福岡新酒店18間必住推介 2026 總整理！福岡機程短、美食多，絕對係近年香港人最愛嘅日本城市之一！到底福岡有咩新酒店最值得住？里先生為你精選18間必住推介，由奢華大牌、高性價比商務到系島海景Resort都有，仲同你比較埋3大訂房平台價錢，包保唔會訂貴，即刻拉落去睇啦！除咗新開酒店，里先生亦準備咗按區域劃分嘅福岡酒店以及福岡親子酒店推介，幫大家輕鬆揀到心水靚房。
福岡新酒店優惠推介2026︱快速索引
福岡新酒店推介 TL;DR 重點清單
福岡新酒店選擇非常多元化，主要分為四大類：
-
極致便利型： 福岡一號酒店 (天神站直結)、福岡休雷蓋特酒店 (天神站直結)、BOUNCEE by RIHGA (1分鐘到地鐵站)。
-
高端奢華型： 福岡麗思卡爾頓酒店 (頂級高層海景)、福岡百道濱王子大酒店 (2026海濱全海景)。
-
機能大浴場/公寓型： 西鐵酒店Croom博多祇園 (半露天大浴場)、慶酒店式公寓 (廚房洗衣機家庭房)。
-
深度自駕型： 七×七系島酒店 (專屬海景露台)、Snow Peak YAKEI SUITE (夜景奢華露營)。
💡 里先生建議： 如果行程主力係行街購物，一定要揀天神或者博多站直通/直結嘅新酒店，落雨買完戰利品即刻放返房，極之方便！行程最後一兩晚想好好放鬆，強烈推薦自駕去系島或者百道濱嘅海景度假村，好好享受慢活度假嘅放鬆感！
里先生精選福岡新酒店清單
| 酒店名稱 | 區域 | 亮點特色 | 訂房網站 |
|---|---|---|---|
| 📅 2027年開幕 | |||
| 索拉利亞西鐵酒店 福岡機場 | 福岡機場 | 凌晨機、早機最方便 | 尚未開放預訂 |
| 福岡Ace酒店 | 天神 | 復古、工業文青風設計 | 尚未開放預訂 |
| 📅 2026年開幕 | |||
| 福岡百道濱王子大酒店 | 海濱區 | 福岡首間大型海濱度假村 | Agoda / Trip.com / Expedia |
| BOUNCEE by RIHGA 福岡博多 | 博多 | 注入大量音樂、潮流元素 | Agoda / Trip.com |
| 📅 2025年開幕 | |||
| 福岡一號酒店 | 天神 | 著名建築師隈研吾設計 | Agoda / Trip.com / Expedia |
| 福岡休雷蓋特酒店 | 天神 | 19樓露天大堂望博多灣 | Agoda / Trip.com / Expedia |
| 七×七系島酒店 | 系島 | 設有私人桑拿與露天風呂 | Agoda / Trip.com / Expedia |
| HOTEL Tsmart, Munakata | 宮若市 | 價錢極親民，適合自駕遊 | Agoda / Trip.com |
| 📅 2023-24年開幕/翻新 | |||
| 福岡博多福朋喜來登靈活酒店 | 博多 | 萬豪旗下性價比品牌 | Agoda / Trip.com / Expedia |
| 福岡麗思卡爾頓酒店 | 天神 | 九州首間Ritz-Carlton | Agoda / Trip.com / Expedia |
| 西鐵酒店Croom博多祇園 | 博多 | 設半露天大浴場親子首選 | Agoda / Trip.com / Expedia |
| 福岡中洲皇家花園CANVAS | 中洲 | 設有大浴場連桑拿 | Agoda / Trip.com / Expedia |
| 博多班德酒店 | 中洲/春吉 | 2025翻新河景房 | Agoda / Trip.com / Expedia |
| 慶酒店式公寓 | 博多 | 無人公寓式附廚房洗衣機 | Agoda / Trip.com / Expedia |
| Snow Peak YAKEI SUITE | 南區山區 | Snow Peak豪華露營 | Agoda / Trip.com / Expedia |
| 博多綠色酒店1號館 | 博多 | 2024翻新23小時住宿 | Agoda / Trip.com / Expedia |
