【Aria Suite首航開箱Review+最新航線】國泰全新爾雅商務艙77J 航線Route 2025

Aria Suite 國泰全新爾雅商務艙

係上一代國泰Business Class真J我自己已經好滿意，每個位都係走道位，180度flat bed而空間配置合理，最優勝既係腳部空間感覺闊落要訓覺時都有足夠舒展空間，呢一點真係比起其他航空公司出色。而今代既Aria Suite 最大既亮點係係多咗道門增加私人空間，環顧新一代Business Class嚟講呢個配置都好必要，出嚟既結果都令人滿意。出咁多里數信用卡嚟儲里數都係為呢啲啫。

Aria Suite設計：保留上一代反魚骨式設計，1-2-1配置每個位都係走道位，仲多道趟門增加私隱度！座可變180度flat bed，瞓落去舒適度比上一代更高。

更多國泰優惠：國泰機票折扣優惠碼、國泰假期里數優惠

了解更多里數攻略：Asia Miles換機票教學，Asia Miles延期、Asia Miles改機票、Asia Mile兌換名單、信用卡積分換里數時間手續費、Asia Miles Upgrade 升級艙等攻略

Aria Suite 77J航線航點 Route

以里先生所知國泰目前有10架Aria Suite飛緊唔同航點：

有興趣想試下Aria Suite嘅朋友記得善用官網新功能或里數換領平台，鎖定有「Aria Suite」標籤嘅航班啦！

Aria Suite 77J 如何查票？

想試搭Aria Suite爾雅商務艙？以前想知邊班機係77J真係要靠經驗，撳開Seating Plan逐班機check。最近國泰出咗個新功能，只要喺官網到search機票，航班頁面到新加咗個Label「Aria Suite」，唔需要再用舊方法去撳開睇係咪77J啦！類似功能喺ANA到都有，先前book ANA The Room都係會寫返出嚟(即使用里數去換)方便客人識別返邊班機係The Room咁，國泰總算做咗出嚟。

1. 官網查票新功能：直接顯示「Aria Suite」標籤！

• 最新消息：國泰官網Search機票時，已經新加咗個Label「Aria Suite」！
• 如何操作： 喺官網揀選航班時，你會直接睇到航班旁邊有「Aria Suite」嘅標籤，唔需要再撳開Seating Plan！

舊有確認方法

如果發現新功能尚未完善，你仍然可以：

• 點選航班（下圖黃色Highlight區域）。
• 打開Seating plan。
• 如果座位配置係77J嘅1-2-1反魚骨設計，你就知道呢班機係Aria Suite啦！

Aria Suite首航體驗Review

國泰新Business Class 77J Aria Suite首航實測！10月18日北京飛香港，4:50pm起飛

我係即日來回的，去程坐新Premium Econ，回程坐Business。自費航班，無就是次飛行體驗收受任何利益，我張機票唔算貴，早決定而買外站出發嘅航班價錢幾抵，又滿足到我跑分升級嘅願望，都可話埋你知我仲有下班Aria Suite要搭用作跑分，所以有咩想知我又未寫到嘅話，歡迎你留言問我，下次搭時可以幫手留意返。

其實hard fact嚟講，片又好相又好早幾日我相信大家都睇咗好多，16號我都有出到fb post，我自己出完都覺得冷冰冰，今時今日拎份新聞稿稿俾AI做summary咪搞掂，個個都知多人咗道趟門，多咗USB-C，多咗無線充電，要搵返相信都好易搵到或者你去我早幾日嘅post到搵到。今日講多啲背景同首航體驗上嘅嘢。

Aria Suite背景

Aria Suite background我都可以share多少少我知嘅嘢，先前都有提過CX的Vivian Lo，你可以理解作佢係Aria Suite總設計師，佢講笑話自己有咗BB 6年最後Aria Suite終於都出世，我聽得出佢係俾咗好多心機去做，而有國泰其他同事share我知Vivian Lo係個好有要求嘅人，而Aria Suite出世前就住好多細位再去做改動出嚟嘅成品嚟。我自己幻想搞單咁嘅project有啲似搞裝修，工程嘢一做咗要改就好麻煩(有過裝修嘅朋友應該會明)，又要慳位又要好睇又要實用，上得機嘅都係客都係Aria Suite嘅使用者，而人人嘅要求或著眼點都唔同，真係講咁易咩。

里先生首航Aria Suite體驗感受

搭完第一次之後我覺得Vivian Lo呢個「裝修project 」係成功嘅，我作為第一次嘅使用者我係覺得有amazing到我，有啲細緻位去使用去感受果陣會有個反應「又幾好喎，細心」。我堅覺得即使我俾你睇完相都唔會太知我refer緊啲乜，到你去體驗果陣可以去感受下，以下我照寫我嘅感受先。

里先生把尺係邊？

環顧我自己有記憶嘅premium aviation product，簡單幾句：Emirates first class有wow factor機上沖涼但試過1次沖最多5分鐘我又唔覺好實用，好早搭過Qsuite玩趟門Business Class合併床(但我單支玩)，ANA The Room夠大夠型係型但衰咗係個腳位到。瑞士航空J最近有搭過但完全無wow。

Aria Suite有咩Amazed我？

Aria Suite 國泰官網介紹：https://bit.ly/4nYD8Px

我覺得Aria Suite個螢幕系統好Amazing，唔係講緊個hard fact 24吋4K mon，而係個Mon掌管貫穿晒成個航空體驗，係其他航空公司嘅product上面我係從未感受過呢樣嘢。IFE國泰一向都強，今次Aria Suite係將呢個強項extend埋落航空體驗上面，包括座位，燈光，去洗手間等，以下例子：

• 分咗5個mode係螢幕撳個掣就轉燈光同坐姿，就咁睇我一開始都以為咪又係果啲，新聞稿做乜吹咁大啊，但到用落成個無縫使用感真係正
• 主畫面有條Bar睇住飛到咩高度會做啲咩，我覺得係很好interaction嚟
• 隨時睇到廁所使用狀況，唔使注意住個洗手間

硬件upgraded，係considerate嘅

高質硬件包括 Flat bed夠大夠空間，地櫃無縫配合床位預留埋角位伸展，大讚扶手位可以前後上下移動多功能，4K大Mon，機外超高清鏡頭，藍牙連到Airpod感覺乾淨，無線叉電(要對得好準先叉到)，USB-C位，枱面隱藏櫃放細件貴重嘢，個人化柔和燈。

廁所都係新Design，洗手同沖廁都係免觸式，垃圾桶都加咗個腳踏

Aria Suite首航食乜？

首航有鮑魚瑤柱冬菇食！不過我覺得係首航加咗料無乜代表性，國泰dining暫時都係果啲啦，你清楚過我

其他/服務

居然有派拖鞋，我問crew話大陸線J都想咁做唔知真唔真，我少飛大陸。首航仲有過夜包同啲擺設送，regular 應該無的。服務都唔特別講多了，同平時差唔多，nice crew廣東話親切，啲嘢我覺得係做足的