【OpenRice優惠實測報告】OpenRice外賣自取餐廳優惠+付款補貼+里數獎賞 星期一至日隨時享受折上折優惠❗️

OpenRice外賣自取功能最近就推出咗一系列嘅優惠等大家叫外賣都有啖好食，優惠包括有新客戶嘅迎新優惠、每日指定時間外賣優惠以及指定餐廳或信用卡優惠等等，而且OpenRice外賣自取服務現時已經有好多餐廳合作伙伴，無論日、韓、台、泰或西餐之外，唔少Coffee shop或茶飲店都可以係到搵到。現時精選餐廳更享低至5折優惠，大家下次諗唔到食咩個陣不妨打開OpenRice App搵下有咩餐廳有優惠，再配合埋OpenRice嘅優惠碼就可以用最抵價錢食到心水菜式！

另外，OpenRice最近仲加推埋外賣自取里數多重賞活動，想一簽多賺嘅話，記得要提前link埋「亞洲萬里通」賬戶，一邊賺折扣一邊賺里數啦！識玩嘅記得一定要配合埋里數信用卡簽賺，咁就可以抵上加抵啦！想睇埋優惠代碼，就睇：OpenRice外賣自取優惠代碼合集

---

【OpenRice外賣自取實測報告】

里先生一向都幾鐘意食中菜， 所以今次就揀咗食京川滬菜嘅金滿庭， 而家經OpenRice嗌外賣自取已經有7折優惠。 唔好以為有折通常都無咩選擇， 相反金滿庭無論係冷盤、小菜、包點、炒飯湯面及中式甜品樣樣有齊㗎！以下就同大家大約簡介下成個流程啦～

今期金滿庭經OpenRice落單叫外賣自取做緊7折優惠

由於選擇太多又咁抵食， 揀下一款又一款之下， 最後一共揀咗13款菜式

揀好心水菜式之後， 記得係埋單前輸入返適用優惠碼。啲優惠碼都幾快full ，當日大約6點落單已經有部分優優碼爆咗quota。

• 今次試咗「抗疫優惠」- 輸入優惠碼【TA15】即時扣減HK$15+賺到額外84里數(記得login返AsiaMiles 賬戶)
• 提提你** OpenRice嘅外賣自取部分餐廳有得選擇取餐時間，所以都建議大家早啲order定， 再係指定時間返去拎就唔怕用唔到優惠啦！

如果係新客戶首次落單仲會有埋迎新優惠，Visa、Master、AE等嘅信用卡都一樣HK$20折扣優惠。記得睇清楚有扣減到折扣優惠先埋單呀！

 

落單後會提供返取餐號碼，留意返頁面上嘅圖案跳去綠色嘅”可取餐“就拎得

當日叫得比較多餸都只係約30分鐘就可以取餐，侍應仲會好細心幫你對返單， 確保所有外賣都有執齊，唔洗因為漏單而要行兩次咁煩。

金滿庭外賣嘅質素都幾好， 當中招牌炒飯都算幾出色， 飯粒做到粒粒分明， 擔擔面嘅湯底亦有濃郁嘅花生味，啱哂鐘意花生味重嘅朋友。 小菜方面，回鍋肉，紅酒抄手同柚子雞球都做得幾唔錯㗎！現時外賣落單滿HK$400餐廳仲會送返一包口罩比你添～

整體嚟講， 經OpenRice 嘅外賣自取功能點餐流程都幾順利， 落單去到埋單嘅頁面都清晰易用， 當中最好就係可以預早點餐去指定時間先拎外賣，可以早啲安排好。再加上OpenRice 經常有唔同餐廳有折扣優惠，配合埋多款優惠碼一齊用，再加埋現時外賣賺里優惠嘅話， 隨時做到一簽多賺真係幾抵， 嚟緊Christmas 想同屋企人食好啲不妨都試下呢個功能啦！

如果首次用OpenRice外賣自取並消費滿$40，可以輸入里先生獨家優惠碼【MRMILES】，即減$20。名額有限，先到先得。

---

【OpenRice精選餐廳優惠】

Ruby Tuesday ：

經OpenRice嘅Ruby Tuesday嗌聖誕套餐 / 指定食品可享低至36折優惠！嚟緊Christmas未揀好食咩不妨考慮下Ruby Tuesday嘅聖誕套餐，咁就可以同屋企人安在家中歡聖誕！

