🛡️ 為什麼經里先生 (MrMiles.hk) 申請最安心、賺更多？
✅ FPS 轉數快現金直派回贈 (賺 FPS)
告別慢吞吞又受限制的禮券！賺取的「里賞金」即可申請轉數快直接存入戶口，真金白銀最實在。
✅ 全港獨家 T&C 條款快照 (留條款)
成日申請完唔記得迎新條件？經里先生申請並提交申領額外禮品，系統即時自動存檔當時的官方條款 PDF 快照至你的會員後台，隨時重查，唔使甩拖。
✅ 會員升級 1.05x 溢價 (越申請越賺)
每次申請自動累積「里程段 Sector」，升級至鑽石級會員更可享 1.05x 提現加碼 (額外賞 5%)，里賞金沒有到期日！
永久免年費信用卡2026及豁免年費方法大公開！整埋份waive年費電話熱線快捷鍵(Hotline shortcut)/手機App Live Chat教學！渣打/HSBC/恒生/DBS/AE/Citi都有得免年費！我自己實測過滙豐豁免年費HSBC app嘅Live chat已可以申請，唔再需要打年費豁免電話熱線！信用卡年費問題經常被問，唔知邊張信用卡要俾年費，俾又唔知俾幾多，想waive又唔知可以點做。我自己都好明白所以今次就整返個信用卡免費攻略，一表可以睇哂各大信用卡嘅年費同豁免年費優惠，仲會介紹返幾張永久免年費嘅信用卡(有寫到明)俾大家。
其他信用卡費用豁免攻略：信用卡逾期及財務費用攻略
信用卡免年費攻略︱索引
- 邊張信用卡永久免年費？
- 熱門信用卡年費、有咩豁免條件？
- 第二年持卡續年免年費攻略
- 額免信用卡年費方法 (Live Chat 及 Hotline Shortcut)
- 不能豁免年費信用卡
- 免年費信用卡常見問題FAQs
2026 邊張信用卡永久免年費？
市面上有部分卡做到永久免年費，連打去hotline waive呢一步都唔使。免年費信用卡門檻一段都親民啲，部分係主婦、學生申請都會批，以下係2026永久免年費信用卡：
| 永久免年費信用卡 | 主要賣點 |
| HSBC Red信用卡 | 指定商戶8%回贈、網購4%回贈 |
| HSBC 滙財金卡(學生卡) | 交學費2.4%回贈、學生入門玩獎賞錢 |
| 中銀Chill Platinum Mastercard | 指定Chill商戶8%回贈、網購4%回贈 |
| Mox Credit Card | 全港超市無上限3%回贈、0%外幣交易手續費 |
| 渣打Smart信用卡 | 指定商戶5%回贈、0%海外、外幣交易手續費 |
| AE Essential信用卡 | 低門檻AE入門卡 |
| 恒生MMPOWER卡 | 指定商戶8% +FUN Dollar、網購5% +FUN Dollar、外幣4% +FUN Dollar |
| 恒生enJoy卡 | 玩yuu積分必備 |
| 恒生Travel+卡 | 指定外幣實體簽賬7%+FUN Dollar、其他外幣及本地餐飲5%+FUN Dollar |
| 恒生MUJI卡 | Muji fans必備，可儲Muji Dollars |
| 恒生 – 大學/大專聯營信用卡 | 交學費2.4%回贈 |
| AEON Card Purple | 本地餐飲、交通及於AEON無消費門檻高達 6%手機支付回贈 |
| AEON CARD WAKUWAKU | 網上簽賬 6% 回贈、日本簽賬 3% 回贈 |
| 建行(亞洲)eye信用卡 | 本地餐飲、外賣平台及交通簽賬高達11%現金回贈 |
| 渣打A. Point Card | AlipayHK 轉賬免手續費、淘寶簽賬20倍A.Point |
2026 熱門信用卡年費
大部分信用卡都做到首年/首兩年免年費，而過咗之後，有部分卡需要續年經手機App live chat/打去hotline就可以waive年費，亦有部分信用卡係需要符合條件(例如：簽夠指定金額／持有指定戶口）先可以豁免年費)
| 豁免年費信用卡 | 年費 | 豁免年期 |
| AE Explorer信用卡 | $2,200 | 首年 |
| AE Blue Cash信用卡 | $980 | 首年 |
| 渣打國泰Mastercard (綠卡) | HK$2,000 | 首年 |
| 渣打Simply Cash | HK$2,000 | 首年 |
| HSBC easy信用卡 | HK$1,800 | 首兩年 |
| HSBC Visa Signature | HK$2,000 | 首兩年 |
| HSBC EveryMile 信用卡 | HK$2,000 | 首年 |
| HSBC滙財金卡 | HK$600 | 首兩年 |
| HSBC Pulse銀聯雙幣鑽石信用卡 | HK$1,800 | 首兩年 |
| 中銀 Chill World Mastercard | HK$3,800 | 首年 |
| 中銀 Bliss Card | HK$3,800 | 首年 |
