北京國泰Lounge︱北京首都國際機場Lounge現已重開！有片皮鴨食！
（25年8月15日更新！）國泰喺官方小紅書宣佈國泰北京Lounge聽日重開啦！詳情：按此
暫時睇國泰小紅書北京lounge嘅裝修應該冇咩點變，都係同HKG The Pier/ LHR/ BKK/ HND嘅風格一致的國泰Lounge。上次入呢個lounge已經太耐唔太記得細節。個post話北京lounge重開之後有片皮鴨食，幾有北京特色，有機會去實測再影俾大家睇。
北京國泰Lounge︱簡介
國泰於北京首都國際機場PEK三號客運大樓有自家Lounge，First Class同Business Class都係入呢個Lounge。
北京國泰貴賓室嘅風格同香港嘅The Pier 玉衡堂或者The Deck 玲瓏堂好一致，都係以木材裝潢營造溫暖感覺。同The Wing 寰宇堂及The Bridge 逸連堂又有啲分別。
- 地點：3號客運大樓樓上(3 樓)，鄰近 E20 號登機閘口
- 開放時間： 每日05:00至最後一班國泰航空航班起飛為止
北京國泰Lounge︱入lounge資格
國泰lounges嘅使用資格，只要你符合以下其中一項即可，用文字嚟講就係呢啲條件：
- 國泰貴賓室只限國泰或「寰宇一家」旗下航空公司的頭等 或 商務艙乘客 (搭oneworld例如JAL或BA都可以持票入國泰Lounge架！) 或
- 國泰銀卡(需持有國泰登機証)、金卡或鑽石卡會員、Cargo Clan Elite會員、「寰宇一家」飛行常客藍寶石或綠寶石會員使用(需持有國泰或oneworld登機証) 或
- 使用渣打國泰Mastercard-優先理財(藍卡)或優先私人理財(黑卡)所獲取之lounge使用券直接入國泰貴賓室：優先理財(每年4次) 及 優先私人理財(每年8+2次)。你買果張票個航班編號係CX開頭就可以用呢啲券
用table詳細列示國泰商務貴賓室就可以睇下你中到邊項：
| 入國泰Business Lounge方法 | 條件 |
| 渣打國泰Mastercard-優先理財(藍卡) | 每卡年度4張國泰航空商務貴賓室使用券+乘搭國泰航空營銷或營運之航班 |
| 渣打國泰Mastercard-優先私人理財(黑卡) | 每卡年度8張國泰航空商務貴賓室使用券+乘搭國泰航空營銷或營運之航班 |
| 搭國泰Premium Class | 搭國泰Business Class或國泰First Class艙等 |
| 搭oneworld Premium Class | 搭乘 oneworld 寰宇一家航班Business或First Class艙等 |
| 搭Economy + 國泰銀卡會員 | 持有國泰銀卡會籍+ 國泰航空或代號共享航班機票 |
| 搭Economy + 國泰金卡會員 | 持有國泰金卡會籍+國泰航空/oneworld航空公司/代號共享航班，可以多1位同行賓客 |
| 搭Economy + 國泰鑽石卡會員 | 持有國泰鑽卡會籍+國泰航空/oneworld航空公司/代號共享航班，可以多2位同行賓客 |
| 搭oneworld Econ + 藍寶石會員 |
持有oneworld藍寶石會籍+國泰航空/oneworld航空公司/代號共享航班，可以多1位同行賓客
|
| 搭oneworld Econ + 綠寶石會員 |
持有oneworld綠寶石會籍+國泰航空/oneworld航空公司/代號共享航班，可以多1位同行賓客
|
北京國泰Lounge｜常見問題FAQs
北京國泰Lounge位置喺邊到？
答：北京國泰Lounge位於北京首都國際機場3號客運大樓樓上(3 樓)，鄰近 E20 號登機閘口。
北京國泰Lounge開放時間係？
答：北京國泰Lounge開放時間係每日05:00至最後一班國泰航空航班起飛為止。
國泰航空貴賓室要有咩資格先入到？
答：想入國泰Lounge，只要符合以下其中一項：
- 國泰貴賓室只限國泰或「寰宇一家」旗下航空公司的頭等或商務艙乘客 或
- 馬可孛羅會銀卡、金卡或鑽石卡會員、Cargo Clan Elite會員、「寰宇一家」飛行常客藍寶石或綠寶石會員使用 或
- 使用渣打國泰萬事達卡直接入國泰貴賓室：優先理財(每年4次)及優先私人理財(每年10次)。