| 博多9號酒店 | 博多/天神 | 設私人桑拿房 | Agoda / Trip.com / Expedia |
| 博多春重主樓酒店 | 中洲/春吉 | 日式榻榻米風格 | Agoda / Trip.com / Expedia |
最抵酒店回贈信用卡合集
| 回贈類別 | 酒店信用卡 | 回贈 |
|---|---|---|
| ✈️ 里數回贈 | 滙豐Everymile信用卡 Agoda全年85折優惠 | $2 / 里 |
| 美國運通Explorer信用卡* | AE優惠5倍積分($3.6/里) | |
| 渣打國泰 Mastercard* | $6 / 里 | |
| 💰 現金回贈 | 恒生MMPOWER卡* | 該月簽賬滿HK$5,000，享5%回贈 |
| HSBC Visa Signature* | 最紅自主獎賞 － 選擇「賞品味 」，回贈高達 2.4%「獎賞錢」 | |
| Mox 信用卡 Trip.com全年92折優惠 | 無上限2％回贈 | |
| 💳 通用回贈 | 滙豐Red信用卡* | 4%獎賞錢回贈（4%現金回贈或HK$2.5/ 里回贈） |
| 中銀Bliss信用卡 永安旅遊指定機票酒店85折 | 10倍積分（$1.5/里或4%現金回贈） |
2026頂級奢華之選：大師級作品、高端新地標
福岡新開幕酒店1：福岡百道濱王子大酒店 (Fukuoka Prince Hotel Momochihama)
如果想喺福岡市區搵到度假Resort嘅感覺，福岡百道濱王子大酒店 (Fukuoka Prince Hotel Momochihama) 絕對係2026年最令人期待嘅新酒店！由西武王子酒店集團營運，酒店位於福岡塔同PayPay巨蛋附近嘅百道濱海濱區。全酒店229間客房全部都係Ocean View海景房兼設有露台，景觀一流！酒店仲設有Club Lounge、健身室同多用途大廳，完美結合咗城市便利同海邊度假嘅放鬆感。
-
- 開幕年份：2026年3月
- 🚊交通：從博多站/天神站搭巴士約20-25分鐘；地鐵西新站轉乘的士約6分鐘
- 💰每晚房價：約HK$1,500 – 3,000
- 里先生短評：2026 年福岡最大搞作嘅新酒店。喺市區 20 分鐘車程就做歎到全房型海景露台。但留意返附近餐廳配套唔多，建議安排喺行程最後一兩晚，當係 Resort 咁住。
- 評分：暫未有評價
即睇福岡百道濱王子大酒店優惠！→
Agoda / Trip.com / Expedia
福岡新開幕酒店2：福岡一號酒店 (One Fukuoka Hotel)
福岡一號酒店 (One Fukuoka Hotel) 2025年4月開幕，喺最新商場「ONE FUKUOKA BLDG.」裡面，商場連接住天神站 ，落雨都唔驚，好方便！成間酒店得41間房，而每間房都超過六百呎，空間夠哂大；有啲房仲有露台，可以望城市或庭園景色 ！酒店內有大浴場、桑拿、健身室，而佢嘅mini bar同lounge全日都有免費小食、咖啡同飲品供應 。
-
- 開幕年份：2025年4月
- 🚊交通：步行1分鐘至天神站
- 💰每晚優惠房價：HK$3,100-4,000
- 里先生短評：房價較高，但位置真係好方便。仲要做到600呎起跳，完全唔似一般連鎖酒店，又有設計感。
- 評分：Google 4.4分、Agoda 9.4分、Trip.com 9.5分
即睇福岡一號酒店優惠！→
Agoda / Trip.com / Expedia
福岡新開幕酒店3：福岡休雷蓋特酒店 (The Gate Hotel Fukuoka by HULIC)
福岡休雷蓋特酒店 (The Gate Hotel Fukuoka by HULIC) 同One Fukuoka Hotel同期開幕，酒店位於天神核心區「HULIC SQUARE」大廈內，直通天神站 。由地下街可以輕鬆去到PARCO、岩田屋等百貨公司 。一上到酒店位於19樓嘅大堂，行出露天可以望晒成個博多灣同城市靚景 。房內全部用席夢思床褥，仲有配備Nespresso咖啡機 ，住客仲可以喺18樓嘅lounge享用免費飲品同甜品！
