東京近郊溫泉酒店推介2026︱精選20間箱根／河口湖／熱海／鬼怒川／伊東高質溫泉旅館酒店！(附一泊二食/私人風呂)

東京近郊溫泉酒店2026－箱根區溫泉酒店

箱根溫泉位於日本神奈川縣箱根地區，由古時開始已經係溫泉町，江戶時代開始係貴族同武士嘅療養地方。箱根有優質溫泉，而且好多地方都可以望到富士山美景，係日本最受歡迎嘅溫泉鄉之一。

由東京出發交通：

1. 新宿站乘搭小田急特急，到達箱根湯本站，約1小時25分鐘
2. 東京站乘搭JR新幹線，到達小田原站後，乘搭JR東海道本線到達湯河原站，全程約1小時

東京箱根溫泉酒店推介：湯本富士屋酒店 (Yumoto Fujiya Hotel)

• 🚊交通：步行約5-10分鐘到箱根湯本
• 💰每晚房價：HK$1,000-2,000

即睇湯本富士屋酒店 (Yumoto Fujiya Hotel)優惠！→
Agoda / Trip.com / Expedia

東京箱根溫泉酒店推介：箱根水明莊 (Hakone Suimeisou Hotel)

箱根湯本站徒步3分鐘直達，有傳統日式榻榻米房間、帶有露天溫泉房間等唔同房型選擇，景觀一流，仲有房型可以提供一泊二食。酒店附近亦有唔少商店可以買手信，好多旅客反映服務十分周到，每間房都有專人負責。

• 🚊交通：步行3分鐘至箱根湯本站
• 💰每晚房價：HK$1,300-2,800

即睇箱根水明莊 (Hakone Suimeisou Hotel)優惠！→
Agoda / Trip.com / Expedia

東京箱根溫泉酒店推介：箱根強羅溫泉季之湯雪月花 (Tokinoyu Setsugetsuka)

有多款唔同房型：洋室、傳統日式、配有私人風呂、一泊二食等等，可以按返預算揀返啱自己嘅房型。除咗房間內，酒店內都設有3個私人風呂，唔洗預約無人就用得～溫泉酒店門口有巴士30分鐘左右直到御殿場PREMIUM OUTLETS，啱哂中意shopping 嘅朋友！

• 🚊交通：步行約10分鐘到箱根登山鐵道強羅站
• 💰每晚房價：HK$1,400-2,600

即睇箱根強羅溫泉季之湯雪月花 (Tokinoyu Setsugetsuka)優惠！→
Agoda / Trip.com / Expedia

東京箱根溫泉酒店推介：箱根蘆之湖花織旅館 (Hakone Ashinoko Hanaori)

溫泉酒店隱身於寧靜森林中，可以直接欣賞到蘆之湖景色，部分房型設有私人溫泉，好適合度假。酒店設有接駁巴士在小田原站接載旅客到酒店，車程約50-60分鐘。

• 🚊交通：小田原站搭接駁巴士到酒店
• 💰每晚房價：HK$2,400-4,000

即睇箱根蘆之湖花織旅館 (Hakone Ashinoko Hanaori)優惠！→
Agoda / Trip.com / Expedia

東京箱根溫泉酒店推介：箱根小涌園天悠旅館 (Hakone Kowakien TEN-YU)

豪華五星級溫泉酒店，酒店周圍被大自然環繞，遠離日常喧囂，絕對係避世之選！酒店所有客房都設有露天溫泉，可以係房間內浸溫泉同時欣賞壯麗山景；酒店最特別係有「無邊際露天溫泉」，享受真正天人合一！

• 🚊交通：步行10分鐘至箱根湯本站
• 💰每晚房價：HK$2,800-5,000

即睇箱根小涌園天悠旅館 (Hakone Kowakien TEN-YU)優惠！→
Agoda / Trip.com / Expedia

東京近郊溫泉酒店2026－熱海區溫泉酒店

熱海溫泉位於靜岡縣熱海市，曾經係德川家康的湯治養生地方，溫泉歷史可以追溯到713年，所以吸引好多名人同皇族嚟療養。熱海溫泉嘅泉水特別之處係屬於弱鹼性，而且無色無味。除咗溫泉，熱海周圍仲設有唔少足湯設施～ 每年夏天，熱海仲會舉辦花火大會！