| 中銀Cheers卡 | HK$2,000 (Visa Signature) / HK$ 3,800 Visa Infinite | 首年 |
| 大新ONE+信用卡 | HK$3,000 | 首兩年 |
| 大新英航白金卡 | HK$1,800 | 首兩年 |
| 大新ANA卡 | HK$1,200 | 首兩年 |
| 安信Earn MORE | HK$1,500 |
首兩年/首五年(全日制大學生）
|
| 安信WEWA | HK$1,500 |
首兩年/首五年(全日制大學生）
|
信用卡年費豁免有咩條件？
好多時大家都以為只要每年夠期打去hotline就可以waive到年費，不過其實有部分信用卡係需要符合指定要求先得，以下我就幫大家搵咗啲銀行有條款寫明豁免年費要求嘅信用卡：
| 信用卡 | 年費 | 續年豁免年費要求 |
| 滙豐EveryMile信用卡 | HK$2,000 | 第二年開始，每年簽$80,000以上 |
| AE Explorer卡 | HK$2,200 | 第二年開始，每年簽$150,000以上 |
| 渣打國泰Mastercard (藍卡) | HK$4,000 | (藍卡)成為優先理財客戶，並於每曆月維持HK$1,000,000或以上之可豁免年費。 |
| 渣打國泰Mastercard (黑卡) | HK$8,000 | (黑卡)成為優先私人理財客戶，並於每曆月維持HK$8,000,000或以上，可豁免年費 |
| 中銀 Chill World Mastercard | HK$3,800 | 第二年起，於收取年費時持有中銀香港個人/ 聯名的儲蓄或往來賬戶，可獲年費豁免 |
| 中銀 Bliss Card | HK$3,800 |
第二年起，於收取年費時持有中銀香港個人/
聯名的儲蓄或往來賬戶，可獲年費豁免 |
第二年持卡續年免年費攻略
市場上大部份信用卡到咗第二年續年都會收年費，不過打電話/用Live Chat好多時都可以waive到年費。有時要搵返個電話熱線出嚟都幾麻煩，所以下面整埋個各大銀行免年費電話熱線/Live Chat嘅整合表俾大家用！
至於點解銀行會waive到第二年年費俾你呢？因為月結單上年費係收取緊第13至24個月的年費（paid in advance），啫係收緊「來年」的年費。如果你選擇唔繼續用該信用卡的話，銀行係唔會收到你年費的，我敢講香港所有銀行都係咁玩法。下文就教你4個免俾信用卡年費嘅方法。
第二年持卡續年：四大豁免信用卡年費方法
- 簽夠幾多就免(寫咗係條款度): 當年度簽賬滿指定金額可以免到(例如：HSBC年費豁免)，會自動waive。留意簽唔夠唔代表免唔到，一樣可以用返下面方法2打去問一問。
- 打去hotline申請waive(最簡單都係市場上大部份銀行做法): 第十二個月見到Statement收咗年費打去銀行熱線，依家好多用電話錄音就免到。真人CS聽一樣都容易waive到，禮貌地問就得唔洗講粗口架。個人經驗，我自己有幾十張卡，除咗AE白金卡(細頭)/AE白金信用卡(大頭)/Citi Prestige，其他信用卡都無需要俾年費，每一年都成功申請waive到。
- Cut Card: 如上文提到銀行係收緊「來年」的年費，我根本就未用未來呢12個月嘅服務，又何來要俾費用呢，是咪？(根據金管局個「監管政策手冊」，年費係每年年頭收，即係預繳未來12個月嘅服務費)，據我了解，多數銀行玩法都係咁：
- 第12個月未見年費，打去唔繼續用該銀行服務，張statement都唔會收年費，成功取消到卡
- 第13個月收咗年費先唔再用該銀行服務，個年費唔洗找，只需要清埋你碌咗果啲錢
- 第14個月去交埋年費先取消，咁呢個情況要搞退
- 如圖中讀者俾我的AE Blue Cash就係第13個月打去要求免，咁個年費就唔洗收繼續用到張卡。年費唔可怕，最怕你唔check statement被收咗都唔知（雖然我都有漏過，試過最長半年後打返去都免到）。
- 金管局「監管政策手冊」：https://www.hkma.gov.hk/media/chi/doc/key-functions/banking-stability/supervisory-policy-manual/CR-S-5-Ch.pdf
- 開戶口免年費: 近年多咗銀行咁做，例如渣打兩張卡的信用卡條款上有寫有渣打出糧戶口/Premium/Priority戶口可以免信用卡年費，東亞就早幾年已經行呢套，有最低級戶口放有得免信用卡年費，又被笑稱交HK$5,000抵押金免年費
點樣豁免信用卡年費？
想豁免信用卡年費主要方法有兩個，1) 經銀行手機App Live Chat申請 同 2) 打電話熱線hotline shortcut，我個人就鐘意用Live Chat，一嚟快過打電話，二嚟有得cap screen留record俾自己，不過暫時唔係所有銀行都有Live Chat。以下就整合各大銀行額免年費Live Chat 教學同hotline shortcut。
