去東京如果想搵一間五星級而且有貼心服務，又可以喺房入面望到成個皇居御苑嘅酒店，咁日本東京半島酒店（The Peninsula Tokyo）就係你嘅不二之選！服務、環境、食物等方面都非常好，完美演繹日式奢華體驗。酒店5分鐘直達銀座超方便！即睇實測入住報告。
日本東京半島酒店 The Peninsula Tokyo 基本資料
- 酒店地址：日本東京都千代田區有樂町1-8-1
- 聯絡電話：+81 3-6270-2888
- 交通：
- JR東京站（步行約10分鐘）
- 東京地下鐵日比谷站 A6、A7出口（直結）
- 東京地下鐵有樂町站 A4出口（直結）
- 開業年份：2007年
- 官方網站：https://www.peninsula.com/zh-cn/tokyo/5-star-luxury-hotel-ginza
日本東京半島酒店 The Peninsula Tokyo 親身體驗分享
小編都係第一次住東京半島酒店，本身見2007年開業以為會比較老舊，但嚟到發現佢哋嘅環境同設備都維護得相當好，冇乜歲月痕跡。一入大堂已經感受到滿滿嘅藝術氣息，除咗幾個大型藝術品之外，整體設計都有融入日本傳統工藝，好似一座大型藝術館咁，認真感受到設計師嘅用心，將西方元素同日本工藝配合得好好。
而入面房間都好大好靚，喺入面跑圈都得！一入到去分別見到左右係浴室同衣帽間，衣帽間超大掛幾多衫都冇問題。佢個梳妝台下面仲有個櫃桶可以攤晒啲護膚品同化妝品出嚟好方便，而且風筒都超好用。另一邊就係浴室，好鍾意呢度個浴缸！大到2個人一齊浸都應該冇問題，旁邊仲有個掣可以調節燈光同播一啲好relax嘅音樂，半島浴鹽都好香，成個浸浴體驗chill到爆！再行入去就似房間，梳化同床都好大好柔軟，一攤咗上去完全唔想郁～！
早餐方面有西式、和式 同中式選擇，小編試咗佢嘅「Open-Faced Egg White Omelet」同和式早餐，西式menu嘅食物都會跟個麵包籃、水果、乳酪，值得一提佢個croissant整得相當出色！和式早餐嘅菜式冇得揀，全部都係時令嘢，味道都相當唔錯。
最出色嘅我覺得係東京半島嘅服務，真係做得超到位！夜晚返到酒店必定會開好夜晚、冰桶裝好冰。最深刻係有日喺旁邊皇居跑完步返嚟即刻有人送上冰水同毛巾，呢種細心真係唔係間間酒店都做到。如果喺東京想搵一間五星級酒店住，半島一定唔會令你後悔！
東京半島酒店 環境
東京半島酒店 食物
【里先生香港半島酒店】Staycation親身體驗分享（2022年）
呢次單止係我第一次入住香港半島酒店，仲係我第一次行入半島。唔知算唔算大鄉里出城，都三十有多居然今次係第一次行入半島。今次訂嘅係歷史新低價「味遊半島」$2,682 staycation package （已連加一）。
唔知咩原因，今次嘅入住比較感性，體驗上可謂震撼心靈。有啲似去旅行走去睇遺跡啊入教堂果種感覺。老實講未入住前我個人對半島品牌無咩特別好感，亦覺得咪又係一間酒店，只不過係價錢貴過人咁解，奢華品牌都叫做住過無十間都有八間我諗體驗上都係差唔多嘅啫…不過到訪過後我睇法係有啲改變。香港半島酒店對作為於香港長大嘅我嚟講係獨一無二嘅。2020年酒店業災難式生意下滑，價錢跌到去現時呢個震撼價…實屬可悲。
今次寫嘅入住體驗好多嘢想寫，而酒店都有好多細節可以寫，不過我就著量寫下，更多嘅位留返俾你去「開箱」。
入住半島準備Preparation
