日圓匯率跌破5算持續低水，唔少人都心郁郁想唱定啲日圓做外匯買賣或者等下次出門用。但係要點唱同喺邊到唱先係最抵？
坊間一直流傳唱錢攻略「喺找換店唱Yen一定最平」，為咗打破呢個迷思，我喺唔同嘅日元找換店同埋銀行搵咗11月24日嘅實時買入外匯價，發現HSBC滙豐銀行做緊嘅外匯優惠竟然做到咁低，甚至比要排長龍嘅「神級」找換店更著數。除咗匯率抵啲之外，如果唔去ATM撳錢，配合埋HSBC Mastercard扣賬卡(Debit Card)喺海外消費可以做到0手續費+賺0.4%回贈，就可以慳得更多。我自己就比較鐘意用外幣信用卡，識避外幣信用卡手續費或者搵張高回贈卡一般都會更著數。如想了解唱Yen實測內容，即睇以下詳細攻略啦！
換日元匯率實測：銀行 vs 找換店大比拼
好多人唱錢都習慣去重慶大廈、中環或者深水埗嘅找換店排隊，但到底喺銀行換日元係咪真係比較貴？我哋就喺2025年11月24日進行咗1次實測，比較各大銀行及熱門日元找換店嘅匯率。
結果都幾驚喜！HSBC滙豐銀行配合埋近期推出嘅「外滙買賣差價低至一折優惠」以及「外滙折扣券」，匯率竟然係全場最抵：
| 兌換渠道 | 日圓匯率 (每100 JPY) | 歐元 | 英鎊 | 澳元 | 備註 |
|---|---|---|---|---|---|
| 滙豐銀行 (HSBC) | 4.9690 | 9.0134 | 10.2508 | 5.0550 | 日元匯率為已使用7折外匯折扣券後之電匯價；其他貨幣未用 |
| 小女孩找換店 | 4.9787 | 8.9829 | 10.2241 | 5.0420 | 坊間熱門找換店 |
| 發達鳥找換店 | 4.9980 | 9.0000 | 10.2250 | 5.0700 | 坊間熱門找換店 |
| 花旗銀行 | 4.9950 | 9.0144 | 10.2509 | 5.0578 | 電匯價 |
| 中銀香港 | 5.0020 | 9.0237 | 10.2641 | 5.0682 | 電匯價 |
| 渣打銀行 | 5.0061 | 9.0331 | 10.2711 | 5.0673 | 電匯價 |
(以上數據截至2025年11月24日，僅供參考，匯率隨市場波動)
從上面嘅實測結果見到，HSBC嘅日圓匯率低至4.9690，比坊間公認最抵嘅找換店「小女孩」嘅匯率4.9787仲要低，可以睇到優惠期內喺銀行唱Yen絕對有優勢，而且只需要透過網上銀行/App按幾個掣就換到，唔使再特登搭車或者請假去排隊，慳水慳力慳時間！
限時！滙豐外幣兌換優惠詳情
而家滙豐銀行客戶透過網上銀行或HSBC App兌換外幣仲可享額外3重優惠！
1. 低至1折銀行成本價
喺網上兌換外幣即享外匯買賣差價低至1折優惠，即係相等於用接近銀行成本價嚟兌換外幣！
2. 攞埋「外匯折扣券」慳多啲
而家登入HSBC HK App仲可以領取你專屬嘅「外匯折扣券」！每個人得到嘅外匯折扣都唔同，一用即減，享折上折優惠！
3. 直接用HSBC Mastercard® Debit Card賺多0.4%回贈
唱定外幣入落滙豐戶口，除咗可以去當地HSBC ATM機免手續費撳錢，仲可以用HSBC Mastercard® Debit Card喺海外交易直接扣返外幣戶口，無外幣交易手續費之餘仲可以賺多0.4%回贈！咁就可以旅行Shopping嘅同時慳得更多！
外幣兌換迎新優惠：全新外幣兌換客戶享最高HK$500回贈
今期全新外幣兌換客戶喺網上兌換外幣，每累積兌換滿HK$50,000(或等值)，更可享HK$50現金回贈，每人最高可享HK$500回贈！
滙豐外幣兌換優勢
滙豐銀行客戶可以透過網上銀行或HSBC App兌換美元、人民幣等11種指定外幣。喺唱錢嘅時候你可以睇埋「外匯透視」，了解咗近期嘅外匯走勢先再作決定。你仲可以set定目標價同到期日，只要嗰個貨幣喺到期日前到達目標價，系統就會自動幫你兌換/以手機或電郵通知你，咁你就唔使時刻都要mon住個匯率走勢啦！
全新外幣兌換客戶指於2025年1月1日至2025年10月31日未有經本行兌換外幣之客戶。
優惠受條款及細則約束。
HSBC Mastercard® Debit Card 海外簽賬/提款攻略
唱咗靚價外幣之後有咩用？除咗放喺戶口做外匯買賣，仲可以等下次旅行再用！相比起帶大量現鈔，用HSBC Mastercard® Debit Card喺海外簽賬/提款指定11種貨幣都會直接扣除滙豐外幣戶口結餘，隨時隨地都可以用到之前唱定嘅外幣，無外幣交易手續費之餘仲可以賺多0.4%回贈！
1. 海外簽賬：直接扣外幣 + 無上限0.4%回贈
喺海外Shopping或食飯，直接用HSBC扣賬卡簽賬，系統會自動由你嘅HSBC外幣戶口直接扣數。
- 0%手續費：因為係直接扣外幣，所以不涉及外幣交易手續費。
- 0.4%現金回贈：每次消費再賺無上限0.4%回贈。
2. 海外提款：HSBC Global ATM Network 免手續費
雖然而家電子支付好方便，但喺外地點都需要一啲現金嚟防身。
- 全球滙豐ATM免手續費：喺海外滙豐集團旗下嘅ATM提款完全免手續費。
- Mastercard/Cirrus ATM：就算當地無滙豐ATM，你都可以喺貼有Mastercard/Cirrus標誌嘅ATM提款。雖然可能會有手續費，但勝在方便，而且用嘅外幣都係你預先唱定嘅靚價外幣，唔使再擔心臨時喺當地找換店唱錢要捱貴匯率。
提示：海外簽賬/提款3大注意事項
出發前，記得留意以下3點，避免被收取不必要嘅手續費用：
1. 啟動「海外提款限額」
好多朋友試過去到海外先發現無法提款，因為金管局規定所有香港提款卡嘅海外提款功能都係預設為「未啟動」或海外提款限額為「零」。所以出發前記得登入網上理財設定「海外提款限額」同埋生效日期。
2. 提防DCC陷阱：永遠揀當地貨幣
喺海外碌卡，有時候店員可能會問你想用港幣定係當地貨幣結算。記住1個定律：喺海外簽賬一定要揀當地貨幣！如果揀咗港幣，商家會用動態貨幣轉換(DCC)嘅即時匯率，用唔到預先唱定嘅靚價外幣之餘，DCC匯率通常都會比銀行匯率貴3-8%。
3. 預留充足外幣餘額
大部份扣賬卡，包括HSBC Mastercard® Debit Card嘅扣賬邏輯係「全額扣除」。建議應預留5-10%嘅緩衝資金喺外幣戶口，確保交易可以順利直接扣除指定外幣，避免因餘額不足而觸發自動兌換(可能會按即時匯率以港幣結算)。
