海景Resort $600起

福岡絕對係2025年親子遊嘅首選！由福岡機場出市區只需 10 分鐘，對於帶住小朋友、推住 BB 車嘅家長黎講，簡直係天堂。不過揀福岡親子酒店最怕遇到房間太細開唔到喼，或者離地鐵站太遠。呢篇福岡親子住宿懶人包，幫大家精選咗 14 間分佈係博多站、天神/中洲以及近郊渡假區嘅優質酒店，其中福岡海鷹希爾頓酒店里先生仲有親身住過！無論你係想搵有廚房/公寓式酒店方便煮食，定係一家四口需要多人房/4人房/家庭房，呢度都有心水推介！特別推介今年大熱嘅系島海景新酒店，打卡一流！

想睇更多福岡酒店推介？即睇：

福岡親子酒店推介2025︱快速索引

精選福岡親子酒店 Top 5
三大住宿區域分析
博多站周邊親子住宿推介
天神/中洲/運河城親子住宿推介
近郊海景渡假親子住宿推介
福岡親子住宿常見問題

精選福岡親子酒店 Top 5

酒店名稱	地區	親子特色	訂房網址比價優惠
博多都酒店	博多站	頂樓溫泉泳池、房大	Agoda / Trip.com / Expedia
JR九州酒店 Blossom 博多中央	博多站	過馬路即到、高CP值	Agoda / Trip.com / Expedia
福岡君悅酒店	運河城	直通商場、噴泉表演	Agoda / Trip.com / Expedia
The Luigans Spa度假酒店	海之中道	毗鄰水族館、大草地	Agoda / Trip.com / Expedia
Seven X Seven 系島	糸島	全海景露台、有廚房	Agoda / Trip.com / Expedia

福岡親子住宿點樣揀？三大區域詳細分析

福岡雖然交通方便，但帶著小朋友選錯住宿區域，一樣會行到斷腳！以下為大家詳細分析三大熱門住宿區，睇下邊區最適合你嘅行程規劃。

📊 三大住宿區域大比拼

區域	主要優勢	交通便利度	親子景點	生活機能	平均房價
🚅 博多站周邊	交通樞紐機場/JR極快	5分 (地鐵/新幹線/巴士)	AMU頂樓小火車 Pokemon Center	極好 (超市/百貨/手信)	選擇最多，豐儉由人
🛍️ 天神・中洲・運河城	購物集中美食多	4分 (地鐵/西鐵)	麵包超人博物館運河城噴泉	極好 (藥妝/餐廳/屋台)	週末較貴
🏖️ 近郊渡假・海景	空間大渡假氛圍	2分 (建議自駕/接駁車)	海之中道水族館海濱公園	普通 (依賴酒店設施)	Resort較貴

1. 【博多站周邊】交通最方便，搭新幹線/機場快線首選

博多站係福岡嘅心臟，亦係親子遊嘅最佳新手村。住呢區最大優勢係「快」！由福岡機場搭地鐵只需 5 分鐘就到博多站，落機後極速可以 Check-in 讓小朋友休息。

適合對象：第一次去福岡、行程會去由布院/熊本/長崎、帶著嬰幼兒推 BB 車的家庭。

2. 【天神・中洲・運河城】購物美食中心，落街即玩

親子遊重點推介住「中洲川端」或「運河城」附近，因為福岡最受歡迎嘅親子景點「麵包超人博物館」就係 River Rain 商場入面。另外，住係運河城 (Canal City) 附近，夜晚可以睇噴泉表演，行去中洲食屋台拉麵亦只係幾步之遙。

適合對象：鍾意 Shopping、想去麵包超人博物館、夜晚想體驗屋台美食的家庭。

3. 【近郊渡假・海景】遠離塵囂，享受Resort感

玩完幾日市區，好多家長會選擇去近郊住一兩晚。「海之中道」係首選，因為有福岡海洋世界 (水族館) 同海濱公園。另一個熱點係近年大熱嘅「糸島」，有好多文青 Cafe 同海邊打卡位，適合自駕遊家庭。

適合對象：自駕遊、行程尾聲想放鬆、想去水族館/海濱公園的家庭。

博多站周邊親子住宿推介

親子奢華首選：博多都酒店 (Miyako Hotel Hakata)

博多都酒店 (Miyako Hotel Hakata)係博多站周邊最矚目嘅地標酒店，位於筑紫口，直結地下鐵，就算落大雨推住 BB 車都完全唔怕濕身。最大賣點係頂樓嘅露天溫泉泳池，水源來自天然溫泉，夜晚浸住水睇博多夜景非常 Chill，而且小朋友都可以入去玩！房間方面極之寬敞（最細都 30平方米起跳），浴室空間特大，係福岡少有具備五星級奢華感嘅親子酒店。雖然房價稍高，但如果想慶祝紀念日或住得舒服啲，呢間絕對係首選。

