【日本航空貴賓室】大阪關西JAL Sakura Lounge！必食日式咖喱牛肉飯！坐國泰Business都入得！
【日本航空貴賓室】大阪關西JAL Sakura Lounge！必食日式咖喱牛肉飯！坐國泰Business都入得！
里小編終於出遊啦😭！今次同大家試下大阪關西機場嘅JAL Sakura Lounge！小編搭嘅係國泰Business，地勤俾嘅貴賓室邀請卡係叫你去North Lounge/Asuka Lounge嘅。但Asuka Lounge因為關西機場裝修嘅原因暫時關閉，所以張邀請卡實際上只可以入North Lounge。但睇開里先生嘅都知道同一個航空聯盟嘅Business客係可以入彼此嘅lounge。所以今次就同大家試曬兩個lounge。
先講結論，由於國泰機通常係北翼North Wing登機，所以如果想入JAL Sakura Lounge嘅朋友係需要搭無人列車兜路過南翼South Wing，時間都要預得鬆動啲。但個人覺得係值得嘅，因為JAL Sakura Lounge無論環境、嘢食、設備定舒適度都比North Lounge好好多。North Lounge嘅優點真係得個近字，一出lounge搭lift落一層就係國泰嘅boarding gate。
JAL Sakura Lounge最出名嘅一定係佢嘅日式咖喱牛肉飯，飯係由飯機幫你倒出嚟嘅，幾有趣味性。自己可以係機到揀返飯量。另外亦都可以試到有JAL自己調配嘅嘢飲JAL Sky Time，味道酸酸甜甜咁幾有趣，有興趣嘅朋友都可以試下。
記得呢間lounge唔係用信用卡入的，其他Lounge睇睇返點用信用卡免費入Lounge～
大阪關西JAL Sakura Lounge︱進入方法
- 所有oneworld嘅高級會員乘搭oneworld航班(Sapphire or Emerald)
- oneworld商務/頭等艙乘客(包括坐國泰Business Class都可以持票入)
- 合作航空公司商務/頭等艙乘客(中國東方航空、中國南方航空、新加坡航空、星宇航空、上海航空、夏威夷航空、越南航空、廈門航空、吉祥航空)
大阪關西JAL Sakura Lounge︱詳情
- 開放時間
- 7:30am至00:30am
- 位置
- 大阪關西機場南翼2樓(South Wing 2nd Floor)，Gate 37附近
大阪關西JAL Sakura Lounge︱圖文報告
JAL Sakura Lounge門口，小編搭早機所以喺門口等佢開門先無乜人。臨走嗰陣個lounge已經好full下。
座位環境
食物/飲品選擇
下圖左邊嗰部就係飯機，揀完飯量佢會自己倒俾你，玩味性十足！
Lounge入面有免費自助locker提供，個人幾鍾意咁嘅安排。唔使攞住行李周圍攞嘢食可以慢慢嘆。
Lounge入面有兩部免費按摩椅，試過幾舒服。大家都可以揼完骨嘆住咁上機。
大阪關西JAL Sakura Lounge常見問題
大阪關西JAL Sakura Lounge開放時間係幾點？
- 大阪關西JAL Sakura Lounge開放時間為7:30am至00:30am
大阪關西JAL Sakura Lounge喺邊到？
- 大阪關西JAL Sakura Lounge喺大阪關西機場南翼2樓(South Wing 2nd Floor)，Gate 37附近
點先入到大阪關西JAL Sakura Lounge？
- 所有oneworld嘅高級會員乘搭oneworld航班、oneworld商務/頭等艙乘客、合作航空公司商務/頭等艙乘客(中國東方航空、中國南方航空、新加坡航空、星宇航空、上海航空、夏威夷航空、越南航空、廈門航空、吉祥航空)都可以使用大阪關西JAL Sakura Lounge。
![HSBC信用卡比較[year]：滙豐信用卡優惠邊張多啲？申請邊張先好？](https://www.mrmiles.hk/wp-content/uploads/2024/01/hsbc-compare-300x200.jpg "HSBC信用卡比較[year]：滙豐信用卡優惠邊張多啲？申請邊張先好？")
