遨堂CLUB AUTUS︱現已重開！香港航空貴賓室體驗圖文報告＋入Lounge方法！提供各種輕食 可以帶埋上機！
（遨堂CLUB AUTUS已於23年10月31日重開！）除咗環亞機場貴賓室，香港航空嘅機場貴賓室都算係有信用卡就入到嘅Lounge，不過就多數要坐返香港航空嘅機先可以喇。2017年開幕嘅遨堂係香港航空新開嘅機場貴賓室。遨堂整體面積闊落，非常有設計感而且採光度不錯，景觀區仲可以睇到日落同飛機升降，可以好寫意咁休息等上機。自助餐區無論係食物定飲品都好多選擇(聽講張長檯仲係咁多個機場lounge最長～)，真係唔洗怕會餓親。呢到既招牌有喇沙米線，味道唔錯個湯幾濃，值得一試。記得試埋遨堂獨有嘅飲品Autus Delight，玫瑰香加埋西柚味都幾清新，愛酒人仕仲可以揀有酒精版，仲有生啤、whiskey、紅、白酒提供添！如果食到飽不妨去埋按摩椅區放鬆一下，或者預約定浴室沖個涼先上機。不過呢個貴賓室比較遠，要坐接駁鐵路所以最好預鬆啲來回時間。
遨堂CLUB AUTUS︱快速索引
遨堂CLUB AUTUS︱香港航空 Lounge進入資格
- 乘搭香港航空商務艙
- 乘搭香港航空航班的金鵬俱樂部FWC會員
- →白金卡持有人：可帶同兩位同行親友
- →金卡持有人：可帶同一位同行親友
- →銀卡持有人：本人可入內
- 用信銀國際香港航空信用卡以每張換領費HK$60換領額外貴賓室禮券！同行旅客都可以用！(須就每張已換領之貴賓室禮券於換領日起計至下一曆月內累積零售簽賬滿HK$3,000或以上)
- 乘搭香港航空當天生日，去特定counter check-in會有Lounge invitation，可帶同一位同行親友。詳情條款：按此
- 龍騰出行（Dragon Pass）會員
- 持香港航空貴賓室邀請卡人士
- 以HK$580付款購買遨堂貴賓室入場券，需乘搭香港航空航班
遨堂CLUB AUTUS︱香港航空 Lounge基本資料
香港航空貴賓室遨堂CLUB AUTUS位置及開放時間
- 位置：位於中場客運廊離港層(L7)近210號登機閘口
- 每天上午6時30分至凌晨2時30分
香港航空貴賓室遨堂CLUB AUTUS設施
- 觀景區(睇到日落添！)
- 貴妃椅&按摩椅休息區域
- 電腦工作區域(提供Wi-Fi及影印機)
- 私人會議室
- 多元化本地及國際報刊和雜誌
- 特色自助餐區(可以試埋遨堂特飲Autus Delight！)
- 即叫即制麵食及雞蛋仔(記得試下招牌喇沙米線～）
- 三個淋浴間(需預約)及嬰兒間
- 男女洗手間
- 無障礙洗手間
- 另設遨堂商務區
遨堂CLUB AUTUS︱香港航空 Lounge 前往路線
遨堂CLUB AUTUS︱香港航空 Lounge體驗圖文報告
伸延閱讀→ 香港航空貴賓室【紫荊堂CLUB BAUHINIA】(已關閉，尚未重開)
