🎯 食迎新 ‧ 留條款 ‧ 賺 FPS
經里先生申請，FPS直派現金回贈

交稅信用卡優惠-現金回贈-稅單-繳費

🛡️ 為什麼經里先生 (MrMiles.hk) 申請最安心、賺更多？ 四大安心保障
⏳ 即時填表，仲有 60 天特長獎賞申領期（拒絕 7 天死線）
經里先生申請完可即時填表申領禮品；就算未得閒填，我哋亦設有特長 60 天申領期限！坊間普遍限死「7 天內必須填表，逾期作廢」，里先生最怕你申請完忘記 Claim 或錯失應得禮品。我哋絕不藉故扣起獎賞，唔使趕，慢慢嚟。
⚡ 禮券、現金由你話事！「里賞金」可直接兌換 FPS 現金
「里賞金」可 1:1 兌換多款熱門商戶禮券；你亦可以兌換轉數快 (FPS) 現金存入銀行戶口，隨時自由運用。
📱 全港首創「信用卡迎新管理平台」：進度追蹤＋條款 PDF 儲存
登入里先生會員後台，即可一個平台一次過 Track 曬經里先生申請嘅信用卡獎賞申領進度與核對狀態，唔怕申請完唔記得！成日申請完唔記得迎新簽賬要求？提交申領表格後，系統會自動將當刻嘅官方條款 PDF 儲存至你嘅會員後台，隨時重查，日後銀行改條款都有得對。
💎 越用越賺！鑽石會員提現加碼5%＋推薦好友一齊賺
每筆獎賞經里先生批核後，自動累積「里程段 Sector」，升級至鑽石會員，每 100 里賞金可兌換 $105 現金！「里賞金」無到期日！善用「MGM推薦朋友功能」，每成功推薦一位朋友經會員平台申請，你同朋友一齊各賺多 38 里賞金，齊齊賺更多！

最後更新：2026年11月4日｜ 2026/10/21 新增中銀交稅優惠，更新八達通錢包交稅方法；2026/11/4 新增雲閃付交稅立減、建行Visa卡網上交稅計劃

重點總結（截至2026年11月4日)：
• 雲閃付銀聯卡交稅滿HK$1萬/5萬/8萬，已實測可即減HK$68/$360/$640；最多享優惠2次HK$1,280！最抵係用安信EarnMORE銀聯信用卡，新客的話可以交稅食埋迎新HK$1700！
• 中銀交稅達HK$2萬或以上享高達HK$1,088回贈+早鳥優惠額外回HK$300！(要登記+簽賬HK$4,000)
• 建行亞洲Visa卡交稅滿HK$20萬或以上可享高達HK$1,850回贈！
• 工銀亞洲 ICBC信用卡要簽賬滿HK$1,800，交稅達HK$5,000或以上，每張卡回HK$100！
• AlipayHK或Ant Bank AlipayHK綁卡用扣稅券HK$25-HK$200，有Ant Bank戶口可以交稅免手續費賺2x A.Point
• 八達通錢包交稅信用卡回贈可以繼續賺！
HSBC、渣打、恒生、東亞同AEON暫時未出，里先生會持續更新。平時用信用卡直接交稅係無積分或里數，要靠呢啲推廣先有回贈。

同信用卡繳費交水電煤唔同，無論里數信用卡定現金回贈信用卡，每間銀行信用卡條款都寫到明交稅係無積分回贈或里數。每年每到交稅季節各家銀行都會相繼出唔同交稅優惠，今年暫時工銀、建行、中銀同雲閃付出左 ，恒生、渣打、東亞同AEON就未出。HSBC之前每月都有出但過去幾年都轉咗做特選優惠咁出，唔係人人有份。現時用八達通錢包餘額嚟交的話可以變相有回贈。2026/2027年AlipayHK交稅優惠已經推出，WeChat Pay暫時未出。

以下會由優惠/回贈/里數優惠等你一次睇晒用咩信用卡交稅優惠，根據上年經驗，你嘅策略應該係能夠用八達通App嚟交的話就用咗先，怕麻煩或者要交太多稅先考慮用其他。另外，里先生有少少稅務知識，以下可以同大家分享下如果你符合特定條件下其實可以延遲暫繳稅(2026/2027暫繳稅)，係最後部份解釋。