- 開幕年份：2025年4月
- 🚊交通：步行1分鐘至天神站
- 💰每晚房價：HK$2,700-4,000
- 里先生短評：行去天神地下街超近，高層Lounge景觀一流，但預計旺季房價會長期企硬。
- 評分：Google 4.6分、Agoda 9.4分、Trip.com 9.5分
即睇福岡休雷蓋特酒店優惠！→
Agoda / Trip.com / Expedia
福岡新開幕酒店4：福岡麗思卡爾頓酒店 (The Ritz-Carlton, Fukuoka)
講到福岡近年最矚目嘅酒店，一定係2023年6月開幕、九州第一間嘅福岡麗思卡爾頓酒店 (The Ritz-Carlton, Fukuoka)！酒店位於天神「福岡大名花園城」嘅高層，所有客房都喺19樓以上，可以飽覽博多灣海景同福岡市景。雖然房價唔平，但依然係唔少人慶祝紀念日嘅首選。裝修融合咗福岡傳統織物「博多織」元素，既奢華又有在地文化感，預算充足嘅話一定要試一次！
- 開幕年份：2023年6月
- 🚊交通：步行約5分鐘至天神站
- 💰每晚房價：約HK$4,500 – 6,000
- 里先生短評：福岡最頂級奢華之選，服務景觀無得挑剔，缺點只係貴同入口比較低調。
- 評分：Google 4.4分、Agoda 9.3分、Trip.com 9.5分
即睇福岡麗思卡爾頓酒店優惠！→
Agoda / Trip.com / Expedia
福岡新開幕酒店5：福岡中洲皇家花園CANVAS酒店 (The Royal Park Canvas Fukuoka Nakasu)
想體驗福岡嘅夜生活同河畔風情？呢間位於中洲嘅新酒店就最啱！福岡中洲皇家花園CANVAS酒店 (The Royal Park Canvas Fukuoka Nakasu)2023年8月開幕，主打「九州自然」概念，大量使用木材設計，感覺好溫暖。酒店最正係有個望住那珂川嘅露台Lounge，夜晚可以喺度飲野吹風，好Chill！大浴場仲有桑拿設施。樓下就係著名嘅中洲屋台街，食完拉麵返酒店訓覺超方便。
- 開幕年份：2023年8月
- 🚊交通：步行約2分鐘至中洲川端站
- 💰每晚房價：約HK$900 – 1,600
- 里先生短評：呢間最推薦俾 「單身貴族」或「情侶旅行」。2 樓嘅 露台 Lounge 直接對住那珂川，夜晚拎住杯免費飲品喺度吹風，氣氛一流。 樓下就係一蘭總店同屋台街，夜晚食宵夜完全無難度。
- 評分：Google 4.3分、Agoda 8.9分、Trip.com 9.2分
即睇福岡中洲皇家花園CANVAS酒店優惠！→
Agoda / Trip.com / Expedia
福岡新開幕酒店6：福岡王牌酒店 (Ace Hotel Fukuoka)
全球文青同潮流界封為神級嘅美式 Lifestyle 酒店始祖 Ace Hotel 終於首度進軍九州！酒店選址喺最繁華嘅天神核心地段，進駐全新地標「天神1-7計劃」複合大樓之內。新酒店將會承襲品牌一貫嘅復古、黑膠唱片同工業風設計，大堂更會打造成融合福岡在地音樂、潮流與藝術家文化嘅開放式社交空間～客房裝潢極具藝術感，最啱鍾意設計感與時尚生活品味嘅朋友去打卡！
- 開幕年份：2027年內
- 🚊交通：地鐵機場線「天神站」直結
- 💰每晚房價：暫未公佈（預計約 HK$1,800 – $3,500）
- 里先生短評：文青界嘅人氣品牌！自從京都 Ace Hotel 大獲成功之後，呢間天神新店預計都會成為人氣酒店之一。一邊聽住黑膠、一邊喺大堂飲杯頂級咖啡，個 Vibe 真係 Chill 到爆。不過主打設計同社交氛圍，房價定位絕對偏高。
- 評分：尚未開幕，暫未有評分
即睇福岡王牌酒店優惠！→
(尚未開放預訂)
高性價比與機能首選：博多/天神站旁、翻新及連鎖精品
福岡新開幕酒店7：福岡博多福朋喜來登靈活酒店 (Four Points Flex by Sheraton Fukuoka Hakata)
