平時成日去屈臣氏大掃貨，補給日用品、保健品或者買護膚品嘅你，而家用銀聯俾錢有個優惠一定要mark低！由2026年7月1日至到8月14日，香港同澳門全線屈臣氏門市聯乘銀聯（UnionPay）推出限時優惠，只要用銀聯手機Pay或者銀聯二維碼畀錢，單一簽賬淨額滿HK$500即刻減HK$30，滙豐Pulse銀聯雙幣鑽石卡都適用！
名額得40,000個，先到先得！里先生已經幫大家整理好晒今次屈臣氏銀聯優惠嘅詳情、支援嘅付款方式，仲有最容易中伏嘅「唔適用商品名單」，去掃貨前記得睇咗佢先啦！
2026 屈臣氏 x 銀聯優惠詳情一覽
| 活動項目 | 優惠詳情 |
|---|---|
| 推廣期 | 2026年7月1日至2026年8月14日（或 額滿即止） |
| 活動範圍 | 香港及澳門全線屈臣氏實體門市 |
| 適用信用卡 | 所有合資格銀聯卡 |
| 優惠內容 | 單一簽賬淨額滿 HKD/MOP 500，即減 HKD/MOP 30 |
| 名額限制 | 限量 40,000 個名額（先到先得，額滿即止） |
| 每卡限制 | 活動期間內，每張合資格銀聯卡最多可享 2 次 優惠 |
💳支援邊幾款銀聯付款方式？
今次優惠唔係就咁碌實體卡就得㗎，一定要用以下兩種電子支付方式，而且要經銀聯網絡畀錢先有得減：
1. 銀聯手機Pay (Mobile QuickPass)
即係大家平時用開嘅 Apple Pay、Samsung Pay 等。只要將合資格嘅銀聯卡綁定落手機或者智能手錶度，埋單嗰陣直接嘟機畀錢就搞掂！
2. 銀聯二維碼 (QR Code)
如果你用開雲閃付App，或者其他支援銀聯二維碼嘅App都一樣得。畀錢嗰陣開個 QR Code 出嚟畀收銀員掃描，成功過數就賺到呢HK$30喇！
⚠️里先生溫馨提示：留意唔適用商品同條款（避伏必睇）
大家去屈臣氏買嘢湊夠 $500 嗰陣要小心，因為有啲貨品同服務係唔計入合資格交易㗎！以下係唔適用嘅清單：
- BB用品：初生嬰兒奶粉（1號）
- 禮券與增值：買屈臣氏禮券／現金券、交費、所有增值服務（包括八達通增值及電子錢包增值）
- 電訊服務：買電話卡／儲值卡
- 特定推廣及產品：易賞錢會員感謝賞推廣、火熱搶產品、無額外折扣貨品、供應商直送商品及預購產品
- 醫療與服務：體檢及疫苗計劃、中醫藥服務、視像診症服務、訂購計劃
- 其他：塑膠購物袋環保徵費、換購產品、積分／電子印花換購產品
- 特別注意付款機：千祈唔好去自助收銀機 (Self-checkout)、點購站或者流動收款裝置畀錢，一定要經人手收銀機先用到！
- 其他限制：電話或傳真訂購、任何海外分店（包括中國內地分店）嘅簽賬都唔包
退貨或退款安排
如果有需要退貨，里先生提醒你留意返：
- 退款嗰陣，只會退返你實畀嘅錢（即係扣咗 HK$30 嗰條數），唔包優惠金額。
- 如果退貨之後，你張單嘅總消費淨額唔夠HK$500 呢個門檻，咁就無咗個優惠，你要補返已扣減嘅 HK$30 差額，而且你嗰次嘅優惠名額都會當用咗！
2026 屈臣氏 x 銀聯優惠 常見問題FAQs
2026年屈臣氏銀聯優惠詳情及推廣期是什麼？
屈臣氏與銀聯於2026年7月1日至8月14日推出限時消費優惠，顧客於香港及澳門全線屈臣氏實體門市以合資格銀聯卡單一簽賬淨額滿500港元，即可享有即減30港元優惠。此優惠在推廣期內每卡最多可使用2次，全香港及澳門限量40,000個名額。
屈臣氏銀聯優惠支援哪些手機及電子付款方式？
顧客必須使用經銀聯網絡付款的銀聯手機Pay（包括Apple Pay及Samsung Pay）或銀聯二維碼（包括雲閃付App或其他支援銀聯二維碼的應用程式）進行交易，方可於屈臣氏門市享有即減30港元優惠。直接使用實體卡付款並不適用於此活動。
屈臣氏銀聯優惠有哪些不適用商品和交易限制？
屈臣氏銀聯優惠不適用於購買初生嬰兒奶粉（1號）、屈臣氏禮券、增值服務、電話卡、醫療疫苗計劃等特定商品。此外，顧客必須經人手收銀機付款，若使用自助收銀機、點購站、進行海外簽賬或在退貨後使總額低於門檻，均無法享有此銀聯優惠。
*免責聲明：本活動詳情以銀聯國際及屈臣氏零售（香港）有限公司官方最新公佈為準。名額先到先得，額滿即止。