一表睇晒：信用卡交稅優惠2026/2027

直至2026年10月21日，出咗以下交稅優惠，唔得閒睇晒下文都唔緊要，里先生做咗個Table等你一次睇晒啲offer再按住個高回贈嚟交稅！

銀行/工具 預估最高回報 優惠詳情及玩法 門檻與限制 里先生評價
雲閃付App（銀聯卡）
(11月4日至12月3日)		 即減高達HK$1,280
(期內最多2次)		 每次交稅滿HK$10,000減HK$68；
滿HK$50,000減HK$360；
滿HK$80,000減HK$640。		 要先登記；每人每日1次、推廣期最多2次；收0.6%手續費；名額有限。 經里先生申請安信EarnMORE銀聯信用卡可賺高達HK$1,700現金回贈，交稅/繳費都會計落迎新簽賬要求！雙食埋呢個雲閃付App交稅優惠就啱曬！
中銀香港 (BOC)
(2026/10最新)		 最高0.7%
(BOC Visa卡交HK$10萬計)		 交稅滿HK$20,000兼簽賬HK$4,000，中銀Visa卡回贈HK$50至HK$1,088；
12月20日前交滿HK$100,000再加早鳥HK$300；網上辦分期最高再回HK$3,200。		 10月21日至12月30日，期限首24,000名登記；推廣期內要簽賬HK$4,000；非Visa中銀卡回贈大約只有Visa卡一半。 有中銀Visa卡又交十萬稅左右最抵：基本HK$400＋早鳥HK$300＝HK$700。
分期回贈高，但要計埋分期手續費先決定。
工銀亞洲(ICBCA)
(2026/10最新)		 2% 交稅滿HK$5,000回贈HK$100
(每張卡可回一次)		 回贈上限極低，只適合交首HK$5,000稅款。

