都睇到，互動性極高！！
- 螢幕設有5個Mode，一按即轉燈光同坐姿，無縫使用感一流！
- 貼心充電與連接： 藍牙連接(可連AirPods等藍牙耳機)，USB-C位，以及無線充電。
- 其他硬件升級： 可前後上下移動的多功能扶手位、機外超高清鏡頭、枱面隱藏櫃、個人化柔和燈光，所有細節都非常體貼！
里先生實測感受： 我覺得呢個「裝修project」係成功嘅！尤其係個螢幕系統同燈光模式，細緻到令人有個反應：「又幾好喎，細心」。
國泰官網查Aria Suite新功能
想試搭Aria Suite爾雅商務艙？以前想知邊班機係Aria Suite真係要靠經驗，撳開Seating Plan逐班機check。最近國泰出咗個新功能，只要喺官網到search機票，航班頁面到新加咗個Label「Aria Suite」，唔需要再用舊方法去撳開睇係咪Aria Suite啦！
1. 官網查票新功能：直接顯示「Aria Suite」標籤！
- 最新消息：國泰官網Search機票時，已經新加咗個Label「Aria Suite」！
- 如何操作： 喺官網揀選航班時，你會直接睇到航班旁邊有「Aria Suite」嘅標籤，唔需要再撳開Seating Plan！
舊有確認方法
如果發現新功能尚未完善，你仍然可以：
- 點選航班（可能在黃色Highlight區域）。
- 打開Seating plan。
- 如果座位配置係77J嘅1-2-1反魚骨設計，你就知道呢班機係Aria Suite啦！
Aria Suite執飛航點
想趁住年尾聖誕、新年去北海道睇雪祭/滑雪？國泰將77J(Aria Suite)投放到札幌航線，俾你最好嘅升級機會！
香港 – 札幌（HKG-CTS）
- 執飛時間： 2025年10月26日至2026年3月
- 航班編號：
- 去程：CX580 HKG-CTS 09:10-14:50
- 回程：CX581 CTS-HKG 16:00-20:55
呢段時間咁啱係年尾、農曆新年等旅遊旺季，札幌更加係滑雪、賞雪同埋食海鮮嘅熱門旅遊地方！國泰揀係呢段時間用Aria Suite飛札幌，就係要滿足一班追求高品質假期的客戶！想坐新商務艙去日本過聖誕新年？而家就鎖定呢段時段嘅機票或里數換領啦！
其他Aria Suite航點
除咗札幌，以里先生所知國泰目前有10架Aria Suite飛緊唔同航點：
| 目的地 | 航線編號 |
|---|---|
| 札幌 (CTS) | CX580/CX581 (2025年10月26日至2026年3月) |
| 倫敦 (LHR) | CX255/CX250 |
| 溫哥華 (YVR) | CX888/CX865 |
| 悉尼 (SYD) | CX101/CX100 |
| 墨爾本 (MEL) | CX163/CX178 |
| 法蘭克福 (FRA) | CX289/CX288 |
| 東京羽田 (HND) | CX548/CX549 (2026年1月起) |
| 曼谷 (BKK) | CX717/CX788 / CX615/CX618 |
有興趣想試下Aria Suite嘅朋友都可以善用官網新功能或里數換領平台，鎖定有「Aria Suite」標籤嘅航班啦！
里先生試搭完覺得Aria Suite值得你去體驗1次！無論係搭長途線想爭取私密嘅休息時間，定係短途線想享受下24吋4K大Mon同埋完善嘅智能系統，國泰嘅Aria Suite都可以帶俾你驚喜嘅體驗！
如果你計劃緊今個冬季想去轉北海道札幌嚟個賞雪之旅，或者準備用你辛苦儲來嘅里數升級，就記得把握2025年10月至2026年3月呢段時間限時執飛札幌嘅Aria Suite航班！記得上國泰官網購買或兌換里數時，一眼認住「Aria Suite」嘅標籤，咁就可以確保你係體驗到Aria Suite啦！