由東京出發交通：

1. 東京站乘搭乘東海道新幹線「HIKARI號」到熱海站，約需40分鐘
2. 東京站乘搭JR東海道本線到熱海站，約1小時50分鐘 （車費較平）

東京熱海溫泉酒店推介：熱海溫泉湯宿一番地 (Atamionsen Yuyado Ichibanchi)

溫泉酒店最大特色就係有兩個自家源泉，從源泉直接引入到酒店，設有室內同露天風呂，如果房間冇私人風呂，亦可以加錢預訂酒店內私人風呂。酒店對面就係熱海商店街，好方便買手信！

• 🚊交通：步行3-4分鐘至熱海站
• 💰每晚房價：HK$1,000-2,700

即睇熱海溫泉湯宿一番地 (Atamionsen Yuyado Ichibanchi)優惠！→
Agoda / Trip.com / Expedia

東京熱海溫泉酒店推介：大江戶溫泉物語酒店-水曜亭 (Ooedo Onsen Monogatari Hotel Suiyotei)

雖然同車站有啲距離，但酒店近海邊可以有真正嘅度假感覺酒店，可以浸住溫泉嘆海景～酒店提供免費接駁巴士服務，方便客人從熱海站到酒店。

• 🚊交通：酒店免費接駁巴士約10分鐘車程到熱海站
• 💰每晚房價：HK$1,200-3,700

即睇大江戶溫泉物語酒店-水曜亭 (Ooedo Onsen Monogatari Hotel Suiyotei)優惠！→
Agoda / Trip.com / Expedia

東京熱海溫泉酒店推介：熱海溫泉櫻花屋傳統日式旅館 (Atami Onsen Sakuraya Ryokan)

溫泉酒店已經有超過70年歷史，以精緻日本風格同傳統溫泉體驗而聞名，房間有唔同主題同特色，而且面積偏大，有配有私人風呂嘅房型選擇。地點好方便步行約5分鐘就到熱海站，附近仲有唔少商店同餐廳。

• 🚊交通：步行約5分鐘至熱海站
• 💰每晚房價：HK$1,700-3,500

即睇熱海溫泉櫻花屋傳統日式旅館 (Atami Onsen Sakuraya Ryokan)優惠！→
Agoda / Trip.com

東京熱海溫泉酒店推介：熱海石亭酒店 (Atami Sekitei)

好傳統日式和風嘅溫泉酒店，內裡嘅園林景觀都好細緻。酒店內設有室內同露天溫泉，有住過嘅旅客反映酒店服務好細心，入住前已經幫客人揀好浴衣準備係房間。

• 🚊交通：步行約10分鐘至熱海站
• 💰每晚房價：HK$3,100-6,100

即睇熱海石亭酒店 (Atami Sekitei)優惠！→
Agoda / Trip.com / Expedia

東京熱海溫泉酒店推介：熱海溫泉古屋旅館 (Atami Onsen Furuya Ryokan)

老字號熱海溫泉酒店，由1806創業至今，超過200年歷史！酒店大門武田門仲曾吸引著名導演黑澤明嚟拍攝。酒店內溫泉係不加熱或加水嘅源泉，設有帶露天風呂嘅房型選擇。除咗溫泉，酒店內仲有付費藝妓表演欣賞～

• 🚊交通：步行約15分鐘至熱海站
• 💰每晚房價：HK$4,100-5,500

即睇熱海溫泉古屋旅館 (Atami Onsen Furuya Ryokan)優惠！→
Agoda / Trip.com / Expedia

東京近郊溫泉酒店2026－富士山河口湖溫泉

一邊浸溫泉，一邊欣賞富士山壯麗嘅景色，一定要去富士山河口湖溫泉！富士河口湖溫泉於1992年開湯，係屬於較新嘅溫泉區，因為嘅富士山絕美景色，近年河口湖成為熱門溫泉區，揀啱時間去，仲有機會睇到著名嘅「逆富士」景色（富士山係河口湖上嘅倒影）！

由東京出發交通：

1. JR新宿站搭乘搭JR與富士急行嘅直達車「特快富士回遊」至河口湖站，約2小時
2. 坐巴士從東京站八重洲南口出發，約2小時

東京富士山河口湖溫泉酒店推介：MYSTAYS 富士山展望温泉酒店 (HOTEL MYSTAYS Fuji Onsen Resort)

