國泰航空推出限時美國轉機優惠！而家只要乘搭國泰航空前往美國任一國泰航點，再轉機前往其他美國城市即享折扣票價優惠！國泰喺美國有6個航點，分別係：三藩市、波士頓、洛杉磯、紐約、芝加哥、達拉斯。換言之搭國泰經呢6個國泰航點轉機都可享今次優惠！

今次優惠正嘅位係可以揀其他航空公司轉內陸機去其他美國城市，例如美國航空同聯合航空喺美國都擁有好多航點，可以覆蓋到大部份美國城市㗎！平時國泰好少做轉機優惠，而今次優惠唔只提供折扣票價，仲提供唔同嘅轉機時間俾大家選擇，等大家無論想快啲同親朋好友見面、或者想探索多個唔同城市都可以。另外達拉斯嘅航班由10月26日起增加到每日一班來回，之後來回美國經達拉斯轉機就更方便啦！如果plan緊會買機票去美國旅遊、探親、shopping嘅朋友，記得上國泰官網買機票享受呢個轉機優惠啦！

國泰美國轉機優惠｜詳情

預訂網址：https://shorturl.at/NaZuO
購買日期：達拉斯：即日起至2025年10月31日、其他航點：即日起至2026年6月30日
旅遊日期：即日起至2025年12月5日、12月23日至31日；2026年1月9日至2月13日、2月20日至6月30日
乘搭國泰航空前往美國任一國泰航點，再轉機前往其他美國城市即享折扣票價優惠！
可以選擇其他航空公司轉內陸機去其他美國城市，例如美國航空/聯合航空於美國擁有眾多航點，可以覆蓋到大部份美國城市！
國泰美國航點：達拉斯、三藩市、洛杉磯、芝加哥、波士頓、紐約
適用優惠的精選城市：
- 經達拉斯轉機：
  - 鳳凰城、奧斯汀、克里夫蘭、奧蘭多、邁阿密、丹佛、休斯頓、費城、華盛頓、土桑、鹽湖城、夏洛特、聖路易斯
- 經三藩市/洛杉磯轉機：
  - 拉斯維加斯、聖地牙哥、鳳凰城、奧斯汀、奧蘭多、邁阿密、丹佛、休斯頓、費城、華盛頓、波特蘭、土桑、鹽湖城、夏洛特、聖路易斯
- 經芝加哥轉機：
  - 奧斯汀、克里夫蘭、奧蘭多、邁阿密、丹佛、休斯頓、費城、華盛頓、鹽湖城、夏洛特、聖路易斯
- 經波士頓/紐約轉機：
  - 克里夫蘭、奧蘭多、邁阿密、費城、華盛頓、夏洛特

國泰美國轉機優惠｜行程推介

實測見到經達拉斯、洛杉磯、三藩市3個地方轉機嘅優惠折扣係做得最多。想知點玩？今次同大家介紹幾個香港無直航嘅美國城市：

國泰美國轉機優惠｜鳳凰城 (經達拉斯轉機，票價低至HK$6,942^起)

嚟到鳳凰城可以去沙漠植物園 (Desert Botanical Garden)探索種類繁多嘅沙漠植物，其中包括巨大仙人掌同埋造型奇特嘅沙漠花卉。
鍾意體驗戶外活動嘅可以試下攀登駝背山 (Camelback Mountain)，俯瞰成個鳳凰城同埋斯科茨代爾 (Scottsdale) 嘅全景。
開車或者參加當地一日遊行程，前往羚羊峽谷 (Antelope Canyon)同埋馬蹄灣 (Horseshoe Bend)，觀賞大峽谷嘅壯麗景色。

國泰美國轉機優惠｜奧斯汀(經達拉斯轉機，票價低至HK$7,442^起)

嚟到德州一定要試下當地出名嘅德州烤肉，奧斯汀係德州烤肉(Texas BBQ)嘅聖地，大家可以試下當地出名嘅Franklin Barbecue，唔想排隊嘅都可以去試下當地嘅特色餐車美食。
鍾意聽live band現場音樂表演嘅，可以沿住第六街 (Sixth Street) 或紅河文化區 (Red River Cultural District) 行，嗰到幾乎每晚都有精彩嘅樂隊演出。
喺市中心嘅國會大道橋(Congress Avenue Bridge)可以睇到數百萬隻蝙蝠傍晚出巢嘅壯觀景象。