要以合資格消費額滿 HK$1,800 或以上

 小額神卡，仲要消費，如果有這張卡，必定要用來交頭HK$5,000，回報率全場最高。
留意係每張卡獨立可拎一次，手持越多張工銀卡就回得越多!
建行亞洲 Visa卡
(11月2日至12月31日)		 最高HK$1,850
(約0.37%)		 經手機/網上銀行用建行Visa卡交稅，累積滿HK$200,000回HK$450；
HK$300,000回HK$850；
HK$400,000回HK$1,250；
HK$500,000或以上回HK$1,850。		 限首1,800名，要喺手機銀行登記；最少交HK$200,000；只計薪俸稅及個人入息課稅；冇簽賬要求。 專攻大額稅款：交HK$50萬回HK$1,850，比中銀Visa卡同金額多。交唔夠HK$20萬就唔使諗。
AlipayHK
(2026/10最新)		 直領最高HK$200
搶中即減HK$5,000		 1. 每日12點搶HK$5,000扣稅券（單一稅單淨額滿HK$10,000） ；
2. 扣稅券直領5選1，扣HK$25至HK$200；
3. 交稅滿HK$5,000可抽一次獎，最高HK$5,000優惠券（抽獎至12月31日）。		 搶券每人限一張，24小時內要用；
每次交易只可用一張禮券		 直領券人人有份，但回報只有0.2%至0.5%，要用餘額或銀行戶口交，先唔會俾手續費食晒。HK$5,000券搶到就係全場最勁。
八達通App錢包
(所有人適用)		 約1% 用有回贈嘅信用卡設定八達通自動增值，將八達通餘額轉入八達通App錢包，再用錢包餘額掃稅單QR code交稅。 Pro錢包每月最多由實體八達通轉入HK$10,000；每張八達通每日只可自動增值一次，要日日操作。 最高大約1%，每月最多賺約HK$100。適合稅款細又唔怕麻煩嘅讀者。
以下為上一稅季（2025/26）已完結優惠，只供參考
東亞銀行 (2026最新) 高達 40,000里 網上交稅及累積合資格零售簽賬滿指定金額，最高可享40,000里。 首4,000名登記，需簽賬HK$3,000或以上。 2026年新一輪優惠，適合有東亞卡並想儲里數的客戶。
創興銀行(2026最新) 約 0.2% 交稅滿HK$5,000起有積分，最高交HK$250,000可獲100,000積分(等值HK$500)。 需同卡累積零售簽賬滿HK$1,500。 交稅新選擇，門檻適中，可作備用卡交稅。
渣打 (全新客) HK$2/里 (極高) 新客加碼免簽賬送5,000里數 + 申請渣打國泰Mastercard並選FanFest禮遇，交稅HK$8萬至HK$16萬可賺高達85,000里數。 只限全新信用卡客戶及符合簽賬要求。 今年最強交稅迎新，適合有大額稅款又想儲里數去旅行的新客，回報價值完勝現金回贈。
八達通銀包 1.5% 用渣打Simply Cash卡自動增值入八達通銀包，再用銀包餘額交稅。 每月需手動入錢，受限於八達通銀包儲值上限。 全城最高現金回贈，適合勤力、不怕每月操作及稅款額度在十萬以下的讀者。
WeChat Pay HK 約 1.5% (以券計) 用銀聯卡交稅滿指定金額送高達HK$300電子現金券。留意有手續費1% 贈送之電子現金券有消費門檻 (如滿100減25)，變相75折券。 適合銀聯卡主，回贈以現金券發放，需配合日常消費使用。
sim Credit Card 約 1% 累積零售簽賬滿HK$1,000，交稅HK$5,000-1萬回HK$50；最高交>20萬回HK$800。申請分期額外回HK$400。 需同月累積零售簽賬滿HK$1,000或以上。 適合稅款約HK$5,000-HK$10,000的小額稅項，回報率約1%，大額回贈率會被攤薄。
恒生 Hang Seng 0.8% 登記後憑卡簽滿HK$5,000，網上交稅及分期可享高達1,500 +FUN DOLLARS/ 300,000 yuu積分。 必須在推廣期內累積合資格零售簽賬滿 HK$5,000及申請分期。 配合Travel+ Visa Signature或enJoy卡回贈率不錯。但留意必須做分期，需計算利息成本是否划算。
渣打(特選) 0.75% 經App登記後，交稅HK$20,000回贈HK$150現金或1,500里數。 需為特選客戶並收到推廣，名額有限。 舊客首選，0.75%在傳統銀行中算非常高，而且門檻低至2萬就有回贈。
DBS 0.5% 用Visa卡交稅滿HK$10,000回贈HK$50一扣即享。 無特別名額限制，直接扣減。 簡單補飛，回贈率比大行基本盤好一點。
AEON 約 0.37% 用AEON銀聯卡交稅，滿HK$80,000回贈HK$300現金。 需登記及同月累積零售簽賬滿HK$3,000。 中規中矩，適合本身有AEON卡及會去簽賬消費的讀者順便賺回贈。
上海商業銀行 0.3% 0.3%現金回贈，最高回贈HK$350。 回贈上限較低，交約HK$11萬封頂。 後備之選，如果上述銀行的額度都用完了才考慮。
HSBC 滙豐 約 0.2% + 額外RC 累積交稅HK$200,000回贈400獎賞錢，用Mastercard交滿HK$30萬額外多300獎賞錢。 必須中特選，並需累積簽賬滿HK$10,000。 特選大戶啱用，如果無特選就唔使考慮，有特選配合EveryMile卡儲里數尚算不錯。

2026-2027信用卡交稅優惠(持續更新)

      1. 雲閃付App交稅優惠 (已更新!)
      2. 中銀信用卡交稅及分期優惠 (全民有份) (已更新!)
      3. 八達通錢包交稅優惠(全民有份) (已更新!)
      4. AlipayHK交稅優惠(全民有份) (已更新!)
      5. 建行亞洲信用卡交稅優惠(全民有份) (已更新!)
      6. 工銀亞洲信用卡交稅優惠(全民有份) (已更新!)
      7. 渣打信用卡交稅優惠(未出)
      8. WeChat Pay交稅優惠(未出)
      9. HSBC信用卡交稅優惠(未出)
      10. DBS信用卡交稅優惠(未出)
      11. 恒生信用卡交稅優惠(未出)
      12. 東亞銀行信用卡交稅優惠(未出)
      13. 創興銀行信用卡交稅優惠(未出)
      14. AEON信用卡交稅優惠(未出)
      15. 上海商業銀行信用卡交稅優惠(未出)
      16. 信銀國際信用卡交稅優惠(未出)
      17. sim Credit Card(未出)
      18. 暫繳薪俸稅條件及申請方法

