珠海 Accor旗下珠海鳳凰灣悅榕莊︱大陸住過最好酒店！媲美萬豪／Hyatt！最新圖文入住報告 ！啱啱住完Accor旗下珠海鳳凰灣悅榕莊（Banyan Tree Zhuhai Phoenix Bay）好有衝動介紹下，新開幕未夠一年，本身去珠海過一晚夜諗住會試下Hyatt Group嘅Alila，最後揀咗Banyan Tree最大原因係AE啱啱新出AE status match。呢間酒店又睇落唔錯，可以用Accor積分兌換最後就去咗試。
酒店嘅整體體驗真係有衝擊到我，可以叫做我住過大陸最好嘅酒店嚟，比起深圳Park Hyatt 北京華爾道夫更好體驗。本身我係從未住過Banyan Tree品牌嘅酒店，老實講我本身係有bias覺得Accor旗下嘅酒店點勁應該都唔會好得過Marriott/ Hyatt嘅頂級酒店，事實上係我見識少。
酒店位於珠海，有港車北上嘅朋友係珠海關口少少塞車嘅情況下揸車約45分鐘到，酒店揸車去山姆的話約20分鐘。官網未連稅價約3000人民幣，Accor積分換的話成本係3-4折，房價已包二人早餐，無高階會籍都無所謂。
酒店設計硬件靚，所有common area無覺得任何唔舒服嘅地方。奢華酒店都住過好多，呢間Banyan Tree有令我開眼界，近香港想搵用信用卡積分換到嘅靚渡假酒店呢間真係推薦，有機會我都會再到訪。
HSBC EveryMile信用卡同AE Explorer信用卡都換到Accor積分，未玩過強烈推薦試下換！用AE白金卡直接匹配做Accor金卡會員；有AE Centurion黑卡就可以匹配做Accor白金。
即睇珠海鳳凰灣悅榕莊（Banyan Tree Zhuhai Phoenix Bay）優惠！→
Agoda / Trip.com / Expedia
珠海鳳凰灣悅榕莊（Banyan Tree Zhuhai Phoenix Bay）住宿報告索引(快捷鍵)
- 第一部分: 珠海鳳凰灣悅榕莊（Banyan Tree Zhuhai Phoenix Bay）房間
- 第二部份: 珠海鳳凰灣悅榕莊（Banyan Tree Zhuhai Phoenix Bay）餐飲
- 第三部份: 珠海鳳凰灣悅榕莊（Banyan Tree Zhuhai Phoenix Bay）設施
珠海鳳凰灣悅榕莊（Banyan Tree Zhuhai Phoenix Bay）︱房間
酒店房間總數問咗只有80多間，定位渡假酒店嚟，間間房都好大而配備咗「室外溫泉」，珠海應該唔係天然溫泉區嚟，當有個室外浴盆玩下ok la （打算室外浸的話，建議最好帶返泳衣，否則樓下可能望到)。
房間裝修好滿意，個天花夠高再用弧圓封頂收口好靚。Mini bar除紅白酒烈酒，其他啤酒汽水免費。 我到達時已經過咗夜晚七點，本身諗住酒店會偷雞唔開夜床但係又無喎，仲有得俾我揀埋夜床香薰。
珠海鳳凰灣悅榕莊（Banyan Tree Zhuhai Phoenix Bay）︱餐飲
有幾間餐廳，我揀咗中菜食閩南菜，高質，賬單入房賬checkout再用分扣，變相又係打3-4折。
珠海鳳凰灣悅榕莊（Banyan Tree Zhuhai Phoenix Bay）︱設施
珠海鳳凰灣悅榕莊（Banyan Tree Zhuhai Phoenix Bay）住宿報告索引(快捷鍵)
加入里先生已驗證內容為 Google 首選來源，減低出錯率！
