【香港機場二號客運大樓T2重開】5月27日啟用！香港航空/HK Express等15間航空公司搬遷時間表、交通及餐廳設施一文睇晒

香港機場二號客運大樓（T2）離港設施將於5月27日正式啟用及投入服務！為迎接暑假旅遊旺季，由5月27日起至6月10日，將會有15間主要營運區域航線及短途線嘅航空公司，分階段由一號客運大樓T1遷至T2，當中包括大家熟悉嘅HK Express、香港航空同大灣區航空！官方話T2專為休閒旅客設計，引入咗唔少貼地嘅餐飲選擇，連兩餸飯都有得食！嚟緊環亞機場貴賓室Plaza Premium Lounge仲會喺T2開設Arrival Lounge！

準備出發旅行嘅朋友，即刻睇睇以下嘅T2重點資訊同交通懶人包啦！

想知道出發前入邊間Lounge歎下？即刻click入呢到睇教學攻略：信用卡免費入機場貴賓室、Priority Pass 貴賓室全攻略

香港機場二號客運大樓 (T2) 交通及位置

去T2其實非常方便，機管局已經安排咗多種無縫接駁嘅公共交通工具，絕對唔使驚蕩失路：

• 機場快綫：未來到站時，列車兩側車門將會同時開啟，無縫接駁二號客運大樓離港層與一號客運大樓，一號同二號客運大樓將各佔左右，非常方便。
• 巴士路線：共有29條巴士路線將停靠於二號客運大樓離港層。另外，T2旅遊車候車大堂已啟用，供旅遊巴士、跨境巴士、轎車及居民旅遊車使用。馬灣同愉景灣嘅巴士站點亦會率先遷至該處。
• 自駕遊/泊車：T2由一條短程有蓋行人通道連接三號停車場。該六層高嘅新停車場提供逾1,000個車位，並已開放予公眾使用。

15間航空公司分批進駐T2時間表

大家最關心一定係自己搭嗰間航空公司幾時搬！T2主要處理點對點區域性航線，初期僅處理離境報到。整個搬遷安排將於6月10日完成，以下係各間航空公司嘅進駐時間表：

*註：具體搬遷日子請以機管局及航空公司最新公佈為準。

T2全新設計面貌

相比起T1保持奢華品牌商店同商務國泰貴賓室嘅定位，新二號客運大樓設計比較注重現代化、便捷同時尚體驗。

• 智能登記設施：T2提供新一代嘅智能登記設施，推動更多更無縫嘅自助服務，例如自助辦理登機及行李托運，慳返唔少排隊時間。
• 平民餐廳選擇：餐飲方面非常貼地！現時開始投入運作及進駐嘅食肆包括唐記包點、甚至有香港特色兩餸飯店「好飯好餸」！另外仲有便利店及零食店等，上機前平平地醫肚一流。

預計二號客運大樓客運廊投入運作後，為旅客帶來舒適便捷嘅新體驗。大家下次出發去旅行，不妨預留少少時間去體驗下新T2嘅科技感同食個兩餸飯啦！