福岡博多福朋喜來登靈活酒店 (Four Points Flex by Sheraton Fukuoka Hakata)屬於萬豪國際集團旗下，想對應中檔市場嘅新品牌，以提供性價比住宿為經營核心。房間相對偏細少少，但酒店內有投幣式自助洗衣機、飲水機同製冰機，而價錢上都比其他福岡酒店相宜，如果你對價錢比較有考慮，呢間都係一個唔錯嘅選擇。
- 開幕年份：2024年11月
- 🚊交通：步行約6分鐘至博多站
- 💰每晚房價：HK$900-2,200
- 里先生短評：呢間係萬豪集團（Marriott）喺福岡最新嘅「靈活型」商務品牌，係萬豪會員儲分嘅平價首選。酒店前身其實經過翻新，所以房型雖然偏細，但設施好新、好乾淨。附近環境相對安靜。最啱啲「早出晚歸」嘅朋友。
- 評分：Google 4分、Agoda 8.5分、Trip.com 8.7分
即睇福岡博多福朋喜來登靈活酒店優惠！→
Agoda / Trip.com / Expedia
福岡新開幕酒店8：西鐵酒店Croom博多祇園櫛田神社前 (Nishitetsu Hotel Croom Hakata Gion Kushida Shrine)
西鐵酒店Croom博多祇園櫛田神社前 (Nishitetsu Hotel Croom Hakata Gion Kushida Shrine)係2023年4月配合地鐵七隈線延伸新站而開嘅酒店，位置極之方便！一出地鐵「櫛田神社前站」就係酒店，行去博多運河城只係3分鐘，去中洲屋台亦都好近。酒店最大賣點係有個半露天嘅大浴場，行完一日街返黎浸個澡超舒服。房型選擇多，有專為家庭設計嘅三人房同設有洗衣機嘅公寓式房型，性價比極高。
- 開幕年份：2023年4月
- 🚊交通：步行1分鐘至櫛田神社前站 (直達地鐵站)
- 💰每晚房價：約HK$800 – 1,500
- 里先生短評：一出地鐵「櫛田神社前站」就係酒店門口，加上有半露天大浴場，行完街直接返酒店浸浴最chill。Check-in 繁忙時間會比較多人排隊，大浴場夜晚 10 點後亦會比較逼，建議早少少去浸。
- 評分：Google 4.5分、Agoda 8.9分、Trip.com 9.3分
即睇西鐵酒店Croom博多祇園櫛田神社前優惠！→
Agoda / Trip.com / Expedia
福岡新開幕酒店9：博多班德酒店 (BAND HOTEL HAKATA)
博多班德酒店 (BAND HOTEL HAKATA)翻新後以「留白美學」為核心設計風格再重新開業 ，結合簡約嘅木質傢俬同地板，營造出一種溫馨寧靜嘅氣氛～酒店緊鄰那珂川河岸，大多數房型都係河景房，可以喺房入邊欣賞到中洲嘅日落同河岸美景 。酒店位於春吉地區，附近有唔少餐廳、酒吧 ，夜咗都唔怕無嘢食！
- 翻新年份：2025年8月
- 🚊交通：步行約10分鐘至櫛田神社前站或天神南站
- 💰房價：HK$900-2,000
- 里先生短評：2025 年翻新後質感大提升！位置喺「春吉」區，係福岡本地人搵美食嘅熱點。大部分房型可以望住那珂川，夜晚景觀好 Chill。同時亦因為樓下酒吧同食肆多，對於睡眠質素極要求嘅朋友就要考慮清楚。
- 評分：Google 4.7分、Agoda 8.8分、Trip.com 9.2分
即睇博多班德酒店優惠！→
Agoda / Trip.com / Expedia
福岡新開幕酒店10：BOUNCEE by RIHGA 福岡博多 (BOUNCEE by RIHGA Fukuoka Hakata)
日本老字號麗嘉皇家酒店集團（RIHGA Royal Hotels）推出嘅全新活力副線品牌！酒店打破傳統商務酒店嘅沉悶公式，以「HOTEL BAR」為核心概念，全店注入大量音樂、美食同玩味娛樂元素。2 樓設有面向城市十字路口、擁有 62 個座位嘅時尚大酒吧連露台位，由早餐到深夜酒吧時段都提供福岡在地美食。客房採用酒吧風微醺燈光與摩登簡約設計，並善用床下收納空間，感覺精緻而有都市感～
- 開幕年份：2026年9月1日