入住半島的話建議可以睇下酒店嘅歷史，見証住香港嘅興衰繁榮與變遷而酒店都有跟住時代變化注入新元素。感性mode入住，那怕你是住最平最低級別嘅房間都別有一番體會。Dress code我自己係smart casual，有披返件jacket，著返條長褲帶返隻靚啲嘅錶去入住嘅。可能多餘，個人喜好啫。
你要睇返酒店歷史當然可以google，或者懶得睇嘅可以去到酒店先睇佢果本「半島美學」，我深夜時份花了半小時去細味，感受良多。眾人所知2020年係香港歷史轉列點，於歷史級酒店過夜，看著維港反思過去諗諗將來，今日有嘅香港半島風情未知日後如何變遷，可能因而慨嘆但都享受下當下感受。
借用書內一句說話：美是一種意識，一個人本概念，一條主觀同時客觀的哲學命題，但它始終和人的感受分不開。
美的主觀客觀我都講唔清楚，以下都係好片面嘅「我的感受」，其他留返你自己去感受吧！
Checkin及Afternoon tea
正常為3pm checkin但我訂咗2:15pm下午茶，所以2pm就到酒店。一入門口其實有啲嚇親，因為入面好多人…checkin個位都有10幾20組人排隊…感覺有些少混亂。無法，價錢平咗多咗人住，星期六2pm入住高峰都可以理解。決定先食tea再攞房。
去The Lobby（食tea間餐廳）問一問，預訂的afternoon tea餐廳滿座，而職員都早有預備問我要唔要去樓上間露台餐廳到食。當時我心諗咁Q多人係到等食都係玩自己，最後答應到樓上食。對我嚟講係無選錯，樓上靜好多都有啲風景可以睇下。食物質素我就覺得唔錯，比我預想的好食（文內有圖😆）
食完後約三點半去返前台。Surprisingly人龍居然消散咗，不得不佩服職員嘅效率，我有數返原來同時有5-6個櫃位做嘢，所以即使有人龍但都清得好快。味遊半島個package會係check in時點埋你in-room dining食乜，tick完就可預約埋晚餐幾時送。
半島房間
今次入住526號房。半島有分高低座，低座為1928年落城嘅建築物，而30層高座（Tower building）為90年代擴建落城嘅樓層。我住526就係經過半島正門會見到有兩個「露台」位嘅其中一間。個露台聽講以前係開到，呢加當然係封咗只係裝飾嚟。
正常高樓層個view應該會好好多，但係我個人覺得住底座又無乜壞，於半島入住歷史建築別有一番風味。本身最平package只包邊位房，我住呢隻叫「中庭房」正面向維港，check過貴$100，想住返呢隻嘅可以留意下。
房間裝修係我一入門果下真係已經嘩咗出聲，最平房型都好靚。事前我無睇過任何人寫的入住報告或相片，本身我以為會係Conrad/港島香格里拉/JW Marriott HK果種老派經典風格，但完全超乎我想像房間用上大量黑色鋼琴色木裝修非常modern，睇返資料應該係2012左右有做過房間翻新。而房間保養得好好同感覺非常乾淨。比較遺憾係浴室風格會比較舊，唔係嘩嘩聲咁靚但我自己覺得可以接受。
房內好多設備都好amazing，有nail drying machine，仲有影印fax機，音響都好好。最amazing係佢部touch panel 真係好好用，可以order DVD, room service, 控窗簾, 光暗, 選台, almost everything 。堅係好貼切到住客嘅需要。
有一點都提返因為房間隔局為相連房，隔音上好似差咁啲，我係房到會聽到隔嚟房啲人講嘢。
半島酒店In-room dining
7:30pm預訂嘅嘢食就到咗，全部都唔差中西式都好食。我本身唔好甜食但兩個甜品都好美味令我都多吃了幾口。最差嘅係麵包，都幾硬，無乜誠意。兩個人食建議中西各樣都試下，menu上全部都值得試。