🚊交通：JR 博多站筑紫口步行 1 分鐘 (地鐵直結)
💰每晚房價：約 HK$1,800 – $3,000
里先生短評：頂樓有溫泉泳池，房間面積喺博多區數一數二大，交通方便，但房價屬中高價位。
評分：Google 4.4分、Agoda 9.2分、Trip.com 9.5分

即睇博多都酒店優惠！→
Agoda / Trip.com / Expedia

站前最強CP值：JR九州酒店Blossom博多中央 (JR Kyushu Hotel Blossom Hakata Central)

JR九州酒店Blossom博多中央 (JR Kyushu Hotel Blossom Hakata Central) 就正正係博多站博多口對面，過條馬路就返到酒店。雖然定位係商務酒店，但因為係 JR 九州集團營運，裝修用料好有質感，加上隔音做得唔錯。最驚喜係雙床房空間足夠平放打開兩個大喼。樓下就有 Lawson 便利店，對面係阪急百貨同 AMU Plaza，生活機能滿分。

🚊交通：JR 博多站博多口步行 1 分鐘
💰每晚房價：約 HK$900 – $1,500
里先生短評： 位置極佳，落樓就係車站，房間整潔度高，性價比非常好。旺季經常爆滿，早餐時段可能會較多人排隊。
評分：Google 4.4分、Agoda 8.9分、Trip.com 9.1分

即睇JR九州酒店Blossom博多中央優惠！→
Agoda / Trip.com / Expedia

大浴場放鬆：博多CROOM西鐵酒店 (Nishitetsu Hotel CROOM Hakata)

想係市區都有溫泉浸？博多CROOM西鐵酒店 (Nishitetsu Hotel CROOM Hakata) 設有大型公眾浴場，行完一日街返嚟浸個熱水浴，雙腳即刻鬆晒。酒店近年翻新過，設計轉走自然木系風格，好有質感。雖然離博多站要行多幾步（約4-5分鐘），但佢隔離就係博多巴士總站，如果行程打算搭巴士去太宰府、黑川溫泉或者別府，住呢度反而仲方便，落樓下就係巴士站，唔洗拖住行李行餐死。

🚊交通：JR 博多站博多口步行 4 分鐘
💰每晚房價：約 HK$750 – $1,300
里先生短評：設有大浴場，鄰近巴士總站，裝修新淨舒適。距離 JR 站比上述幾間稍遠少少。
評分：Google 4.2分、Agoda 8.8分、Trip.com 9分

即睇博多CROOM西鐵酒店優惠！→
Agoda / Trip.com / Expedia

親子貼心設施：博多站筑紫口Forza酒店 (Hotel Forza Hakataeki Chikushi-Guchi I)

如果你搵緊真正嘅親子友善酒店，博多站筑紫口Forza酒店 (Hotel Forza Hakataeki Chikushi-Guchi II) 係好多日本媽媽嘅必選清單！呢間酒店最大特色係房內設施非常豐富，好多房型都備有按摩椅（爸媽行全日最需要！），仲有 iPad 俾小朋友玩遊戲或者睇資訊。Check-in 嗰陣職員會主動送兒童備品包（有齊拖鞋、牙刷、海綿），感覺好窩心。佢哋嘅早餐出名好食，有好多博多特色野食如明太子、雞肉飯等，無需出街排隊就食到地道風味。

🚊交通：JR 博多站筑紫口步行 1 分鐘
💰每晚房價：約 HK$700 – $1,200
里先生短評：房內有按摩椅及iPad，兒童備品齊全，早餐質素高。窗外景觀通常係隔壁大廈，餐廳座位較少，早餐可能要稍作等候。
評分：Google 4.1分、Agoda 8.5分、Trip.com 8.8分

即睇博多站筑紫口Forza酒店優惠！→
Agoda / Trip.com / Expedia

舒適質感：福岡皇家花園酒店 (The Royal Park Hotel Fukuoka)

位於博多站同祇園站中間，靜中帶旺，行去邊都方便。呢間酒店最讚嘅地方係所有房型嘅浴室都採用乾濕分離設計（即係有獨立洗身區，唔係企係浴缸沖涼個種），幫小朋友沖涼方便好多，唔怕整濕地下。酒店裝修比較高級，走廊燈光較暗調，營造出寧靜氛圍，隔音效果亦相當好。樓下就有便利店，附近亦有不少餐廳，生活機能完善。

🚊交通：JR 博多站博多口步行 5 分鐘
💰每晚房價：約 HK$900 – $1,500
里先生短評：浴室乾濕分離設計極佳，環境安靜，床鋪舒適度高。距離博多站約5分鐘步程，並非一出站即達；走廊燈光偏暗。
評分：Google 4.2分、Agoda 8.7分、Trip.com 8.9分