(2026年11月4日更新) 雲閃付App交稅優惠：銀聯卡交稅/繳費即減高達HK$1,280

  • 推廣期：2026年11月4日至2026年12月3日
  • 優惠詳情：https://marketing.unionpayintl.com/offer-promote/
  • 優惠內容：銀聯卡持卡人在雲閃付APP成功登記後(優惠會於登記2分鐘後先會激活)，使用已登記之銀聯卡在雲閃付APP (中國香港頁面)/香港繳費/政府或法定機構類別繳費滿指定金額，即享以下立減優惠：
    • 優惠1：繳費每筆滿HK$10,000即減HK$68(0.68%回贈)；
    • 優惠2：繳費每筆滿HK$50,000即減HK$360(0.72%回贈)；
    • 優惠3：繳費每筆滿HK$80,000即減HK$640(0.8%回贈)
  • 每用戶每日最多可享優惠1次，推廣期內最多可享優惠2次高達HK$1,280！
  • 合資格信用卡：安信EarnMORE銀聯信用卡、安信WeWa銀聯信用卡、滙豐銀聯卡、或其他銀聯卡
  • 用雲閃付App繳費會收返0.6%手續費！如果用安信EarnMORE銀聯信用卡去繳費的話，本身有1%現金回贈，扣返呢到0.6%手續費，最後都有賺0.4%同埋今次立減優惠最高0.8%！
  • 名額有限，額滿即止！

unionpay-tax-live-test
實測！我用銀聯卡經雲閃付App交 HK$80,000稅，手續費HK$480 (0.6%) 另外加喺稅款上面，付款頁直接即減HK$640，實際只係過數HK$79,840。即係比原本稅款少俾HK$160，銀聯亦即時send短訊確認扣減HK$640。記得登記左先交！

最抵玩法：經里先生申請安信EarnMORE銀聯信用卡可賺高達HK$1,700現金回贈，交稅/繳費都會計落迎新簽賬要求！雙食埋呢個雲閃付App交稅優惠就啱曬！用雲閃付App繳費會收返0.6%手續費！如果用安信EarnMORE銀聯信用卡去繳費的話，本身有1%現金回贈，扣返呢到0.6%手續費，最後都有賺0.4%同埋今次立減優惠！

unionpay-tax-live-test
實測！我用銀聯卡經雲閃付App交 HK$80,000稅，手續費HK$480 (0.6%) 另外加喺稅款上面，付款頁直接即減HK$640，實際只係過數HK$79,840。即係比原本稅款少俾HK$160，銀聯亦即時send短訊確認扣減HK$640。記得登記左先交！

👉 雲閃付App交稅優惠、注意事項同計數例子，睇晒雲閃付App交稅優惠攻略。

(2026年10月21日更新) 中銀信用卡「交稅分期優惠五重賞」

中銀Visa卡交稅最高HK$1,088現金回贈＋早鳥HK$300＋網上分期最高HK$3,200

中銀今年出咗「交稅分期優惠五重賞」，宣傳寫最高HK$4,988。不過要攞齊，要交稅HK$500,000以上、做HK$300,000分期，仲要係特選客戶。一般人用中銀Visa卡喺12月20日前交HK$100,000稅，實際攞到HK$700（0.7%）。

  • 推廣期：2026年10月21日至12月30日（早鳥至12月20日；分期至12月31日）
  • 記得要登記咗先！限首24,000名，經BoC Pay+、中銀香港App、「中銀香港信用卡」微信賬戶或中銀香港網頁登記。
  • 門檻：經網上銀行／手機銀行、BoC Pay+或「繳費易」累積交稅滿HK$20,000，兼累積零售簽賬滿HK$4,000。
累積繳付稅款金額 其他中銀信用卡
現金回贈		 中銀Visa信用卡
現金回贈		 最高可獲現金回贈
（回贈比率）
HK$20,000 – HK$49,999 HK$50 HK$50 HK$50
(高達 0.25%)
HK$50,000 – HK$99,999 HK$100 HK$200 HK$200
(高達 0.40%)
HK$100,000 – HK$199,999 HK$200 HK$400 HK$400
(高達 0.40%)
HK$200,000 – HK$299,999 HK$300 HK$600 HK$600
(高達 0.30%)
HK$300,000 – HK$499,999 HK$400 HK$800 HK$800
(高達 0.27%)
HK$500,000或以上 HK$400 HK$1,088 HK$1,088
(約 0.22%)

其他加碼：

  • 早鳥優惠：12月20日前交稅滿HK$100,000（兼簽賬HK$4,000），額外HK$300。
  • 網上辦分期：交稅或月結單分期滿HK$5,000、揀12個月或以上，新分期客戶最高HK$3,200，現有客戶最高HK$2,200。記得計埋分期手續費先好做。
  • BoC Pay+：經轉數快交稅滿HK$10,000送HK$50電子優惠券（限15,000名，只限指定商戶使用）。
  • 特選客戶：收到中銀邀請短訊先有，最高額外HK$300。