溫泉酒店位置好方便，行5分鐘左右就到車站，而且附近有便利店、超市同餐廳。部分房間可以直接觀賞到富士山美景，酒店內設有公共室內及半露天溫泉～

• 🚊交通：步行約5分鐘至富士急樂園站
• 💰每晚房價：HK$800-2,500

即睇MYSTAYS 富士山展望温泉酒店 (HOTEL MYSTAYS Fuji Onsen Resort)優惠！→
Agoda / Trip.com / Expedia

東京富士山河口湖溫泉酒店推介：富士河口湖溫泉鄉湖南荘 (Fuji Kawaguchiko Onsen Konansou)

酒店位於河口湖畔，酒店頂層設有足浴溫泉，清晨無雲時可以欣賞到富士山全景！酒店服務好周到，有專門服務人員提供管家服務，有設有私人風呂嘅房型選擇～

• 🚊交通：酒店免費接駁巴士至河口湖站約10分鐘
• 💰每晚房價：HK$2,000-4,700

即睇富士河口湖溫泉鄉湖南荘 (Fuji Kawaguchiko Onsen Konansou)優惠！→
Agoda / Trip.com / Expedia

東京富士山河口湖溫泉酒店推介：湖之酒店 (Mizno Hotel)

溫泉酒店位於山腰，可以從下俯瞰河口湖，用最完美嘅角度欣賞「逆富士」景色！大部分房型都可以觀賞到富士山，唔少旅客都推薦住露台房，可以更加親身感受到美景～酒店設有露天溫泉，仲有天台酒吧，一邊品嘗美酒，一邊欣賞美麗嘅富士山景色！

• 🚊交通：步行約10分鐘至河口湖站 （下午2-6點有酒店接送服務）
• 💰每晚房價：HK$2,300-3,000

即睇湖之酒店 (Mizno Hotel)優惠！→
Agoda / Trip.com / Expedia

東京富士山河口湖溫泉酒店推介：鐘山苑酒店 (Hotel Kaneyamaen)

酒店位於富士山腳下嘅高原地帶，擁有超過8公頃嘅傳統日本庭園！溫泉都係富士山下嘅天然溫泉，10樓屋頂上仲有露天溫泉，可以欣賞到富士山的景色，部分客房裡配有有私人的露天風呂，可以獨霸美景！除咗浸溫泉同睇富士山，酒店大廳舞台夜晚仲有日本傳統嘅“靈峰太鼓秀（敬神山鼓）”表演～

• 🚊交通：步行約10-15分鐘至河口湖站 （有酒店接送服務至下午6點）
• 💰每晚房價：HK$2,800-4,000

即睇鐘山苑酒店 (Hotel Kaneyamaen)優惠！→
Agoda / Trip.com / Expedia

東京富士山河口湖溫泉酒店推介：湖山亭產屋 (Ubuya)

溫泉酒店內所有客房都可以隔住河口湖欣賞富士山嘅景色！日與夜都可以係房間舒適咁欣賞富士山唔同時分嘅形態～ 湖山亭產屋係超熱門嘅酒店，如果想去嘅朋友記得要提早多啲訂房。

• 🚊交通：酒店免費接駁巴士至河口湖站約10分鐘
• 💰每晚房價：HK$3,300-5,200

即睇湖山亭產屋 (Ubuya)優惠！→
Agoda / Trip.com / Expedia

東京近郊溫泉酒店2026－鬼怒川溫泉

鬼怒川溫泉位於日本栃木縣日光市，係一個歷史悠久溫泉勝地，以前淨係俾去日光參拜嘅僧侶或者高級武士先可以嚟溫泉，直到19世紀後半開放埋俾一般大眾。鬼怒川溫泉泉水為鹼性單純溫泉，溫和嘅泉水對皮膚非常滋潤，據說仲對皮膚病同燒燙傷具有功效，亦可緩解神經痛。而且鬼怒川溫泉周圍環繞著壯麗嘅溪谷美景，遊客可以享受溫泉同時欣賞優美嘅自然風光。

由東京出發交通：

1. 新宿站或池袋站乘搭JR特急列車「日光號」或「鬼怒川號」直達鬼怒川溫泉，車程約2小時
2. 淺草站乘搭東武鐵道特急列車「鬼怒號」直達鬼怒川溫泉，車程約2小時

鬼怒川溫泉酒店推介：鬼怒川溫泉花之宿松屋日式旅館 (Kinugawa Onsen Hana no Yado Matsuya Ryokan)

