福岡天神酒店推介2026｜去福岡旅行，除咗福岡博多酒店推介，最受歡迎嘅住宿地點一定係天神（Tenjin）！天神係福岡最繁華嘅購物商圈，百貨公司林立（Parco、岩田屋、大丸），又有極多美食同屋台。加上「天神Big Bang」計劃，近年多咗好多福岡新酒店！住喺天神，夜晚行街食飯極方便，去太宰府、柳川都好順路。以下呢篇福岡天神酒店推介，里先生幫大家精選咗12間天神站步行10分鐘內嘅人氣住宿，由IG爆紅打卡酒店、必住豪華福岡麗思卡爾頓酒店到平價漫畫酒店都有，即刻睇下邊間啱你Budget！
福岡天神酒店推介2026︱快速索引
精選福岡天神酒店
| 酒店名稱 | 最低價格 | 訂房網址比價優惠 |
| 福岡天神昆泰莎漫畫書酒店 | ～HK$400 | Agoda / Trip.com /Expedia |
| 福岡天神東急STAY酒店 | ～HK$700 | Agoda / Trip.com /Expedia |
| 里士滿天神西通酒店 | ～HK$850 | Agoda / Trip.com /Expedia |
| BFH福岡天神 | ～HK$900 | Agoda / Trip.com /Expedia |
| 福岡休雷克蓋特酒店 | ～HK$1,300 | Agoda / Trip.com /Expedia |
| 福岡麗思卡爾頓酒店 | ～HK$4,500 | Agoda / Trip.com /Expedia |
福岡天神酒店推介︱平價高CP (HK$400 – $800)
1. 福岡燈光圖書酒店 (LAMP LIGHT BOOKS HOTEL Fukuoka)
文青最愛！福岡燈光圖書酒店 (LAMP LIGHT BOOKS HOTEL Fukuoka)以「24小時書店 x 酒店」為設計概念，一入去就係滿滿嘅書香氣息。房間唔大，但勝在有露台仔同閱讀燈，成個Vibe好Chill。樓下Cafe有好好味嘅麵包同咖啡。雖然離地鐵站有一小段距離（喺大名區入面），但周圍全部都係靚Cafe同古著店，行街極正！
- 🚊交通：地鐵赤坂站步行約4分鐘 / 天神站步行9分鐘
- 💰每晚房價：約HK$500 – $800
- 里先生短評：氣氛一流，文青必試。可惜房間真係細，而且大部分房型得Shower（無浴缸）。位置喺巷仔入面，拖大喼行去地鐵站會覺得有啲遠。
- 評價：Google 4.4分、Agoda 9.0分、Trip.com 9.2分
即睇福岡燈光圖書酒店優惠！→
Agoda / Trip.com / Expedia
2. lyf 福岡天神酒店 (lyf Tenjin Fukuoka)
lyf 福岡天神酒店 (lyf Tenjin Fukuoka)來自新加坡嘅品牌，主打共享生活空間（Co-living），加上色彩繽紛嘅裝潢，活力十足！佢有超大嘅共享廚房、工作空間同露台，好適合Digital Nomad或者想識新朋友嘅獨遊旅人。房間走工業風簡約路線，雖然細但收納做得好好。位置喺今泉區，靜中帶旺。
- 🚊交通：地鐵藥院大通站步行5分鐘 / 天神南站步行8分鐘
- 💰每晚房價：約HK$450 – $750
- 里先生短評：公用空間好正，適合鍾意Social或者要煮飯仔嘅人。缺點係房內設施極簡（好似宿舍咁），位置偏南（今泉），行去天神中心要10分鐘左右。
- 評價：Google 4.1分、Agoda 8.6分、Trip.com 9.0分
即睇lyf 福岡天神酒店優惠！→
Agoda / Trip.com / Expedia
3. 福岡天神昆泰莎漫畫書酒店 (Quintessa Hotel Fukuoka Tenjin Comic & Books)
動漫迷注意！福岡天神昆泰莎漫畫書酒店 (Quintessa Hotel Fukuoka Tenjin Comic & Books)大堂有成8,000本漫畫任睇！住客可以隨便拎返房慢慢睇（主要係日文，但氣氛一流）。酒店仲提供免費飲品Bar。房間係典型商務酒店格局，乾淨整齊。價錢通常好實惠，如果你去旅行鍾意Hea下，呢度好啱你。
- 🚊交通：地鐵天神站步行約2分鐘
- 💰每晚房價：約HK$400 – $700
- 里先生短評：平！漫畫放題同Free Drink係大亮點。不過酒店前身係比較舊嘅酒店翻新，所以硬件（如冷氣、浴室）唔會太新，對設施有要求要考慮下。
- 評價：Google 4.2分、Agoda 8.5分、Trip.com 8.7分
即睇福岡天神昆泰莎漫畫書酒店優惠！→
Agoda / Trip.com / Expedia
福岡天神酒店推介︱中價舒適 (HK$800 – $1,200)
4. 里士滿天神西通酒店 (Richmond Hotel Tenjin Nishi-Dori)
