【雅高臻享卡+Accor Plus快速升白金】買會籍拎50房晚快速升白金卡！微信小程序購買臻享卡送30個房晚 + 1,000雅高積分！

先前一路係咁推大家用HSBC EveryMile卡RC兌換Accor雅高會員積分，因為真係好抵，做promo果陣1RC可以當HK$5咁樣去用(HSBC Accor優惠)，而當時好多讀者試過覺得抵玩後都問我要唔要買埋Accor的付款會籍(如臻享卡或A+)，嗰時我都無細心再研究無講太多，但啱啱發現咗個玩法相當抵，可以極速升上Accor白金，咁入住就可以享受2人早餐(亞太區酒店)及行政酒廊福利(未必間間酒店有Lounge)！

簡單嚟講，跟住步驟做啫係咁可以由Accor白板直上Accor白金：

1. 於微信小程序購買雅高臻享卡超悅版，人民幣2,388/年包2晚免房券，買完即收30房晚→ 購買連結(需要用已有WeChat的手機)/以微信掃描以下二維碼
   (建議大家用雅高Accor會員嘅email登入。因為用微信小程序有機會會將晚數掛咗去綁定微信嘅手機號碼到，咁嘅話就無辦法將所有晚數group埋落同一個account)
   

   建議大家用雅高Accor會員嘅email登入WeChat小程序。因為用微信小程序有機會會將晚數掛咗去綁定微信嘅手機號碼到，咁嘅話就無辦法將所有晚數group埋落同一個account會出事。

2. 以HK$1,588購買Accor Plus或以12,000積分抵扣(以HSBC EveryMile卡RC兌換只需$600RC)，按條款於一個月內收到20房晚(實測好快就收到)→ 購買連結
3. 以上已經有50晚，個人建議係自行換房住埋呢10晚，房券都已經送咗3晚*俾你如果7晚都住唔到我諗都無乜必要攞白金了😅

*註：留意返就咁用房券唔當一個status房晚的，要有少少消費(如餐飲等)入房賬先會計算到房晚，每次消費額最少需要10歐(約HK$90)！

跟以上方法做就可以極速儲夠60晚，入住Accor酒店可以享受2人早餐及行政酒廊福利！留意以上請跟返步驟，先於微信小程序購買雅高臻享卡超悅版，之後先買Accor+，免得影響加疊房晚入賬。

雅高高階會員福利(金卡/白金卡)

我都不在此詳述了，簡單嚟講金卡多咗Earlier checkin or checkin out，upgrade會易咗。上到白金的話可以享受2人早餐(亞太區酒店)及行政酒廊福利(未必間間酒店有Lounge)，仲有送2張套房券

詳情：https://all.accor.com/loyalty-program/cards-status-benefits-details/index.zh.shtml

房券適用酒店：

雅高臻享卡嘅房券適用於香港、澳門、大陸地區嘅酒店，但不包括深圳鵬瑞萊佛士酒店、上海費爾蒙和平飯店、澳門銀河萊佛士酒店，詳情可以睇返以下清單。

雅高臻享卡完整酒店適用清單：清單

Accor Plus嘅房券適用於有參與stay plus嘅亞太區酒店(澳洲、柬埔寨、中國、斐濟、法屬玻里尼西亞、香港、印度、印尼、日本、老撾、澳門、馬來西亞、馬爾代夫、蒙古、緬甸、紐西蘭、菲律賓、新加坡、南韓、台灣、泰國、越南)。詳細嘅適用方法可以睇返下文。Accor Plus房券使用教學

---

雅高臻享卡+Accor Plus快速升白金(按入向下彈)

• 第一部分：雅高快速升白金 實測
• 第二部分：雅高臻享卡介紹
• 第三部分：雅高臻享卡購買教學
• 第四部分：雅高臻享卡使用教學
• 第五部分：Accor Plus房券使用教學

---

雅高快速升白金 實測

實測結果4月15日同時購買及激活雅高臻享卡同Accor Plus，之後隔咗10分鐘左右雅高臻享卡嘅30個晚數已經誌賬到雅高會員戶口到；Accor Plus嘅20個晚數就要第二日先誌賬到。

實測嘅雅高Accor戶口本身淨係住咗10晚，係銀卡會員。買完雅高臻享卡同Accor Plus之後晚數就去到60個，可以直升白金卡會員！

---

雅高臻享卡介紹

咁多雅高付費會籍，內地版嘅雅高臻享卡現時做優惠直送30房晚抵，一買咗後基本上已經直升雅高金卡！

即日起至4月30日，只要透過微信小程序購買雅高臻享卡，除咗可享優惠價之外，仲可以獲得以下禮遇：

雅高臻享卡級別	額外禮遇
雅高臻享卡歡悅版(￥388/年)	5個房晚
雅高臻享卡卓悅版(￥1,388/年，原價￥1,488/年)	20個房晚(即獲享雅高銀卡級別)
雅高臻享卡超悅版(￥2,388/年，原價￥2,688/年)	30個房晚(即獲享雅高金卡級別) + 1,000雅高積分

