日本APARTMENT HOTEL MIMARU (美滿如家) 入住報告：一家大細/三五知己入住之選，6歲以入免費入住（最多2人）！有超大餐桌、廚房入面廚具超齊！8月31日前預約Pokémon主題房有9折，巨型卡比獸超可愛！東京/大阪/京都 都有分店！
MIMARU 係日本連鎖公寓式酒店品牌，喺東京/大阪/京都 都有分店，選址通常都喺地鐵站或 JR 站附近，交通方便！佢最大嘅特色就係提供寬敞嘅客房同埋完善嘅廚房設施，全家入住或者成班friend去fit晒！
日本APARTMENT HOTEL MIMARU 美滿如家 優點
- 空間夠大： 日本酒店出名細，但 MIMARU 客房通常有 40 平方米或以上，仲有獨立客廳同用餐區，一家人住都唔會逼夾。
- 廚房設備齊全： 房入面有齊電磁爐、微波爐、雪櫃同餐具，可以自己煮嘢食。
- 多張床位： 好多房型都提供多張單人床或者碌架床，一大班人去都冇問題
- 設有洗衣機（部分房型或公用）：有得洗衫就唔使帶咁多衫。
- 交通方便： MIMARU 嘅選址通常都喺地鐵站或 JR 站附近，出入都輕鬆啲
- 多語言服務： 提供多國語言支援，唔使擔心溝通問題。
日本APARTMENT HOTEL MIMARU 美滿如家 房型
- 標準四人房： 最基本嘅房型，適合四人家庭。
- 碌架床房： 同小朋友一齊去旅行有碌架床一流
- 和室房： 體驗日式榻榻米風格，感受地道文化。
- 主題房： 部分分店有特別主題房！例如Pokémon主題房勁受歡迎，仲有日本傳統文化代表浮世繪主題房
日本APARTMENT HOTEL MIMARU 美滿如家 入住報告
今次book咗2晚MIMARU東京 錦糸町嘅Pokémon主題房，第一次住咁有童真嘅酒店！一入到去已經被成牆嘅Pokémon震懾住，床上面嘅巨型卡比獸勁得意！隻公仔其實勁大，不過張床都好巨所以影出嚟唔大。
本身都知道呢間公寓酒店主要係serve啲家庭客，但都冇諗過空間咁大，平時見開日本啲酒店真係比較細。而且有勁大張飯枱，廚房仲有齊電磁爐、抽油煙機、雪櫃、微波爐、熱水爐！如果有特殊飲食要求嘅，或者帶小朋友去旅行嘅要沖奶都好方便，仲可以去supermarket買靚和牛自己煎嚟食！
如果你嚟緊計劃帶小朋友或者同大班朋友去日本旅行，可以試吓呢間公寓式酒店MIMARU。佢嘅公寓式設計適合長天數、多人數嘅旅行，仲可以試吓喺日本買材料自己煮嘢食。2025年8月31日前用優惠碼「POKE10」 預訂仲有9折優惠！記得用外幣卡賺埋里數/現金回贈呀。
即睇Pokémon酒店 MIMARU東京 錦糸町優惠！→
Agoda / Trip.com / Expedia
即睇Pokémon酒店 MIMARU東京 錦糸町優惠！→
Agoda / Trip.com / Expedia
日本APARTMENT HOTEL MIMARU 美滿如家 分店
東京 MIMARU 分店
| 分店名稱 | 優點 | Google Map 位置 |
| MIMARU SUITES 東京淺草 | 套房式設計，空間更寬敞舒適，適合追求更高品質住宿體驗嘅家庭。鄰近淺草寺同晴空塔，文化觀光同埋影相打卡都好方便。 | Google Map: MIMARU SUITES 東京淺草 |
| MIMARU東京 池袋 | 位於東京重要交通樞紐池袋，方便前往新宿、澀谷等地。周邊有大型百貨公司、電器店同美食街，購物同餐飲選擇多，動漫迷會好鍾意。 | Google Map: MIMARU東京 池袋 |
| MIMARU SUITES 東京日本橋 | 全新開幕嘅套房式酒店，設施新淨豪華，日本橋區有好多傳統老店同埋高檔百貨公司，感受不一樣嘅東京風情。前往東京車站同銀座都好方便。 | Google Map: MIMARU SUITES 東京日本橋 |
| MIMARU東京 錦糸町 | 錦糸町係東京東區嘅交通據點，生活機能完善，食肆同商店林立。去晴空塔好方便，亦有直達巴士去迪士尼，適合去樂園嘅家庭。 | Google Map: MIMARU東京 錦糸町 |
| MIMARU東京 STATION EAST | 距離東京車站極近，行幾步就到，對於經常需要搭乘新幹線或從成田機場進出嘅旅客非常方便。周邊商業區發展成熟，機能一流。 | Google Map: MIMARU東京 STATION EAST |
