出咗機票都係心思思想upgrade？打工仔放假前多數都要chur曬啲project先，但又買咗red eye 航班或者長途機票都想upgrade坐得舒服啲，趁放假俾自己真正休息下！其實國泰一直有個「智選升級 Upgrade Bid」嘅功能，可以以自由定價競投比你機票高一級嘅艙位，舉個例，本身買咗經濟艙就可以upgrade去特選經濟艙，坐位闊落啲，餐飲升級咗，食得飽瞓得好喺飛機差差足電一落機就即刻玩盡佢！
呢個功能嘅性價比其實唔錯又夠彈性，可以係自己可接受嘅budget競投upgrade，幾啱啲出發前臨時決定想坐得舒服啲嘅人。
Upgrade Bid玩法好簡單，只要你張機票符合資格，就可以喺系統提供嘅出價範圍內自由出價bid upgrade的艙位，結果最遲會於出發前24小時通知你係咪bid 中可以成功upgrade。
里先生提埋你！submit咗出價之後，如果仲未收到結果電郵，千祈唔好先辦網上預辦登機！因為一旦完成咗網上check-in，國泰就幫唔到你手升級㗎喇。想等自己成程機坐得闊落啲，食得好啲嘅話，不妨試下呢個功能。
🔥即試Upgrade Bid：https://bit.ly/4sa7l1O
國泰智選升級可以upgrade去邊種客艙？
- 預訂國泰航班符合要求嘅經濟艙及特選經濟艙嘅乘客可以透過upgrade bid 升級：
- 經濟艙 > upgrade特選經濟艙
- 特選經濟艙 > upgrade商務艙
- 如果部份短途航班無特選經濟艙仲可以直接由經濟艙機票upgrade bid去商務艙
點用國泰Upgrade Bid ？
- 首先，喺國泰智選升級網站下方輸入預訂資料，睇下你嘅機票係咪符合upgrade資格。
- 第二步，會跳去顯示航班資料同出價範圍嘅頁面：
- 顯示可升級嘅目標艙位，只可以upgrade一個級別
- 一個出價金額範圍（每程機票嘅範圍可能唔同），你要喺呢個範圍內揀一個你願意俾嘅金額
- 以下圖嘅香港飛珀斯為例，喺Upgrade Bid由經濟艙upgrade去特選經濟艙嘅金額範圍係HK2,300至HK8,400, 你可以按自己budget出價, 而出價範圍就每程機都唔一樣，分分鐘平過直接出張特選經濟艙機票。
- 提交出價並輸入信用卡資料作預授權（只有出價獲接受先會真正扣款）
- 第三步，喺Upgrade Bid提交出價之後，國泰會喺起飛前最少 24 小時 email 通知你出價係咪成功。成功先會扣款，你可以喺起飛前 26 小時或以上修改／取消出價。
🔥即試Upgrade Bid：https://bit.ly/4sa7l1O
國泰特選經濟艙實測
我自己坐特選經濟艙成個體驗都幾舒服。座位同Leg Room比經濟艙闊落，加埋有擱腳板，想瞓覺、睇戲或者食餐飯都鬆動啲。
上個Trip就揀咗國泰Premium Econ，波音777-300ER客機採用 2-4-2 布局
座位算幾闊落同時有埋擱腳板，同Econ比舒服好多
特選經濟艙嘅Leg Room亦比Econ闊啲，完全唔會屈到腳
電視屏幕我度過約15.6吋，對比Econ嘅11.6屏幕，大約大 4 吋
座位兩邊分別有電話差電器同電視Remote
國泰智選升級Upgrade Bid｜常見問題FAQs
1.喺國泰智選升級出價後會唔會即時扣錢?
答：唔會，喺智選升級出價後，喺航班出發前50小時內隨時獲接受，再自動從你嘅信用卡扣錢。如果出價仲未獲接受,你亦可以喺航班預定出發前26小時之內隨時修改或取消。
2.國泰Upgrade Bid出價範圍係點決定?
每個航班都有一個獨立嘅預設出價範圍,你bid嘅價錢必須喺呢個範圍之內,而金額有可能隨時調整。最遲可以喺航班預定出發前26小時提交出價。有一點要留意,智選升級嘅費用係獨立計算,唔會同你原有機票嘅費用合併計算。
3.喺Upgrade Bid出價結果幾時通知我?幾時可以辦登機?
喺航班預定出發時間前重最少24小時就透過電郵通知你出價結果。重要！喺未收到結果電郵之前，記得唔好辦理登機手續，因為當你完成網上預辦登機,國泰就幫唔到你客艙upgrade。
4.成功grade後,我嘅旅程會有咩體驗?
出價成功後,你將喺已升級嘅航班上,享受到特選經濟艙或商務艙嘅完整體驗,包括升級機上餐飲、優先辦理登機手續及登機,而商務艙旅客更可享用貴賓室服務。不過要留意,你嘅行李限額同票價細則,依然跟返你原有機票嘅條款;「亞洲萬里通」里數及會籍積分亦會按原有機票計算,唔會因為升級而增加。
加入里先生已驗證內容為 Google 首選來源，減低出錯率！