即睇福岡皇家花園酒店優惠！→
Agoda / Trip.com / Expedia

五星級服務：福岡日航酒店 (Hotel Nikko Fukuoka)

福岡日航酒店 (Hotel Nikko Fukuoka)係老牌五星級酒店，雖然建築唔係最新，但勝在服務極之穩陣細心，維持日系傳統待客之道。酒店直連博多站，行去祇園站都好近，全程有冷氣歎。房型選擇非常多，包括專門嘅三人房、四人房，甚至有相連房 (Connecting Room)，帶埋四大長老去旅行都唔怕無位住，私隱度高。提供豐富自助早餐，有各種博多名物，保證大人細路都食得飽。

🚊交通：JR 博多站博多口步行 3 分鐘 (地下道直連)
💰每晚房價：約 HK$1,200 – $2,000
里先生短評：服務水準高，有連通房適合大家庭，地下道連接車站好方便。裝修風格較為傳統古典，略顯老氣。
評分：Google 4.2分、Agoda 8.9分、Trip.com 9.4分

即睇福岡日航酒店優惠！→
Agoda / Trip.com / Expedia

裝修新淨：福岡博多站東方酒店 (Oriental Hotel Fukuoka Hakata Station)

位於筑紫口嘅福岡博多站東方酒店 (Oriental Hotel Fukuoka Hakata Station)係近年翻新過嘅酒店，一入大堂就感覺到好 Chill 嘅氛圍。Check-in 時會有 Welcome Drink，酒店 5 樓仲有個好靚嘅空中花園露台，係鬧市中嘅綠洲。房間設計簡約實用，床鋪選用席夢思，承托力好。最正係樓下周邊已經有好多拉麵店、居酒屋，去地鐵站搭車去機場極快。

🚊交通：JR 博多站筑紫口步行 1 分鐘 (地鐵直結)
💰每晚房價：約 HK$800 – $1,400
里先生短評：裝修新淨時尚，有露台花園，地理位置極佳。標準房型空間相對較細，如果行李多建議預訂大一點的房型。
評分：Google 3.9分、Agoda 8.7分、Trip.com 9分

即睇福岡博多站東方酒店優惠！→
Agoda / Trip.com / Expedia

天神/中洲/運河城親子住宿推介

鄰近親子景點：福岡君悅酒店 (Grand Hyatt Fukuoka)

想帶小朋友去麵包超人博物館或者行 Canal City (運河城)？住福岡君悅酒店 (Grand Hyatt Fukuoka)無得輸！酒店就係運河城入面，屬於地標級建築。最大優勢係方便，落樓下就可以睇噴泉表演，行街買完野隨時可以返房放低戰利品，再落去繼續買，唔洗拎住大包細包。雖然係老牌五星，裝修可能無新酒店咁潮，但保養得宜，服務一流，房間空間亦比一般商務酒店大得多。

🚊交通：位於 Canal City 內，地鐵櫛田神社前站步行 3 分鐘
💰每晚房價：約 HK$1,500 – $2,500
里先生短評： 食買玩極度方便，房間大，五星級服務。大堂遊客較多會比較嘈雜；部分未翻新房間設計略顯年代感。
評分：Google 4.3分、Agoda 8.8分、Trip.com 9.3分

即睇福岡君悅酒店優惠！→
Agoda / Trip.com / Expedia

和風大浴場：三井花園酒店福岡祇園 (Mitsui Garden Hotel Fukuoka Gion)

三井花園酒店福岡祇園 (Mitsui Garden Hotel Fukuoka Gion) 2019年開幕，成間充滿博多傳統風格，裝修細節好有心思。頂樓有個好正嘅露天大浴場，分為室內同露天部分，玩完一日返黎浸一浸，疲勞盡消。早餐係另一大亮點，自助餐形式提供多款福岡鄉土料理（如明太子、牛腸鍋、博多蒸籠料理），味道非常高質。位置係運河城對面，行去中洲屋台都好近，係一間好有「福岡味」嘅酒店。

🚊交通：地鐵祇園站/櫛田神社前站步行 5 分鐘
💰每晚房價：約 HK$900 – $1,600
里先生短評：頂樓大浴場非常舒適，早餐質素極高，地理位置適中。房間面積屬標準商務大小（約20多平方米）。
評分：Google 4.3分、Agoda 8.9分、Trip.com 9.1分

即睇三井花園酒店福岡祇園優惠！→
Agoda / Trip.com / Expedia

河畔親子住宿：皇家花園Canvas福岡中洲酒店 (The Royal Park Canvas Fukuoka)