酒店環境寧靜，風景優美，有提供室內同露天公共温泉區域，有帶私人露天風呂嘅房型同埋有一泊二食選擇，酒店嘅膳食得到唔少旅客推薦，絕對係性價比之選！

• 🚊交通：酒店步行5分鐘左右到鬼怒川公園站
• 💰每晚房價：HK$700-2,000

即睇鬼怒川溫泉花之宿松屋日式旅館優惠！→
Agoda / Trip.com / Expedia

鬼怒川溫泉酒店推介：鬼怒川溫泉酒店 (Kinugawa Onsen Hotel)

鬼怒川溫泉酒店已有70多年歷史，係鬼怒川溫泉區其中一間著名日式溫泉旅館，房型有傳統日式榻榻米和室客房同現代西式風格選擇，不過就無私人風呂房型提供。酒店內共有兩個公共温泉區域，每區各自有五種不同功效温度的温泉池，加埋有成十幾種唔同嘅溫泉浴池！

• 🚊交通：酒店步行10分鐘左右到鬼怒川公園站（或可向酒店預訂收費巴士接送服務）
• 💰每晚房價：HK$1,600-2,100

即睇鬼怒川溫泉酒店 (Kinugawa Onsen Hotel)優惠！→
Agoda / Trip.com / Expedia

鬼怒川溫泉酒店推介：Asaya酒店 (Asaya Hotel)

Asaya酒店創業於1888年，有超過130年歷史，係鬼怒川溫泉區嘅知名老字號溫泉酒店！設有岩盤浴、露天溫泉等，除咗歷史悠久，亦都係鬼怒川溫泉區最大嘅溫泉酒店。酒店頂樓設有空中庭園露天溫泉，可以欣賞到鬼怒川美麗嘅景色～

• 🚊交通：約8-10分鐘車程到鬼怒川車站（或可向酒店預訂收費接送服務）
• 💰每晚房價：HK$1,900-2,900

即睇Asaya酒店 (Asaya Hotel)優惠！→
Agoda / Trip.com / Expedia

鬼怒川溫泉酒店推介：鬼怒川山樂日式溫泉旅館 (Kinugawa-Onsen Sanraku)

酒店嘅建築風格優雅，設有大型公共室內溫泉，唔少旅客都反映酒店房間好大，好舒適！房型雖然無私人風呂，但可以揀一泊二食。

• 🚊交通：酒店步行15分鐘左右到鬼怒川公園站
• 💰每晚房價：HK$2,700-4,800

即睇鬼怒川山樂日式溫泉旅館 (Kinugawa-Onsen Sanraku)優惠！→
Agoda / Trip.com / Expedia

鬼怒川溫泉酒店推介：鬼怒川金谷酒店 (Kinugawa Kanaya Hotel)

酒店位置超好，鬼怒川公園站行3分鐘就到酒店！每間房間都對住鬼怒川溪谷，房型有帶有半露天私人風呂房間選擇～ 酒店內設有室內同室外溫泉，有時會配合季節提供特別溫泉。

• 🚊交通：酒店步行3分鐘左右到鬼怒川公園站
• 💰每晚房價：HK$3,500-4,600

即睇鬼怒川金谷酒店 (Kinugawa Kanaya Hotel)優惠！→
Agoda / Trip.com / Expedia

東京近郊溫泉酒店2026－伊東區溫泉酒店

伊東溫泉位於日本靜岡縣伊豆半島，可以再分為：東伊豆、中伊豆、西伊豆、南伊豆四個區域，以豐富泉源同優良泉質聞名，係日本全國泉源最豐沛嘅溫泉地區之一。而且伊東氣候溫暖，四季如春，一年四季都有各種花卉盛開，特別係山茶花，吸引唔少遊客觀賞。每年夏天會舉行嘅按針祭係伊東一大盛事，活動中包含壯觀嘅煙火大會

由東京出發交通：

1. 東京站乘搭JR東海道本線到伊東站下車，車程約1小時45分鐘
2. 東京站乘搭JR東海道新幹線前往熱海站，熱海站轉乘JR伊東線，直達伊東站，車程45至60分鐘

東京伊東溫泉酒店推介：伊東小涌園 (Ito Kowakien Hotel)