最抵玩法：用中銀Visa卡喺12月20日前交HK$100,000稅，早鳥HK$300＋基本交稅HK$400＝合共HK$700現金回贈（回贈率0.7%）🔥

👉 分期回贈表、BoC Pay+優惠、注意事項同計數例子，睇晒中銀信用卡交稅優惠全攻略。

條款及細則：中銀信用卡交稅及分期優惠之條款及細則

(2026年10月21日更新) 八達通App錢包交稅：用自動增值變相賺信用卡回贈（所有人適用）

信用卡直接交稅冇回贈，但部分信用卡嘅八達通自動增值仍然計回贈。現時 iPhone可以啪錢入八達通錢包，所以可以將交稅「轉做」八達通增值：
信用卡自動增值實體八達通 → 將八達通餘額轉入八達通App錢包 → 用錢包餘額掃稅單QR code交稅。

2026年最新：要用Citi Cash Back賺1%

以前最多人用嘅渣打Simply Cash 1.5%已經取消八達通自動增值回贈。而家可以用呢個方法信用卡有Citi Cash Back，八達通自動增值賺1%。

限額：每月最多轉HK$10,000入錢包

  • 八達通App錢包Pro（已認證）每月最多由實體八達通轉入HK$10,000（Plus：HK$6,000；Lite：HK$3,000）。
  • Pro錢包儲值上限HK$30,000，每月交易上限HK$80,000。
  • 每張八達通每日只可以自動增值一次，所以要日日將錢轉入錢包。
  • 每月可以拍10,000入去八達通App錢包Pro(已認證)，咁有3,000可免費用FPS轉返去自己銀行戶口，餘下的$7,000就可以掃稅單上的QR code用作交稅，變相有回贈
  • 稅款多過HK$10,000，可以每月轉定HK$10,000入錢包，儲夠再一次過交，但記得預早開始，唔好過咗稅單限期。

里先生點睇

用Citi Cash Back 1%計，每月最多轉HK$10,000，即係每月最多賺大約HK$100；交HK$50,000稅要5個月先儲夠。稅款細、又唔介意日日操作，八達通仍然係回贈率較高嘅方法；稅款大或者怕麻煩，用銀行交稅推廣（例如中銀Visa卡交HK$100,000有HK$700回贈）會簡單好多。

八達通App錢包掃稅單QR code交稅
八達通錢包掃完稅單QR code後，可以揀用錢包餘額交稅

(2026年10月17日更新) AlipayHK交稅優惠：交稅賞不停

每日12點搶HK$5,000扣稅券＋直領最高HK$200＋抽獎最高HK$5,000優惠券

AlipayHK今輪交稅優惠分三部分：搶券同直領券由2026年10月16日至11月30日，交稅大抽獎就去到2026年12月31日。宣傳寫「高達HK$10,200扣稅優惠」，即係HK$5,000搶券、HK$5,000抽獎同HK$200直領券三樣全中嘅最高情況。人人有份嘅只有直領券，搶券同抽獎都要靠運氣。

Alipay HK 優惠入口: Alipay HK > 搜尋 “扣稅” > “AlipayHK 交稅賞不停”

優惠一：每日12點搶HK$5,000政府繳費扣稅券

  • 推廣期內每日中午12點喺活動頁開搶，數量有限，先到先得。
  • 經AlipayHK App繳付單一淨額滿HK$10,000或以上嘅政府稅單，付款時自動即減HK$5,000。例如稅單HK$12,000，實際只需付HK$7,000。
  • 每人整個推廣期最多一張，以真人計，唔係以帳戶計。同一部手機登入多個帳戶、同一張卡綁多個帳戶，都會當同一人。
  • 禮券獲取後24小時內有效，過期不補發。建議搶之前預先準備好稅單同付款方式。
  • 禮券唔可以兌換現金；交易退款的話，禮券唔會補發。

優惠二：扣稅券直領（5選1）

扣稅券 單一稅單淨額 有效期
HK$25 HK$5,000或以上 7日
HK$50 HK$10,000或以上 7日
HK$75 HK$25,000或以上 7日
HK$100 HK$50,000或以上 7日
HK$200 HK$70,000或以上 7日