2023年新開幕嘅皇家花園Canvas福岡中洲酒店 (The Royal Park Canvas Fukuoka)，行文青木系風格，設計感十足。位於中洲川端河畔，部分房間可以望到河景。酒店有個好 Chill 嘅露台 Lounge，夜晚會有音樂同飲品，好適合年輕父母。附近就係驚安之殿堂 (Donki) 同著名嘅中洲屋台街，夜晚想食宵夜或者掃貨都超級方便。酒店崇尚環保，唔提供即棄膠樽水，整體感覺好 Modern。

🚊交通：地鐵中洲川端站步行 2 分鐘
💰每晚房價：約 HK$800 – $1,400
里先生短評： 酒店新淨，設計型格，鄰近 Donki 及屋台街，露台氣氛好。位於熱鬧區域，週末晚上周邊人流較多；部分房型只有淋浴間無浴缸。
評分：Google 4.3分、Agoda 8.9分、Trip.com 9.2分

即睇Canvas酒店優惠！→
Agoda / Trip.com / Expedia

天神正中心：里士滿酒店天神西通 (Richmond Hotel Tenjin)

里士滿酒店天神西通 (Richmond Hotel Tenjin) 位於天神西通最熱鬧嘅地段，樓下就係 Royal Host 餐廳（早餐就係度食），對面係岩田屋百貨，隔離左右全部都係藥妝店同服裝店，買完野放上樓再落黎繼續買都得。雖然係鬧區，但隔音做得唔錯，而且 Richmond 品牌嘅服務一向好穩定，兒童備品亦都準備得好充足。

🚊交通：西鐵福岡天神站步行 3 分鐘
💰每晚房價：約 HK$700 – $1,200
里先生短評：購物位置無敵，樓下食肆林立，房價在天神區算合理。位於鬧市中心，酒店外圍人流車流較多；標準房型空間不算大。
評分：Google 4.4分、Agoda 8.7分、Trip.com 9.5分

即睇里士滿酒店天神西通優惠！→
Agoda / Trip.com / Expedia

近郊海景渡假親子住宿推介

系島隱世新酒店：Seven X Seven 系島（seven x seven itoshima）

Seven X Seven 系島 2024年全新開幕！位於福岡人氣打卡點「糸島 (Itoshima)」，係今年話題性最高嘅住宿之一。Seven X Seven所有房間都設有海景露台，可以直接望到夫婦岩方向嘅海景。酒店屬於有廚房 / 公寓式酒店設計，房內有微波爐、餐具等，可以簡單煮食。呢度遠離市區，夜晚聽住海浪聲入睡，非常適合自駕遊家庭。房間極大，多人房設計適合一家大細或者成班朋友開 Party。

🚊交通：建議自駕 (距離福岡市區約 40 分鐘車程)
💰每晚房價：約 HK$1,500 – $2,800
里先生短評：全新開幕，全房型海景露台，適合長住或多人入住。必須自駕才方便到達；周邊晚上餐廳選擇較少，建議買定宵夜入去。
評分：Google 4.3分、Agoda 8.9分、Trip.com 9.4分

即睇Seven X Seven 系島優惠！→
Agoda / Trip.com / Expedia

真正親子Resort：The Luigans Spa度假酒店 (The Luigans Spa & Resort)

The Luigans Spa度假酒店 (The Luigans Spa & Resort) 位於海之中道，係福岡市內少有嘅大型 Resort。酒店外面就係大草地同泳池，環境充滿南國風情，令人以為去咗沖繩。佢最大嘅優勢係隔離就係海之中道海濱公園同海洋世界水族館，小朋友放電一流！所有房間都望海，酒店內亦有好多親子活動提供。雖然離市區有段距離，但酒店有提供免費穿梭巴士往返博多站，交通安排算貼心。

🚊交通：提供免費穿梭巴士往返博多站
💰每晚房價：約 HK$1,300 – $2,200
里先生短評：渡假感極重，毗鄰水族館及公園，設有免費接駁巴士。酒店有一定樓齡，設施未必最新；餐飲主要依賴酒店內餐廳，選擇相對較少。
評分：Google 4.1分、Agoda 8.5分、Trip.com 8.8分

即睇The Luigans Spa度假酒店優惠！→
Agoda / Trip.com / Expedia

無敵海景：福岡海鷹希爾頓酒店 (Hilton Fukuoka Sea Hawk)

福岡海鷹希爾頓酒店 (Hilton Fukuoka Sea Hawk)係福岡地標之一，外型似艘巨輪，就在 PayPay Dome (巨蛋) 隔離。房間全部係高層海景，視野無敵，可以望到福岡塔同博多灣。酒店內有大型岩石風呂（室內泳池），房型選擇極多，包括特別嘅主題房同家庭房。隔離就係 MARK IS 商場，食野買野都方便。