- 🚊交通：步行約 1 分鐘至地鐵七隈線「櫛田神社前站」5號出口 / 步行約 5 分鐘至地鐵機場線「祇園站」/ 步行約 10 分鐘至 「JR博多站」
- 💰每晚房價：HK$900 – $1,800
- 里先生短評：2 樓個 Bar 係成間酒店嘅靈魂，夜晚同朋友坐露台位飲杯嘢、聽住 Music 吹水，成個氣氛好有外國 Feel。房型唔大，主力係 18-27 平方米嘅雙床房，內無浴缸，但勝在酒店設有公共桑拿，行完一日可以去蒸吓放鬆！
- 評分：新開幕，暫未有評分
即睇 BOUNCEE by RIHGA 福岡博多優惠！→
Agoda / Trip.com
福岡新開幕酒店11：博多綠色酒店1號館 (Hakata Green Hotel Building No.1)
博多綠色酒店1號館 (Hakata Green Hotel Building No.1)歷史可追溯到1974年，2015年重建，2024年再翻新重新開業。位置係正JR博多站隔離，夠哂方便，雖然係正車站隔離，但酒店隔音做得唔錯，夜晚唔會好嘈～房間嘅床褥係用Simmons席夢思，另外酒店亦揀用POLA洗護用品，同美容院級嘅SALONIA品牌風筒 ，大大提升住宿體驗！仲有最大特色就係「13:00入住，12:00退房」服務，提供長達23小時嘅時住宿時間，搭早機不妨可以考慮呢間。
- 翻新年份：2024年10月
- 🚊交通：步行約2分鐘至JR博多站
- 💰每晚房價：HK$600-1,800
- 里先生短評：呢間最啱 「凌晨機」或「早機返港」 嘅朋友，因為 13:00 就有得 Check-in（一般酒店要 15:00），可以住足 23 小時。雖然換咗席夢思床同 SALONIA 風筒，但始終係舊骨架，房門隔音亦比較一般。
- 評分：Google 4.1分、Agoda 8.7分、Trip.com 9分
即睇博多綠色酒店1號館優惠！→
Agoda / Trip.com / Expedia
福岡新開幕酒店12：博多9號酒店 (9 HOTEL HAKATA)
博多9號酒店 (9 HOTEL HAKATA)位於天神同博多之間，地點都幾方便，係博多區少有走「工業文青風」嘅新酒店！呢間最正嘅係，佢哋有2間配備獨立私人桑拿房嘅客房，而一樓亦設有公共桑拿區，玩完一日可以去放鬆下。
- 開幕年份：2024年5月
- 🚊交通：步行約8分鐘至渡邊通站
- 💰每晚房價：HK$1,200-2,100
- 里先生短評：房間比起傳統商務酒店更有設計感，而且空間偏大。最正係有私人桑拿房型！可惜位置喺博多同天神中間，行去邊都要 10-15 分鐘，如果會拎好多戰利品返酒店嘅話，建議考慮搭的士。
- 評分：Google 4.1分、Agoda 8.6分、Trip.com 8.9分
深度遊與特色體驗：系島海景、豪華露營、公寓式住宿
福岡新開幕酒店13：七×七系島酒店 (seven x seven Itoshima)
七×七系島酒店 (seven x seven Itoshima) 將度假村體驗，同私人公寓嘅功能融合埋，定位係為家庭同團體旅客提供一種「自己招呼自己」嘅住宿哲學，等旅客喺享受設施同欣賞海景，同時可以有好似屋企咁嘅感覺。間酒店由倫敦出名嘅設計公司PDP London LLP操刀，佢嘅設計理念想將建築同糸島嘅自然美景無縫接合 ，47間房全部都有超靚海景同專屬露台！
- 開幕年份：2025年4月
- 🚊交通：福岡系島 (有免費停車位)
- 💰每晚房價：HK$1,000-2,000
- 里先生短評：想體驗「福岡版湘南」就係呢度！47 間房全部都有海景。 適合鍾意慢活、想喺海景露台飲杯咖啡發呆嘅人。附近大眾運輸幾乎係零，一定要自駕嚟住。
- 評分：Google 4.3分、Agoda 8.9分、Trip.com 9.5分
即睇七×七系島酒店優惠！→
Agoda / Trip.com / Expedia
福岡新開幕酒店14：索拉利亞西鐵酒店 福岡機場 (Solaria Nishitetsu Hotel Fukuoka Airport)
