【AE白金卡The Ritz-Carlton行政酒廊體驗】3小時HK$680/位點樣最抵玩？

我啱啱用咗AE白金卡付費體驗，去咗麗思卡爾頓酒店(The Ritz-Carlton Hong Kong)嘅行政酒廊，每玩3小時承惠HK$680/位。每位持卡人可以連同3位客人一同進入Lounge。

正常嚟講呢個Ritz Carlton Lounge只係俾入住行政房/套房既住客用，但係美國運通就去傾咗呢個優惠返嚟，即使你唔係住客都好，有AE白金卡或AE Centurion卡都可以預訂及付費體驗下呢個5星級Club Lounge。抵唔抵就見仁見智，我就覺得梗有Card members會啱用，約咗客人要傾嘢又或者同另一半去坐下靜靜地欣賞下風景傾下計飲下嘢都好用，AE傾到返嚟其實都幾威。

因為時間所限每次只得3小時玩，我就揀咗4PM入去，可以坐到7PM試到2個sessions：

• 下午茶
• 晚餐及Happy Hour

酒精飲品全日供應，現時有支Moet香檳任你飲。今次親身去食完我覺得都幾唔錯，唯一要comment既係支香檳可以雪得凍啲會更加好，哈哈。

HK$680(每人)唔係平，今時今日要食個星級lunch相信都足夠。不過體驗嚟講去全港最高酒店The Ritz Carlton Lounge玩半日的話我覺得係有佢賣點的，Amex傾到呢啲deal返嚟俾Card members我係支持的。

AE白金卡年費係要HK$9,500，但今期限時迎新有額外仲回返hotel credit/dining credit HK$4,200簽賬回贈，想出卡的話係玩得過的。

AE白金卡The Ritz-Carlton Club優惠詳情

• 優惠期：即日起至2025年4月16日
• 憑AE白金卡可以HK$680(每人)預約進入Ritz Carlton行政酒廊：
  • 早上時段：上午7時至下午2時
  • 下午時段：下午3時至晚上10時
  • 預訂：致電 2263 2026 聯絡香港麗思卡爾頓酒店行政酒廊禮賓員
  • 我個人經驗係先打電話去預訂，職員會問你攞返AE白金卡既卡號及到期日做Gurantee Booking，仲好細心問我有無特別慶祝活動例如生日或紀念日等，會安排返個蛋糕
• 合資格卡會員每次可攜同3位賓客享用會所設施，並且每節可連續使用3小時
• 設施必須於48小時前預訂：我自己跟返條款所講係48小時前預訂的，但我多口門職員其實如果Club Lounge唔爆的話即日打去問都可以俾你入
• 卡會員在任何時間只能持有最多2個預訂時段

The Ritz-Carlton行政酒廊餐飲供應時段：

早餐	上午 7 時至上午 10 時30分
早餐 (星期六、日及公眾假期延至11時正)	上午 7 時至上午 11時
輕盈午餐	中午 12 時至下午2時
下午茶	下午 3 時至5 時
晚間小食	晚上 6 時至 8 時
晚間甜點	晚上 8 時30分至 10 時

詳情：https://www.americanexpress.com/zh-hk/benefits/offers/lifestyle/ritz-carlton-lounge/index.html

The Ritz-Carlton行政酒廊體驗

正如以上所講，時間所限每次有3小時玩，我就揀咗4PM入去，坐到7PM試到2個sessions：

• 下午茶
• 晚餐及Happy Hour

一去到ICC The Ritz-Carlton就搭電梯上116樓，中途要轉Lift，無需要房卡都可以上到去

入到去The Ritz-Carlton Lounge職員會安排坐低，問你飲咩先，跟住就問你攞返張AE白金卡做咗Payment先，大家知我玩開Marriott Bonvoy咁我順手問埋有無得儲分，咁答案係無既。我見周圍都係叉電位，如果要飲個地方工作傾嘢都得

周圍行下，其實成個Lounge基本上隨便搵個位都可以睇到好靚既景色，咁我去到果時唔多人，好快職員就可以安排我去返個望維港既角落位到坐

成個Lounge都幾大，大部份都係Leisure位，有工作區可以用，另外仲有會議室可以book (另外付費)

全日咖啡茶，酒水香檳都係Free Flow，另外仲有鮮榨果汁，我飲咗杯橙汁相當Fresh

下午茶會用返層架咁上，配合埋現場116樓既景色，的確係不同體驗，唔係其他酒店tea可以比擬的

職員都係attentive，其間不斷幫我Fill香檳。下午茶個咸點好食，我去果日係魚子醬+鰻魚既小點心同埋黑松露三文治

入夜個Lounge感覺都幾Warm

6PM就開始晚餐時段，有水果沙律前菜，仲有煙吞拿魚同埋迷李三文魚子飯

湯有西式洋蔥湯同肉骨茶，主菜有幾款包括龍脷柳同鴨胸，仲有多款芝士。我自己其實下午茶都食到幾飽，晚餐時段都係試少少食下水果。味道我覺得正常，不過不失又唔覺得特別好食