半島早餐
會係大堂The Lobby用餐，10點落去食都唔覺多人，環境非常好感覺好嘆。點餐早餐嚟（I love it much more than buffet）有中西選擇，個人口味嚟講正常早餐我會叫中餐但佢個西式早餐個名叫「半島早餐」，改個咁嘅名初次入住無得唔揀啦…另有鮮果汁order，質素高但我都無謂吹到佢飛天，總括嚟講係普通材料但整得好食。必定要一提係個環境真係無得彈，係半島The Lobby食早餐都係一種體驗嚟。
Overall嚟講，$2682唔係平，但我覺得值。洗咗啲錢都希望你可以獲得多啲感受。香港人的品牌半島酒店唔係浪得虛名。
半島酒店入住相片
訂房用咩卡訂好？
- 我建議online俾錢的就用HSBC Red，係酒店/餐廳俾錢的話就用Citi Cash Back啦！想知邊張卡適合自己嘅可以睇返現金回贈信用卡比較或者里數回贈信用卡比較！上網book定俾咗錢先的話就睇睇網購回贈信用卡！
用咩卡訂/於酒店俾錢好？
我建議online俾錢的就用HSBC Red，係酒店/餐廳俾錢的話就用Citi Cash Back啦！想知邊張卡適合自己嘅可以睇返現金回贈信用卡比較或者里數回贈信用卡比較！上網book定俾咗錢先的話就睇睇網購回贈信用卡！
Citi Cash Back信用卡
🎁迎新禮遇
- 優惠期：2025年10月7日至10月31日
- 2025年11月30日或之前成功批卡，及首2個月內簽HK$5,000送HK$1,200現金回贈
- 另外成功申請簽賬/賬單「分期更好使」計劃，貸款金額HK$10,000，還款期最少為24個月，再賺高達HK$600現金回贈
- 指定Citi信用卡：Citi Cash Back、Citi Prestige、Citi Rewards Mastercard、Citi PremierMiles、Citi 八達通信用卡、Citi HKTVmall信用卡、Citi The Club信用卡
- 完成簽賬條件後額外現金回贈將於2026年6月30日或之前自動存入至認可信用卡戶口
- 過去12個月內沒有取消或持有過任何Citibank信用卡
- 用PayMe/Alipay等電子錢包增值都計迎新，不過要留意手續費
✅優點
- 食肆/酒店消費現金回贈2%
- 其他本地港幣簽賬現金回贈1% (連chok PayMe/Wechat Pay/支付寶HK都有啊！)
- 八達通自動增值1%
- 去食飯統一2%，唔洗擔心有時酒店自助餐某啲酒店餐廳唔計食肆少咗回贈
- 港幣支付外國註册商戶(如Expedia)沒有CBF收費
- 持續地都有Citi信用卡優惠
- 年薪要求HK$120,000都申請到
❎缺點
- 年薪要求比較高，要HK$120,000
- DCC無積分→里先生DCC解說
- ebanking網上繳費無回贈
- 無得儲里數
免責聲明：里先生努力保持信息準確。若任何信息與你到訪之金融機構、
滙豐Red信用卡
🎁迎新禮遇
✅優點
- 永久免年費
- 簡化回贈方式，無需登記，無最低簽賬要求，網上簽賬4%回贈！指定商戶 8% 回贈！
- 夠彈性，以「獎賞錢」RC形式存入，可以配合HSBC Reward+ App「賞付款」功能抵扣簽賬交易，亦可以直接轉換為里數或喺e-Shop換禮品／coupon
- 每月結單週期首HK$10,000網上繳費有0.4%回贈，市面上絕大部份銀行已沒有相關回贈
- 直接轉換「獎賞錢」至里數戶口免手續費
❎缺點
- 獎賞錢有效期於簽賬後最多2年，最少1年(按簽賬年度計算)