如果你鍾意購物，里士滿天神西通酒店 (Richmond Hotel Tenjin Nishi-Dori)就係你福岡住宿首選！位於天神西通（Nishi-Dori），樓下就係Royal Host，對面係岩田屋，行兩步就係藥妝店同一蘭拉麵。Richmond Hotel 出名服務好、房間乾淨、床舒服。雖然冇花巧嘅裝潢，行實用樸素路線，回頭率極高。
- 🚊交通：地鐵天神站步行約3分鐘
- 💰每晚房價：約HK$850 – $1,200
- 里先生短評：位置極靚，一落樓就係Shopping戰區，買完嘢放返房好方便。連鎖品牌質素穩定。缺點係西通夜晚比較熱鬧，如果你極度怕嘈，低層房可能會有影響。
- 評價：Google 4.4分、Agoda 8.3分、Trip.com 9.1分
即睇里士滿天神西通酒店優惠！→
Agoda / Trip.com / Expedia
5. BFH福岡天神 (The BREAKFAST HOTEL)
BFH福岡天神 (The BREAKFAST HOTEL)個名都話咗你知，呢間酒店嘅靈魂係「早餐」！被評為福岡最好食早餐之一，主打極豪華嘅海鮮丼、博多地道美食，甚至有朝早就有得食嘅牛扒！Threads 上面個個都係Po佢個早餐。因為太紅，房價升咗少少，但為咗餐飯絕對值得住一晚！
- 🚊交通：地鐵天神站步行約5分鐘
- 💰每晚房價：約HK$900 – $1,300 (包早餐)
- 里先生短評：早餐真係無敵，想食好西必住。但房間偏細，典型商務格局，加上因為太紅，朝早食早餐可能要排隊或者人多比較嘈。
- 評價：Google 4.1分、Agoda 8.5分、Trip.com 8.7分
即睇BFH福岡天神優惠！→
Agoda / Trip.com / Expedia
6. 福岡天神日航城市酒店 (Hotel JAL City Fukuoka Tenjin)
福岡天神日航城市酒店 (Hotel JAL City Fukuoka Tenjin)係日航（JAL）旗下嘅酒店，質素非常有保證。2019年開業，設施依然好新淨。房間設計簡約得黎有高級感，插頭位夠多，浴室水壓夠猛。佢位置喺赤坂站同天神站中間，去大名區（Daimyo）行街超級近，附近好多文青咖啡店同潮牌店。
- 🚊交通：地鐵赤坂站步行1分鐘 / 天神站步行8分鐘
- 💰每晚房價：約HK$800 – $1,100
- 里先生短評：JAL管理夠穩陣，房間Detail位做得好（例如浴室）。但要留意佢其實近赤坂站多過天神站，行去天神中心要大約8-10分鐘，勝在環境較靜。
- 評價：Google 4.3分、Agoda 8.6分、Trip.com 9.0分
即睇福岡天神日航城市酒店優惠！→
Agoda / Trip.com / Expedia
7. 福岡天神東急STAY酒店 (Tokyu Stay Fukuoka Tenjin)
福岡天神東急STAY酒店 (Tokyu Stay Fukuoka Tenjin)係親子遊或長住必選！ Tokyu Stay系列最出名就係房內有洗衣乾衣機同微波爐！唔駛帶咁多衫去旅行，夜晚買宵夜返黎叮熱食又得。位置喺春吉，雖然離地鐵站行多兩步，但去Bic Camera同大丸百貨好近，CP值好高。
- 🚊交通：地鐵天神南站步行約3分鐘
- 💰每晚房價：約HK$700 – $1,000
- 里先生短評：房內有洗衣機係無敵優點，去幾日旅行唔使帶咁多衫。不過要注意Tokyu Stay嘅執房政策通常係「簡易清掃」（唔會日日大執），介意嘅話要留意。
- 評價：Google 4.4分、Agoda 8.8分、Trip.com 9.1分
即睇福岡天神東急STAY酒店優惠！→
Agoda / Trip.com / Expedia
8. Cross Life 博多天神 (Cross Life Hakata Tenjin)
Cross Life 博多天神 (Cross Life Hakata Tenjin)係2022年先開嘅新酒店，行年輕型格路線！大堂個巨型數碼藝術牆係必影位。房間雖然唔算極大，但設計好聰明，用盡每一寸空間。酒店仲設有大浴場，行完街可以浸個靚浴。位置喺春吉區，去天神南或者中洲屋台都好方便。
- 🚊交通：地鐵天神南站步行約5分鐘
- 💰每晚房價：約HK$750 – $1,100
- 里先生短評：設計好潮，打卡一流，有大浴場加分。位置比較尷尬，喺天神同博多中間（春吉），去地鐵站要行一段路，附近多居酒屋同Nightlife，夜晚出入要注意少少。
- 評價：Google 4.4分、Agoda 8.8分、Trip.com 8.9分
即睇Cross Life 博多天神優惠！→