豁免信用卡年費｜手機App Live Chat
| 銀行 | 銀行App Live Chat 步驟 |
| 滙豐銀行 (HSBC) | 登入HSBC HK App > 揀「支援」> Chat with us」 > 輸入「申請信用卡年費豁免」 |
| 渣打銀行 (SCB) | 登入SC Mobile App > 揀「服務」>「服務申請」>「提款卡/信用卡」>「豁免信用卡服務收費」 |
| 恒生銀行 (HASE) | 登入恒生手機App > 於主選單揀「聯絡我們」>「恒生智能助理HARO」> 輸入「豁免信用卡年費」> 選擇「在線通訊」聯絡客戶服務主任 |
| 花旗銀行 (Citi） | 登入Citi App > 「協助」>揀「Messaging服務」> 輸入「豁免信用卡年費」 |
| 星展銀行 (DBS) | 登入DBS App > 於右上角揀「Chat」>輸入「豁免信用卡年費 > 揀返要waive邊張卡 |
| 安信 (Prime Credit) | 登入安信App >按右下角小幫手>開始對話>輸入「豁免信用卡年費 |
豁免信用卡年費｜熱線Short Cut
| 銀行 | 電話熱線號碼 | 電話熱線Short Cut |
| 滙豐銀行 (HSBC) | 2233 3000 | 1 > 4 > 1 > 4 > 信用卡16位號碼 |
| 渣打銀行 (SCB) | 2886 4111 | 1 > 2 > 1> 1> 信用卡16位號碼 |
| 恒生銀行 (HASE) | 2398 0000 | 1 > 5 > 信用卡16位號碼 |
| 美國運通 (AE) | 2277 1010 |
1 > 信用卡15位號碼 > 0 >客戶服務
|
| 花旗銀行 (Citi） | N/A | – |
| 星展銀行 (DBS) | 2290 8877 | 1 > 1 > 信用卡16位號碼 > SMS收OTP >1 |
| 大新銀行 (Dah Sing) | 2828 8168 | 6 > 信用卡16位號碼 > 身份証明文件首6個號碼 |
| 東亞銀行 (BEA) | 3608 6628 | 1 > 3 > 信用卡16位號碼 > 3 >1 |
| 中國銀行 (BoC) | 2853 8828 | 1 > 1 > 身份証明文件首6個號碼 |
| 信銀國際 (Citic) | 2280 1288 | 3 > 3 > 賬戶號碼 |
| AEON | 2895 6262 | 0 > 客戶服務 |
| 安信 (Prime Credit) | 2111 2999 | 3 > 8 >客戶服務 |
| 永隆銀行 | 2309 5555 | 4 >＃ >客戶服務 |
| 工商銀行 | 2189 5588 | 6 > 信用卡16位號碼 |
| 交通銀行 | 2239 5559 | 1 > 1 > 0 >客戶服務 |
| 上海商業銀行 | 2818 0282 | 3 > 8 > 客戶服務 |
出咗月結單仲waive到年費嗎？
只要喺月結單繳款到期日(Payment Due Date)前經手機app/打去銀行hotline申請豁免，都仲有機會waive到。已經收咗嘅年費會以Credit 方式退返落你張卡度。因為年費喺賬單出現只係「入賬」，未到「找數」嗰步。
不能豁免年費信用卡
雖然市面大部分信用卡都做到永久免年費或者有首年免年費，但有幾張比較高階嘅信用卡就寫到明年費必須俾無得waive，不過呢類卡嘅benefit同回贈亦相對多啲，例如可以入到高級啲嘅機場Lounge、全年旅遊遊保障、餐飲credit等禮遇。
【永久免年費信用卡2026】常見問題FAQs
2026年有邊幾張信用卡係永久免年費？
滙豐 Red信用卡、渣打 Smart信用卡、恒生 MMPOWER卡、恒生 Travel+卡、中銀 Chill Platinum Mastercard、Mox Credit Card 及 AEON CARD WAKUWAKU 均提供永久免年費優惠。
滙豐銀行信用卡點樣經 App 申請豁免年費？
滙豐銀行客戶可以登入 HSBC HK App，選擇「支援」後點擊「Chat with us」，並輸入「申請信用卡年費豁免」提交申請。
渣打銀行信用卡點樣經 App 申請豁免年費？
渣打銀行客戶可以登入 SC Mobile App，選擇「服務」，再依次點擊「服務申請」、「提款卡/信用卡」及「豁免信用卡服務收費」進行申請。
滙豐 EveryMile 信用卡第二年起豁免年費有咩條件？
滙豐 EveryMile 信用卡持有人由持卡第二年起，每年累積簽賬額需要達到 HK$80,000 或以上，先可以獲得自動豁免年費。
有邊幾張信用卡唔可以豁免年費？
美國運通白金信用卡、美國運通白金卡、美國運通 Centurion 黑卡、Citi Prestige 信用卡及 HSBC Privé 信用卡均設有硬性年費，無法申請豁免。