Party Set（6-8人餐 & 10-12人餐)

Party Set（6-8人餐 & 10-12人餐)

迷你經典德國脆豬手

5安士芝士漢堡

露比燒排骨半份

品越越式料理：

今期經OpenRice係品越嘅外賣自取優惠可享低至半價優惠 (太古店除外)！料理集北越與南越嘅特色，即使而家要在家抗疫，冇得去旅行，食一餐飯就好似去左轉越南咁！

會安炸春卷

魷魚藕苗沙律

金菠蘿海鮮炒飯

---

【OpenRice 外賣自取攻略：按適用日期列表】

優惠適用日 Offer_Day	優惠 Offer_Require	折扣 Discount	優惠碼 Promo_code	優惠期至 Due_date	優惠詳情 Offer_Details
星期日、一、二	恒生Cash Dollars 優惠	買滿HK$80，每$1 Cash Dollars＝HK$2	無需優惠碼	2023.2.28	單一簽賬滿HK$80，每$1 Cash Dollars＝HK$2，最多可用$30 Cash Dollars
星期一至日	恒生額外Cash Dollars優惠	額外$8Cash Dollars	無需優惠碼	2023.2.28	付款餘額滿HK$80或以上，再賺額外$10Cash Dollars
星期一至日	恒生訂座額外Cash Dollars 優惠	滿HK$400即賺額外$8 Cash Dollars	無需優惠碼	2023.2.28	憑卡於OpenRice訂座﹐簽賬滿HK$400或以上，額外$10Cash Dollars
每日	外賣自取-BOC Pay	減HK$8	無需優惠碼	2022.12.31	以BOC Pay訂購外賣自取即減HK$8
每日	外賣自取-Mastercard	減HK$20	無需優惠碼	2022.12.31	逢星期三及五，以Mastercard訂購外賣自取滿HK$80即減HK$20
每日	外賣自取-迎新優惠	減HK$20	NEW20	2022.12.30	OpenRice會員首次以外賣自取，消費滿HK$40即享有1次減HK$20折扣。優惠名額有限，先到先得。
每日	外賣自取-港島區優惠	滿HK$50減HK$10	HK10	2022.12.31	於港島區外賣自取滿HK$50即減HK$10
每日	外賣自取-西區優惠	滿HK$50減HK$10	WEST	2022.12.31	於西區外賣自取滿HK$50即減HK$10
每日	外賣自取	滿HK$30減HK$8	MM77	2022.12.31	OpenRice會員首次以外賣自取，消費滿HK$40即享有1次減HK$20折扣。優惠名額有限，先到先得。
每日	外賣自取	滿HK$60減HK$30	HALF	2022.12.31	外賣自取滿HK$60即減HK$30
每日	外賣自取	滿HK$50減HK$10	EAT28	2022.12.31	外賣自取滿HK$50即減HK$10
每日	外賣自取	滿HK$60減HK$15	WEEK	2022.12.31	外賣自取訂早餐滿HK$50即減HK$10
每日	外賣自取	買早餐滿HK$10減HK$5	MORN	2022.12.31	外賣自取訂早餐滿HK$50即減HK$10

OpenRice優惠常見問題FAQs

如果想係OpenRice外賣自取，可唔可以選擇取餐時間？

答：可以呀！當你選擇好心水餐廳之後就可以揀返指定嘅取餐時間？

OpenRice嘅外賣優惠碼係點用㗎？

答：首先係OpenRice外賣自取功能搵間心水餐廳，再選擇返菜式，之後係下單頁面搵返「優惠碼」，之後輸入返適用優惠碼就會見到即時折扣優惠啦。

點解我輸入咗優惠碼或者用咗指定信用卡後都無優惠？

答：首先，係輸入優惠碼前要睇下優惠到期未，另外，好多優惠都有限定名額，先到先得，如果名額爆咗之後就享用唔到優惠。