自駕遊或者搭早機、夜機嘅朋友大福音！西鐵集團推出首間直結福岡機場國內線客運大樓嘅全新複合大樓酒店。大樓 1 至 4 樓係進駐咗近 180 間店舖、全日本空港最大規模嘅商業設施同亞洲美食街，而酒店就位於 5 至 11 樓。高層房型視野極之震撼，可以毫無遮擋咁直接俯瞰整條機場跑道同飛機起降～5 樓仲貼心設有大浴場同桑拿設施，等你可以一邊放鬆一邊欣賞飛機，體驗非常獨特！
- 開幕年份：2027年夏季
- 🚊交通：福岡機場國內線客運大樓直結
- 💰每晚房價：暫未公佈（預計約 HK$1,000 – $2,000）
- 里先生短評：呢間絕對係「趕早機」或者「凌晨機到步」嘅終極救星！最正係上層房有跑道景，對住飛機浸大浴場、桑拿。雖然坐地鐵去博多只需 5 分鐘，但始終唔係一出門就係天神博多核心商圈，建議安排喺行程頭或尾住一兩晚。
- 評分：尚未開幕，暫未有評分
即睇索拉利亞西鐵酒店福岡機場優惠！→
（尚未開放預訂）
福岡新開幕酒店15：Snow Peak YAKEI SUITE
如果你想遠離塵囂，搵一個可以令身心真正放鬆嘅地方，就絕對要揀呢間！酒店名中嘅「YAKEI」係夜景嘅意思，從油山可以一覽無遺咁俯瞰福岡市區嘅夜景 ～而呢度亦唔係普通酒店，係Glamping度假村，由著名建築師谷尻誠操刀，將室內同戶外空間無縫銜接，營造出一種與自然共生嘅感覺 ，而作為一個日本頂級嘅戶外用品品牌，Snow Peak 將佢「人與自然連結」嘅核心理念，貫徹到酒店嘅每一個細節入面！房型有3款，分別係別墅、小木屋同特色帳篷。
- 開幕年份：2024年4月
- 🚊交通：福岡市南油山森林公園 (需自駕，有免費停車位)
- 💰每晚房價：HK$5,400-6,100
- 里先生短評：戶外品牌龍頭 Snow Peak 嘅巔峰之作。呢度唔係普通 Glamping，而係將森林美學同奢華服務結合。必試佢嘅私人桑拿同冷水浴對住成個福岡夜景，視覺震撼力好強。絕對值得一生人住一次。
- 評分：Google 4.7分、Agoda 暫未有評分、Trip.com 8.1分
即睇Snow Peak YAKEI SUITE優惠！→
Agoda / Trip.com / Expedia
福岡新開幕酒店16：HOTEL Tsmart, Munakata
自駕遊福岡嘅朋友留意！HOTEL Tsmart, Munakata係位於福岡宮若市嘅新酒店，雖然離市區有段距離，但就好適合打算玩埋宗像、北九州或者想去脇田溫泉嘅人。酒店由零售巨頭TRIAL營運，主打科技感，全自助Check-in，房價極之親民。附近環境清幽，適合想遠離市區煩囂，或者作為九州自駕遊嘅中途休息站。
- 開幕年份：2025年4月
- 🚊交通：距離福岡市區/機場約40分鐘車程 (建議自駕)
- 💰每晚房價：HK$450 – 900
- 里先生短評：全自助 Check-in 對於想快快入房休息嘅朋友好方便。 雖然價錢極平（HK$500 左右），但位置遠離福岡市中心。只推薦畀自駕遊打算去北九州或宗像大社嘅朋友做中途站。
- 評分：Google 4.4分、Agoda 8.9分、Trip.com 8.9分
即睇HOTEL Tsmart, Munakata優惠！→
Agoda / Trip.com
福岡新開幕酒店17：慶酒店式公寓 (KEI HOTEL LIKE RESIDENCE)
慶酒店式公寓 (KEI HOTEL LIKE RESIDENCE) 屬於「無人營運型」嘅公寓式酒店，會以手機作為房匙，而公寓式酒店設計空間夠大之餘，房入面有齊洗乾一體機同微波爐，去西鐵超市買啲和牛返去煎都好正。房型可以容納4-6人，好適合家庭入住。佢唔算近車站，要行十分鐘左右，不過環境就相對鬧市寧靜一啲～
- 開幕年份：2025年6月
- 🚊交通：步行約10分鐘至博多站
- 💰每晚房價：HK$1,300-1,800
- 里先生短評：典型嘅 「福岡新式公寓」，無前台、靠手機入房。住落好有日本生活感，非常推薦畀住超過3晚嘅親子家庭，可以慳返好多洗衫錢。但要注意無行李寄放服務，最後一日退房後可能要拎去博多站寄存。