每人只可以揀一張，按自己張稅單金額揀最大嗰張就啱。

優惠三：AlipayHK交稅大抽獎（最高HK$5,000優惠券）

  • 推廣期：2026年10月15日至12月31日（比搶券長，11月、12月交稅都有份）。
  • 經AlipayHK App繳付稅務局稅單，單一繳付滿HK$5,000，就有一次抽獎機會。
  • 每個帳戶整個推廣期最多一次，以單一收據計算。
  • 獎品：HK$1、HK$5、HK$38、HK$88、HK$188或HK$5,000優惠券，即時抽出並喺App顯示。
  • 優惠券屬基本獎賞，每次交易只可用一張，唔可以兌換現金。

大部分人抽中嘅應該係細額券，HK$5,000當驚喜就算。

AlipayHK交稅手續費

付款方式 手續費
AlipayHK餘額／銀行戶口／螞蟻銀行存款 免費
螞蟻銀行PayLater（一期） 0.3%
銀聯信用卡 1%
A. Point Card 1%
指定中銀／恒生／渣打信用卡 1.5%
其他Visa／Mastercard 2.5%

實際以AlipayHK付款頁顯示為準。

直領券回報只有0.2%至0.5%。如果用信用卡交，手續費一般會食晒張券：例如交HK$10,000用銀聯卡，手續費HK$100，已經多過HK$50扣稅券。所以想賺扣稅券，就用餘額或者銀行戶口交。用信用卡之前，要先確認張卡經AlipayHK繳費計唔計回贈。

優惠受條款及細則約束，詳情以AlipayHK App「交稅賞不停」及「交稅大抽獎」活動頁條款為準。

(2026年11月4日更新) 建行亞洲 CCBA信用卡交稅

建行Visa卡網上交稅計劃：交稅滿HK$20萬起，最高回贈HK$1,850

2026年11月2日至12月31日，用建行(亞洲)Visa信用卡經手機或網上銀行交薪俸稅／個人入息課稅，累積滿HK$200,000就有現金回贈。冇簽賬要求，但限首1,800名登記。

累積交稅金額 現金回贈 回贈率
HK$200,000 – HK$299,999 HK$450 最高0.23%
HK$300,000 – HK$399,999 HK$850 最高0.28%
HK$400,000 – HK$499,999 HK$1,250 最高0.31%
HK$500,000或以上 HK$1,850 0.37%
  • 要先登記：建行(亞洲)手機銀行 →「信用卡/貸款」→「精選優惠」揀本計劃；登記同繳款時段至2026年12月31日中午12時。
  • 名額：首1,800名成功登記客戶。
  • 合資格卡：建行(亞洲)Visa信用卡主卡（商務卡除外）；附屬卡交嘅稅計入主卡，幾張Visa卡交嘅稅可以合併計。
  • 稅項：只計薪俸稅同個人入息課稅。
  • 回贈：2027年3月31日或之前存入交稅金額最高嘅信用卡戶口。

里先生計數：交HK$50萬稅，建行Visa卡回HK$1,850（0.37%），比中銀Visa卡同金額嘅HK$1,388（基本HK$1,088＋早鳥HK$300）多HK$462。交唔夠HK$20萬就唔使諗。

條款及細則

(2026年10月5日更新)工銀亞洲信用卡交稅優惠

憑ICBC Visa信用卡交稅享每張卡HK$100現金回贈

  • 推廣期：2026年10月1日至2026年12月31日（包括首尾兩天）
  • 憑ICBC信用卡累積合資格消費額滿HK$1,800或以上並累積繳付合資格稅款金額滿HK$5,000或以上，可獲HK$100現金回贈^！
  • 本優惠下之交稅獎賞按每位客戶名下的每張合資格信用卡獨立計算，每張合資格信用卡於推廣期內最多可獲享交稅獎賞一次。

^合資格客戶需於推廣期內累積合資格消費額滿HK$1,800或以上，方可參與本優惠。如合資格客戶未能達到此消費額要求，無論客戶名下的每張合資格信用卡累積繳付合資格稅款金額如何，將不獲獎賞。

官方詳情：https://www.icbcasia.com/hk/tc/promotion/tax-payment-cash-rebate.html

暫繳薪俸稅條件及申請方法

其實呢個方法唔係個個啱用，主要為收入不穩定人士(如commission basis出糧人士)、啱啱生咗小朋友多咗免稅額但今年又未反映到嘅人或突然收入大減/失業人士而設，下面俾你參考返有咩條件(詳情應向專業會計師查詢)。