| MIMARU東京 赤坂 | 位於赤坂商業區，環境相對寧靜高檔，多高級餐廳同酒吧。交通便利，可以輕鬆去到六本木、銀座等地方。 | Google Map: MIMARU東京 赤坂 |
| MIMARU東京 上野稻荷町 | 鄰近上野公園、博物館同動物園，適合喜歡文化藝術同有小朋友嘅家庭。步行可達阿美橫丁，購物便利。 | Google Map: MIMARU東京 上野稻荷町 |
| MIMARU東京 上野NORTH | 鄰近上野車站，交通網絡發達，可以輕鬆前往東京各地。周邊食肆同商店選擇多，生活機能佳。 | Google Map: MIMARU東京 上野NORTH |
| MIMARU東京 上野EAST | 同樣位於上野區，提供方便嘅交通同豐富嘅周邊設施。距離上野公園、博物館較近，步行可達。 | Google Map: MIMARU東京 上野EAST |
| MIMARU東京 上野御徒町 | 位於御徒町，阿美橫丁旁，購物非常方便，可以體驗地道嘅市集氣氛。多條地鐵線匯聚，前往各區都好便利。 | Google Map: MIMARU東京 上野御徒町 |
| MIMARU東京 銀座EAST | 位於銀座商圈東側，可感受時尚繁華，購物選擇多，但同時又相對寧靜。靠近築地市場，可以方便品嚐新鮮海鮮。 | Google Map: MIMARU東京 銀座EAST |
| MIMARU東京 新宿WEST | 位於東京最繁華嘅地區之一新宿，交通超級便利，購物、美食、娛樂設施應有盡有，感受大都市嘅活力。 | Google Map: MIMARU東京 新宿WEST |
| MIMARU東京 日本橋水天宮前 | 鄰近日本橋同人形町，充滿江戶風情，可以體驗傳統日本文化。交通便利，可輕鬆前往銀座、東京車站。 | Google Map: MIMARU東京 日本橋水天宮前 |
| MIMARU東京 八丁堀 | 位於東京商業區，環境相對安靜，距離東京車站同築地市場唔遠，適合商務或追求清靜嘅旅客。 | Google Map: MIMARU東京 八丁堀 |
| MIMARU東京 淺草STATION | 距離淺草站非常近，方便搭乘電車前往各區。鄰近淺草雷門、隅田川，方便觀光同感受傳統日本文化。 | Google Map: MIMARU東京 淺草STATION |
京都 MIMARU 分店
| 分店名稱 | 優點 | Google Map 位置 |
| MIMARU SUITES 京都CENTRAL | 套房式設計，提供更私密同舒適嘅住宿體驗。位於京都市中心，交通便利，方便前往河原町、祇園等核心觀光區。 | Google Map: MIMARU SUITES 京都CENTRAL |
| MIMARU京都 河原町五条 | 鄰近鴨川，環境優美，可以散步感受京都嘅悠閒氣氛。步行可達五條地鐵站，交通便利，前往清水寺、祇園等地都好方便。 | Google Map: MIMARU京都 河原町五条 |
| MIMARU京都 STATION | 距離京都車站非常近，方便搭乘新幹線同前往其他城市。京都車站周邊有大型百貨公司同美食街，購物同用餐都好方便。 | Google Map: MIMARU京都 STATION |
| MIMARU京都 新町三条 | 位於京都傳統町家區域，可以體驗日式文化風情。步行可達烏丸御池站，交通便利，前往金閣寺、嵐山等地都方便。 | Google Map: MIMARU京都 新町三条 |
| MIMARU京都 西洞院高辻 | 位於京都市中心嘅巷弄內，環境相對安靜。靠近多條地鐵線，方便前往京都各主要景點，同時感受京都嘅傳統氛圍。 | Google Map: MIMARU京都 西洞院高辻 |
| MIMARU京都 二条城 | 鄰近世界遺產二條城，方便步行觀光。周邊有唔少當地特色小店同餐廳，可以深入體驗京都嘅生活步調。 | Google Map: MIMARU京都 二条城 |
| MIMARU SUITES 京都四条 | 套房式設計，提供寬敞舒適嘅空間。位於京都中心地帶嘅四條，購物、美食、觀光都極為便利，非常適合家庭或團體入住。 | Google Map: MIMARU SUITES 京都四条 |