獲得雅高臻享卡之後，Accor雅高除咗會送你房晚同積分之外，仲有一系列優惠券同禮遇等福利送俾你。

雖然咁多嘢送，但你其實基本上只睇2張免房券已經足夠你回本￥2,388！如果你唔打算返內地玩，都可以用係香港或澳門，2張房券你住下已經回本。如果去大陸玩的話住下Sofitel等貴價酒店真是輕易回本。

香港

• AKI Hong Kong – MGallery
• The Silveri Hong Kong – MGallery

澳門

• Sofitel Macau at Ponte 16

雅高臻享卡完整酒店適用清單：清單

雅高臻享卡級別	優惠券及禮遇
	客房禮遇	餐飲禮遇	其他禮遇
雅高臻享卡歡悅版	6折房價折扣券X1 7折房價折扣券X2 延遲退房券X1	酒店餐廳低至5折自助餐券X2 餐廳7折券X1	–
雅高臻享卡卓悅版	免費房券X1 5折房價折扣券X2 7折房價折扣券X2 客房升等券X3 延遲退房券X2	酒店餐廳低至5折自助餐券X5 餐廳7折券X5 下午茶5折券X2 紅酒1瓶券X1 1磅蛋糕券X1	SPA 7折券X1 兩小時會議室使用券X1 乾洗及熨燙券X5 行政酒廊禮遇券X1
雅高臻享卡超悅版	免費房券X2 5折房價折扣券X2 7折房價折扣券X2 客房升等券X3 延遲退房券X2 房價額外9折房價折扣券全年多次任用	免費早餐券X4 酒店餐廳低至5折自助餐券全年多次任用(一天最多3次) 餐廳7折券X5 下午茶5折券X2 紅酒1瓶券X1 1磅蛋糕券X1	SPA 7折券X1 兩小時會議室使用券X1 乾洗及熨燙券X5 行政酒廊禮遇券X2

以上優惠券同禮遇等福利適用於香港、澳門、大陸地區嘅酒店，但不包括深圳鵬瑞萊佛士酒店、上海費爾蒙和平飯店、澳門銀河萊佛士酒店。

---

雅高臻享卡購買教學

1. 首先用微信掃描下圖右下角嘅二維碼進入「雅高」小程序

2. 掃描二維碼後你會直接進入臻享卡購買頁面(下圖)。不過你需要先將你嘅雅高Accor會員帳號綁定到小程序上先可以獲得禮遇。點選右下角「我的」進行綁定(下圖紅框)。

3. 點選「我的」之後會進入以下頁面。之後再點選「登入/註冊」，輸入你嘅戶口資料。(建議大家用雅高Accor會員嘅email登入。因為用微信小程序有機會會將晚數掛咗去綁定微信嘅手機號碼到，咁嘅話就無辦法將所有晚數group埋落同一個account)

4. 登入雅高Accor帳戶後，喺頁面下方揀返「臻享卡」去返臻享卡購買頁面。選擇你想購買嘅臻享卡版本，再點選「前往購買」。之後你會見到張卡嘅簡介同埋所有禮遇詳情(如下圖)。以下步驟會用超悅版嚟做示範。

5. 之後揀選「立即購買」，就會進入以下確認頁面。確認價錢無問題及同意條款，再揀選「立即購買」。

6. 之後進入付款頁面。香港用戶可以直接用WeChat Pay HK嚟進行付款，毋須綁定大陸微信支付。WeChat會即時幫你兌換成港幣結算，所以你可以見到港幣價格。確認無問題就點選「立即付款」。

7. 付款完成後臻享卡會即時到手，你可以選擇是否即時激活。臻享卡未激活都可以進行退款，但只要一激活就無法進行任何退款。要留意返臻享卡會自動係購買後22日自動激活。

---

雅高臻享卡使用教學

1. 進入「雅高」小程序後喺頁面下方揀返「臻享卡」，你就會見到你所購買嘅臻享卡。點選「立即享用」(下圖紅框)你就會睇到自己戶口裡面嘅權益券。

2. 揀返你想用嘅權益券，直接係點選「使用」就會去到相應頁面。

---

Accor Plus房券使用教學

1. 首先進入Accor官網，並登入你的雅高Accor會員帳號。登入後在搜尋酒店的下方會詢問你是否使用房券或客房升等券。(Stay Plus就係房券，Suite Night Upgrade就係客房升等券)

2. 輸入想去嘅城市後去到酒店搜尋結果頁面，見到Stay Plus(下圖紅框)就代表間酒店可以用房券。有時候會見到價錢，即係代表要俾少少附加費先可以住嗰間酒店。原因可能係呢間酒店用Stay Plus本身就需要俾附加費，或者基本房full咗，需要補錢去住比較高級嘅房。

3. 揀好酒店之後點選「See the hotel」，跟住嘅步驟就同平時book房一樣了。

---