酒店附近有唔少居酒屋仲有超市，夜晚都唔怕搵唔到野食！酒店內有露天溫泉，由自家源泉湧出，而酒店最大嘅特色就係溫泉泉水可以飲用，可以到飲泉處飲用新鮮泉水！

• 🚊交通：步行約10分鐘到南伊東站 （酒店亦提供免費接送服務）
• 💰每晚房價：HK$600-3,300

即睇伊東小涌園 (Ito Kowakien Hotel)優惠！→
Agoda / Trip.com / Expedia

東京伊東溫泉酒店推介：伊東溫泉遊季亭旅館 (Ito Onsen Yukitei)

酒店位置旺中帶靜，仲好貼心提供伊東站免費的士接送，可以預先同酒店預約。有一泊二食同帶有私人風呂嘅房型選擇，亦都可以預約免費私人風呂～

• 🚊交通：酒店提供伊東站免費的士接送
• 💰每晚房價：HK$1,000-1,800

即睇伊東溫泉遊季亭旅館 (Ito Onsen Yukitei)優惠！→
Agoda / Trip.com / Expedia

東京伊東溫泉酒店推介：日本伊東溫泉旅館陽氣館 (Nippon Ryokan Ito Onsen Yokikan)

陽氣館創立明治43年，有兩種泉質不同嘅自家天然溫泉，可以享受百分百直接從水源流出嘅溫泉！酒店有著名登山火車，可以到高地上嘅大型露天溫泉，享受溫泉同時一覽大海同伊東市街景～房型可以揀帶有私人風呂房間。

• 🚊交通：步行約10分鐘到JR伊東站
• 💰每晚房價：HK$1,100-1,800

即睇日本伊東溫泉旅館陽氣館 (Nippon Ryokan Ito Onsen Yokikan)優惠！→
Agoda / Trip.com / Expedia

東京伊東溫泉酒店推介：伊東溫泉青山大和酒店 (Seizan Yamato Hotel)

酒店位於山上，被大自然包圍，酒店亦好貼心提供伊東站免費接送。雖然位於山上，但附近有24小時超市，半夜想買嘢都好方便！有一泊二食同帶有私人風呂嘅房型選擇，唔少旅客都大讚酒店服務好～

• 🚊交通：酒店提供伊東站免費接送
• 💰每晚房價：HK$2,500-4,200

即睇伊東溫泉青山大和酒店 (Seizan Yamato Hotel)優惠！→
Agoda / Trip.com / Expedia

東京伊東溫泉酒店推介：星野集團界伊東 (Hoshino Resorts KAI Ito)

高級精緻嘅溫泉酒店，酒店內嘅露天溫泉以岩石堆砌而成，泉水如瀑布般流下；而室內溫泉浴池中央，有泉水不斷湧出。房型有帶有私人風呂嘅房間選擇。另外，酒店另一特色就係會配合當地提供一啲免費小活動俾旅客參加，可以自行同酒店預約～

• 🚊交通：步行約10分鐘到JR伊東站
• 💰每晚房價：HK$4,000-4,700

即睇星野集團界伊東 (Hoshino Resorts KAI Ito)優惠！→
Trip.com / Expedia

東京酒店住宿合集2026

我經驗話我知要搵平房無得懶，識得用啱優惠碼，比較價同唔比價住同一間房都可以相差2-3成！(搵比較價)去埋Hotels.com 優惠碼/ Agoda優惠碼/ Expedia 優惠碼/Trip.com優惠碼/ Klook優惠碼 比較再睇邊到book最抵！Mr. Miles折扣代碼全集：酒店優惠代碼Promo code合集

東京溫泉酒店推介2026︱常見問題

東京溫泉酒店揀市區定近郊好？

• 視乎你嘅行程安排，如果有時間絕對推薦花一兩日時間到近郊體驗當地泉源，就算無時間都可以揀住東京市區內嘅溫泉酒店。

溫泉酒店點揀好？

• 選擇豐儉由人，有預算嘅可以享受有私人風呂嘅房型，如果未必成日有時間浸或者預算比較緊嘅話，可以揀啲有私人風呂預約嘅溫泉酒店。

東京近郊溫泉酒店推介2026︱快速索引

• 里先生精選5間東京近郊高質溫泉酒店
• 經典行程最豐富：箱根區溫泉酒店推介
• 無敵海景花火大會：熱海區溫泉酒店推介
• 對正富士山打卡絕景：富士山河口湖溫泉酒店推介
• 山林溪谷避世秘境：鬼怒川區溫泉酒店推介
• 豐富泉源嘆海鮮：伊東區溫泉酒店推介
• 日本東京酒店住宿合集
• 東京近郊溫泉酒店推介2026︱常見問題