【Hilton BRG】希爾頓集團酒店預訂攻略-BRG玩法經驗分享(現稱Price Match Guarantee價格匹配)

Hilton brg 教學 攻略 best price guarantee

【Hilton BRG教學】希爾頓集團酒店預訂攻略-BRG玩法經驗分享(現稱Price Match Guarantee價格匹配)

BRG為Best Rate Guarantee最低價格保證的英文縮寫,各家酒店集團/訂房網站都有唔同嘅BRG提供俾預訂佢地提供嘅酒店。BRG嘅目的就係想你直接用佢地嘅網站去訂因為事前已經承諾話佢地嘅房價會係全行最低,你係特定時間內搵到低過佢offer嘅價錢的話就再俾折扣你。現時Hilton唔叫BRG,改咗個名叫Price Match Guarantee價格匹配(以下仍會以BRG表達)。今次嘅分享會先同你睇睇Hilton 最新嘅BRG Rules,之後再配合我係2018年10月成功BRG到Hilton Tokyo嘅案例及步驟再加疊AE白金卡做緊嘅AE Hilton回贈優惠(2019: $2,500回$1,000//2018:$3,500回$1,400),加入我少少Hilton BRG換房時嘅observation作為分享。要玩之前提提你,睇網絡上嘅comments/用家意見,Hilton個BRG都收幾多bad comments,要順利claim到唔容易,保持平常心。

Hilton BRG成功所獲得益

  • (按價打75折) 如在其他網站找到更低適用價格,會就搵到嘅價錢就該住宿提供25%的折扣優惠
  • 保留所有官網預訂嘅會員福利,包括Hilton Gold免費雙人早餐/房型Upgrade(AE白金卡有送Hilton Gold) 及普通會員預訂一人入住,第二位guest免費等等

Hilton Price Match Guarantee價格匹配條件及申請BRG網址

  • 必須使用希爾頓官網途徑預訂→官方網站連結
  • 24小時內就著相同住宿及條款找到更低適用價格
  • 申請BRG Claim網址→連結

準備BRG前最需要留意何謂「更低適用價格」,須符合以下各項準則:

  • (更低價)非希爾頓官網訂房系統的預訂渠道找到更低價格 (一般大網如Hotels.com/Expedia/Agoda等可即時confirm booking嘅訂房網站按前人經驗都會接受,如果你有成功/失敗經驗可於以下留言,第日可以俾大家參考下)
  • (條款相同)相關的住宿及條款必須與您透過希爾頓官網訂房系統所作的目前預訂相同(啫係房型/床型/坐向/早餐/預訂日子長短/入住人數等等條都需要一樣,Hilton有列出例子→連結)
  • (透明價格)價格必須毫無限制,亦即可供任何人士檢視和預訂(啫係話你搵嘅時候需要Login訂房網站,用discount code嘅價錢嚟做比較,用完Expedia discount code/Hotels.com優惠代碼後果個價錢就肯定唔可以用嚟做BRG材料喇)

其他比價BRG材料注意項:

  • 對於超過一晚的住宿,將按照整段住宿期的總房價評核價格匹配
  • 比價不包括稅項、小費、服務費、提早退房費或其他費用及雜費
  • 不包括貨幣匯率的變動
  • 若透過希爾頓官網訂房系統的價差與較低價格之間的價差少於 1%,則希爾頓有權拒絕賠償
>>於新分頁打開全文 “【Hilton BRG】希爾頓集團酒店預訂攻略-BRG玩法經驗分享(現稱Price Match Guarantee價格匹配)” » 按入查看更多...

【AE白金信用卡Hilton優惠】大頭卡簽$2,400回$800及送Hilton Silver銀會籍

AE白金信用卡 Hilton優惠 hilton silver

【AE白金信用卡Hilton優惠】大頭卡簽$2,400回$800及送Hilton Silver銀會籍

先前美國運通個酒店預訂回贈活動一直只有AE白金卡AE CX Elite有份玩,呢加新加入埋AE白金信用卡都有訂Hilton現金回贈啊!因為拎咗AE白金卡(細頭)就可以免到AE白金信用卡(大頭)個年費,我相信唔少朋友都會拎埋張大頭卡架啦,所以我諗呢個offer應該幾啱用,唔少朋友都有份玩到。今次留意個回贈最多回2次,selected Hilton Hotel夠$2,400就回$800,但可以玩到2019年2月28日!識玩嘅朋友梗係用AE白金卡專享嘅Fine Hotels & Resorts (FHR)訂Hilton酒店到酒店用大頭卡付款食佢$800回贈或者俾心機搵可以BRG到嘅酒店拎多個75折!→ Hilton BRG教學

Amex白金信用卡預訂Hilton $2,400回贈$800玩法

  • 呢個offer無需要登記,埋單用AE白金信用卡就得
  • 活動日期至 2019 年 2 月 28日
  • 於參與酒店作合資格簽賬而每單交易滿 HK$2,400 或以上,可獲 HK$800 簽賬回贈
  • 參與酒店→酒店清單(pdf)
  • 推廣期內最多可享優惠兩次(即HK$1,600 簽賬回贈)主卡及其附屬卡之合資格簽賬計作同一賬戶(啫係唔可以用附屬卡大法食多幾次)

到付或預付都食到:

  • 合資格簽賬為-:
  • a)透過任何直接途徑向酒店預訂(包括→官網預訂, Amex Travel Service hotline都得, 用其他OTA一律唔得)
  • b)在住宿期間的住宿、水療服務、餐飲及其他雜費(其他第三方擁有及經營的商戶除外),並在退房時在參與酒店前台一併結算的消費。(里先生註: 啫係唔可以就咁去食buffet拎回贈,但你book咗一晚房掛賬埋單就得)

官網條款→ 連結(pdf)

AE白金信用卡送Hilton Silver至2019年2月28日

雖然Hilton Silver免費早餐都無作用唔大,但無Hilton Gold (AE白金卡有送Hilton Gold)嘅免費登記嚟玩下其實都OK。可以有20% bonus points同埋late check out (subject to availability),加埋會員就有嘅訂1人入住2nd guest免費 (search野時記得search … >>於新分頁打開全文 “【AE白金信用卡Hilton優惠】大頭卡簽$2,400回$800及送Hilton Silver銀會籍”

» 按入查看更多...
1 2 3