暫繳薪俸稅申請緩繳條件

你有資格得到未有在暫繳稅通知書中計算的免稅額。例如：在暫繳稅課稅年度內新生子女的子女免稅額，或因父母屆滿合資格的年齡而可得到的供養父母免稅額。

有關申索免稅額所需的資料必須清楚填寫在申請書內，例如新生子女的姓名及出生日期，或受養父母或祖父母或外祖父母的姓名、出生日期、香港身分證號碼和在有關年度是否通常在香港居住。

你在暫繳稅課稅年度的應課稅入息實額，少於或可能會少於前一年度的應課稅入息實額的90%，又或少於或可能會少於暫繳稅課稅年度估計入息的90% (啫係2026/27暫繳評稅10,000，你要估計下年實際暫繳評稅為9,000先可以申請)。稅局網頁→例子

你已停止或會在暫繳稅課稅年度終結前停止賺取應課薪俸稅入息。

你須在申請書內清楚填寫整個課稅年度估計入息的數額。例如：你打算申請暫緩繳交2017/18課稅年度的暫繳薪俸稅，你須列明你於2026年4月1日至2027年3月31日的估計入息，並提供入息减少的原因，例如失業、退休及減薪。

暫繳薪俸稅申請緩繳方法

如果你用e-tax就好簡單，上網禁幾個制寫返原因就得(如下圖)，但如果無用eTax，你就要填表郵寄或Fax去申請

eTax網上申請暫緩繳交暫繳薪俸稅步驟

Tax網上申請暫緩繳交暫繳薪俸稅步驟2

信用卡交稅優惠常見問題 (FAQ)

平時用信用卡交稅有無積分或里數回贈？

一般情況下，絕大部份銀行嘅信用卡條款都列明「繳付稅款」係無積分、無里數、亦無現金回贈嘅。所以你一定要透過銀行推出嘅「限時交稅推廣」（如文內提及嘅渣打、中銀、HSBC等Promo），或者利用「八達通銀包」配合信用卡自動增值，先可以變相賺取回贈。如果就咁用信用卡上網上理財交，係唔會有任何獎賞架！

2024/25 年度邊張信用卡交稅最抵？

視乎你嘅身份同稅額。如果你係渣打全新信用卡客戶，申請渣打國泰 Mastercard 賺迎新係最抵，可達 HK$2/里。如果你係現有客戶，交小額稅款（HK$5,000以下）用工銀亞洲 ICBC (3%) 最高；中額至大額稅款如果不怕麻煩，用渣打 Simply Cash 配合八達通銀包 (1.5%) 係通殺之選。大額稅款（幾十萬）則建議睇睇有無收到 HSBC 或渣打嘅特選客戶 SMS。

我可以分開幾張信用卡交同一張稅單嗎？

絕對可以！稅局唔限制你分幾多次交稅。為咗賺盡唔同銀行嘅回贈上限（Cap），你可以採用「分單策略」。例如：頭 HK$5,000 用工銀亞洲卡交賺 $100 回贈，之後嘅 HK$10,000 用建行亞洲卡交，餘額再用八達通銀包慢慢交。只要總數交足，稅局係接受分開付款的。

八達通銀包交稅有無上限？

有。八達通銀包（Pro級別）每日交易限額為 HK$10,000，而且亦受限於你信用卡每月自動增值嘅額度。如果你稅款較大（例如 HK$50,000），你需要分開幾日，每日增值再每日交稅。如果稅款極大（超過 HK$100,000），單靠八達通銀包未必夠時間交完，建議配合其他銀行嘅網上理財交稅優惠一齊用。

收到稅單覺得暫繳稅太貴，或者現金流不足點算？

如果你預計來年收入會減少（例如失業、減薪、轉為佣金制），或者新增了免稅額（例如生了小朋友、供養父母），你可以向稅局申請「緩繳暫繳稅」。另外，部分銀行（如中銀、上海商業銀行）嘅交稅優惠會包含「分期付款」回贈，雖然要俾手續費/利息，但計及回贈後可能由成本變著數，有助舒緩現金流壓力。

🤖 問 AI 信用卡或優惠碼擔心俾錯條款或幻覺？
加入里先生已驗證內容為 Google 首選來源，減低出錯率！