除咗中銀Cheers Card免費帶人入機場Lounge，中銀Cheers Card都會送免費旅遊保險人身意外險。啟動條件都好簡單貼地,只要符合以下其中一個條件就有free travel insurance：
- 客戶只需憑中銀 Cheers Visa Infinite Card 支付交通、住宿及/或旅遊套票。
- 當中嘅費用可以包括訂金、旅費、機票費用、及/或交通票據。
只要中咗以上條件，你就可以喺旅程享有最高賠償額達港幣75萬元嘅人身意外保險。保障範圍涵蓋醫療、旅程取消及行李延誤等，而且仲包埋同行家人，等大家去旅行都安心啲。個保險係由中銀集團保險有限公司承保嘅。
我都知大家對信用卡送嘅旅遊保險實有好多疑問，我都嘗試幫大家整理咗啲常見問題FAQs，等大家一文睇清！
更多中銀信用卡優惠：中銀信用卡優惠合集、中銀信用卡比較、中銀Cheers Card、中銀Bliss Card、中銀Chill Card、中銀Sogo信用卡、中銀Go卡、中銀淘寶卡、中銀香港航空Visa卡
中銀Cheers Card旅遊保險
點樣先可以有中銀Cheers Card嘅free travel insurance？
簡單講，你只要用中銀 Cheers Visa Infinite Card 畀晒去旅行嘅交通、住宿或旅遊套票費用（包括訂金、機票或車船飛）就可以享有呢個免費保障。
中銀Cheers Card旅遊保險包埋同行家人嗎？
包！持卡人、同行配偶同埋23歲以下未婚子女都可以受到中銀Cheers Card旅遊保險嘅保障，但係記得持卡人一定要一齊去而且費用係用中銀Cheers Card旅遊保險支付先可以免費享有個保障。
中銀Cheers Card旅遊保險有咩保障？賠償額有幾多？
保障都幾全面，主要嘅最高賠償額（每名受保人計算）如下：
- 人身意外： 最高港幣75萬（家庭上限為200萬）。
- 醫療及有關費用： 最高港幣50萬（家庭上限為150萬），包埋回港或澳後3個月內覆診費（每天最高150，總額最高1,500）。
- 個人行李： 最高港幣1萬（家庭上限為3萬），每件/每對/每套上限為3,000。
- 旅程延誤： 最高港幣3,000（家庭上限為9,000），每程最少延誤5小時，上限$800。
- 取消旅程： 最高港幣1萬（家庭上限為3萬）。
- 24小時緊急支援： 提供緊急醫療救援、外地入院保證金及醫療運送等服務。
中銀Cheers Card旅遊保險要點索償？
萬一真係要Claim，記得要留意時間同埋文件：
- 受保人必須喺發生事故後30天內提交索償申請表，或者以書面/電郵方式通知中銀集團保險。
- 索償表格可以喺中銀集團保險網頁下載。
- 你需要自費提供相關證明文件，例如用Visa Infinite卡畀錢嘅證明、同行配偶及未婚子女證明（如適用）、醫療證明或警方報告等。
- 有疑問可以打去中銀集團保險客戶服務熱線 31875100 查詢。
旅遊保險有無限定要係邊到出發？可以保障幾耐？
有地點同埋日數限制：
- 受保人嘅旅程必需於香港或澳門出發（或香港或澳門以外出發）至其他國家/地區。
- 每次旅程保障期最長為90天。
- 保障期由受保人離開住所或工作地點起開始，並以返回住所或工作地點結束。
中銀Cheers Card旅遊保險保唔保手機遺失或損壞？
唔保！ 條款寫明個人行李保障係不包括手提電話嘅。不過，個人手提電腦被盜竊或搶劫就有得保。如果去旅行驚跌爛手機，可能就要另外再買一份有包手機嘅旅遊保險啦！
中銀Cheers Card旅遊保險條款及細則TnC
完整條款及細則：https://www.bochk.com/dam/boccreditcard/cheers_TnC_TC.pdf
中銀 Visa Infinite 信用卡人身意外險(附帶旅遊相關保障)：https://www.bocgins.com/index.html?url=html/home/product_details.html&product=partner&productId=030205