飲多兩杯欣賞下夜景，坐到6點半左右就夠鐘下場

AE RITZ CARLTON新福利｜常見問題

AE RITZ CARLTON禮遇做到幾時？

答：AE RITZ CARLTON禮遇2024年4月17日至2025年4月16日。

AE RITZ CARLTON新福利可唔可以帶其他人一齊去？

答：可以，每位Cardholder可以連同3位客人一同進入Lounge。

AE RITZ CARLTON新福利｜條款及細則

• 合資格卡會員（定義見本條款第2條）於推廣期內可付費進入位於香港柯士甸道西1號 116/F的Club Lounge（下稱「行政酒廊」）及使用其設施，包括餐飲供應（「禮遇」）。
• 推廣期內，合資格卡會員的進場費用必須使用由美國運通國際股份有限公司（「美國運通」）於香港簽發的Centurion^®卡或美國運通白金卡（「合資格卡」）全數簽賬。該禮遇適用於合資格卡基本卡及附屬卡會員（「合資格卡會員」）。
• 此禮遇適用於2024年4月 17 日至 2025年 4月 16 日（首尾兩天均包括在內）（「禮遇推廣期」）。
• 禮遇不適用於以下日子：2024年4月30日；5月1日；6月8-10日及29-31日；7月1日；9月30日；10月1日；12月23-31日及2025年1月1-2日及29-31日；2月1-2日。
• 禮遇不適用於所有由香港特別行政區政府舉辦之煙花匯演夜。
• 行政酒廊每天提供兩個時段給合資格卡會員預訂， 分為上午時段（上午7時至下午2時）或下午時段（下午3時至晚上10時）。在每個時段各有六個名額可供預訂，從進入行政酒廊的時間開始計算，合資格卡會員可以連續使用行政酒廊三（3）小時。上午時段最後預訂時間是上午11時，下午時段最後預訂時間是晚上7時。行政酒廊餐飲供應時段如下:

早餐	上午 7 時至上午 10 時30分
早餐 (星期六、日及公眾假期延至11時正)	上午 7 時至上午 11時
輕盈午餐	中午 12 時至下午2時
下午茶	下午 3 時至5 時
晚間小食	晚上 6 時至 8 時
晚間甜點	晚上 8 時30分至 10 時

行政酒廊餐飲供應將定期更新，恕不另行通知。

• 合資格卡會員在任何時間只能持有最多兩（2）個預訂時段。預訂最長為使用日期2個月內。
• 合資格卡會員可以在同一天預訂上午和下午時段，但每個時段的費用需分別計算。
• 如欲享用此禮遇，合資格卡會員必須於到訪前至少四十八（48）小時透過香港麗思卡爾頓酒店行政酒廊禮賓員預訂，電話號碼為+852 2263 2026，預訂時間為上午7時至晚上9時，預訂須視乎情況而定。
• 合資格卡會員在預訂時必須向行政酒廊禮賓員提供合資格卡卡號。若未有出席，將向合資格卡會員收取罰款HK$550（使用 Centurion卡的預訂）/HK$680（使用美國運通白金卡的預訂），恕不向合資格會員提前通知。
• 合資格卡會員可以在預訂日期和時間前的二十四小時（24）內取消預訂。如未能於24小時內取消，將向合資格卡會員收取罰款HK$550（使用 Centurion卡的預訂）/HK$680（使用美國運通白金卡的預訂），恕不向合資格會員提前通知。
• 為免生疑問，如合資格卡會員取消預訂，其同行客人之預訂亦將一併取消。
• 每天有十二（12）個名額可供合資格卡會員到訪及使用行政酒廊，預訂須視乎實際情況而定，先到先得，額滿即止。
• 每個合資格卡會員每次最多可攜帶三（3）名同行客人到訪，合資格卡會員必須在場，以便其客人享受行政酒廊設施。預訂時段費用如下：

Centurion會員

每位HK$550，按時段收費

美國運通白金卡會員

每位HK$680，按時段收費

私人房間設施的額外費用如下：

美式桌球室/會議室每小時HK$1320；

「圖書館房間」每小時HK$1210。

• 九（9）歲或以下的兒童歡迎於晚上8 時前到訪行政酒廊。晚上8 時後，將不允許兒童進入行政酒廊。
• 到訪行政酒廊的客人必須遵守休閒正裝的著裝規定。
• 合資格卡會員必須使用合資格卡結算，任何與此禮遇相關的費用並作為預訂的保證。
• 合資格卡會員抵達行政酒廊時，必須向香港麗思卡爾頓酒店的工作人員出示合資格卡以進行驗證及付款結算，確認後方可進入及使用設施。
• 行政酒廊提供的所有食品和飲料僅供在場內消費，不允許外帶/打包食品和飲料。
• 根據香港法例，不得在業務過程中向18歲以下人士售賣或供應令人醺醉的酒類。員工保留權利於款待或出售含酒精飲品時要求任何人士出示身份證明文件。
• 此禮遇不可轉讓、不可兌換成現金或與其他推廣優惠或折扣同時使用。
• 香港麗思卡爾頓酒店保留以公共衛生和安全為由，拒絕任何合資格卡會員或客人進入設施之權利。
• 合資格卡會員及其同行客人是否享有及/或使用禮遇須由美國運通及香港麗思卡爾頓酒店酌情決定。
• 所有產品、服務、諮詢及建議均由香港麗思卡爾頓酒店負責提供予會員。美國運通並非上述服務及/或相關產品之供應者，亦不對其作出任何表述或保證。
• 因使用禮遇（包括但不限於直接或間接） 而造成的損失或破壞，或人身傷害，美國運通概不負責，法律規定之責任除外。
• 如有任何與此禮遇相關的查詢，請致電卡片背面顯示的24小時熱線或客户服務熱線2277 1010查詢。
• 美國運通及香港麗思卡爾頓酒店保留隨時更改本條款及細則、暫停或終止禮遇之權利，恕不另行通知。
• 如有任何爭議，美國運通及香港麗思卡爾頓酒店保留最終決定權。
• 本條款及細則之英、中文版本如有任何差異，一概以英文版本為準。