- 評分：Google 4.8分、Agoda 8.6分、Trip.com 8.5分
福岡新開幕酒店18：博多春重主樓酒店 (THE HOTELS HAKATA Harushige Honkan)
博多春重主樓酒店 (THE HOTELS HAKATA Harushige Honkan)位於春吉區，相比起博多同天神等主要商業區，呢度喺相對寧靜嘅環住宅社區；而且生活機能完備，附近有唔少便利商店、餐廳、燒肉店同居酒屋 。而行十幾分鐘就可以行到中洲屋台橫丁 、博多運河城同天神地下街，位置好方便！房型有日式榻榻米揀，房間偏大行李多都夠擺～
- 開幕年份：2023年9月
- 🚊交通：步行約7分鐘至天神南站
- 💰每晚房價：HK$2,100-2,600
- 里先生短評：呢間喺鬧市中搵到一點「靜謐」。雖然無大型連鎖酒店咁華麗，但日式榻榻米房型好有溫度，而且空間夠大，行李箱隨便開都無壓力。
- 評分：Google 4.8分、Agoda 8.5分、Trip.com 9.2分
即睇博多春重主樓酒店優惠！→
Agoda / Trip.com / Expedia
福岡酒店推介合集2026
我經驗話我知要搵平房無得懶，識得用啱優惠碼，比較價同唔比價住同一間房都可以相差2-3成！(搵比較價)去埋Hotels.com 優惠碼/ Agoda優惠碼/ Booking.com優惠碼/ Expedia 優惠碼/Trip.com優惠碼/ Klook優惠碼 / Wingon優惠碼 / KKday優惠碼/ Rakuten Travel優惠碼/ HopeGoo優惠碼比較再睇邊到book最抵！ (Bookmark低呢篇搵酒店時用！) Mr. Miles折扣代碼全集：酒店優惠代碼Promo code合集福岡新酒店推介2026︱常見問題
1. 2025年至2026年有哪些最受矚目的福岡新酒店？
福岡近年迎來新酒店開幕潮。2026年最令人期待的是位於百道濱海邊的「福岡百道濱王子大飯店」（預計3月開幕）。而2025年則有位於天神核心地段的「福岡一號酒店 (One Fukuoka Hotel)」以及由HULIC營運的「The Gate Hotel Fukuoka」，都是極具指標性的住宿選擇。
2. 住在「博多站」還是「天神站」的新酒店比較方便？
住在「博多站」還是「天神站」這取決於您的行程。如果您重視交通轉乘（如搭新幹線或去機場），推薦住在博多站附近，例如2024年翻新的「博多綠色酒店1號館」或「Cross Life 博多柳橋」。如果您喜歡購物、美食和夜生活，天神站會更適合，例如連接地鐵站的「福岡一號酒店」或「福岡大名麗思卡爾頓酒店」，行街食飯都極之方便。
3. 有適合家庭或多人入住的福岡新酒店推薦嗎？
福岡新酒店中當然有適合家庭或多人入住的選擇。針對親子或團體旅客，推薦選擇公寓式酒店，例如「KEI HOTEL LIKE RESIDENCE」，這類酒店通常配備廚房和洗衣機，空間較大。若喜歡戶外體驗，位於南油山的「Snow Peak YAKEI SUITE」提供豪華露營別墅，非常適合一家大細親近大自然。
4. 福岡有哪些新酒店提供特色桑拿或溫泉設施？
近年福岡新酒店流行結合桑拿設施。推薦「博多9號酒店 (9 HOTEL HAKATA)」或機場附近的「十二HOTEL」，部分客房內甚至設有私人桑拿房。另外，位於系島的「七×七系島酒店 (Seven x Seven Itoshima)」及博多的「都酒店博多」（雖然非最新但設施極佳）也擁有頂級的溫泉或水療設施。
5. 哪幾間福岡新酒店擁有海景或絕美景觀？
想看海景首推2026年開幕的「福岡百道濱王子大飯店」，所有客房均為海景房。此外，位於系島的「七×七系島酒店」主打海濱度假風，房間設有露台可飽覽海景。若喜歡城市高空景觀，則推薦位於天神高層的「福岡大名麗思卡爾頓酒店」或「The Gate Hotel Fukuoka」，可俯瞰福岡市區繁華夜景。