Agoda / Trip.com / Expedia
福岡天神酒店推介︱奢華享受 (HK$1,200+)
9. 福岡麗思卡爾頓酒店 (The Ritz-Carlton, Fukuoka)
講到福岡最Top嘅酒店，一定係2023年開幕嘅福岡麗思卡爾頓酒店 (The Ritz-Carlton, Fukuoka)！位於Fukuoka Daimyo Garden City，酒店大堂喺18樓，房間更加係喺19至23樓，居高臨下可以飽覽福岡市景同博多灣海景。房間大到不得了（50平方米起跳），設計融合咗博多織等傳統工藝，奢華得嚟好有質感。想慶祝紀念日或者豪遊福岡，呢間係天花板之選！
- 🚊交通：地鐵天神站步行約5分鐘 / 赤坂站步行3分鐘
- 💰每晚房價：約HK$4,500 – $6,000
- 里先生短評：福岡目前最頂級酒店，景觀同服務無可挑剔，預算夠就直去。缺點係價錢極貴，而且位置喺大名區，離天神中心商場要行多幾分鐘。【里先生真實體驗：福岡麗思卡爾頓酒店】
- 評價：Google 4.4分、Agoda 9.3分、Trip.com 9.5分
即睇福岡麗思卡爾頓酒店優惠！→
Agoda / Trip.com / Expedia
10. 福岡休雷克蓋特酒店 (THE GATE HOTEL FUKUOKA by HULIC)
福岡休雷克蓋特酒店 (THE GATE HOTEL FUKUOKA by HULIC)係近年好評如潮嘅福岡天神酒店！位置極佳，就在天神站附近，樓下就係超市同藥妝店。最大賣點係佢嘅Lobby同Lounge，氣氛極好，設計時尚優雅。房間空間感足夠，浴室乾濕分離做得好好。早餐非常精緻，唔係一般大路貨色，好多住客都讚不絕口！
- 🚊交通：地鐵天神站步行約3分鐘
- 💰每晚房價：約HK$1,300 – $2,000
- 里先生短評：位置無敵方便，樓下有超市大大加分。Lobby 靚到嘩一聲，早餐好食。唯一缺點係入口比較隱蔽（要搭𨋢上），同埋價錢以四星黎講略高。
- 評價：Google 4.6分、Agoda 9.3分、Trip.com 9.5分
即睇福岡休雷克蓋特酒店優惠！→
Agoda / Trip.com / Expedia
11. 福岡一號酒店 (ONE FUKUOKA HOTEL)
福岡一號酒店 (ONE FUKUOKA HOTEL)位於天神最新地標項目內，係目前討論度極高嘅福岡新酒店。主打現代奢華風格，地理位置無敵，連接著天神地下街，打風落雨都唔怕。酒店設施極新，特別適合鍾意住新酒店嘅朋友，絕對係接下來福岡天神最Hit嘅住宿之一！
- 🚊交通：地鐵天神站直達 (連接地下街)
- 💰每晚房價：約HK$1,500 – $2,500 (視乎季節)
- 里先生短評：贏在最新同地段，直通地下街方便程度爆燈。不過因為係全新地標，價錢會有啲「虛高」，同埋新酒店Service磨合期可能需時。
- 評價：Google 4.4分、Agoda 9.3分、Trip.com 9.5分
即睇福岡一號酒店優惠！→
Agoda / Trip.com / Expedia
12. 福岡蒙特利酒店 (Hotel Monterey Fukuoka)
雖然唔係最新，但福岡蒙特利酒店 (Hotel Monterey Fukuoka)一直保持住好高嘅水準。酒店行歐洲古典風格，雖然有少少復古味，但勝在保養得好，而且有桑拿大浴場！行完一日街返黎可以浸浴真係好爽。位置喺渡邊通附近，行去天神南好近，附近好多好食嘅居酒屋。
- 🚊交通：地鐵渡邊通站步行2分鐘 / 天神南站步行5分鐘
- 💰每晚房價：約HK$900 – $1,400
- 里先生短評：有大浴場係最大加分位！房價比正天神區平少少，性價比高。不過裝修風格偏古典（舊式），如果你鍾意Modern Style就未必啱。
- 評價：Google 4.4分、Agoda 8.9分、Trip.com 9.0分
即睇福岡蒙特利酒店優惠！→
Agoda / Trip.com / Expedia
福岡酒店推介合集
福岡天神酒店常見問題
1. 第一次去福岡，住博多定天神好？
如果第一次去福岡嘅話，鍾意行街、食屋台、感受年輕氣息就住天神；如果要頻繁搭新幹線去其他城市（如熊本、鹿兒島），住博多站會方便少少。但天神搭地鐵去博多其實都係6分鐘，所以我私心推介住天神！
2. 邊間天神酒店最適合親子遊？
天神酒店最適合親子遊推薦 福岡天神東急STAY酒店（有洗衣機方便洗小朋友衫）或者 福岡麗思卡爾頓酒店（空間大、服務好）。
3. 福岡酒店房價大約幾多？
福岡酒店房價平日淡季 HK$500 左右已經有交易，但櫻花季或紅葉季，或者周末，房價會貴3-4成，建議提早2-3個月Book定！
